| ᠰᠢᠭᠦᠳᠡᠷᠢ ᠪᠠᠨ ᠡᠷᠭᠦᠵᠦ ᠨᠠᠷᠠᠨ ᠵᠦᠭ ᠤᠷᠭᠤᠬᠤ ᠲᠠᠯᠠ ᠶᠢᠨ ᠢᠶᠠᠨ ᠨᠣᠭᠤᠭᠠᠨ ᠡᠪᠡᠰᠦᠨ ᠳᠤ ᠪᠢ ᠬᠠᠶᠢᠷᠠᠲᠠᠢ᠃ | ᠰᠠᠯᠬᠢᠨ ᠢᠶᠠᠷ ᠦᠨᠦᠰᠦᠭᠦᠯᠵᠦ ᠴᠡᠩᠬᠡᠷ ᠤᠰᠤᠨ ᠰᠢᠭ᠋ ᠬᠠᠯᠭᠢᠯᠠᠨ ᠱᠤᠤᠭᠢᠭᠠᠳ ᠳᠣᠲᠣᠷᠠ ᠨᠢ | ᠲᠠᠶᠢᠳᠬᠤᠷᠠᠬᠤ ᠳᠤᠨᠢ ᠪᠢ ᠳᠤᠷᠠᠲᠠᠢ᠃ | ᠳᠡᠯᠡᠬᠡᠢ ᠪᠦᠷᠬᠦᠵᠦ ᠴᠡᠯ ᠬᠥᠬᠡᠷᠡᠭᠰᠡᠨ ᠴᠦ ᠡᠭᠡᠯ ᠪᠣᠷᠣᠭᠵᠢᠭᠤᠨ᠂ ᠡᠩ ᠶᠡᠷᠦᠮᠳᠡᠭ ᠵᠠᠩ ᠴᠢᠨᠠᠷ ᠨᠢ | ᠬᠥᠭᠡᠷᠦᠬᠦᠢ ᠮᠠᠯᠴᠢᠨ ᠠᠪᠤ ᠶᠢᠨ ᠨᠠᠮ ᠳᠠᠷᠤᠤ ᠠᠷᠠᠨᠰᠢᠨ ᠲᠠᠢ ᠶᠠᠭᠠᠬᠢᠭᠰᠠᠨ ᠲᠥᠰᠥᠭᠡᠲᠡᠢ ᠠᠵᠢ︖ ᠬᠠᠳᠤᠵᠤ | ᠭᠢᠷᠠᠭᠠᠬᠰᠠᠨ ᠴᠦ ᠲᠠᠭᠢᠵᠦ ᠤᠷᠭᠤᠨᠠ᠃ ᠦᠨᠳᠦᠰᠦ ᠨᠢ ᠬᠥᠷᠥᠰᠥᠨ ᠳᠤ ᠭᠦᠨ ᠬᠠᠳᠬᠤᠭᠰᠠᠨ ᠤ ᠬᠢ ᠶᠤᠮ ᠤᠤ︖ | ᠡᠰᠡᠬᠦᠯᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠲᠥᠯᠥᠭᠡ ᠲᠡᠭᠡᠵᠦ ᠯᠡ ᠢᠳᠡᠷᠡᠭᠦᠨ ᠤᠷᠭᠤᠭᠠ ᠴᠦ ᠶᠤᠮ ᠤᠤ︖ | ᠡᠬᠡ ᠶᠢᠨ ᠮᠢᠨᠢ ᠥᠭᠭᠢᠶᠡᠮᠦᠷ ᠴᠠᠭᠠᠨ ᠬᠠᠶᠢᠷᠠ ᠡᠪᠡᠰᠦᠨ ᠳᠤ ᠪᠤᠢ᠃ ᠡᠷᠡᠮᠡᠬᠡᠢ ᠳᠠᠶᠢᠴᠢᠳ ᠤᠨ ᠪᠠᠭᠠᠲᠤᠷᠯᠢᠭ | ᠵᠣᠷᠢᠭ ᠰᠠᠨᠠᠭᠠ ᠡᠪᠡᠰᠦᠨ ᠳᠤ ᠪᠤᠢ᠃ ᠡᠷᠬᠡ ᠴᠢᠯᠦᠭᠡ᠂ ᠡᠩᠬᠡ ᠲᠠᠶᠢᠪᠤᠩ᠂ ᠡᠪ ᠬᠠᠮᠲᠤ ᠨᠡᠶᠢᠭᠡᠮ ᠤᠨ ᠲᠠᠪᠰᠢᠬᠰᠠᠨ | ᠪᠣᠯᠪᠠᠰᠤᠨ ᠤᠬᠠᠮᠰᠠᠷ ᠴᠦ ᠡᠪᠡᠰᠦᠨ ᠳᠤ ᠪᠤᠢ᠃ | ᠬᠠᠪᠤᠷ ᠲᠠᠭᠠᠨ ᠤᠷᠭᠤᠵᠦ ᠨᠠᠮᠤᠷ ᠦᠷᠡᠯᠡᠬᠦ ᠨᠢ ᠲᠡᠭᠦᠨ ᠤ ᠣᠷᠣᠰᠢᠬᠤᠢ ᠶᠢᠨ ᠤᠬᠠᠭᠠᠨ᠃ ᠬᠡᠵᠢᠶᠡᠳᠡ | ᠤᠶᠢᠳᠬᠠᠷᠯᠠᠬᠤ ᠶᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠠᠰᠤᠩᠭᠤᠢ ᠣᠪᠣᠷ ᠢ ᠨᠢ ᠰᠠᠨᠠᠬᠤ ᠠᠴᠠ ︽ᠪᠤᠷᠬᠠᠨ ᠤ ᠪᠦᠷᠢᠯᠸᠠ ᠴᠦ ᠶᠤᠮ | ᠤᠤ︖︾ ᠭᠡᠵᠦ ᠪᠢ ᠳᠣᠲᠣᠷᠠ ᠪᠠᠨ ᠦᠷᠭᠦᠯᠵᠢ ᠪᠤᠳᠤᠨᠠ᠃ ᠡᠪᠡᠰᠦᠨ ᠳᠤ ᠮᠡᠳᠡᠷᠡᠮᠵᠢ ᠪᠤᠢ᠃ ᠥᠪᠡᠷ ᠤᠨ | ᠭᠡᠳᠡᠭ ᠬᠦᠰᠡᠯ ᠪᠤᠢ᠃ ᠦᠨᠡᠨ ᠢ ᠰᠢᠲᠦᠳᠡᠭ ᠰᠡᠳᠬᠢᠯᠭᠡ ᠪᠤᠢ᠃ | ᠦᠷ ᠢᠶᠠᠷ ᠪᠣᠰᠴᠤ ᠡᠪᠡᠰᠦ ᠶᠢ ᠬᠠᠷᠠᠭᠠᠴᠢ᠂ ᠬᠥᠮᠥᠰ ᠠ᠋︕ ᠬᠠᠷᠢᠯᠴᠠᠨ ᠨᠠᠯᠠᠵᠤ ᠬᠠᠮᠲᠤ ᠪᠠᠷ ᠶᠠᠷᠢᠯᠴᠠᠵᠤ | ᠪᠠᠶᠢᠭᠠ ᠶᠢ ᠨᠢ ᠴᠢᠩᠨᠠᠭᠠᠴᠢ︕ ᠡᠪᠡᠰᠦᠨ ᠤ ᠦᠭᠡ ᠭᠡᠯᠡ ᠭᠡᠵᠦ ᠶᠣᠰᠣᠲᠠᠢ ᠤᠳᠬᠠ ᠭᠦᠨᠵᠡᠭᠡᠢ ᠁ | ᠬᠥᠮᠥᠨ ᠨᠢ ᠬᠥᠮᠥᠨ ᠢᠶᠠᠨ ᠡᠷᠭᠦᠬᠦ᠂ ᠠᠭᠤᠯᠠ ᠨᠢ ᠮᠣᠳᠣ ᠪᠠᠨ ᠡᠷᠭᠦᠬᠦ ᠬᠥᠮᠥᠨ ᠵᠤᠨ ᠤ ᠤᠬᠠᠭᠠᠨ ᠪᠤᠳᠤᠯ | ᠡᠪᠡᠰᠦᠨ ᠳᠤ ᠪᠠᠶᠢᠭᠠ ᠶᠢ ᠲᠠ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠪᠢᠰᠢᠷᠡᠨ ᠪᠠᠭ᠋ᠠᠷᠬᠠᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ᠃ | ᠤᠳᠤ ᠲᠦᠭᠡᠵᠦ᠂ ᠰᠠᠷᠠ ᠲᠡᠷᠭᠡᠯᠰᠢᠭᠰᠡᠨ ᠰᠥᠨᠢ᠃ ᠡᠪᠡᠰᠦᠨ ᠤ ᠤᠩᠭᠤᠨ ᠰᠦᠨᠡᠰᠦ ᠠᠴᠠ ᠭᠡᠷᠡᠯ ᠰᠠᠴᠤᠷᠠᠨᠠ | ᠃ ᠲᠡᠭᠦᠨ ᠢ ᠣᠶᠢᠯᠠᠭᠠᠬᠤ ᠦᠭᠡᠢ ᠬᠥᠮᠥᠰ ︽ᠰᠢᠭᠦᠳᠡᠷᠢ ᠶᠢᠨ ᠭᠠᠯ︾ ᠭᠡᠳᠡᠭ᠃ ᠪᠢᠰᠢ︕ ᠲᠡᠷᠡ ᠴᠢᠨᠢ | ᠡᠪᠡᠰᠦᠨ ᠤ ᠮᠥᠩᠬᠡ ᠶᠢᠨ ᠠᠮᠢ ᠪᠦᠯᠦᠭᠡ᠃ | ᠡᠪᠡᠰᠦᠨ ᠤ ᠬᠠᠯᠭᠢᠶᠠ ᠳᠤ ᠠᠭᠠᠷ ᠴᠡᠯᠮᠡᠭᠰᠢᠨᠡ᠂ ᠬᠤᠭ ᠲᠣᠭᠤᠰᠣ ᠳᠠᠷᠤᠭᠳᠠᠨᠠ᠂ ᠭᠠᠵᠠᠷ ᠰᠢᠷᠣᠢ ᠭᠤᠸᠠ | ᠦᠵᠡᠰᠭᠦᠯᠡᠩ ᠢᠶᠠᠨ ᠭᠠᠶᠢᠬᠠᠭᠤᠯᠤᠨᠠ᠃ ᠭᠤᠯᠢᠶᠠ ᠠᠵᠠ ᠵᠢᠷᠭᠠᠯ ᠤᠨ ᠡᠭᠡᠰᠢᠭ ᠲᠠᠢ ᠵᠢᠷᠭᠢᠨᠡ᠃ ᠥᠨᠳᠡᠭᠡ ᠪᠠᠨ | ᠨᠡᠪᠴᠢᠭᠦᠯᠦᠭᠰᠡᠨ ᠲᠣᠭᠤᠷᠤᠤ ᠤᠶᠠᠩᠭᠠ ᠳᠠᠭᠤᠤ ᠲᠠᠢ ᠳᠣᠩᠭᠤᠳᠤᠨᠠ᠃ | ᠬᠥᠷᠥᠰᠥ ᠪᠠᠨ ᠴᠢᠮᠡᠵᠦ᠂ ᠬᠥᠬᠡᠷᠡᠵᠦ ᠤᠷᠭᠤᠬᠤ ᠡᠪᠡᠰᠦ ᠰᠠᠶᠢᠬᠠᠨ᠃ ᠬᠠᠮᠢᠭᠠ ᠭᠦᠷᠦᠭᠰᠡᠨ ᠴᠦ ᠪᠢ | ᠴᠢᠮᠠ ᠪᠠᠨ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠬᠠᠮᠢᠭᠠ ᠭᠦᠷᠦᠭᠰᠡᠨ ᠴᠦ ᠴᠢ ᠨᠠᠮᠠ ᠠᠴᠠ ᠪᠠᠨ ᠵᠠᠶᠢᠳᠠᠵᠤ ᠦᠵᠡᠭᠡ | ᠦᠭᠡᠢ᠃ ᠰᠦ ᠲᠠᠢ ᠴᠠᠢ ᠪᠠᠨ ᠪᠠᠯᠭᠤᠬᠤ ᠪᠦᠷᠢ ᠴᠢᠮᠠ ᠪᠠᠨ ᠰᠠᠨᠠᠵᠤ ᠬᠠᠶᠢᠷᠠᠯᠠᠳᠠᠭ ᠰᠠᠨ᠃ ᠁ | ᠡᠬᠡ ᠣᠷᠣᠨ ᠤ ᠮᠢᠨᠢ ᠠᠯᠳᠠᠨ ᠬᠥᠷᠥᠰᠥᠨ ᠳᠤ ᠮᠥᠩᠬᠡ ᠶᠢᠨ ᠠᠮᠢ ᠲᠠᠢ ᠤᠷᠭᠤᠬᠤ ᠡᠪᠡᠰᠦᠨ ᠠᠴᠠ ᠨᠠᠷᠠᠨ ᠤ | ᠦᠨᠦᠷ ᠠᠩᠬᠢᠯᠵᠤ ᠰᠡᠩᠭᠢᠨᠡᠨᠡ᠃ | ᠪᠢ ᠳᠤᠷᠠᠲᠠᠶᠠ ᠨᠢᠭᠡᠨ ᠰᠢᠷᠬᠡᠭ ᠡᠪᠡᠰᠦ ᠪᠣᠯᠵᠤ ᠬᠤᠪᠢᠯᠤᠨᠠᠮ⁈ | ᠴᠢᠯᠠᠭᠤ ᠪᠣᠯ ᠴᠢᠨᠠᠷ᠃ ᠴᠢᠳᠠᠪᠠᠯ ᠬᠡᠨ ᠠᠯᠢᠨ ᠢᠶᠠᠨ ᠡᠷᠭᠦ ᠭᠡᠰᠡᠨ ᠦᠭᠡ᠃ ᠴᠠᠭᠢᠯᠵᠦ ᠥᠩᠭᠡᠷᠡᠭᠰᠡᠨ ᠣᠨ | ᠵᠢᠯ ᠤᠨ ᠨᠠᠮᠲᠠᠷ᠃ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠲᠠᠢ ᠳᠡᠭᠡᠳᠦᠰ ᠤᠨ ᠮᠢᠨᠢ ᠥᠪ ᠪᠣᠯᠭᠠᠨ ᠦᠯᠡᠳᠡᠭᠡᠭᠰᠡᠨ ᠰᠤᠳᠤᠷ᠃ | ᠤᠵᠠᠭᠤᠷ ᠴᠠᠭ ᠤᠨ ᠵᠡᠪᠰᠡᠭ᠂ ᠥᠨᠥᠳᠥᠷ ᠤᠨ ᠪᠠᠭ᠋ᠠᠷᠬᠠᠯ᠃ | ᠪᠢ ᠬᠠᠰ ᠤᠨ ᠥᠩᠭᠡ ᠲᠠᠢ ᠴᠢᠯᠠᠭᠤ ᠤᠳᠤ ᠰᠢᠭ᠋ ᠲᠦᠭᠡᠭᠰᠡᠨ ᠨᠤᠲᠤᠭ ᠲᠤ ᠲᠦᠷᠦᠵᠦ ᠥᠰᠦᠭᠰᠡᠨ ᠤ ᠬᠢ | ᠴᠦ ᠶᠤᠮ ᠤᠤ︖ ᠲᠡᠭᠦᠨ ᠳᠤ ᠣᠨᠴᠠ ᠶᠢᠨ ᠤᠷᠮᠠ ᠰᠡᠳᠬᠢᠯᠭᠡ ᠲᠠᠢ᠃ ᠭᠡᠲᠡᠯᠡ ᠠᠩᠬᠠ ᠬᠥᠯ ᠳᠤ ᠣᠷᠣᠵᠤ | ᠮᠦᠢᠳᠤᠷ ᠲᠦᠢᠲᠤᠷ ᠠᠯᠬᠤᠬᠤ ᠳᠠᠭᠠᠨ ᠴᠢᠯᠠᠭᠤᠨ ᠳᠤ ᠪᠦᠳᠦᠷᠢᠵᠦ᠂ ᠡᠪᠦᠳᠦᠭ ᠢᠶᠠᠷ ᠢᠶᠠᠨ ᠳᠠᠷᠤᠵᠤ | ᠤᠨᠠᠬᠤ ᠳᠠᠭᠠᠨ ᠤᠬᠢᠯᠠᠵᠤ ᠬᠠᠶᠢᠯᠠᠭᠠᠳ ᠰᠢᠳᠦ ᠪᠠᠨ ᠵᠠᠭᠤᠵᠤ ᠪᠠᠶᠢᠭᠰᠠᠨ ᠦᠯᠢᠭᠡᠷ ᠲᠠᠢ ᠭᠡᠵᠦ ᠡᠵᠢ ᠶᠠᠷᠢᠬᠤ | ᠪᠣᠯᠭᠠᠨ ᠬᠥᠬᠦᠷᠡᠨ ᠢᠨᠢᠶᠡᠵᠦ ᠭᠠᠷᠳᠠᠭ᠃ ᠤᠳᠤ ᠪᠤᠳᠤᠪᠠᠯ ᠥᠪᠡᠷ ᠢᠶᠠᠨ ᠴᠦ ᠪᠢ ᠲᠡᠰᠬᠡᠯ ᠦᠭᠡᠢ ︽ᠫᠦᠰ︾ | ᠭᠡᠲᠡᠯᠡ ᠢᠨᠢᠶᠡᠳᠡᠭ ᠶᠤᠮ᠃ | ᠦᠨᠡᠨ ᠳᠡᠭᠡᠨ ᠴᠢᠯᠠᠭᠤ ᠪᠣᠯ ᠮᠢᠨᠤ ᠤᠤᠭᠠᠨ ᠪᠠᠭᠰᠢ᠃ ᠨᠠᠳᠠ ᠳᠤ ᠡᠪᠡᠳᠬᠦ ᠶᠢᠨ ᠵᠤᠪᠠᠯᠠᠩ ᠢ ᠮᠡᠳᠡᠭᠦᠯᠦᠭᠰᠡᠨ᠃ | ᠬᠥᠮᠥᠨ ᠴᠢᠨᠠᠷ ᠢ ᠴᠦ ᠣᠶᠢᠯᠠᠭᠠᠭᠤᠯᠤᠭᠰᠠᠨ᠃ ᠪᠠᠲᠤ ᠴᠢᠩᠭᠠ ᠵᠣᠭᠰᠣᠯᠲᠠ ᠶᠢ ᠵᠢᠭᠠᠭᠰᠠᠨ ᠤᠬᠠᠭᠠᠷᠠᠯ | ᠰᠡᠬᠡᠭᠡᠷᠡᠯ ᠤᠨ ᠬᠥᠲᠥᠴᠢ ᠪᠠᠶᠢᠭᠰᠠᠨ᠃ ᠲᠡᠭᠦᠨ ᠤ ᠬᠠᠯᠠᠭᠤᠨ ᠬᠦᠢᠲᠡᠨ ᠠᠴᠠ ᠵᠢᠷᠦᠬᠡᠰᠢᠶᠡᠬᠦ ᠦᠭᠡᠢ᠃ | ᠬᠠᠭᠠᠷᠠᠬᠤ ᠠᠴᠠ ᠪᠢᠰᠢ ᠬᠤᠲᠦ᠋ᠢᠳᠠᠭ ᠦᠭᠡᠢ ᠡᠷᠡᠰᠭᠡᠨ ᠵᠠᠩ ᠨᠢ ᠨᠠᠮᠠᠶᠢ ᠢᠷᠯᠡᠵᠦ ᠠᠮᠢᠳᠤᠷᠠᠯ ᠤᠨ ᠪᠡᠷᠬᠡ ᠶᠢ ᠢᠯᠡᠨ | ᠳᠠᠪᠠᠭ᠋ᠤ ᠵᠣᠷᠢᠭ ᠵᠢᠷᠦᠬᠡ ᠲᠠᠢ ᠪᠣᠯᠭᠠᠵᠠᠢ᠃ | ᠠᠭᠤᠯᠠᠨ ᠳᠤ ᠠᠪᠠᠷᠢᠵᠤ ᠤᠷᠭᠢᠯ ᠳᠤᠨᠢ ᠭᠠᠷᠬᠤ ᠪᠣᠯ ᠮᠢᠨᠤ ᠬᠠᠮᠤᠭ ᠤᠨ ᠳᠤᠷᠠ ᠲᠠᠢ ᠬᠥᠳᠡᠯᠭᠡᠭᠡᠨ ᠪᠣᠯᠣᠨᠠ᠃ | ᠪᠠᠭᠠ ᠳᠠᠭᠠᠨ ᠪᠢ ᠠᠬᠠ ᠪᠠᠨ ᠲᠠᠭᠠᠵᠦ᠂ ᠨᠤᠲᠤᠭ ᠤᠨ ᠠᠭᠤᠯᠠ ᠪᠠᠨ ᠠᠪᠠᠷᠢᠳᠠᠭ ᠪᠠᠶᠢᠯᠠ᠃ ᠳᠡᠭᠡᠷᠡ ᠨᠢ | ᠭᠠᠷᠤᠭᠠᠳ ᠬᠤᠯᠠ ᠶᠢ ᠬᠠᠷᠠᠵᠤ ᠵᠤᠬᠰᠤᠬᠤ ᠳᠠᠭᠠᠨ ︽ᠠᠪᠤ ᠲᠠᠢ ᠶᠠᠭᠠᠬᠢᠭᠰᠠᠨ ᠠᠳᠠᠯᠢ ᠪᠤᠢ︖︾ ᠭᠡᠵᠦ | ᠪᠤᠳᠤᠬᠰᠠᠨ ᠢᠶᠠᠨ ᠫᠤᠤᠳᠠᠭᠠᠳ ᠣᠯᠠᠨ ᠢ ᠢᠨᠢᠶᠡᠯᠭᠡᠵᠦ ᠥᠩᠭᠡᠷᠡᠭᠰᠡᠨ ᠠᠵᠢ᠃ ᠲᠡᠷᠡ ᠦᠶᠡ ᠪᠠᠨ ᠡᠷᠭᠢᠴᠡᠭᠦᠯᠬᠦ ᠪᠠᠷ | ᠠᠭᠤᠯᠠ ᠭᠡᠵᠦ ᠳᠡᠭᠡᠷᠡ ᠪᠠᠨ ᠵᠣᠭᠰᠣᠭᠠᠵᠤ᠂ ᠬᠤᠯᠠ ᠬᠠᠷᠠᠭᠤᠯᠬᠤ ᠪᠠᠷ ᠢᠶᠠᠨ ᠨᠢᠷᠤᠭᠤᠨ ᠳᠠᠭᠠᠨ ᠡᠭᠦᠷᠴᠦ | ᠥᠰᠬᠡᠭᠡᠳ ᠭᠦᠯᠦᠭ ᠤᠨ ᠳᠥᠷᠥᠭᠡᠨ ᠳᠤ ᠡᠷᠭᠦᠵᠦ ᠭᠠᠷᠭᠠᠭᠰᠠᠨ ᠡᠴᠢᠭᠡ ᠲᠠᠢ ᠦᠨᠡᠬᠡᠷ ᠥᠭᠡᠷᠡ ᠶᠠᠭᠤ ᠳ᠋ᠠ︖ | ᠠᠭᠤᠯᠠ ᠮᠢᠨᠢ᠃ | ᠮᠣᠩᠭᠤᠯ ᠨᠤᠲᠤᠭ ᠤᠨ ᠮᠢᠨᠢ ᠵᠢᠷᠭᠠᠬᠤ ᠨᠠᠷᠠ ᠨᠢ ᠴᠦ ᠠᠭᠤᠯᠠᠨ ᠳᠠᠭᠠᠨ ᠰᠥᠬᠦᠷᠡᠳᠡᠭ ᠡᠷᠬᠢᠮ ᠳᠡᠭᠡᠳᠦ᠂ | ᠪᠣᠯᠪᠠᠰᠤᠨ ᠰᠤᠷᠲᠠᠯ ᠲᠠᠢ ᠭᠡᠬᠦ ᠳᠤ ᠬᠦᠷᠡᠩ ᠥᠩᠭᠡ ᠲᠠᠢ ᠮᠠᠨᠠᠨ ᠨᠢ ᠥᠷᠯᠥᠭᠡ ᠪᠦᠷᠢ ᠥᠯᠮᠡᠢ ᠶᠢ ᠨᠢ ᠦᠨᠦᠰᠴᠦ | ᠰᠢᠩᠭᠡᠳᠡᠭ ᠤᠴᠢᠷ ᠲᠠᠢ᠃ ᠰᠡᠪᠡᠯᠵᠡᠬᠦ ᠰᠠᠯᠬᠢᠨ ᠨᠢᠮᠭᠡᠨ ᠲᠣᠭᠤᠰᠣ ᠶᠢ ᠨᠢ ᠭᠦᠪᠢᠬᠦ ᠭᠡᠬᠦ ᠳᠤ ᠰᠢᠪᠡᠷᠡᠬᠦ ᠪᠣᠷᠣᠭᠠᠨ | ᠴᠠᠩᠭᠠᠭᠠ ᠶᠢ ᠨᠢ ᠲᠠᠶᠢᠯᠵᠦ ᠪᠤᠴᠠᠬᠤ ᠳᠠᠭᠠᠨ ᠥᠩᠭᠡᠲᠦ ᠰᠣᠯᠣᠩᠭᠠ ᠪᠠᠷ ᠲᠡᠭᠷᠢ ᠲᠠᠢ ᠬᠤᠯᠪᠣᠳᠠᠭ ᠲᠤ ᠮᠢᠨᠤ | ᠰᠡᠳᠬᠢᠯ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠥᠭᠰᠡᠵᠦ ᠰᠢᠯᠦᠭ ᠤᠨ ᠣᠩᠭᠤᠳ ᠭᠢᠯᠠᠰᠬᠢᠨ ᠪᠠᠭᠤᠳᠠᠭ ᠪᠠᠶᠢᠯᠠ᠃ | ᠭᠡᠷᠡᠯ ᠢᠯᠴᠢ ᠰᠢᠩᠭᠡᠭᠰᠡᠨ᠂ ᠳᠣᠲᠣᠷ ᠲᠠᠮᠢᠷ ᠲᠠᠢ ᠠᠭᠤᠯᠠ ᠴᠢᠯᠠᠭᠤ ᠮᠢᠨᠢ᠃ ᠨᠠᠷᠠᠨ ᠰᠦ ᠶᠢᠨ ᠦᠨᠦᠷ | ᠴᠢᠮᠠ ᠠᠴᠠ ᠬᠠᠩᠬᠤᠯᠤᠨᠠ᠃ ᠲᠡᠷᠡ ᠠᠭᠠᠷ ᠰᠢᠭ᠋ ᠱᠠᠩᠳᠠᠭᠤᠨ ᠦᠨᠦᠷ ᠲᠤ ᠬᠤᠷᠸᠠ ᠲᠠᠩᠰᠤᠭ ᠵᠢᠷᠭᠠᠬᠤ | ᠶᠣᠰᠣᠲᠠᠢ᠃ | ᠪᠢ ᠡᠬᠡ ᠣᠷᠣᠨ ᠳᠠᠭᠠᠨ ᠬᠡᠰᠡᠭ ᠴᠢᠯᠠᠭᠤ ᠪᠣᠯᠵᠤ ᠤᠷᠭᠤᠨᠠᠮ⁈ | ᠭᠡᠷᠡᠯ ᠤᠷᠤᠭᠤ ᠲᠡᠮᠡᠦᠯᠵᠦ ᠤᠷᠤᠰᠬᠤ ᠢᠨᠵᠠᠭᠠᠨ ᠭᠤᠣᠯ ᠤᠨ ᠰᠢᠷᠤᠩᠬᠠᠢ ᠮᠢᠨᠤ ᠵᠢᠷᠦᠬᠡᠨ ᠴᠣᠬᠢᠯᠭᠠ ᠲᠠᠢ | ᠠᠶᠢᠵᠠᠮ ᠨᠡᠶᠢᠯᠡᠬᠦ ᠪᠠᠷ ᠨᠠᠶᠢᠷᠠᠭ ᠤᠨ ᠣᠩᠭᠤᠳ ᠪᠣᠯᠵᠤ ᠬᠤᠪᠢᠯᠤᠭᠠᠳ ᠬᠤᠭᠤᠷ ᠤᠨ ᠠᠶᠠᠯᠭᠤᠨ ᠳᠤ ᠬᠥᠭᠯᠡᠭᠳᠡᠳᠡᠭ᠃ | | ᠥᠭᠡᠳᠡ ᠥᠭᠡᠳᠡ ᠠᠴᠠ ᠪᠠᠨ ᠬᠠᠷᠠᠭᠰᠠᠨ ᠪᠣᠰᠤᠭᠠ ᠬᠤᠶᠠᠷ ᠡᠷᠭᠢ ᠨᠢ ᠨᠠᠷᠠᠨ ᠰᠠᠷᠠᠨ ᠤ ᠪᠠᠨ | ᠣᠷᠣᠰᠢᠬᠤᠢ ᠶᠢᠨ ᠵᠢᠮᠡ ᠪᠠᠷ ᠰᠡᠬᠦ᠋ᠢᠵᠦ ᠭᠤᠣᠯ ᠤᠨ ᠤᠰᠤᠨ ᠤ ᠪᠠᠨ ᠠᠯᠤᠰ ᠤᠨ ᠬᠦᠰᠡᠯ᠂ ᠠᠷᠢᠭᠤᠨ ᠰᠠᠨᠠᠭᠠ᠂ | ᠥᠭᠭᠢᠶᠡᠮᠦᠷ ᠬᠠᠶᠢᠷᠠ ᠳᠤ ᠳᠣᠲᠣᠷᠠ ᠠᠴᠠ ᠪᠠᠨ ᠭᠡᠭᠡᠷᠡᠨᠡ᠃ ᠤᠰᠤᠨ ᠳᠤ ᠮᠡᠳᠡᠷᠡᠮᠵᠢ ᠲᠠᠢ᠂ ᠤᠢ | ᠤᠬᠠᠭᠠᠨ ᠲᠠᠢ ᠨᠢ ᠦᠨᠡᠨ᠃ ᠲᠡᠭᠦᠨ ᠳᠤ ᠪᠠᠰᠠ ᠥᠪᠡᠷ ᠤᠨ ᠭᠡᠬᠦ ᠦᠭᠡ ᠭᠡᠯᠡ ᠲᠠᠢ ᠴᠦ ᠮᠠᠭᠠᠳ᠃ ᠣᠬᠢᠯᠠᠭᠰᠠᠨ | ᠵᠢᠭᠠᠰᠤᠨ ᠤ ᠪᠠᠨ ᠨᠢᠯᠪᠤᠰᠤ ᠶᠢ ᠤᠰᠤ ᠪᠠᠷ ᠢᠶᠠᠨ ᠨᠢᠭᠤᠳᠠᠭ ᠢ ᠪᠤᠳᠤᠬᠤ ᠠᠴᠠ ᠦᠷᠡ ᠬᠡᠦᠬᠡᠳ ᠢᠶᠠᠨ ᠭᠡᠳᠡᠭ | ᠡᠵᠢ ᠶᠢ ᠮᠢᠨᠢ ᠰᠠᠨᠠᠭᠳᠠᠭᠤᠯᠤᠨᠠ᠃ ︽ᠴᠡᠩᠬᠡᠷ ᠲᠤᠩᠭᠠᠯᠠᠭ ᠤᠰᠤᠨ ᠳᠤ ᠪᠠᠰᠠ ᠪᠤᠷᠬᠠᠨ ᠪᠠᠶᠢᠳᠠᠭ ᠴᠦ ᠶᠤᠮ ᠤᠤ⁈ | ︾ ᠭᠡᠵᠦ ᠪᠢ ᠦᠷᠭᠦᠯᠵᠢ ᠪᠤᠳᠤᠨᠠᠮ᠃ | ᠤᠷᠭᠤᠮᠠᠯ ᠤᠨ ᠠᠮᠢ ᠨᠠᠰᠤ ᠪᠣᠯ ᠤᠰᠤ᠃ ᠬᠥᠮᠥᠨ ᠠᠮᠢᠳᠠᠨ᠂ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠤ ᠠᠮᠢ ᠨᠠᠰᠤ ᠴᠦ | ᠤᠰᠤ᠃ ᠥᠴᠥᠬᠡᠨ ᠰᠢᠮᠠᠭᠤᠯ ᠭᠦᠷᠳᠡᠯᠡ ᠠᠩᠭᠠᠬᠤ ᠳᠠᠭᠠᠨ ᠤᠰᠤᠨ ᠳᠤ ᠪᠠᠭᠤᠨᠠ᠃ ᠭᠦᠨ ᠲᠠᠯᠠᠢ ᠶᠢᠨ | ᠢᠷᠤᠭᠠᠷ ᠠᠴᠠ ᠤᠷᠭᠤᠭᠰᠠᠨ ᠴᠢᠯᠠᠭᠤ ᠴᠦ ᠤᠰᠤᠨ ᠠᠴᠠ ᠰᠠᠯᠬᠤ ᠪᠠᠷ ᠬᠠᠳᠠᠵᠦ ᠬᠠᠭᠠᠷᠠᠬᠤ ᠤᠴᠢᠷᠲᠠᠢ᠃ | ᠣᠷᠴᠢᠯᠠᠩ ᠤᠰᠤᠨ ᠤ ᠠᠮᠢ ᠲᠠᠢ᠂ ᠤᠰᠤᠨ ᠠᠴᠠ ᠰᠠᠯᠵᠤ ᠪᠤᠯᠬᠤ ᠦᠭᠡᠢ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ | ᠴᠢᠭᠢᠭᠯᠢᠭ ᠰᠡᠷᠢᠭᠦᠨ ᠦᠷ ᠤᠨ ᠵᠢᠪᠠᠷ ᠤᠰᠤᠨ ᠤ ᠰᠠᠳᠤᠨ᠃ ᠭᠦᠨ ᠴᠡᠩᠬᠡᠷ ᠴᠠᠯᠭᠢᠯᠠᠭᠰᠠᠨ ᠠᠭᠠᠷ ᠤᠰᠤᠨ ᠤ | ᠲᠦᠷᠦᠯ᠃ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠴᠦ ᠤᠰᠤᠨ ᠤ ᠪᠠᠨ ᠭᠡᠯᠡ ᠪᠠᠷ ᠵᠢᠷᠭᠢᠨᠡ᠃ ᠰᠠᠷᠠ ᠪᠦᠭᠴᠢᠮ ᠬᠠᠯᠠᠭᠤᠨ | ᠦᠳᠡᠰᠢ ᠤᠰᠤᠨ ᠳᠤ ᠢᠷᠡᠵᠦ ᠤᠮᠪᠠᠨᠠ᠃ ᠲᠡᠭᠷᠢ ᠴᠦ ᠬᠠᠯᠠᠭᠤᠷᠠᠭᠠᠳ ᠲᠡᠰᠬᠦ ᠦᠭᠡᠢ ᠳᠡᠭᠡᠨ ᠤᠰᠤᠨ ᠳᠤ ᠢᠷᠡᠨᠡ | ᠃ ᠭᠡᠬᠦ ᠳᠡᠭᠡᠨ ᠲᠡᠭᠷᠢ ᠶᠢᠨ ᠪᠤᠳᠤᠭ ᠤᠰᠤᠨ ᠳᠤ ᠰᠢᠩᠭᠡᠵᠦ ᠥᠩᠭᠡ ᠨᠢ ᠢᠵᠢᠯᠢᠰᠢᠭᠰᠡᠨ ᠪᠠᠶᠢᠳᠠᠭ᠃ ᠤᠰᠤᠨ ᠤ | ᠠᠮᠢ ᠮᠥᠩᠬᠡ ᠶᠢᠨ ᠬᠢ ᠪᠣᠯᠤᠭᠰᠠᠨ ᠨᠢ ᠲᠡᠷᠡ ᠴᠦ ᠶᠤᠮ ᠤᠤ︖ ᠡᠰᠡᠬᠦᠯᠡ ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠶᠢᠨ ᠪᠤᠶᠠᠨ ᠢᠶᠠᠷ | ᠴᠦ ᠶᠤᠮ ᠤᠤ︖ | ᠶᠢᠷᠲᠢᠨᠴᠦ ᠲᠣᠭᠲᠠᠭᠰᠠᠨ ᠠᠴᠠ ᠨᠠᠭᠠᠰᠢ ᠤᠰᠤ ᠪᠠᠷ ᠯᠡ ᠠᠮᠢ ᠭᠤᠣᠯ ᠲᠠᠢ᠂ ᠥᠭᠡᠳᠡ ᠥᠯᠵᠡᠢ ᠲᠠᠢ ᠶᠠᠪᠤᠨᠠ᠃ | ᠭᠡᠬᠦ ᠳᠡᠭᠡᠨ ᠮᠣᠩᠭᠤᠯᠴᠤᠳ ︽ᠲᠤᠰᠤᠯ ᠤᠰᠤ ᠶᠢ ᠴᠦ ᠬᠠᠶᠢᠷᠠᠯᠠᠵᠤ ᠭᠠᠮᠨᠠᠵᠤ ᠶᠠᠪᠤᠭᠠᠷᠠᠢ︾ ᠬᠡᠮᠡᠨ ᠬᠡᠦᠬᠡᠳ ᠢᠶᠠᠨ | ᠰᠤᠷᠭᠠᠳᠠᠭ ᠨᠢ ᠬᠤᠯᠠ ᠶᠢᠨ ᠪᠤᠳᠤᠯ᠂ ᠬᠦᠰᠡᠯ ᠢᠲᠡᠭᠡᠯ᠂ ᠬᠥᠮᠥᠨᠴᠢ ᠴᠢᠨᠠᠷ ᠤᠨ ᠬᠢᠨᠢ ᠢᠯᠡᠷᠡᠯ ᠶᠤᠮ᠃ | ᠤᠬᠠᠭᠠᠨᠲᠤ ᠳᠡᠭᠡᠳᠦᠰ ᠮᠠᠨᠢ ᠪᠤᠯᠠᠭ ᠣᠷᠭᠢᠯᠤᠭᠰᠠᠨ ᠨᠠᠪᠳᠠᠭ ᠰᠠᠪᠳᠠᠭ ᠲᠠᠢ ᠨᠠᠭᠤᠷ ᠲᠤ ᠪᠡᠶᠡ ᠪᠠᠨ ᠤᠬᠢᠶᠠᠬᠤ | ᠪᠤᠶᠤ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠶᠢ ᠴᠡᠭᠡᠷᠯᠡᠭᠦᠯᠦᠨ ᠰᠤᠷᠭᠠᠳᠠᠭ᠃ ᠡᠨᠡ ᠨᠢ ᠲᠡᠭᠦᠨ ᠤ ᠤᠰᠤᠨ ᠳᠤ ᠬᠠᠶᠢᠷᠠ ᠲᠠᠢ | ᠰᠡᠳᠬᠢᠯ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠴᠡᠪᠡᠷ ᠠᠷᠢᠭᠤᠨ ᠠᠮᠢᠳᠤ ᠤᠰᠤ ᠶᠢ ᠪᠤᠵᠠᠷᠳᠠᠭᠤᠯᠵᠦ | ᠰᠢᠷᠭᠢᠭᠦᠯᠬᠦ ᠠᠴᠠ ᠪᠣᠯᠭᠤᠮᠵᠢᠯᠠᠭᠰᠠᠨ ᠠᠭᠤᠤ ᠶᠡᠭᠡ ᠢᠷᠡᠭᠡᠳᠦ᠋ᠢᠴᠢ ᠦᠵᠡᠯ ᠤᠬᠠᠮᠰᠠᠷ ᠤᠨ ᠭᠡᠷᠡᠯ ᠭᠡᠭᠡ ᠶᠤᠮ᠃ | ᠪᠠᠶᠢᠭᠠᠯᠢ ᠥᠪᠡᠷ ᠢ ᠪᠠᠨ ᠦᠪᠡᠰᠦᠪᠡᠨ ᠡᠪᠳᠡᠳᠡᠭ ᠦᠭᠡᠢ᠃ ᠨᠠᠭᠤᠷ ᠤᠰᠤᠨ ᠴᠦ ᠥᠪᠡᠷ ᠢᠶᠠᠨ ᠬᠠᠳᠠᠵᠦ | ᠬᠠᠭᠰᠠᠷᠠᠬᠤ ᠦᠭᠡᠢ᠃ ᠬᠥᠮᠥᠨ ᠯᠡ ᠪᠠᠶᠢᠭᠠᠯᠢ ᠪᠠᠨ ᠴᠢᠯᠡᠭᠡᠵᠦ᠂ ᠨᠠᠭᠤᠷ ᠴᠦᠭᠦᠷᠤᠮ᠂ ᠭᠤᠣᠯ ᠮᠥᠷᠡᠨ ᠢᠶᠠᠨ | ᠭᠤᠮᠣᠳᠠᠭᠠᠳᠠᠭ ᠢ ᠭᠦᠪᠡᠭᠡ ᠨᠢ ᠰᠡᠮᠡᠷᠡᠭᠰᠡᠨ ᠲᠠᠯᠠ ᠬᠠᠩᠭᠠᠢ᠂ ᠲᠠᠲᠠᠭᠤᠷᠠᠵᠤ ᠨᠠᠷᠢᠰᠤᠭᠰᠠᠨ ᠤᠷᠤᠰᠬᠠᠯ ᠤᠰᠤᠨ᠂ | ᠰᠢᠷᠭᠢᠮᠡᠷ ᠪᠣᠯᠤᠭᠰᠠᠨ ᠨᠣᠭᠤᠭᠠᠨ ᠪᠦᠷᠢᠳᠦ ᠶᠢᠨ ︽ᠦᠷᠡ ᠬᠤᠶᠢᠴᠢᠰ ᠤᠨ ᠢᠶᠠᠨ ᠮᠠᠷᠭᠠᠰᠢ ᠶᠢ ᠪᠣᠳᠣᠯᠬᠢᠯᠠ︾ | ᠭᠡᠰᠡᠨ ᠤᠳᠬᠠ ᠤᠴᠢᠷᠲᠠᠢ ᠰᠢᠪᠡᠨᠡᠭᠡ ᠠᠴᠠ ᠰᠡᠷᠡᠵᠦ ᠰᠡᠬᠡᠭᠡᠷᠡᠵᠦ ᠪᠣᠯᠣᠨᠠ᠃ ᠬᠥᠮᠥᠰ ᠮᠢᠨᠢ︕ | ᠤᠰᠤᠨ ᠳᠤ ᠡᠵᠢ ᠶᠢᠨ ᠬᠠᠶᠢᠷᠠ ᠠᠴᠠ ᠭᠠᠳᠠᠨᠠ᠂ ᠠᠪᠤ ᠶᠢᠨ ᠠᠷᠠᠨᠰᠢᠨ ᠴᠦ ᠪᠤᠢ᠃ ᠦᠶᠡᠷᠯᠡᠨ ᠳᠠᠪᠠᠯᠭᠠᠯᠠᠵᠤ᠂ | ᠤᠶᠢᠯᠰᠤᠨ ᠬᠦᠷᠬᠢᠷᠡᠬᠦ ᠨᠢ ᠤᠰᠤᠨ ᠤ ᠠᠭᠤᠷ ᠬᠢᠯᠢᠩ ᠪᠢᠵᠡ︖ ᠶᠡᠨᠳᠡᠷ ᠤᠨ ᠴᠢᠯᠠᠭᠤ ᠶᠢ ᠨᠦᠬᠡᠯᠡᠳᠡᠭ ᠲᠤᠰᠤᠯ | ᠤᠰᠤᠨ ᠠᠴᠠ ᠲᠡᠭᠦᠨ ᠤ ᠬᠠᠳᠠᠨ ᠠᠴᠠ ᠳᠠᠪᠠᠭᠰᠠᠨ ᠬᠠᠲᠠᠭᠤ ᠴᠢᠨᠠᠷ ᠢ ᠴᠦ ᠤᠬᠠᠭᠠᠷᠠᠵᠤ ᠮᠠᠳᠠᠨᠠ᠃ | ᠬᠦᠷᠬᠢᠷᠡ ᠠᠴᠠ ᠰᠦᠷ ᠶᠡᠭᠡ ᠬᠦᠴᠦᠨ ᠴᠢᠳᠠᠯ ᠢ ᠴᠦ ᠣᠯᠵᠤ ᠬᠠᠷᠠᠨᠠ᠃ ᠤᠰᠤᠨ ᠠᠴᠠ ᠪᠢᠳᠡ ᠴᠠᠭᠢᠯᠭᠠᠨ | ᠭᠠᠷᠭᠠᠨᠠ᠃ ᠤᠰᠤᠨ ᠠᠴᠠ ᠪᠢᠳᠡ ᠦᠯᠡᠮᠵᠢ ᠶᠢᠨ ᠡᠬᠢ ᠪᠠᠶᠠᠯᠢᠭ ᠢ ᠱᠦᠭᠦᠨᠡ᠃ ᠬᠤᠯᠪᠣᠨ ᠪᠣᠳᠣᠯᠲᠠ ᠶᠢᠨ | ᠬᠢᠵᠠᠭᠠᠷ ᠦᠭᠡᠢ ᠡᠷᠬᠡ ᠴᠢᠯᠦᠭᠡ ᠤᠰᠤ ᠮᠢᠨᠤ᠃ ᠴᠢ ᠭᠤᠸᠠ ᠰᠠᠶᠢᠬᠠᠨ ᠤ ᠳᠣᠲᠣᠷᠠᠬᠢ ᠭᠤᠸᠠ ᠰᠠᠶᠢᠬᠠᠨ ᠴᠦ ᠶᠤᠮ | ᠤᠤ⁈ | ᠪᠢ ᠲᠤᠰᠤᠯ ᠤᠰᠤᠨ ᠪᠣᠯᠵᠤ ᠡᠬᠡ ᠣᠷᠣᠨ ᠤ ᠪᠠᠨ ᠠᠨᠠᠪᠠᠳ ᠲᠠᠯᠠᠢ ᠳᠤ ᠬᠦᠷᠬᠢᠷᠡᠨᠡᠮ⁈ | ᠤᠷᠭᠤᠵᠦ ᠰᠠᠴᠤᠷᠠᠭᠰᠠᠨ ᠨᠠᠷᠠᠨ ᠤ ᠦᠨᠦᠷ ᠲᠠᠢ᠂ ᠥᠨᠢ ᠮᠥᠩᠬᠡ ᠶᠢᠨ ᠤᠰᠤ ᠮᠢᠨᠢ ᠳ᠋ᠧ᠃ ᠪᠢ ᠴᠢᠮᠠ ᠳᠤ | ᠬᠠᠶᠢᠷᠠᠲᠠᠢ ᠪᠣᠯᠬᠤᠷ ᠦᠷᠭᠦᠯᠵᠢ ᠡᠯᠢᠭᠡ ᠨᠢᠭᠡᠲᠡᠢ ᠡᠬᠡ ᠣᠷᠣᠨ ᠳᠠᠭᠠᠨ ᠲᠤᠰᠤᠯ ᠤᠰᠤ ᠪᠣᠯᠵᠤ ᠠᠯᠠᠭᠠᠨ ᠳᠡᠭᠡᠷᠡ ᠨᠢ | ᠠᠭᠤᠰᠤᠨ ᠵᠢᠷᠭᠠᠵᠤ ᠪᠤᠢ ᠬᠡᠮᠡᠨ ᠵᠡᠭᠦᠳᠦᠯᠡᠳᠡᠭ ᠪᠠᠶᠢᠯᠠ ᠁ | ᠬᠥᠭᠵᠢᠯ ᠮᠠᠨᠳᠤᠯ ᠤᠨ ᠠᠯᠳᠠᠨ ᠲᠦᠷᠦᠭᠡ ᠬᠠᠩᠭᠢᠨᠠᠭᠤᠯᠵᠤ ᠲᠤᠷᠤᠨᠠ ᠶᠢᠨ ᠲᠣᠷᠭᠠᠨ ᠡᠯᠢᠭᠡᠨ ᠳᠤ ᠲᠦᠮᠡᠨ | ᠨᠢᠳᠦ ᠲᠠᠢ ᠲᠡᠭᠷᠢ ᠰᠢᠭ ᠰᠦᠷ ᠭᠡᠷᠡᠯ ᠲᠠᠢ᠂ ᠨᠠᠮ ᠲᠠᠶᠢᠪᠤᠩ ᠣᠷᠣᠰᠢᠬᠤ ᠪᠤᠷᠬᠠᠨ ᠡᠬᠡ ᠣᠷᠣᠨ ᠮᠢᠨᠢ᠃ ᠲᠠᠨ ᠤ | ᠴᠢᠮᠬᠢ ᠰᠢᠷᠣᠢ᠂ ᠥᠨᠥᠴᠢᠨ ᠨᠠᠪᠴᠢ᠂ ᠥᠴᠥᠬᠡᠨ ᠰᠢᠷᠭᠤᠯᠵᠢ ᠁ ᠴᠢᠨᠢ ᠠᠳᠠᠯᠠ ᠮᠢᠨᠤ ᠰᠡᠳᠬᠢᠯ ᠳᠤ | ᠠᠯᠳᠠ ᠪᠠᠷ ᠰᠣᠯᠢᠬᠤ ᠦᠭᠡᠢ ᠦᠨᠡᠲᠦ ᠡᠷᠳᠡᠨᠢ ᠶᠤᠮᠰᠠᠨ᠃ ᠬᠤᠯᠠᠳᠠᠬᠤ ᠪᠠᠷ ᠵᠡᠭᠦᠳᠦᠨ ᠳᠤ ᠡᠷᠭᠢᠴᠡᠨᠡ᠃ | ᠣᠶᠢᠷᠠᠳᠬᠤ ᠪᠠᠷ ᠵᠢᠷᠦᠬᠡᠨ ᠳᠤ ᠭᠡᠷᠡᠯᠲᠦᠨᠡ᠃ | ᠡᠵᠢ - ᠨᠠᠷᠠᠨ ᠤ ᠦᠨᠦᠷ ᠲᠠᠢ ᠡᠬᠡ ᠣᠷᠣᠨ ᠮᠢᠨᠢ᠃ | ᠡᠬᠡ ᠣᠷᠣᠨ - ᠰᠢᠲᠦᠭᠡᠨ ᠲᠡᠭᠷᠢ ᠡᠵᠢ ᠮᠢᠨᠢ ᠠ᠋᠃ |