| ᠨᠠᠷᠠ ᠦᠨᠦᠰᠦᠭᠡᠳ ᠪᠤᠰᠬᠤ ᠳᠤ ᠨᠠᠪᠴᠢ ᠴᠡᠴᠡᠭ ᠨᠢ ᠮᠦᠰᠢᠶᠡᠳᠡᠭ ᠳᠡᠯᠭᠡᠭᠰᠡᠨ ᠰᠤᠳᠤᠷ ᠰᠢᠭ᠋ ᠡᠷᠲᠡᠨ ᠤ | ᠬᠡᠭᠡᠷᠡ ᠲᠠᠯᠠ ᠮᠢᠨᠤ᠃ ᠬᠢᠵᠠᠭᠠᠷ ᠤᠨ ᠬᠤᠯᠠ ᠠᠴᠠ ᠰᠡᠪᠡᠯᠵᠡᠨ ᠢᠷᠡᠬᠦ ᠲᠡᠭᠷᠢ ᠶᠢᠨ ᠰᠠᠯᠬᠢᠨ ᠴᠢᠨᠢ ᠬᠠᠴᠠᠷ ᠨᠢᠭᠤᠷ ᠢ | ᠢᠯᠪᠢᠭᠡᠳ ᠥᠩᠭᠡᠷᠡᠬᠦ ᠳᠤ ᠪᠡᠶᠡ ᠰᠡᠳᠬᠢᠯ ᠬᠥᠩᠭᠡᠷᠡᠵᠦ᠂ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠥᠭᠰᠡᠨ ᠳᠣᠭᠳᠣᠯᠤᠨᠠᠮ᠃ | ︽ᠭᠠᠯᠪᠠ ᠲᠠᠢ ᠴᠢ ᠨᠠᠰᠤ ᠰᠠᠴᠠᠭᠤ ᠴᠦ ᠶᠤᠮ ᠤᠤ︖ ᠭᠡᠵᠦ ᠪᠤᠳᠤᠬᠤ ᠳᠤ | ᠭᠠᠨᠳᠢᠭ ᠴᠠᠭᠠᠨ ᠴᠢᠯᠠᠭᠤ ᠴᠢᠨᠢ ᠣᠪᠣᠯᠵᠠᠬᠤ ᠶᠢᠨ ᠡᠷᠬᠡᠨ ᠳᠤ ᠭᠦᠳᠦᠰᠭᠢᠨ ᠬᠥᠳᠡᠯᠦᠨᠡᠮ | ᠭᠠᠯᠠᠭᠤ ᠭᠦᠷᠳᠡᠯᠡ ᠲᠤᠭᠤᠯᠵᠦ ᠲᠡᠶᠢᠯᠭᠦ ᠦᠭᠡᠢ ᠠᠭᠤᠳᠠᠮ ᠳ᠋ᠠ ᠭᠡᠵᠦ ᠰᠠᠨᠠᠬᠤ ᠳᠤ | ᠭᠠᠵᠠᠷ ᠤᠨ ᠮᠡᠯᠮᠡᠢ ᠴᠡᠩᠬᠡᠷ ᠨᠠᠭᠤᠷ ᠴᠢᠨᠢ ᠲᠡᠭᠷᠢ ᠶᠢᠨ ᠢᠶᠠᠨ ᠥᠩᠭᠡ ᠪᠠᠷ ᠬᠥᠬᠡᠷᠡᠨᠡᠮ | ᠭᠠᠩᠭᠠᠩ ᠬᠠᠷᠠ ᠶᠢᠨ ᠲᠤᠭᠤᠷᠠᠢ ᠶᠢᠨ ᠲᠠᠮᠠᠭᠠ ᠲᠠᠢ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠮᠢᠨᠤ︕︾ ᠬᠡᠮᠡᠬᠦ ᠬᠡᠳᠦᠨ | ᠵᠢᠯ ᠤᠨ ᠡᠮᠦᠨᠡ ᠨᠡᠶᠢᠲᠡᠯᠡᠭᠦᠯᠦᠭᠰᠡᠨ ᠨᠢᠭᠡᠨ ᠪᠠᠳᠠᠭ ᠰᠢᠯᠦᠭ ᠰᠡᠷᠡᠯ ᠳᠤ ᠴᠠᠭᠢᠯᠤᠨ ᠵᠢᠷᠦᠬᠡᠨ ᠳᠤ ᠪᠠᠭᠤᠨᠠ ᠪᠢᠯᠡ᠃ | ᠬᠥᠬᠡᠷᠡᠵᠦ ᠰᠡᠬᠦᠶᠢᠭᠰᠡᠨ ᠲᠡᠷᠲᠡᠭᠡ ᠤᠢ ᠶᠢᠨ ᠴᠡᠯ ᠨᠣᠭᠤᠭᠠᠨ ᠨᠠᠪᠴᠢᠰ ᠭᠡᠷᠡᠯ ᠤᠨ ᠲᠤᠰᠤᠯᠲᠠ ᠳᠤ ᠡᠷᠬᠡᠯᠡᠵᠦ | ᠰᠢᠪᠠᠭᠤ ᠲᠠᠢ ᠪᠠᠨ ᠬᠤᠣᠰᠯᠠᠨ ᠵᠢᠷᠭᠢᠭᠡᠳ ᠪᠤᠭᠤᠷᠤᠯ ᠡᠷᠲᠡᠨ ᠤ ᠶᠠᠮᠠᠷ ᠨᠢᠭᠡᠨ ᠰᠣᠳᠣᠨ ᠡᠭᠡᠰᠢᠭ ᠮᠡᠲᠦ ᠡᠷᠭᠢ ᠶᠢᠨ | ᠴᠤᠤᠷᠢᠶᠠ ᠲᠠᠢ ᠭᠦᠭ ᠨᠡᠶᠢᠯᠡᠭᠡᠳ ᠠᠯᠤᠰ ᠤᠨ ᠠᠯᠤᠰ ᠤᠶᠠᠩᠭᠠᠷᠠᠨ ᠲᠡᠯᠡᠷᠡᠬᠦ ᠨᠢ ᠶᠠᠭᠠᠬᠢᠭᠰᠠᠨ ᠭᠤᠶᠤ ᠪᠤᠢ︖ | ᠲᠡᠷᠡ ᠬᠦ ᠠᠮᠢᠳᠤ ᠴᠣᠪᠣᠭᠤᠯᠢᠭ᠂ ᠪᠠᠶᠢᠭᠠᠯᠢᠯᠢᠭ ᠥᠩᠭᠡ ᠦᠵᠡᠮᠵᠢ᠂ ᠲᠠᠶᠢᠯᠪᠤᠷᠢᠯᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠭᠦᠨ | ᠨᠢᠭᠤᠴᠠ ᠠᠶᠠᠯᠭᠤ ᠬᠥᠭᠵᠢᠮ ᠳᠤ ᠪᠢ ᠰᠣᠭᠲᠣᠭᠤᠷᠠᠬᠤ ᠳᠠᠭᠠᠨ ᠠᠭᠤᠰᠴᠤ ᠰᠢᠩᠭᠡᠮᠡᠷ ᠳᠤᠷᠠᠯᠠᠬᠤ ᠶᠢ ᠶᠠᠭᠤ ᠬᠡᠯᠡᠨᠡ︖ | | ᠠᠷᠤ ᠭᠤᠪᠢ ᠪᠠᠨ ᠠᠮᠢᠯᠠᠲᠠᠯᠠ ᠦᠦᠷᠰᠡᠨ ᠢᠨᠴᠠᠭᠠᠬᠤ ᠠᠳᠤᠭᠤᠳ ᠤᠨ ᠤᠩᠭᠤᠨ ᠪᠣᠰᠤᠭᠠ ᠲᠡᠯ ᠵᠢᠪᠠᠷ ᠤᠨ | ᠠᠶᠠ ᠪᠠᠷ ᠨᠠᠮᠢᠷᠠᠭᠠᠳ ᠬᠠᠷᠠᠭᠠᠨ ᠰᠡᠷᠡᠯ ᠳᠤ ᠲᠤᠭ ᠰᠢᠭ᠋ ᠦᠵᠡᠭᠳᠡᠨᠡ᠃ ᠨᠡᠩ ᠴᠦ ᠡᠬᠡ ᠶᠢᠨ ᠢᠶᠠᠨ ᠬᠤᠶᠢᠭᠤᠷ | ᠤᠷᠳᠤᠭᠤᠷ ᠡᠷᠭᠢᠴᠡᠨ ᠲᠣᠭᠯᠠᠬᠤ ᠤᠨᠠᠭᠠ ᠰᠠᠷᠪᠠ ᠶᠢ ᠬᠠᠷᠠᠬᠤ ᠠᠴᠠ ︽ᠡᠵᠢ ᠲᠠᠢ ᠳᠡᠭᠡᠨ ᠡᠨᠡ ᠬᠤᠷᠸᠠ ᠡᠷᠬᠡ | ᠲᠠᠩᠭᠢ︾ ᠭᠡᠰᠡᠨ ᠪᠤᠳᠤᠯ ᠵᠢᠷᠦᠬᠡᠨ ᠠᠴᠠ ᠤᠷᠭᠤᠨᠠ᠃ | ᠪᠢ ᠴᠦ ᠪᠠᠭᠠ ᠳᠠᠭᠠᠨ ᠡᠬᠡ ᠪᠠᠨ ᠲᠠᠭᠠᠵᠦ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠶᠢᠨ ᠬᠠᠯᠠᠭᠤᠨ ᠡᠩᠭᠡᠷ ᠠᠴᠠ ᠠᠷᠭᠠᠯ | ᠲᠡᠭᠦᠵᠦ ᠶᠠᠪᠤᠭᠰᠠᠨ ᠡᠳᠦᠷ ᠬᠤᠨᠤᠭ ᠢᠶᠠᠨ ᠳᠤᠷᠠᠰᠬᠤ ᠪᠠᠷ ᠲᠤᠩ ᠤᠳᠬᠠ ᠤᠴᠢᠷ ᠲᠠᠢ ᠰᠠᠨᠠᠭᠳᠠᠨᠠ᠃ | ᠪᠤᠭᠤᠷᠤᠯ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠠᠴᠠ ᠤᠷᠭᠤᠭᠰᠠᠨ ᠰᠠᠭᠠᠷᠠᠯ ᠵᠡᠷᠭᠡᠯᠭᠡᠨ ᠬᠥᠲᠥᠯ ᠲᠣᠯᠣᠭᠠᠳ ᠤᠨ | ᠣᠷᠣᠢ ᠪᠠᠷ ᠵᠢᠷᠪᠢᠯᠵᠡᠨ ᠳᠠᠪᠬᠢᠭᠠᠳ ᠮᠢᠨᠤ ᠠᠩᠬᠠᠷᠤᠯ ᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠲᠠᠲᠠᠨᠠ᠃ ᠪᠢ ᠲᠡᠭᠦᠨ ᠢ | ᠪᠠᠷᠢᠵᠤ ᠠᠪᠬᠤ ᠭᠡᠵᠦ ᠨᠠᠭᠠᠰᠢ ᠴᠠᠭᠠᠰᠢ ᠠᠮᠢ ᠲᠡᠮᠡᠴᠡᠨ ᠭᠦᠶᠦᠨᠡ᠃ ᠡᠵᠢ ᠮᠢᠨᠢ ᠨᠠᠮᠠᠶᠢ ᠬᠠᠷᠠᠵᠤ ᠵᠣᠭᠰᠣᠭᠠᠳ | ᠲᠡᠰᠬᠡᠯ ᠦᠭᠡᠢ ︽ᠫᠦᠰ︾ ᠬᠢᠲᠡᠯᠡ ᠢᠨᠢᠶᠡᠴᠢᠬᠡᠭᠡᠳ ︽ᠬᠡᠦᠬᠡᠳ ᠭᠡᠵᠦ ᠦᠨᠡᠬᠡᠷ ᠱᠤᠭ ᠲᠠᠢ᠂ ᠤᠷᠭᠠᠨ ᠳᠤ ᠣᠷᠣᠳᠠᠭ | ᠦᠭᠡᠢ ᠤᠩᠭᠤᠨ ᠵᠡᠷᠭᠡᠯᠭᠡᠨ ᠢ ᠪᠠᠷᠢᠵᠤ ᠳᠡᠶᠢᠯᠳᠡᠭ ᠶᠤᠮ ᠤᠤ︖︾ ᠭᠡᠪᠡ᠃ | ︽ᠪᠢ ᠯᠠᠪ ᠪᠠᠷᠢᠵᠤ ᠲᠡᠶᠢᠯᠦᠨᠡ︾ ᠭᠡᠵᠦ ᠨᠠᠷᠢᠨ ᠪᠤᠷᠭᠠᠰᠤ ᠠᠳᠬᠤᠭᠠᠳ ᠰᠠᠪᠠᠵᠦ ᠭᠤᠶᠠᠳᠠᠭᠠᠳ | ᠬᠤᠶᠢᠨᠠ ᠠᠴᠠ ᠨᠢ ᠬᠠᠭᠠᠰ ᠡᠳᠦᠷ ᠨᠡᠬᠡᠭᠡᠳ ᠲᠠᠮᠢᠷ ᠬᠦᠴᠦ ᠪᠠᠨ ᠪᠠᠷᠠᠭᠰᠠᠨ ᠪᠤᠯᠪᠠᠴᠦ ᠦᠨᠡᠬᠡᠷ ᠪᠠᠷᠢᠬᠤ ᠨᠢ | ᠪᠠᠶᠢᠲᠤᠭᠠᠢ᠂ ᠬᠠᠪᠢᠳᠠᠵᠤ ᠴᠦ ᠳᠡᠶᠢᠯᠦᠭᠰᠡᠨ ᠦᠭᠡᠢ᠃ ᠬᠥᠯ ᠬᠥᠰᠢᠭᠡᠳ ᠨᠠᠭᠤᠷ ᠤᠨ ᠬᠥᠪᠡᠭᠡᠨ ᠳᠤ ᠨᠤᠭᠤᠰᠤ | ᠭᠠᠯᠠᠭᠤ ᠶᠢ ᠬᠠᠷᠠᠵᠤ ᠰᠠᠭᠤᠪᠠ᠃ | ᠬᠥᠬᠡ ᠲᠡᠭᠷᠢ ᠨᠠᠭᠤᠷ ᠤᠨ ᠤᠰᠤᠨ ᠳᠤ ᠲᠤᠶᠠᠭᠠᠷᠠᠨᠠ᠃ ᠨᠠᠷᠠ ᠴᠦ ᠳᠡᠭᠡᠷᠡ ᠨᠢ ᠭᠦᠪᠭᠦ ᠰᠢᠭ ᠦᠵᠡᠭᠳᠡᠨᠡ᠃ | ᠬᠠᠶᠠ ᠬᠠᠶᠠ ᠵᠢᠭᠠᠰᠤ ᠴᠣᠯᠭᠢᠬᠤ ᠪᠠᠷ ᠤᠰᠤ ᠨᠢ ᠠᠷ ᠲᠠᠲᠠᠭᠠᠳ ᠲᠡᠭᠷᠢ ᠨᠠᠷᠠ ᠲᠠᠢ ᠪᠠᠨ ᠬᠥᠳᠡᠯᠬᠦ ᠰᠢᠭ ᠪᠣᠯᠣᠨᠠ᠃ | ᠲᠡᠷᠡ ᠦᠶᠡ ᠳᠤ ᠤᠷᠠᠨ ᠬᠠᠵᠢᠨ ᠰᠢᠪᠠᠭᠤ ᠳᠥᠬᠦᠵᠦ ᠢᠷᠡᠬᠦ ᠪᠠᠷ ︽ᠬᠤᠰᠢᠭᠤ ᠪᠠᠷ ᠢᠶᠠᠨ ᠳᠣᠶ᠋ᠢᠪᠠᠯ ᠪᠠᠷᠠᠯᠠ︾ | ᠭᠡᠵᠦ ᠪᠢ ᠰᠠᠨᠳᠤᠷᠪᠠ᠃ ᠭᠡᠲᠡᠯᠡ ᠢᠯᠴᠢ ᠭᠡᠷᠡᠯ ᠢ ᠨᠢ ᠭᠥᠷᠳᠡᠭᠰᠡᠨ ᠰᠢᠪᠠᠭᠤᠳ ᠲᠡᠶᠢᠮᠦ ᠪᠢᠰᠢ᠂ ᠪᠠᠶᠠᠰᠬᠤ ᠳᠠᠭᠠᠨ | ᠨᠠᠭᠤᠷ ᠢᠶᠠᠨ ᠵᠢᠷᠭᠠᠲᠠᠯᠠ ᠨᠤᠷᠭᠢᠯᠳᠤᠨᠠ᠃ ︽ᠲᠡᠳᠡᠨ ᠳᠤ ᠭᠦᠨ ᠵᠤᠵᠠᠭᠠᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ᠂ ᠡᠶᠡ ᠨᠠᠶᠢᠷ᠂ | ᠬᠤᠷᠴᠠ ᠰᠡᠷᠭᠡᠭ ᠮᠡᠳᠡᠷᠡᠮᠵᠢ ᠲᠠᠢ ᠪᠠᠶᠢᠵᠤ ᠮᠡᠳᠡᠨᠡ︾ ᠭᠡᠰᠡᠨ ᠲᠠᠭᠠᠮᠠᠭᠯᠠᠯ ᠲᠡᠷᠡ ᠦᠶᠡ ᠠᠴᠠ ᠭᠦᠪᠦᠷᠡᠭᠰᠡᠨ | ᠪᠠᠶᠢᠵᠤ ᠳ᠋ᠠ︕ ᠭᠡᠲᠡᠯᠡ ᠨᠢᠭᠡᠨ ᠤᠳᠠᠭᠠᠨ ᠤ ᠮᠣᠭᠠᠢ ᠠᠴᠠ ᠠᠶᠤᠭᠰᠠᠨ ᠢᠶᠠᠨ ᠪᠤᠳᠤᠬᠤ ᠪᠣᠯᠭᠠᠨ ᠵᠢᠷᠦᠬᠡ ᠴᠡᠴᠡᠷᠡᠨᠡ᠃ | ᠠᠷᠤ ᠶᠢᠨ ᠮᠠᠩᠬᠠᠨ ᠳᠤ ᠰᠠᠭᠤᠭᠠᠳ ᠲᠣᠭᠯᠠᠵᠤ ᠪᠠᠶᠢᠲᠠᠯᠠ ︽ᠮᠡᠷᠭᠡᠨ ᠠ᠋᠂ ᠠᠷᠤ ᠠᠴᠠ ᠴᠢᠨᠢ ᠁︾ ᠭᠡᠵᠦ ᠡᠵᠢ | ᠰᠣᠴᠢᠵᠤ ᠦᠷᠭᠦᠭᠰᠡᠨ ᠥᠨᠳᠥᠷ ᠲᠠᠭᠤᠨ ᠢᠶᠠᠷ ᠬᠠᠰᠬᠢᠷᠬᠤ ᠰᠣᠨᠣᠰᠳᠠᠪᠠ᠃ ᠡᠷᠭᠢᠨ ᠬᠠᠷᠠᠪᠠᠯ ᠠᠷᠤ ᠳᠤ ᠬᠠᠷᠠ | ᠡᠷᠢᠶᠡᠨ ᠨᠢᠭᠡᠨ ᠮᠣᠭᠠᠢ ᠭᠡᠯᠡ ᠪᠠᠨ ᠭᠤᠯᠪᠠᠯᠵᠠᠭᠤᠯᠤᠨ ᠭᠡᠨᠡᠳᠡᠭᠦᠯᠦᠨ ᠲᠠᠭᠠᠷᠢᠬᠤ ᠬᠠᠷᠠᠭᠳᠠᠪᠠ᠃ | ︽ᠡᠵᠢ ᠠ᠋︕︾ ᠭᠡᠵᠦ ᠠᠶᠤᠬᠤ ᠳᠠᠭᠠᠨ ᠪᠢ ᠣᠷᠣᠨ ᠠᠴᠠ ᠪᠠᠨ ᠬᠥᠳᠡᠯᠬᠦ ᠲᠡᠩᠬᠡᠭᠡ ᠠᠯᠠᠭᠠ ᠪᠣᠯᠵᠤ ᠡᠬᠡᠷ | ᠲᠠᠲᠠᠪᠠ᠃ | ︽ᠬᠦᠦ ᠮᠢᠨᠢ᠂ ᠪᠤᠤ ᠠᠶᠤ︕︾ ᠭᠡᠵᠦ ᠡᠵᠢ ᠬᠡᠯᠡᠬᠦ ᠶᠢᠨ ᠳᠠᠭᠠᠤ ᠭᠦᠶᠦᠵᠦ ᠢᠷᠡᠭᠡᠳ ᠮᠠᠯ ᠤᠨ | ᠲᠠᠰᠢᠭᠤᠷ ᠠᠴᠠ ᠤᠷᠳᠦ ᠪᠥᠭᠡᠳ ᠪᠦᠳᠦᠭᠦᠨ ᠲᠡᠷᠡ ᠮᠣᠭᠠᠢ ᠶᠢ ᠪᠠᠵᠠᠶᠢᠳᠠᠯᠠ ᠠᠳᠬᠤᠵᠤ ᠠᠪᠤᠭᠠᠳ ᠴᠢᠨᠠᠭᠰᠢ | ᠰᠢᠳᠠᠨ ᠶᠠᠪᠤᠭᠤᠯᠤᠭᠰᠠᠨ ᠢᠶᠠᠨ ᠨᠠᠮᠠᠶᠢ ᠡᠯᠢᠭᠡᠨ ᠳᠡᠭᠡᠨ ᠴᠢᠩᠭᠠ ᠲᠡᠪᠡᠷᠢᠵᠦ ︽ᠬᠦᠦ ᠮᠢᠨᠢ᠂ ᠡᠵᠢ ᠳᠡᠭᠡᠨ ᠢᠷᠡ︕ | ᠪᠤᠤ ᠠᠶᠤ︾ ᠭᠡᠵᠦ ᠬᠡᠯᠡᠭᠰᠡᠨ ᠦᠭᠡ ᠪᠠᠨ ᠠᠬᠢᠨ ᠲᠠᠭᠢᠨ ᠨᠣᠷᠱᠣᠬᠤ ᠳᠤ ᠬᠤᠭᠤᠯᠠᠢ ᠨᠢ ᠴᠡᠴᠡᠷᠡᠭᠡᠳ ᠵᠢᠷᠦᠬᠡ ᠨᠢ | ︽ᠲᠦᠭ ᠲᠦᠭ︾ ᠴᠣᠬᠢᠯᠠᠬᠤ ᠨᠢ ᠮᠡᠳᠡᠭᠳᠡᠵᠦ ᠪᠠᠶᠢᠯᠠ᠃ | ︽ᠦᠷᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠦᠬᠦᠬᠦ ᠠᠴᠠ ᠠᠶᠤᠬᠤ ᠦᠭᠡᠢ︾ ᠭᠡᠳᠡᠭ ᠦᠭᠡᠨ ᠤ ᠦᠨᠡᠨ ᠢ ᠪᠢ ᠲᠡᠷᠡ | ᠴᠠᠭ ᠠᠴᠠ ᠤᠬᠠᠭᠠᠷᠠᠪᠠ᠃ ᠦᠨᠡᠨ ᠢ ᠬᠡᠯᠡᠪᠡᠯ ᠮᠢᠨᠤ ᠡᠵᠢ ᠶᠡᠷᠦ ᠶᠢᠨ ᠦᠶᠡ ᠳᠡᠭᠡᠨ ᠳᠡᠭᠡᠰᠦᠨ ᠤ ᠲᠠᠰᠤᠷᠬᠠᠢ᠂ | ᠪᠥᠰ ᠤᠨ ᠥᠭᠡᠳᠡᠰᠦ ᠶᠢ ᠭᠦᠷᠳᠡᠯᠡ ︽ᠮᠣᠭᠠᠢ︾ ᠭᠡᠵᠦ ᠠᠳᠡᠭᠦᠷᠡᠨ ᠪᠠᠯᠠᠭ ᠠᠯᠳᠠᠲᠠᠯᠠ ᠠᠶᠤᠵᠤ ᠳᠤᠲᠠᠭᠠᠳᠠᠭ | ᠶᠤᠮᠰᠠᠨ᠃ ︽ᠲᠡᠷᠡ ᠡᠳᠦᠷ ᠶᠠᠭᠠᠬᠢᠭᠠᠳ ᠠᠶᠤᠵᠤ ᠡᠮᠢᠶᠡᠬᠦ ᠪᠠᠨ ᠲᠠᠭ ᠤᠮᠠᠷᠲᠠᠭᠠᠳ ᠰᠢᠭᠦᠷᠡᠨ ᠠᠪᠤᠮᠠᠭᠴᠠ ᠰᠢᠳᠠᠨ | ᠶᠠᠪᠤᠭᠤᠯᠤᠭᠰᠠᠨ ᠪᠤᠢ︖︾ ᠭᠡᠵᠦ ᠡᠷᠭᠢᠴᠡᠭᠦᠯᠦᠨ ᠰᠠᠨᠠᠬᠤ ᠠᠴᠠ ᠬᠥᠭᠡᠷᠦᠬᠦᠢ ᠡᠵᠢ ᠮᠢᠨᠢ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ | ᠬᠥᠮᠥᠨ ᠪᠣᠯᠵᠤ ᠰᠡᠳᠬᠢᠯ ᠢ ᠭᠡᠷᠡᠯᠳᠦᠭᠦᠯᠦᠨᠡ᠃ | ᠡᠳᠦᠷ ᠪᠣᠯᠭᠠᠨ ᠰᠢᠨᠡ ᠦᠯᠢᠭᠡᠷ ᠲᠠᠢ᠂ ᠡᠵᠢ ᠶᠢᠨ ᠬᠠᠶᠢᠷᠠ ᠲᠠᠢ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ᠂ ᠨᠠᠷᠠ ᠰᠠᠷᠠ | ᠬᠤᠶᠠᠷ ᠡᠭᠡᠯᠵᠢᠯᠡᠨ ᠭᠡᠷᠡᠯᠳᠦᠭᠦᠯᠦᠭᠰᠡᠨ᠂ ᠨᠣᠮ ᠰᠤᠳᠤᠷ ᠰᠢᠭ᠋ ᠭᠦᠨᠵᠡᠭᠡᠢ ᠲᠠᠯᠠ ᠮᠢᠨᠢ︕ | ︽ᠬᠥᠶ᠋ᠢ᠂ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠶᠢᠨ ᠮᠥᠬᠦᠯᠢᠭ ᠴᠢᠯᠠᠭᠤᠨ ᠳᠤ ᠴᠦ ᠠᠮᠢ ᠲᠠᠢ᠂ ᠮᠡᠳᠡᠷᠡᠮᠵᠢ ᠲᠠᠢ ᠰᠢᠦ︕︾ | ᠭᠡᠵᠦ ᠠᠪᠤ ᠶᠢᠨ ᠦᠭᠡ ᠪᠤᠳᠤᠬᠳᠠᠨᠠ᠃ ᠲᠡᠶᠢᠮᠦ ᠠ᠋᠂ ᠠᠳᠤᠭᠤᠨ ᠤ ᠪᠡᠯᠴᠢᠭᠡᠷ ᠲᠤ ᠤᠷᠭᠤᠭᠰᠠᠨ ᠲᠡᠷᠡ ᠤᠯᠠᠨ | ᠥᠩᠭᠡ ᠪᠦᠷᠢ ᠶᠢᠨ ᠴᠢᠯᠠᠭᠤᠳ ᠢ ᠰᠣᠨᠢᠷᠬᠠᠵᠤ ᠰᠠᠭᠤᠬᠤ ᠳᠤ ᠣᠨ ᠵᠢᠯ ᠤᠨ ᠤᠯᠠᠨ ᠠᠷᠪᠢᠨ ᠦᠯᠢᠭᠡᠷ ᠬᠦᠦᠷᠨᠢᠬᠦ | ᠰᠢᠭ ᠰᠠᠨᠠᠭᠳᠠᠬᠤ ᠪᠠᠷ ᠮᠥᠩᠬᠡ ᠶᠢᠨ ᠰᠤᠳᠤᠷ ᠪᠣᠯᠵᠤ ᠬᠠᠷᠠᠭᠠᠨ ᠡᠮᠦᠨᠡ ᠳᠡᠯᠭᠡᠭᠳᠡᠨᠡ᠃ | ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠶᠢᠨ ᠶᠠᠭᠤ ᠪᠦᠭᠦᠨ ᠨᠠᠮᠠ ᠳᠤ ᠲᠥᠪ ᠶᠡᠬᠡᠮᠰᠦᠭ᠂ ᠲᠤᠩᠭᠠᠯᠠᠭ ᠭᠡᠭᠡᠨ᠂ ᠲᠣᠳᠣ | ᠬᠠᠯᠠᠭᠤᠮᠰᠤᠭ ᠪᠠᠶᠢᠳᠠᠭ ᠨᠢ ᠬᠠᠶᠢᠷᠠᠯᠠᠵᠤ ᠬᠠᠷᠠᠮᠨᠠᠳᠠᠭ ᠵᠠᠩ ᠴᠢᠨᠠᠷ ᠠᠴᠠ ᠮᠢᠨᠢ ᠪᠣᠯᠤᠭᠰᠠᠨ ᠴᠦ ᠪᠢᠯᠢᠦ︖ | ᠴᠢᠯᠠᠭᠤᠳ ᠨᠢ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠪᠣᠯᠵᠤ ᠨᠠᠮᠠᠶᠢ ᠢᠷᠯᠡᠨᠡ᠃ ᠬᠤᠪᠢᠷᠠᠰᠢ ᠦᠭᠡᠢ ᠪᠠᠲᠤ ᠵᠣᠭᠰᠣᠯᠲᠠ ᠨᠢ | ᠵᠣᠷᠢᠭ ᠢ ᠮᠢᠨᠢ ᠬᠤᠷᠴᠠᠯᠠᠨᠠ᠃ ᠬᠤᠷᠠᠵᠤ ᠨᠡᠶᠢᠯᠡᠬᠦ ᠪᠠᠷ ᠠᠭᠤᠯᠠ ᠪᠣᠯᠵᠤ᠂ ᠬᠠᠲᠠᠭᠤᠷᠠᠵᠤ ᠳᠤᠭᠤᠶᠢᠷᠠᠬᠤ ᠪᠠᠷ ᠭᠦᠨ | ᠤᠬᠠᠭᠠᠨ ᠪᠤᠯᠳᠠᠭ ᠢ ᠨᠢ ᠪᠢ ᠲᠤᠩ ᠪᠢᠰᠢᠷᠡᠨᠡ᠃ ᠬᠠᠶᠠ ᠨᠢᠭᠡ ᠰᠥᠨᠢ ᠵᠡᠭᠦᠳᠦᠯᠡᠭᠡᠳ ᠰᠡᠷᠡᠬᠦ ᠳᠤ ᠮᠥᠩᠭᠦᠨ | ᠰᠠᠷᠠᠨ ᠠᠴᠠ ᠲᠠᠰᠤᠷᠠᠵᠦ ᠪᠠᠭᠤᠭᠰᠠᠨ ᠰᠢᠭ᠋ ᠭᠡᠷᠡᠯᠳᠦᠵᠦ ᠰᠠᠴᠤᠷᠠᠨᠠ᠃ | ᠡᠪᠦᠭᠡ ᠳᠡᠭᠡᠳᠦᠰ ᠴᠢᠯᠠᠭᠤᠨ ᠳᠤ ᠬᠢᠵᠠᠭᠠᠷ ᠦᠭᠡᠢ ᠬᠠᠶᠢᠷᠠᠲᠠᠢ ᠪᠠᠶᠢᠭᠰᠠᠨ ᠨᠢ ᠦᠨᠡᠨ᠃ ᠮᠥᠩᠬᠡ ᠶᠢᠨ | ᠬᠤᠲᠤᠭ᠂ ᠮᠥᠰᠥ ᠴᠢᠨᠠᠷ ᠢ ᠨᠢ ᠪᠠᠭ᠋ᠠᠷᠬᠠᠵᠤ ᠦᠰᠦᠭ ᠪᠢᠴᠢᠭ ᠢᠶᠠᠨ ᠳᠡᠭᠡᠷᠡ ᠨᠢ ᠰᠠᠶᠢᠯᠵᠦ ᠲᠡᠮᠳᠡᠭᠯᠡᠭᠡᠳ | ︽ᠴᠢᠯᠠᠭᠤᠨ ᠰᠤᠳᠤᠷ︾ ᠬᠡᠮᠡᠨ ᠨᠡᠷᠡᠶᠢᠳᠦᠭᠰᠡᠨ ᠨᠢ ᠴᠠᠭᠠᠨᠠ ᠪᠠᠨ ᠪᠠᠰᠠ ᠨᠢᠭᠤᠴᠠ ᠲᠠᠢ ᠴᠦ ᠮᠠᠭᠠᠳ ᠠ᠋⁈ | ᠬᠠᠳᠠᠨ ᠪᠢᠴᠢᠭ᠂ ᠠᠭᠤᠢ ᠶᠢᠨ ᠵᠢᠷᠤᠭ᠂ ᠴᠢᠯᠠᠭᠤᠨ ᠪᠢᠴᠢᠭ ᠁ ᠵᠡᠷᠭᠡ ᠠᠴᠠ ᠰᠢᠨᠵᠢᠬᠦ ᠳᠤ ᠥᠪᠡᠷ ᠥᠪᠡᠷ ᠤᠨ | ᠣᠨᠴᠠᠯᠢᠭ ᠰᠢᠨᠵᠢ ᠪᠠᠨ ᠬᠠᠳᠠᠭᠠᠯᠠᠵᠤ᠂ ᠦᠶᠡ ᠦᠶᠡ ᠶᠢᠨ ᠬᠥᠮᠥᠰ ᠤᠨ ᠬᠠᠷᠠᠭᠠ ᠬᠤᠵᠢᠷᠯᠠᠵᠤ ᠤᠶᠤᠨ ᠰᠠᠨᠠᠭᠠ ᠶᠢ | ᠭᠡᠶᠢᠭᠦᠯᠦᠨᠡ᠃ | ︽ᠴᠢᠯᠠᠭᠤ ᠲᠠᠢ ᠭᠠᠵᠠᠷ ᠭᠡᠷ ᠢᠶᠠᠨ ᠪᠠᠷᠢᠵᠤ᠂ ᠴᠢᠨ᠋ᠸᠠ ᠲᠠᠢ ᠭᠠᠵᠠᠷ ᠮᠠᠯ ᠢᠶᠠᠨ ᠪᠡᠯᠴᠢᠭᠡᠷᠯᠡᠭᠦᠯ︾ ᠭᠡᠰᠡᠨ | ᠪᠤᠭᠤᠷᠤᠯ ᠳᠡᠭᠡᠳᠦᠰ ᠤᠨ ᠮᠡᠷᠭᠡᠨ ᠦᠭᠡ ᠠᠯᠳ᠋ᠨ ᠠᠴᠠ ᠦᠨᠡ ᠲᠠᠢ ᠪᠠᠶᠢᠵᠤ ᠳ᠋ᠠ︕ | ᠪᠢ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠶᠢᠨ ᠡᠪᠡᠰᠦᠨ ᠳᠡᠭᠡᠨ ᠨᠡᠩ ᠬᠠᠶᠢᠷᠠᠲᠠᠢ᠃ ᠪᠤᠬᠢᠨᠢᠳᠤᠯ ᠭᠠᠭᠴᠠᠭᠠᠷᠳᠠᠯ ᠢ ᠮᠡᠳᠡᠬᠦ | ᠦᠭᠡᠢ ᠶᠤᠮ ᠰᠢᠭ᠋ ᠭᠠᠵᠠᠷ ᠪᠦᠷᠬᠦᠲᠡᠯᠡ ᠬᠥᠬᠡᠷᠡᠵᠦ ᠤᠷᠭᠤᠭᠠᠳ ᠲᠠᠯᠠᠢ ᠶᠢᠨ ᠤᠰᠤᠨ ᠰᠢᠭ᠋ ᠬᠠᠯᠢᠭᠤᠷᠠᠬᠤ ᠪᠠᠷ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠣᠩᠭᠤᠳ ᠬᠤᠪᠢᠯᠵᠤ ᠰᠡᠷᠡᠯ ᠢ ᠭᠦᠨᠳᠡᠨ᠂ ᠤᠷᠮᠠ ᠶᠢ ᠬᠥᠭᠵᠢᠭᠡᠨᠡ᠃ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠰᠦᠷᠦᠭ ᠤᠨ ᠲᠠᠷᠭᠤ ᠬᠦᠴᠦᠨ - ᠡᠪᠡᠰᠦ ᠮᠢᠨᠢ ᠠ᠋︕ ᠬᠠᠳᠤᠵᠤ ᠬᠢᠷᠭᠠᠭᠰᠠᠨ ᠴᠦ | ᠦᠬᠦᠳᠡᠭ ᠦᠭᠡᠢ᠂ ᠬᠠᠩᠬᠤᠯᠲᠠᠯᠠ ᠲᠠᠭᠢᠵᠦ ᠤᠷᠭᠤᠳᠠᠭ ᠴᠢᠨᠦ ᠡᠷᠡᠰᠭᠡᠨ ᠠᠭᠠᠯᠢ᠂ ᠦᠨᠡᠨᠴᠢ ᠬᠠᠶᠢᠷᠠ ᠳᠤ ᠴᠢᠨᠢ | ᠦᠭᠡ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠦᠬᠡᠷ ᠴᠦ ᠳᠣᠭᠳᠣᠯᠬᠤ ᠳᠠᠭᠠᠨ ᠮᠥᠭᠡᠷᠡᠨᠡ ᠭᠡᠳᠡᠭ᠃ ᠦᠨᠡᠨ - ᠲᠡᠶᠢᠮᠦ ᠤᠤ⁈ | ᠪᠤᠭᠤ ᠰᠤᠭᠤ᠂ ᠵᠡᠭᠡᠷᠡ ᠬᠤᠯᠠᠨ᠂ ᠲᠠᠤᠯᠠᠢ᠂ ᠠᠯᠠᠭᠳᠠᠭᠠ᠂ ᠬᠤᠷᠣᠬᠠᠢ ᠁ ᠪᠦᠭᠦᠳᠡ ᠶᠢᠨ ᠠᠮᠢᠨ ᠲᠡᠵᠢᠭᠡᠯ | ᠪᠤᠯᠬᠤ ᠳᠠᠭᠠᠨ ᠭᠠᠪᠢᠶᠠᠷᠬᠠᠳᠠᠭ ᠦᠭᠡᠢ᠃ ᠶᠡᠭᠡ ᠪᠠᠭᠠ ᠭᠡᠵᠦ ᠢᠯᠭᠠᠳᠠᠭ ᠴᠦ ᠦᠭᠡᠢ᠃ ᠤᠷᠭᠤᠬᠤ ᠪᠠᠷ ᠢᠶᠠᠨ | ᠤᠷᠭᠤᠵᠦ᠂ ᠦᠷᠡᠯᠡᠬᠦ ᠪᠠᠷ ᠢᠶᠠᠨ ᠦᠷᠡᠯᠡᠨᠡ᠃ | ᠵᠢᠪᠠᠷ ᠲᠠᠢ ᠦᠳᠡᠰᠢ ᠶᠢᠨ ᠰᠢᠪᠡᠨᠡᠭᠡ ᠶᠢ ᠴᠢᠨᠢ ᠰᠤᠨᠤᠰᠬᠤ ᠠᠴᠠ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠠᠯᠵᠢᠶᠠᠯ ᠲᠠᠶᠢᠯᠤᠭᠳᠠᠵᠤ | ᠪᠡᠶᠡ ᠲᠠᠶᠢᠳᠬᠤᠷᠠᠨᠠ᠃ ᠲᠠᠨ ᠳᠤ ᠤᠶᠢᠳᠬᠠᠷ ᠭᠡᠵᠦ ᠪᠠᠶᠢᠳᠠᠭ ᠦᠭᠡᠢ᠃ ᠭᠤᠨᠢᠭ ᠴᠦ ᠪᠠᠶᠢᠳᠠᠭ ᠦᠭᠡᠢ᠃ ᠪᠠᠶᠠᠷ | ᠪᠠᠶᠠᠰᠤᠯ᠂ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠲᠠᠨ ᠤ ᠬᠢ ᠪᠠᠶᠢᠵᠠᠢ᠃ ᠵᠤᠨ ᠤ ᠥᠷᠯᠥᠭᠡ᠂ ᠨᠠᠪᠴᠢᠨ ᠤ ᠴᠢᠨᠢ ᠳᠡᠭᠡᠷᠡ ᠪᠥᠮᠪᠥᠷᠢᠬᠦ | ᠰᠢᠭᠦᠳᠡᠷᠢ ᠶᠢᠨ ᠰᠠᠶᠢᠬᠠᠨ ᠢ ᠶᠠᠭᠠᠬᠢᠨᠠ︖ ᠶᠠᠭᠤ ᠨᠢᠭᠡ ᠶᠢ ᠨᠠᠳᠠ ᠳᠤ ᠬᠡᠯᠡᠬᠦ ᠰᠢᠭ ᠥᠭᠡᠳᠡ ᠠᠴᠠ ᠰᠤᠪᠤᠳ ᠱᠢᠷᠦ | ᠰᠢᠭ ᠭᠢᠯᠲᠠᠭᠠᠨᠠᠭᠠᠳ ᠪᠠᠶᠢᠳᠠᠭ ᠢ ᠴᠢᠨᠢ ᠨᠡᠩ ᠶᠠᠭᠠᠬᠢᠨᠠ⁈ | ᠰᠢᠬᠢᠷ ᠡᠪᠡᠰᠦ᠂ ᠵᠡᠭᠡᠷᠭᠡᠨᠡ ᠁ ᠤᠯᠠᠨ ᠵᠦᠢᠯ ᠤᠨ ᠡᠪᠡᠰᠦ ᠤᠷᠭᠤᠮᠠᠯ ᠡᠮ ᠪᠣᠯᠵᠤ ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠢ ᠡᠪᠡᠳᠴᠢᠨ ᠡᠮᠭᠡᠭ ᠤᠨ ᠵᠤᠪᠠᠯᠠᠩ ᠠᠴᠠ ᠵᠠᠶᠢᠯᠠᠭᠤᠯᠤᠨᠠ᠃ ᠲᠠᠨ ᠠᠴᠠ ᠠᠮᠢᠳᠠᠨ ᠭᠤᠣᠯᠲᠠᠨ | ᠬᠡᠵᠢᠶᠡᠳᠡ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ᠃ ᠸᠣᠯᠲ ᠸᠧᠢᠲᠮᠠᠨ ᠴᠦ ᠴᠢᠮᠠ ᠳᠤ ᠬᠠᠶᠢᠷᠠᠲᠠᠢ ᠪᠠᠶᠢᠭᠰᠠᠨ ᠠᠴᠠ ︽ᠡᠪᠡᠰᠦ | ᠨᠠᠪᠴᠢᠨ ᠤ ᠲᠡᠭᠦᠪᠦᠷᠢ︾ ᠭᠡᠬᠦ ᠰᠢᠯᠦᠭ ᠢᠶᠠᠷ ᠢᠶᠠᠨ ᠳᠡᠯᠡᠬᠡᠢ ᠳᠤ ᠠᠯᠳᠠᠷᠰᠢᠭᠰᠠᠨ᠃ | ᠳᠡᠯᠭᠡᠭᠰᠡᠨ ᠰᠤᠳᠤᠷ ᠰᠢᠭ᠋ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠮᠢᠨᠤ︕ ᠳᠡᠭᠡᠳᠦᠰ ᠤᠨ ᠮᠢᠨᠢ ᠣᠷᠣᠰᠢᠵᠤ | ᠠᠮᠢᠳᠤᠷᠠᠭᠰᠠᠨ ᠨᠤᠲᠤᠭ ᠤᠰᠤᠨ ᠮᠢᠨᠤ︕ | ᠲᠤᠷᠤᠨᠠ ᠵᠦᠭ ᠲᠡᠮᠡᠦᠯᠦᠨ ᠵᠢᠳᠬᠦᠬᠦ ᠭᠤᠣᠯ ᠭᠤᠷᠤᠬᠠ ᠶᠢᠨ ᠴᠢᠨᠢ ᠤᠶᠠᠩᠭᠠ ᠲᠠᠢ ᠰᠢᠷᠤᠩᠬᠠᠢ ᠶᠢ | ᠴᠢᠩᠨᠠᠵᠤ ᠵᠤᠬᠰᠤᠬᠤ ᠳᠠᠭᠠᠨ ᠪᠢ ᠤᠷᠳᠤ ᠶᠢᠨ ᠳᠠᠭᠤᠤ ᠪᠠᠨ ᠰᠠᠨᠠᠵᠤ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠭᠢᠩᠰᠢᠵᠦ ᠭᠠᠷᠳᠠᠭ᠃ | ᠤᠷᠤᠰᠬᠤ ᠪᠠᠷ ᠴᠡᠪᠡᠷᠰᠢᠵᠦ᠂ ᠤᠶᠢᠯᠰᠤᠬᠤ ᠪᠠᠷ ᠲᠤᠩᠭᠠᠯᠠᠭᠰᠢᠭᠠᠳ ᠣᠨ ᠵᠢᠯ ᠤᠨ ᠠᠩᠭᠠᠯ ᠲᠠᠶᠢᠯᠵᠦ ᠢᠷᠡᠭᠰᠡᠨ | ᠭᠡᠭᠡᠨ ᠲᠡᠦᠬᠡ ᠶᠢ ᠴᠢᠨᠢ ᠬᠥᠮᠥᠨ ᠠᠮᠢᠳᠠᠨ ᠪᠦᠷ ᠮᠡᠳᠡᠨᠡ᠃ | ᠭᠠᠳᠠᠭᠰᠢ ᠤᠷᠤᠰᠤᠭᠰᠠᠨ ᠴᠦ ᠳᠣᠲᠣᠭᠰᠢ ᠪᠠᠨ ᠴᠢᠳᠬᠤᠯᠠᠳᠠᠭ ᠭᠤᠣᠯ ᠭᠤᠷᠤᠬᠠ ᠪᠠᠨ ᠬᠠᠷᠠᠬᠤ ᠳᠤ | ᠡᠬᠡ ᠶᠢᠨ ᠴᠠᠭᠠᠨ ᠰᠦ ᠪᠣᠯᠵᠤ ᠴᠢᠰᠤᠨ ᠰᠤᠳᠠᠰᠤ ᠪᠦᠭᠦᠨ ᠢᠶᠠᠷ ᠨᠡᠪᠳᠡᠷᠡᠨᠡ᠃ ᠳᠡᠭᠳᠡᠭᠡᠬᠡᠢ ᠪᠠᠨ ᠳᠠᠭᠠᠭᠤᠯᠵᠤ | ᠱᠤᠮᠪᠠᠭ᠋ᠤ ᠬᠥᠭᠡᠷᠦᠬᠦᠨ ᠴᠠᠭᠠᠨ ᠬᠤᠨ᠂ ᠴᠡᠩᠬᠡᠷ ᠤᠰᠤᠨ ᠤ ᠴᠢᠨᠢ ᠳᠡᠭᠡᠷᠡ ᠬᠠᠶᠢᠷᠠ ᠶᠢᠨ ᠠᠮᠢᠳᠤ ᠵᠢᠷᠤᠭ ᠲᠠᠲᠠᠯᠠᠵᠤ | ᠥᠩᠭᠡᠷᠡᠨᠡ᠃ ᠴᠢ ᠬᠠᠶᠢᠷᠠ ᠶᠢᠨ ᠳᠡᠯᠡᠬᠡᠢ ᠪᠠᠶᠢᠵᠤ ᠳ᠋ᠠ⁈ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠮᠢᠨᠢ ᠠ᠋︕ | ︽ᠲᠤᠩᠭᠤᠰ᠂ ᠲᠤᠩᠭᠤᠰ︾ ᠭᠦᠶᠦᠳᠡᠭ ᠲᠠᠤᠯᠠᠢ ᠶᠢᠨ ᠪᠥᠵᠥᠩ ᠴᠦ ᠴᠢᠮᠠ ᠠᠴᠠ ᠬᠤᠯᠠᠳᠠᠬᠤ ᠦᠭᠡᠢ᠃ ᠬᠥᠮᠥᠨ | ᠬᠠᠷᠠ ᠠᠴᠠ ᠡᠮᠢᠶᠡᠨ ᠳᠤᠲᠠᠭᠠᠭᠰᠠᠨ ᠴᠦ ᠡᠷᠭᠢᠭᠡᠳ ᠯᠡ ᠴᠢᠮᠠ ᠳᠡᠭᠡᠷᠡ ᠪᠠᠨ ᠢᠷᠡᠨᠡ᠃ ᠲᠣᠷᠭᠠᠨ ᠵᠠᠮ ᠢ | ᠨᠡᠭᠡᠭᠡᠭᠰᠡᠨ ᠲᠡᠮᠡᠭᠡᠳ ᠴᠢᠨᠢ ᠬᠢᠯᠢ ᠳᠠᠪᠠᠭᠰᠠᠨ ᠴᠦ ᠪᠤᠶᠢᠯᠠᠨ ᠪᠤᠶᠢᠯᠠᠬᠰᠠᠭᠠᠷ ᠴᠢᠮᠠ ᠳᠠᠭᠠᠨ ᠢᠷᠡᠨᠡ᠃ ᠲᠠᠳᠠᠨ ᠤ | ᠨᠢᠳᠦᠨ ᠳᠤ ᠴᠢ ᠪᠣᠯ ᠥᠮᠥᠭ ᠲᠦᠰᠢᠭ᠂ ᠥᠨᠢᠳᠡ ᠣᠷᠣᠰᠢᠬᠤ ᠶᠢᠨ ᠠᠮᠤᠭᠤᠯᠠᠩ ᠣᠷᠣᠨ ᠵᠠᠢ ᠨᠢ ᠶᠤᠮ᠃ | ᠲᠡᠭᠷᠢ ᠲᠦᠰᠢᠭᠰᠡᠨ ᠠᠭᠤᠯᠠᠰ ᠢ ᠴᠢᠨᠢ ᠪᠠᠷᠠᠯᠠᠬᠤ ᠪᠠᠷ ᠪᠢ ᠰᠡᠬᠡᠭᠡᠷᠡᠨᠡ᠃ ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠮᠢᠨᠢ︕ | ᠵᠢᠷᠦᠬᠡ ᠪᠠᠨ ᠬᠤᠯᠪᠣᠭᠰᠠᠨ ᠲᠡᠳᠡᠭᠡᠷ ᠤᠯᠠᠨ ᠴᠢᠯᠠᠭᠤᠳ ᠴᠢᠨᠢ ᠣᠷᠣᠨ ᠪᠠᠶᠢᠷᠢ ᠪᠠᠨ ᠰᠠᠬᠢᠭᠠᠳ ᠣᠪᠣᠷ ᠭᠡᠵᠦ ᠴᠦ | ᠭᠦᠳᠡᠯᠳᠡᠭ ᠦᠭᠡᠢ᠃ ᠣᠯᠠᠭᠤᠯᠠ ᠪᠠᠨ ᠢᠵᠢᠯᠰᠢᠨ ᠨᠢᠭᠡᠳᠴᠦ ᠤᠷᠭᠢᠯ ᠢᠶᠠᠨ ᠡᠷᠭᠦᠭᠡᠳ ᠰᠦᠷ ᠭᠡᠷᠡᠯ ᠲᠠᠢ ᠰᠡᠬᠦᠶᠢᠨᠡ᠃ | | ᠪᠦᠷᠭᠦᠳ ᠴᠢᠮᠠ ᠳᠡᠭᠡᠷᠡ ᠰᠠᠭᠤᠵᠤ ᠦᠳᠦ ᠰᠣᠳᠣ ᠪᠠᠨ ᠰᠡᠯᠪᠢᠳᠡᠭ ᠨᠢ ᠳᠣᠲᠣᠷᠠ ᠠᠴᠠ ᠪᠠᠨ ᠭᠡᠷᠡᠯᠳᠦᠭᠦ ᠴᠢᠯᠠᠭᠤ | ᠪᠦᠭᠦᠨ ᠤ ᠴᠢᠨᠢ ᠢᠯᠴᠢ ᠭᠡᠷᠡᠯ ᠢ ᠰᠢᠩᠭᠡᠭᠡᠵᠦ᠂ ᠥᠨᠳᠥᠷ ᠨᠢᠰᠬᠦ ᠪᠠᠷ ᠪᠡᠯᠡᠳᠬᠡᠵᠦ ᠪᠠᠶᠢᠭᠠ ᠪᠢᠵᠡ︖ ᠬᠦᠢᠲᠡᠨ | ᠰᠢᠭᠤᠷᠭᠠ ᠲᠠᠢ ᠡᠪᠦᠯ ᠤᠨ ᠰᠥᠨᠢ᠃ ᠵᠡᠭᠡᠷᠡ ᠶᠢᠨ ᠰᠦᠷᠦᠭ ᠳᠤᠯᠠᠭᠠᠨ ᠡᠩᠭᠡᠷ ᠲᠤ ᠴᠢᠨᠢ ᠳᠠᠪᠬᠢᠨ ᠢᠷᠡᠳᠡᠭ ᠢ ᠴᠦ | ᠪᠢ ᠣᠯᠠᠨᠲᠠ ᠬᠠᠷᠠᠯᠠ᠃ ᠭᠠᠵᠠᠷ ᠠᠴᠠ ᠤᠷᠭᠤᠭᠰᠠᠨ ᠠᠭᠤᠯᠠ ᠭᠡᠵᠦ ᠬᠥᠮᠥᠨ ᠠᠮᠢᠳᠠᠨ ᠤ ᠥᠮᠥᠭ ᠲᠦᠰᠢᠭ ᠴᠦ | ᠶᠤᠮ ᠤᠤ︖ | ᠲᠠᠭᠤ ᠦᠭᠡᠢ ᠨᠢ ᠳᠤᠤᠭᠠᠷᠬᠤ ᠠᠴᠠ ᠪᠠᠨ ᠬᠦᠴᠦᠲᠡᠢ ᠭᠡᠵᠦ ᠠᠭᠤᠯᠠ ᠴᠢ ᠶᠡᠷᠦ ᠳᠡᠭᠡᠨ ᠳᠤᠭᠤᠢ᠃ ᠭᠡᠲᠡᠯᠡ | ᠭᠠᠭᠴᠠᠬᠠᠨ ᠳᠤᠤᠭᠠᠷᠬᠤ ᠪᠠᠷ ᠭᠠᠵᠠᠷ ᠲᠡᠭᠷᠢ ᠲᠤᠷᠭᠢᠵᠦ᠂ ᠭᠠᠯᠪᠠ ᠶᠢᠷᠲᠢᠨᠴᠦ ᠳᠣᠯᠭᠢᠰᠤᠨᠠ ᠳ᠋ᠠ᠃ ᠠᠭᠤᠯᠠ ᠮᠢᠨᠢ᠂ | ᠴᠢᠨᠦ ᠮᠡᠳᠡᠷᠡᠮᠵᠢ ᠶᠢ ᠪᠢ ᠬᠠᠮᠤᠭ ᠠᠴᠠ ᠲᠣᠭᠤᠨᠠ᠃ ᠴᠢᠨᠦ ᠠᠷᠢᠭᠤᠨ ᠴᠠᠭᠠᠨ ᠰᠠᠨᠠᠭᠠ ᠶᠢ ᠲᠤᠶᠢᠯ ᠢᠶᠠᠷ ᠪᠢᠰᠢᠷᠡᠨᠡ᠃ | ᠴᠢᠮᠠ ᠶᠢ ᠲᠦᠰᠢᠵᠦ ᠪᠢ ᠬᠥᠯ ᠳᠡᠭᠡᠷᠡ ᠪᠠᠨ ᠲᠣᠭᠲᠠᠭᠰᠠᠨ ᠰᠠᠨ᠃ | ᠲᠥᠭᠡᠷᠢᠬᠦ ᠳᠤ ᠵᠠᠮᠴᠢ ᠪᠣᠯᠤᠭᠰᠠᠨ ᠠᠴᠢᠲᠠᠨ᠂ ᠲᠦᠪᠡᠭᠳᠡᠬᠦ ᠳᠤ ᠲᠤᠰᠠᠯᠠᠵᠤ ᠳᠡᠮᠵᠢᠭᠰᠡᠨ ᠭᠠᠪᠢᠶᠠᠲᠠᠨ᠃ | ᠪᠦᠳᠦᠷᠢᠬᠦ ᠳᠤ ᠡᠷᠭᠦᠵᠦ ᠪᠣᠰᠬᠠᠭᠰᠠᠨ ᠡᠴᠢᠭᠡ᠂ ᠪᠤᠷᠤᠭᠤᠳᠠᠬᠤ ᠳᠤ ᠵᠥᠪᠲᠥᠭᠡᠵᠦ ᠰᠡᠬᠡᠭᠡᠷᠡᠭᠦᠯᠦᠭᠰᠡᠨ ᠡᠵᠢ ᠲᠠ | ᠪᠠᠶᠢᠵᠠᠢ᠃ ︽ᠪᠦᠯᠬᠦᠮᠳᠡᠯ ᠤᠨ ᠰᠦᠭ᠂ ᠳᠡᠯᠡᠬᠡᠢ ᠬᠠᠷᠠᠭᠤᠯᠤᠭᠰᠠᠨ ᠨᠢᠳᠦ︾ ᠬᠡᠮᠡᠨ ᠪᠢ ᠬᠠᠮᠢᠭᠠ ᠭᠦᠷᠦᠭᠰᠡᠨ ᠴᠦ | ᠳᠠᠭᠤᠯᠠᠵᠤ ᠰᠢᠯᠦᠭᠯᠡᠬᠦ ᠪᠠᠨ ᠵᠤᠬᠰᠤᠬᠤ ᠦᠭᠡᠢ᠃ | ᠤᠩᠰᠢᠵᠤ ᠳᠠᠭᠤᠰᠬᠤ ᠦᠭᠡᠢ ᠮᠥᠩᠬᠡ ᠶᠢᠨ ᠨᠣᠭᠤᠭᠠᠨ ᠰᠤᠳᠤᠷ - ᠡᠷᠲᠡᠨ ᠤ ᠬᠡᠭᠡᠷᠡ ᠲᠠᠯᠠ ᠮᠢᠨᠤ᠃ | ᠮᠣᠷᠢ ᠪᠠᠷ ᠳᠠᠪᠬᠢᠭᠤᠯᠬᠤ ᠳᠤ ᠪᠤᠭᠤᠷᠤᠯ ᠲᠡᠦᠬᠡ ᠦᠭᠡᠶᠢᠯᠡᠭᠳᠡᠨᠡ᠃ ᠮᠠᠨᠳᠤᠬᠤ ᠨᠠᠷᠠ ᠶᠢ ᠤᠭᠲᠤᠬᠤ ᠳᠤ ᠢᠷᠡᠭᠡᠳᠦᠢ | ᠮᠢᠨᠢ ᠦᠵᠡᠭᠳᠡᠨᠡ᠃ ᠠᠭᠤᠳᠠᠯᠵᠤ ᠪᠠᠷᠠᠬᠤ ᠦᠭᠡᠢ ᠥᠪ ᠰᠣᠶᠣᠯ᠂ ᠥᠮᠴᠢᠷᠬᠡᠵᠦ ᠥᠭᠡᠳᠡᠯᠡᠬᠦ ᠬᠡᠶᠢᠮᠣᠷᠢ ᠰᠦᠯᠳᠡ | ᠮᠢᠨᠢ ᠠ᠋⁈ | |