| ᠣᠷᠴᠢᠮ ᠨᠣᠮ ᠤᠩᠰᠢᠬᠤ ᠲᠤᠬᠠᠢ ᠤᠯᠠᠨ ᠰᠠᠶᠢᠬᠠᠨ ᠶᠠᠷᠢᠯᠴᠠᠭᠠ ᠥᠷᠨᠢᠵᠦ ᠪᠤᠢ᠃ ᠬᠡᠳᠦᠨ ᠵᠣᠬᠢᠶᠠᠯ | ᠤᠩᠰᠢᠵᠤ ᠦᠵᠡᠭᠡᠳ ᠤᠯᠠᠨ ᠬᠤᠨᠤᠭ ᠥᠪᠡᠷ ᠤᠨ ᠢᠶᠠᠨ ᠨᠣᠮ ᠤᠩᠰᠢᠭᠰᠠᠨ ᠪᠠᠶᠢᠳᠠᠯ ᠢᠶᠠᠨ ᠰᠢᠭᠦᠵᠦ᠂ ᠨᠠᠷᠢᠨ | ᠲᠤᠩᠭᠠᠨ ᠪᠣᠳᠣᠯᠬᠢᠯᠠᠵᠤ ᠦᠵᠡᠯᠡ᠃ ᠤᠷᠢᠳ ᠨᠢ ᠥᠨᠳᠥᠷ ᠲᠤᠮᠳᠠᠳᠤ ᠶᠢᠨ ᠬᠢᠴᠢᠶᠡᠯ ᠳᠡᠭᠡᠷᠡ ︽ᠲᠣᠯᠣᠭᠠᠢ︾ ᠭᠡᠰᠡᠨ | ᠰᠠᠶᠢᠬᠠᠨ ᠵᠣᠬᠢᠶᠠᠯ ᠪᠠᠶᠢᠭᠰᠠᠨ᠃ ᠲᠡᠷᠡ ᠬᠦ ᠵᠣᠬᠢᠶᠠᠯ ᠳᠤ ᠬᠡᠵᠢᠶᠡᠳᠡ ᠦᠨᠡᠨ ᠦᠭᠡ ᠬᠡᠯᠡᠵᠦ ᠶᠠᠪᠤᠳᠠᠭ ᠳ᠋ᠦᠩᠭᠡᠷ | ᠠᠪᠤᠭᠠᠢ ᠬᠤᠳᠠᠯᠴᠢ ᠲᠤᠮᠰᠤᠨ ᠳᠤ ᠬᠠᠷᠢᠭᠤᠯᠬᠤ ᠳᠠᠭᠠᠨ᠄︽ᠦᠨᠡᠨ ᠢᠶᠠᠷ ᠨᠢ ᠵᠥᠪ ᠰᠠᠶᠢᠬᠠᠨ ᠪᠢᠴᠢᠪᠡᠯ ᠵᠦᠭᠡᠷ | ᠶᠠᠭᠤᠮᠠ ᠪᠤᠯᠬᠤ ᠪᠠᠶᠢᠬᠠ︾ ᠭᠡᠰᠡᠨ ᠶᠤᠮ᠃ ᠥᠨᠥ ᠡᠨᠡ ᠦᠭᠡ ᠶᠢ ᠪᠠᠭ᠋ᠠᠨ ᠬᠤᠪᠢᠷᠠᠭᠤᠯᠵᠤ ᠬᠡᠯᠡᠮᠡᠷ ᠪᠠᠶᠢᠨᠠ᠄ | ᠦᠨᠡᠨ ᠢᠶᠠᠷ ᠨᠢ ᠵᠥᠪ ᠰᠠᠶᠢᠬᠠᠨ ᠬᠡᠯᠡᠪᠡᠯ ᠨᠣᠮ ᠤᠩᠰᠢᠬᠤ ᠲᠤᠬᠠᠢ ᠪᠠᠭ᠋ᠠᠨ ᠬᠡᠷᠡᠭᠴᠡᠭᠡ ᠲᠠᠢ ᠤᠴᠢᠷ ᠬᠡᠯᠡᠵᠦ | ᠭᠠᠷᠭᠠᠵᠤ ᠮᠡᠳᠡᠨᠡ᠃ | ᠡᠩ ᠲᠦᠷᠦᠭᠦᠨ ᠳᠤ ᠪᠢ ᠤᠯᠠᠨ ᠨᠣᠮ ᠤᠩᠰᠢᠭᠰᠠᠨ ᠬᠥᠮᠥᠰ ᠤᠨ ᠲᠣᠭᠠᠨ ᠳᠤ ᠠᠷᠠᠢ ᠪᠠᠭᠲᠠᠬᠤ ᠦᠭᠡᠢ | ᠪᠠᠶᠢᠬᠠ ᠭᠡᠰᠡᠨ ᠪᠤᠲᠣᠯ ᠢᠶᠠᠨ ᠬᠡᠯᠡᠶᠡ᠃ ᠪᠠᠭᠰᠢᠯᠠᠵᠤ ᠪᠠᠶᠢᠬᠤ ᠳᠠᠭᠠᠨ ᠦᠷᠭᠦᠯᠵᠢ ᠨᠣᠮ ᠤᠩᠰᠢᠳᠠᠭ ᠬᠡᠳᠦᠨ | ᠬᠥᠮᠥᠨ ᠤ ᠨᠥᠯᠥᠭᠡ ᠪᠠᠷ ᠡᠳᠦᠢ ᠲᠡᠳᠦᠢ ᠨᠣᠮ ᠤᠩᠰᠢᠵᠠᠢ᠃ ᠬᠤᠵᠢᠮ ᠨᠢ ᠠᠵᠢᠯ ᠰᠢᠯᠵᠢᠭᠡᠳ ᠡᠯᠳᠡᠪ ᠡᠰᠡᠨ | ᠮᠠᠲ᠋ᠧᠷᠢᠶᠠᠯ ᠡᠷᠢᠶᠡᠴᠢᠵᠦ ᠰᠠᠭᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠨᠣᠮ ᠤᠩᠰᠢᠬᠤ ᠴᠠᠭ ᠲᠤᠩ ᠪᠠᠭᠠ ᠪᠣᠯᠵᠠᠢ᠃ ᠨᠡᠩ ᠴᠤ | ᠤᠳᠤ ᠪᠣᠯ ᠪᠠᠭᠠ ᠰᠠᠭᠠ ᠶᠠᠭᠤᠮᠠ ᠣᠷᠴᠢᠭᠤᠯᠵᠤ ᠰᠠᠭᠤᠬᠤ ᠠᠴᠠ ᠣᠨᠳᠣᠣ ᠶᠠᠭᠤ ᠴᠤ ᠤᠩᠰᠢᠵᠤ ᠣᠷᠣᠬᠤ ᠦᠭᠡᠢ | ᠪᠣᠯᠪᠠ᠃ | ᠮᠢᠨᠤ ᠨᠣᠮ ᠤᠩᠰᠢᠭᠰᠠᠨ ᠶᠡᠷᠦᠩᠬᠡᠢ ᠪᠠᠶᠢᠳᠠᠯ ᠢᠶᠠᠨ ᠡᠷᠭᠢᠴᠡᠭᠦᠯᠪᠡᠯ᠄ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠱᠠᠲᠤᠨ ᠳᠤ | ᠪᠣᠯ ᠨᠢᠭᠡ ᠬᠡᠳᠦᠨ ᠬᠡᠦᠬᠡᠳ ᠤᠨ ᠵᠢᠷᠤᠭᠲᠤ ᠨᠣᠮ᠂ ︽ᠴᠣᠮᠣᠷᠯᠢᠭ︾ ︽ᠨᠠᠬᠢᠶᠠ︾ ᠠᠴᠠ ᠥᠭᠡᠷᠡ ᠭᠠᠪᠢᠭᠰᠠᠨ ᠵᠦᠢᠯ | ᠦᠭᠡᠢ᠃ | ᠠᠩᠬᠠ ᠲᠤᠮᠳᠠᠳᠦ ᠶᠢᠨ ᠦᠶᠡ ᠳᠤ ᠲᠣᠭᠠᠨ ᠤ ᠬᠢᠴᠢᠶᠡᠯ᠂ ᠹᠢᠽᠢᠺ ᠤᠨ ᠬᠢᠴᠢᠶᠡᠯ ᠳᠡᠭᠡᠷᠡ ᠨᠢᠭᠤᠵᠤ | ᠵᠡᠪᠰᠡᠭ ᠤᠨ ᠡᠷᠳᠡᠮ ᠤᠨ ᠦᠯᠢᠭᠡᠷ ᠦᠵᠡᠳᠡᠭ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠰᠣᠩᠭᠤᠳᠠᠭ ᠨᠣᠮ ᠶᠠᠭᠤ ᠭᠡᠵᠦ ᠳᠡᠮᠡᠢ | ᠴᠡᠭᠡᠵᠢᠯᠡᠭᠰᠡᠨ ᠦᠭᠡᠢ᠃ ᠬᠠᠷᠢᠨ ︽ᠬᠤᠶᠠᠳᠠᠭᠢ ᠠᠭᠤᠯᠵᠠᠯᠲᠠ︾ ︽ᠮᠣᠷᠢ ᠣᠨᠣᠭᠰᠠᠨ ᠲᠣᠯᠣᠭᠠᠢ ᠦᠭᠡᠢ ᠬᠥᠮᠥᠨ︾ | ︽ᠠᠩᠭᠢ ᠶᠢᠨ ᠡᠷᠭᠢᠯᠡᠭᠴᠢ︾ ᠵᠡᠷᠭᠡ ᠶᠢ ᠯᠡ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ | ᠥᠨᠳᠥᠷ ᠲᠤᠮᠳᠠᠳᠦ ᠳᠤ ᠣᠷᠣᠭᠠᠳ ᠷᠣᠮᠠᠨᠲ᠋ᠢᠭ ᠬᠠᠶᠢᠷᠠ ᠳᠤᠷᠠᠯᠠᠯ ᠤᠨ ᠬᠠᠮᠢᠶᠠ ᠲᠠᠢ ᠨᠣᠮ ᠨᠡᠯᠢᠶᠡᠳ | ᠤᠩᠰᠢᠵᠠᠢ᠃ ︽ᠴᠠᠢ ᠶᠢᠨ ᠴᠡᠴᠡᠭᠲᠦ ᠠᠪᠠᠭ᠋ᠠᠢ︾ ︽ᠤᠯᠠᠭᠠᠨ ᠤ ᠬᠢᠨ ᠪᠠ ᠬᠠᠷᠠ ᠶᠢᠨ ᠬᠢᠨ︾ ᠁ ᠵᠡᠷᠭᠡ᠃ | ᠢᠩᠭᠢᠭᠡᠳ ᠪᠠᠷᠤᠭ ᠯᠡ ᠬᠡᠢ ᠰᠣᠯᠢᠶᠠ ᠣᠷᠣᠭᠰᠠᠨ ᠶᠤᠮ ᠤᠤ ᠡᠰᠡᠬᠦᠯᠡ ᠰᠡᠳᠬᠢᠯᠭᠡ ᠶᠢᠨ ᠡᠮᠵᠡᠭᠯᠡᠯ ᠭᠠᠵᠢᠳᠠᠯ | ᠭᠠᠷᠤᠭᠰᠠᠨ ᠴᠤ ᠶᠤᠮ ᠤᠤ︖ ᠪᠤᠤ ᠮᠡᠳᠡ᠃ ᠶᠠᠭᠤ ᠴᠤ ᠭᠡᠰᠡᠨ ᠬᠤᠵᠢᠮ ᠨᠢ ᠢᠨᠠᠭ ᠬᠤᠩᠭᠤᠷ ᠰᠣᠩᠭᠤᠬᠤ ᠪᠤᠶᠤ | ᠠᠮᠢᠳᠤᠷᠠᠯ ᠤᠷᠤᠭ ᠢ ᠠᠳᠠᠪᠠᠰᠢ ᠮᠠᠭᠤᠬᠠᠢ ᠪᠠᠷ ᠨᠥᠯᠥᠭᠡᠯᠡᠵᠡᠢ᠃ ᠲᠡᠭᠡᠭᠦᠯᠡᠷ ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠪᠦᠭᠦᠨ ᠵᠠᠪᠠᠯ | ᠡᠷᠳᠡᠨᠢ ᠪᠢᠰᠢ᠂ ᠶᠠᠭ ᠰᠠᠶᠢᠨ ᠡᠮ ᠪᠦᠭᠦᠨ ᠢ ᠳᠤᠷᠠ ᠪᠠᠷ ᠢᠳᠡᠵᠦ ᠪᠤᠯᠬᠤ ᠦᠭᠡᠢ ᠲᠠᠢ ᠠᠪ ᠠᠳᠠᠯᠢᠬᠠᠨ ᠶᠣᠰᠣ᠃ | ᠰᠤᠷᠤᠬᠴᠢ ᠨᠠᠰᠤᠨ ᠳᠤ ᠪᠠᠭᠰᠢ ᠶᠢᠨ ᠳᠠᠭᠠᠭᠤᠯᠭᠠ ᠳᠣᠣᠷᠠ᠂ ᠵᠣᠷᠢᠭ ᠡᠷᠴᠢᠯᠡᠬᠦ᠂ ᠰᠡᠳᠬᠢᠯ ᠵᠦᠭᠰᠢᠷᠡᠭᠦᠯᠬᠦ᠂ ᠰᠠᠨᠠᠭᠠ | ᠰᠠᠷᠠᠭᠤᠯᠵᠢᠭᠤᠯᠬᠤ ᠡᠳᠦᠢ ᠲᠡᠳᠦᠢ ᠨᠣᠮ ᠤᠩᠰᠢᠪᠠᠯ ᠪᠣᠯᠴᠢᠬᠠᠨᠠ᠃ ᠵᠢᠵᠢᠭᠬᠡᠨ ᠬᠡᠷᠡᠭ ᠤᠴᠢᠷ ᠠᠴᠠ ᠠᠮᠢᠳᠤᠷᠠᠯ ᠤᠨ | ᠭᠦᠨ ᠤᠬᠠᠭᠠᠯᠢᠭ ᠶᠣᠰᠣ ᠤᠬᠠᠭᠠᠨ ᠢ ᠰᠡᠷᠡᠬᠦ ᠲᠡᠶᠢᠮᠦᠬᠡᠨ ᠮᠠᠶ᠋ᠢᠭ ᠤᠨ ᠵᠣᠬᠢᠶᠠᠯ ᠲᠣᠬᠢᠷᠠᠨᠠ ᠭᠡᠵᠦ ᠪᠤᠳᠤᠨᠠ᠃ | ᠡᠷᠢᠶᠡᠨ ᠪᠠᠷᠠᠭᠠᠨ ᠨᠡᠶᠢᠭᠡᠮ᠂ ᠡᠯᠳᠡᠪ ᠡᠰᠡᠨ ᠦᠵᠡᠯ᠂ ᠡᠰᠢ ᠶᠣᠰᠣᠨ ᠤ ᠬᠦᠯᠢᠶᠡᠰᠦ ᠁ ᠭᠡᠳ ᠲᠣᠬᠢᠷᠠᠬᠤ ᠦᠭᠡᠢ | ᠨᠣᠮ ᠵᠠᠬᠠ ᠠᠴᠠ ᠪᠠᠨ ᠠᠪᠤᠭᠠᠳ ᠤᠯᠠᠨ᠃ ᠵᠠᠷᠢᠮ ᠨᠣᠮ ᠵᠦᠪᠭᠡᠨ ᠲᠤᠰᠬᠠᠢ ᠬᠠᠨᠳᠤᠰᠢ ᠴᠢᠭᠯᠡᠯ ᠢᠶᠠᠷ ᠤᠩᠰᠢᠳᠠᠭ | ᠬᠥᠮᠥᠨ ᠳᠤ ᠰᠠᠶ᠋ᠢ ᠲᠣᠬᠢᠷᠠᠨᠠ᠃ ᠭᠡᠳᠦ ᠡᠷᠲᠡ ᠤᠩᠰᠢᠪᠠᠯ ᠬᠡᠷᠡᠭ ᠲᠦᠪᠡᠭ ᠪᠣᠯᠴᠢᠬᠠᠳᠠᠭ᠃ | ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠭᠠᠳ ᠶᠠᠭᠤ ᠰᠤᠳᠤᠯᠤᠨᠠ᠂ ᠶᠠᠮᠠᠷ ᠴᠢᠭᠯᠡᠯ ᠢᠶᠠᠷ ᠠᠵᠢᠯᠯᠠᠨᠠ ᠭᠡᠳᠡᠭ ᠰᠠᠨᠠᠭᠠ | ᠵᠣᠷᠢᠯᠲᠠ ᠪᠠᠶᠢᠭᠰᠠᠨ ᠦᠭᠡᠢ ᠲᠤᠯᠠ ᠴᠣᠬᠤᠮ ᠰᠠᠨᠠᠭᠠᠨ ᠳᠤᠷᠠ ᠪᠠᠷ᠂ ᠬᠠᠨᠳᠤᠯᠭᠠ ᠦᠭᠡᠢ ᠪᠠᠷ ᠤᠩᠰᠢᠵᠤ ᠥᠴᠢᠨᠡᠨ | ᠲᠥᠴᠢᠨᠡᠨ ᠴᠠᠭ ᠢ ᠪᠠᠷᠠᠭᠠᠵᠠᠢ᠃ ᠬᠠᠷᠢᠨ ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠷ ᠤᠩᠰᠢᠭᠰᠠᠨ ᠵᠠᠷᠢᠮ ᠨᠣᠮ ᠪᠠᠰᠠ ᠵᠦᠭᠡᠷ | ᠣᠯᠣᠯᠲᠠ ᠲᠥᠷᠥᠭᠳᠡᠯ ᠥᠭᠭᠦᠭᠰᠡᠨ ᠴᠤ ᠪᠤᠢ᠃ ᠡᠭᠦᠨ ᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠰᠤᠯᠠ ᠪᠠᠷ | ᠬᠤᠳᠠᠯᠳᠤᠵᠤ ᠪᠠᠶᠢᠭᠰᠠᠨ ᠬᠤᠶᠠᠷ ᠨᠣᠮ ᠨᠠᠳᠠ ᠶᠡᠭᠡ ᠰᠠᠭᠤᠭᠳᠠᠯ ᠲᠠᠢ ᠪᠠᠶᠢᠨᠠ᠃ ᠨᠢᠭᠡ ᠨᠢ ᠪᠠᠷᠤᠭ | ᠶᠠ᠊·ᠪᠠᠲᠤᠳᠠᠯᠠᠢ ᠶᠢᠨ ︽ᠲᠡᠭᠷᠢ ᠳᠡᠭᠡᠨ ᠦᠬᠦᠳᠡᠭ ᠰᠢᠪᠠᠭᠤ︾᠂ ᠨᠦᠭᠦᠭᠡ ᠨᠢ ᠠᠨ ᠰᠢᠨ ᠤ ᠪᠢᠴᠢᠭᠰᠡᠨ ︽ᠬᠠᠵᠢᠤᠬᠠᠢ︾ | ᠭᠡᠳᠡᠭ ᠬᠢᠲᠠᠳ ᠰᠢᠯᠦᠭ ᠤᠨ ᠲᠡᠭᠦᠪᠦᠷᠢ ᠪᠠᠶᠢᠯᠠ᠃ ᠲᠦᠷᠦᠭᠦᠨ ᠤ ᠨᠣᠮ ᠨᠢ ᠰᠢᠯᠦᠭ ᠭᠡᠳᠡᠭ ᠴᠢᠨᠢ ᠶᠠᠭᠤ ᠶᠢ ᠴᠤ | ᠪᠦᠷ ᠰᠢᠯᠦᠭ ᠪᠤᠯᠭᠠᠵᠦ ᠪᠢᠴᠢᠵᠦ ᠪᠤᠯᠳᠠᠭ ᠶᠤᠮ ᠪᠠᠶᠢᠨᠠ ᠭᠡᠳᠡᠭ ᠢ ᠮᠡᠳᠡᠭᠦᠯᠵᠦ᠂ ᠤᠳᠠᠭᠠᠭᠢ ᠨᠣᠮ ᠨᠢ ᠮᠢᠨᠤᠬᠢ | ᠣᠨᠢᠰᠤᠭᠠ ᠳᠠᠭᠠᠭᠠᠵᠤ ᠪᠦᠳᠡᠭᠢ ᠰᠢᠯᠦᠭ ᠰᠤᠳᠤᠯᠬᠤ ᠶᠢᠨ ᠡᠭᠢᠯᠡᠯᠲᠡ ᠪᠣᠯᠤᠭᠰᠠᠨ ᠪᠠᠶᠢᠳᠠᠯ ᠲᠠᠢ᠃ ᠡᠨᠡ ᠬᠤᠶᠠᠷ | ᠨᠣᠮ ᠢ ᠨᠢᠭᠡᠨ ᠴᠠᠭ ᠤᠨ ᠬᠡᠶᠢᠷᠬᠡᠯ ᠠᠴᠠ ᠪᠣᠯᠵᠤ᠂ ᠰᠢᠳᠦᠨ ᠵᠠᠪᠰᠠᠷ ᠢᠶᠠᠷ ᠢᠶᠠᠨ ᠠᠷᠪᠢᠯᠠᠭᠰᠠᠨ ᠲᠣᠭᠠᠲᠠᠢ ᠬᠡᠳᠦᠨ | ᠮᠥᠩᠭᠦ ᠪᠠᠷ ᠢᠶᠠᠨ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠪᠣᠯᠬᠤᠷ ᠨᠠᠷᠢᠨ ᠤᠩᠰᠢᠭᠰᠠᠨ ᠨᠢ ᠨᠢᠭᠡ ᠰᠢᠯᠲᠠᠭᠠᠨ ᠪᠠᠶᠢᠵᠤ ᠪᠣᠯᠤᠮᠠᠷ᠂ | ᠨᠦᠭᠦᠭᠡ ᠨᠢᠭᠡ ᠨᠢ ᠪᠠᠶᠢᠷᠢ ᠳᠤ ᠠᠪᠠᠴᠢᠭᠠᠳ ᠳᠡᠷᠡ ᠶᠢᠨ ᠬᠠᠵᠠᠭᠤᠳᠠ ᠲᠠᠯᠪᠢᠭᠰᠠᠨ ᠪᠠᠶᠢᠳᠠᠭ ᠢᠶᠠᠷ ᠥᠯᠥᠰᠬᠦᠯᠡᠩ | ᠭᠠᠴᠢᠭ ᠲᠠᠢ ᠡᠳᠦᠷ ᠬᠠᠷᠭᠤᠪᠠᠯ ᠲᠦᠷ ᠴᠠᠭ ᠴᠤ ᠭᠡᠰᠡᠨ ᠮᠠᠷᠲᠠᠬᠤ ᠶᠢ ᠰᠠᠨᠠᠳᠠᠭ ᠢᠶᠠᠷ ᠨᠠᠷᠢᠨ ᠤᠩᠰᠢᠭᠳᠠᠭᠰᠠᠨ | ᠪᠠᠶᠢᠵᠤ ᠮᠠᠭᠠᠳ ᠶᠤᠮ᠃ ᠪᠠᠷᠤᠭ ᠰᠢᠯᠦᠭ ᠪᠦᠷᠢ ᠶᠢ ᠬᠡᠳᠦᠨ ᠤᠳᠠᠭᠠ᠂ ᠱᠠᠳ ᠪᠦᠷᠢ ᠶᠢ ᠴᠡᠭᠡᠵᠢᠯᠡᠮᠡᠷ ᠪᠤᠯᠳᠠᠯᠠ | ᠤᠩᠰᠢᠵᠤ ᠪᠠᠶᠢᠵᠠᠢ᠃ ᠶᠠᠭᠤ ᠴᠤ ᠭᠡᠰᠡᠨ ᠰᠢᠯᠦᠭ ᠡᠬᠢᠯᠡᠭᠡᠳ ᠤᠩᠰᠢᠭᠰᠠᠨ ᠪᠣᠯᠬᠤᠷ ᠴᠢᠨᠠᠭᠰᠢ ᠨᠢ ᠰᠢᠯᠦᠭ | ᠪᠢᠴᠢᠬᠦ ᠶᠢ ᠰᠠᠨᠠᠵᠤ᠂ ᠰᠢᠯᠦᠭ ᠪᠢᠴᠢᠬᠦ ᠶᠢ ᠰᠠᠨᠠᠭᠰᠠᠨ ᠠᠴᠠ ᠰᠢᠯᠦᠭ ᠪᠢᠴᠢᠳᠡᠭ ᠬᠥᠮᠥᠰ ᠢ ᠪᠠᠭᠰᠢ ᠪᠠᠷᠢᠵᠤ ᠡᠷᠢᠵᠦ | ᠭᠦᠶᠦᠬᠦ ᠪᠣᠯᠵᠠᠢ᠃ | ᠬᠠᠮᠤᠭ ᠲᠦᠷᠦᠭᠦᠨ ᠳᠤ ︽ᠥᠪᠥᠷ ᠮᠣᠩᠭᠤᠯ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠ︾ ᠶᠢᠨ ᠲ᠊·ᠰᠡᠴᠡᠨ ᠪᠠᠭᠰᠢ ᠲᠠᠢ | ᠲᠠᠨᠢᠯᠴᠠᠵᠤ᠂ ᠰᠢᠯᠦᠭ ᠪᠢᠴᠢᠬᠦ ᠶᠢ ᠰᠤᠷᠤᠨᠠ ᠭᠡᠵᠦ ᠱᠠᠪᠢ ᠣᠷᠣᠬᠤ ᠪᠠᠷ ᠭᠤᠶᠣᠭᠰᠠᠨ ᠪᠠᠶᠢᠨᠠ᠃ ᠨᠠ᠊·ᠥᠯᠵᠡᠶᠢᠳᠡᠯᠭᠡᠷ | ᠪᠠᠭᠰᠢ ᠶᠢᠨ ᠤᠷᠤᠰᠤᠮᠠ ᠤᠶᠠᠩᠭᠠᠯᠢᠭ ᠰᠢᠯᠦᠭ ᠢᠶᠠᠨ ᠨᠠᠮᠪᠠᠲᠠᠶᠢᠬᠠᠨ ᠤᠩᠰᠢᠵᠤ ᠰᠣᠨᠢᠷᠬᠠᠭᠤᠯᠬᠤ ᠳᠤ ᠶᠡᠭᠡ ᠯᠡ | ᠰᠠᠶᠢᠬᠠᠨ ᠰᠣᠨᠣᠰᠴᠤ᠂ ᠠᠷᠠᠵᠠ ᠬᠤᠷᠠᠵᠠ ᠠᠮᠰᠠᠭᠰᠠᠨ ᠮᠡᠲᠦ ᠠᠭᠠᠭ ᠲᠠᠢ ᠰᠠᠶᠢᠬᠠᠨ ᠰᠠᠨᠠᠭᠳᠠᠵᠤ ᠪᠠᠶᠢᠵᠠᠢ᠃ | ᠲᠡᠭᠡᠲᠡᠯᠡ ᠳᠣᠷᠣᠨᠠᠲ᠋ᠡᠭᠷᠢ ᠪᠠᠭᠰᠢ ᠶᠢᠨ ︽ᠠᠩᠬᠢᠯᠤᠮᠠ ᠦᠨᠦᠷᠲᠦ ᠴᠠᠭ ᠮᠥᠴᠡ︾ ᠬᠡᠪᠯᠡᠭᠳᠡᠨ ᠭᠠᠷᠴᠤ ᠢᠷᠡᠭᠡᠳ ᠨᠢᠭᠡ | ᠨᠣᠮ ᠣᠯᠣᠭᠰᠠᠨ ᠲᠤᠯᠠ ᠪᠠᠰᠠᠯᠠ ᠳᠡᠷᠡ ᠶᠢᠨ ᠬᠠᠵᠠᠭᠤ ᠳᠠᠭᠠᠨ ᠲᠠᠯᠪᠢᠵᠤ ᠰᠤᠳᠤᠯᠤᠭᠠᠳ ᠡᠬᠢᠯᠡᠵᠡᠢ᠃ ᠡᠳᠡᠭᠡᠷ | ᠰᠢᠯᠦᠭ ᠢ ᠤᠩᠰᠢᠬᠤ ᠳᠤ ᠠᠷᠠᠵᠠ ᠬᠤᠷᠠᠵᠠ ᠰᠠᠨᠠᠭᠳᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠬᠠᠩᠬᠤᠯᠤᠮᠠ ᠰᠠᠶᠢᠬᠠᠨ ᠰᠢᠷᠠᠩᠭᠤᠢ | ᠨᠣᠭᠤᠭᠠᠨ ᠯᠦᠩᠵᠢᠩ ᠴᠠᠢ ᠪᠤᠳᠤᠬᠳᠠᠵᠦ᠂ ᠠᠭᠠᠭ ᠲᠡᠰ ᠦᠭᠡᠢ ᠪᠠᠶᠢᠲᠠᠯᠠ ᠪᠠᠨ ᠰᠣᠭᠲᠣᠭᠠᠵᠤ ᠪᠠᠶᠢᠮᠠᠷ | ᠰᠠᠨᠠᠭᠳᠠᠭᠤᠯᠵᠠᠢ᠃ ᠤᠯᠠᠨ ᠰᠢᠯᠦᠭ ᠤᠨ ᠳᠡᠪᠲᠡᠷ ᠰᠣᠨᠢᠷᠬᠠᠨ ᠰᠢᠯᠦᠭ ᠪᠢᠴᠢᠵᠦ ᠤᠷᠤᠯᠳᠤᠵᠦ ᠪᠠᠶᠢᠭᠰᠠᠨ | ᠥᠩᠭᠡᠷᠡᠯᠲᠡ ᠨᠢ ᠨᠠᠮᠠᠶᠢ ᠬᠤᠵᠢᠮ ᠨᠢ ᠨᠠᠶᠢᠷᠠᠭᠤᠯᠤᠯ ᠡᠬᠢᠯᠡᠵᠦ ᠪᠢᠴᠢᠬᠦ ᠪᠤᠯᠬᠤ ᠳᠤ ᠦᠭᠡ ᠬᠡᠯᠡᠯᠭᠡ ᠶᠢᠨ | ᠰᠢᠷᠭᠠᠭᠠᠯᠲᠠ ᠶᠢᠨ ᠲᠠᠯᠠ ᠪᠠᠷ ᠶᠡᠬᠡᠬᠡᠨ ᠲᠤᠰᠠ ᠲᠡᠮ ᠪᠣᠯᠤᠭᠰᠠᠨ ᠪᠢᠯᠡ᠃ ᠬᠤᠵᠢᠮ ᠨᠢ ᠰᠢᠯᠦᠭ ᠪᠢᠴᠢᠬᠦ ᠲᠤᠳᠤᠮ | ᠪᠡᠶᠡ ᠪᠠᠨ ᠭᠤᠯᠣᠳᠠᠭ ᠪᠣᠯᠵᠤ᠂ ᠪᠠᠰᠠ ᠨᠢᠭᠡ ᠬᠠᠮᠲᠤ ᠰᠤᠷᠤᠬᠴᠢ ᠨᠠᠮᠠᠶᠢ ᠰᠦᠯᠵᠢᠶᠡᠨ ᠳᠡᠭᠡᠷᠡ ︽ᠴᠢ ᠰᠢᠯᠦᠭ ᠪᠢᠴᠢᠬᠦ | ᠬᠥᠮᠥᠨ ᠪᠢᠰᠢ᠂ ᠬᠠᠷᠢᠨ ᠨᠠᠶᠢᠷᠠᠭᠤᠯᠤᠯ ᠢᠶᠠᠨ ᠰᠠᠶᠢᠬᠠᠨ ᠪᠢᠴᠢᠴᠢᠬᠡ︕︾ ᠭᠡᠰᠡᠨ ᠳᠤ ᠪᠢ ᠴᠢᠨᠢ ᠢᠨᠠᠭ | ᠬᠤᠩᠭᠤᠷ ᠢᠶᠠᠨ ᠨᠠᠶᠢᠵᠢ ᠳᠠᠭᠠᠨ ᠪᠤᠯᠢᠶᠠᠭᠳᠠᠭᠰᠠᠨ ᠰᠢᠭ᠋ ᠵᠣᠪᠠᠵᠤ᠂ ᠠᠷᠭᠠ ᠪᠤᠰᠤ ᠰᠢᠯᠦᠭ ᠪᠢᠴᠢᠬᠦ ᠪᠠᠨ ᠵᠣᠭᠰᠣᠵᠠᠢ᠃ | ᠬᠤᠵᠢᠮ ᠨᠢ ᠨᠠ᠊·ᠰᠤᠩᠳᠤᠢ ᠶᠢᠨ ︽ᠬᠠᠶᠢᠷᠠ ᠶᠢᠨ ᠰᠢᠭᠦᠳᠡᠷᠢ︾ ᠶᠢ ᠳᠠᠭᠤᠷᠢᠶᠠᠵᠤ᠂ ᠰᠣᠳᠨᠠᠮ ᠪᠠᠭᠰᠢ ᠶᠢᠨ︽ᠨᠠᠷᠠᠨ ᠤ | ᠳᠣᠣᠷᠠ︾ ᠶᠢ ᠪᠠᠭ᠋ᠠᠷᠬᠠᠵᠤ ᠪᠠᠶᠢᠭᠰᠠᠭᠠᠷ᠂ ᠨᠠᠶᠢᠷᠠᠭᠤᠯᠤᠯ ᠤᠩᠰᠢᠵᠤ᠂ ᠵᠣᠬᠢᠶᠠᠨ ᠪᠦᠲᠦᠭᠡᠵᠦ ᠡᠬᠢᠯᠡᠵᠡᠢ᠃ | ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠡᠭᠦᠯ ᠤᠨ ᠬᠤᠶᠠᠷ ᠵᠢᠯ ᠨᠣᠮ ᠤᠨ ᠰᠠᠩ ᠳᠤ ᠢᠯᠡᠭᠦᠦ ᠰᠠᠭᠤᠭᠰᠠᠨ ᠭᠡᠳᠡᠭ | ᠪᠤᠯᠪᠠᠴᠤ ᠳᠡᠮᠡᠢ ᠭᠠᠪᠢᠭᠰᠠᠨ ᠠᠵᠤ ᠪᠣᠯᠤᠭᠠ ᠦᠭᠡᠢ᠂ ᠵᠦᠭᠡᠷ ᠯᠡ ᠪᠤᠰᠤᠳ ᠰᠠᠯᠪᠤᠷᠢ ᠶᠢᠨ ᠴᠢᠷᠠᠶᠢᠯᠢᠭ ᠥᠬᠢᠳ ᠢ | ᠯᠡ ᠠᠩᠬᠠᠷᠤᠭᠠᠳ ᠪᠠᠶᠢᠭᠰᠠᠨ ᠰᠢᠤᠬᠠᠨ ᠪᠦᠷᠦᠭᠬᠡᠨ ᠡᠷᠭᠢᠴᠡᠭᠦᠯᠦᠯ ᠲᠡᠳᠦᠢ ᠦᠯᠡᠳᠡᠵᠡᠢ᠃ ᠣᠶᠤᠲᠠᠨ ᠤ ᠲᠡᠭᠦᠰᠬᠦ | ᠥᠭᠦᠯᠡᠯ ᠢᠶᠠᠨ ︽ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯ ᠤᠨ ᠳᠣᠲᠣᠷᠠᠬᠢ ᠹᠧᠯᠧᠲ᠋ᠤᠨ ᠤ ᠲᠤᠬᠠᠢ ᠰᠢᠨᠵᠢᠯᠡᠯ︾ ᠭᠡᠵᠦ | ᠲᠣᠭᠲᠠᠭᠠᠳ ᠭᠤᠷᠪᠠᠳᠤᠭᠠᠷ ᠣᠨ ᠤ ᠵᠤᠨ ᠤ ᠠᠮᠠᠷᠠᠯᠲᠠ ᠳᠤ ᠳᠠᠷᠤᠢ ᠶᠡᠭᠡ ᠲᠥᠯᠥᠪ ᠪᠢᠴᠢᠭᠡᠳ ᠪᠠᠷᠠᠭᠠᠴᠢᠬᠠᠵᠦ᠂ | ᠳᠥᠷᠪᠡᠳᠦᠭᠡᠷ ᠣᠨ ᠳᠠᠭᠠᠨ ᠬᠢᠲᠠᠳ ᠬᠡᠯᠡᠨ ᠤ ᠰᠠᠯᠪᠤᠷᠢ ᠠᠴᠠ ᠲᠦᠷᠪᠡᠨ ᠬᠢᠴᠢᠶᠡᠯ ᠰᠣᠩᠭᠤᠨ ᠰᠤᠷᠴᠤ ᠪᠠᠶᠢᠵᠠᠢ᠃ | ᠲᠡᠭᠦᠰᠦᠭᠡᠳ ᠠᠵᠢᠯᠯᠠᠵᠤ ᠪᠠᠶᠢᠬᠤ ᠳᠠᠭᠠᠨ ︽ᠹᠧᠯᠧᠲ᠋ᠤᠨ ᠤ ᠰᠣᠩᠭᠤᠮᠠᠯ︾ ᠭᠡᠰᠡᠨ ᠰᠡᠳᠬᠦᠯ ᠵᠠᠬᠢᠶᠠᠯᠠᠵᠤ ᠥᠩᠭᠡᠷᠡᠪᠡ᠃ | ᠢᠩᠭᠢᠭᠡᠳ ᠨᠡᠶᠢᠭᠡᠮ ᠲᠦᠷᠦ ᠶᠢᠨ ᠶᠡᠭᠡ ᠬᠡᠷᠡᠭ ᠢ ᠪᠠᠶᠢᠨ ᠪᠠᠶᠢᠨ ᠬᠠᠯᠠᠮᠵᠢᠯᠠᠬᠤ ᠪᠣᠯᠵᠤ᠂ ᠲᠡᠭᠰᠢ ᠪᠤᠰᠤ ᠵᠦᠢᠯ ᠢ | ᠦᠵᠡᠪᠡᠯ ᠨᠢᠭᠡ ᠶᠠᠭᠤᠮᠠ ᠬᠡᠯᠡᠬᠦ ᠶᠢ ᠰᠠᠨᠠᠵᠤ᠂ ᠥᠪᠡᠷ ᠤᠨ ᠮᠢᠨᠢ ᠵᠣᠬᠢᠶᠠᠯ ᠳᠣᠲᠣᠷᠠ ᠴᠤ ᠵᠠᠷᠢᠮ ᠲᠤᠰᠬᠠᠯ | ᠭᠠᠷᠤᠭᠰᠠᠨ ᠪᠠᠶᠢᠨᠠ᠃ ᠡᠭᠦᠨ ᠢ ᠠᠪᠤ ᠮᠢᠨᠢ ᠮᠡᠳᠡᠴᠢᠬᠡᠭᠡᠳ ᠨᠠᠮᠠᠶᠢ ᠢᠳᠬᠠᠵᠤ᠄ ︽ᠴᠢᠨᠦ ᠵᠣᠬᠢᠶᠠᠯ ᠣᠷᠴᠢᠮ ᠪᠦᠷ | ᠶᠠᠭᠤ ᠶᠢ ᠪᠢᠴᠢᠵᠦ ᠪᠠᠶᠢᠭᠠ ᠪᠤᠢ︖ ᠴᠣᠬᠤᠮ ᠰᠠᠪᠠᠭᠠ ᠦᠭᠡᠢ ᠶᠠᠭᠤ ᠰᠠᠷᠠ ᠶᠢ ᠦᠵᠡᠭᠡᠳ ᠬᠤᠴᠠᠨᠠ ᠭᠡᠳᠡᠭ | ᠪᠣᠯᠵᠤ ᠪᠠᠶᠢᠨᠠ᠂ ᠪᠠᠭᠰᠢ ᠬᠥᠮᠥᠨ ᠰᠤᠷᠤᠬᠴᠢ ᠳᠠᠭᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠮᠡᠳᠡᠭᠦᠯᠵᠦ ᠪᠠᠶᠢᠪᠠᠯ ᠪᠣᠯᠣᠯᠠ᠂ | ᠨᠡᠶᠢᠭᠡᠮ ᠤᠨ ᠡᠷᠢᠶᠡᠨ ᠪᠠᠷᠠᠭᠠᠨ ᠢ ᠲᠡᠳᠡᠨ ᠳᠤ ᠬᠡᠯᠡᠵᠦ ᠥᠭᠭᠦᠭᠡᠳ ᠪᠠᠷᠠᠨᠠᠤ ᠳ᠋ᠠ︖ ᠴᠢ ᠬᠡᠳᠦᠨ ᠵᠣᠬᠢᠶᠠᠯ | ᠪᠢᠴᠢᠭᠡᠳ ᠴᠣᠬᠤᠮ ᠶᠠᠭᠤ ᠶᠢ ᠬᠤᠪᠢᠷᠠᠭᠤᠯᠵᠤ ᠲᠡᠶᠢᠯᠭᠦ ᠶᠤᠮ ᠪᠤᠢ︖︾ ᠭᠡᠰᠡᠨ ᠠᠴᠠ ᠪᠢ ᠰᠠᠶ᠋ᠢ ᠰᠡᠳᠡᠯᠲᠡ ᠣᠯᠵᠤ᠂ | ᠹᠧᠯᠧᠲ᠋ᠤᠨ ᠤᠩᠰᠢᠬᠤ ᠪᠠᠨ ᠪᠣᠯᠢᠭᠰᠠᠨ ᠠᠴᠠ ᠵᠣᠬᠢᠶᠠᠯ ᠤᠨ ᠠᠭᠤᠯᠭᠠ ᠠᠬᠢᠭᠠᠳ ︽ᠨᠠᠷᠠᠯᠠᠭ︾ ᠪᠣᠯᠵᠤ ᠬᠤᠪᠢᠷᠠᠯᠠ᠃ | ᠠᠪᠤ ᠮᠢᠨᠢ ᠤᠷᠠᠨ ᠵᠣᠬᠢᠶᠠᠯ ᠤᠨ ᠰᠢᠭᠦᠮᠵᠢᠯᠡᠭᠴᠢ ᠨᠠᠷ ᠤᠨ ᠵᠢᠭᠠᠵᠤ ᠥᠭᠭᠦᠭᠡ ᠦᠭᠡᠢ ᠵᠦᠢᠯ ᠢ ᠬᠦᠦ ᠳᠡᠭᠡᠨ | ᠵᠠᠬᠢᠵᠤ ᠰᠡᠬᠡᠭᠡᠷᠡᠭᠦᠯᠦᠭᠰᠡᠨ ᠮᠡᠷᠭᠡᠨ ᠬᠥᠮᠥᠨ ᠶᠤᠮ ᠠ᠋︕ | ᠪᠠᠭᠰᠢᠯᠠᠭᠰᠠᠨ ᠤ ᠲᠠᠷᠠᠭᠠ ᠬᠡᠳᠦᠨ ᠠᠵᠢᠯ ᠨᠢᠭᠡᠲᠡᠨ ᠲᠠᠢ ᠪᠠᠨ ᠪᠠᠶᠢᠩᠭᠤ ᠰᠢᠯᠦᠭ ᠵᠣᠬᠢᠶᠠᠯ ᠬᠡᠯᠡᠯᠴᠡᠨ ᠳᠣᠲᠣᠷ | ᠲᠠᠮᠢᠷ ᠥᠷᠢᠰᠦᠯᠳᠦᠳᠡᠭ ᠪᠠᠶᠢᠭᠰᠠᠨ ᠢᠶᠠᠷ ᠤᠨᠤᠯ ᠰᠢᠭᠦᠮᠵᠢ ᠶᠢᠨ ᠬᠠᠮᠢᠶᠠ ᠲᠠᠢ ᠵᠣᠬᠢᠶᠠᠯ ᠡᠬᠢᠯᠡᠵᠦ ᠦᠵᠡᠬᠦ ᠪᠣᠯᠵᠠᠢ᠃ | ᠪᠢ ︽ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠤᠨ ᠰᠣᠨᠢᠷᠬᠠᠮᠵᠢ︾ ᠭᠡᠳᠡᠭ ᠬᠢᠲᠠᠳ ᠰᠡᠳᠬᠦᠯ ᠵᠠᠬᠢᠶᠠᠯᠠᠵᠤ ᠤᠩᠰᠢᠵᠤ ᠪᠠᠶᠢᠭᠰᠠᠨ ᠨᠢ | ᠮᠠᠰᠢ ᠣᠯᠵᠠᠪᠤᠷᠢ ᠲᠠᠢ ᠪᠠᠶᠢᠵᠤ᠂ ᠨᠢᠭᠡ ᠵᠣᠬᠢᠶᠠᠯ ᠢ ᠬᠡᠳᠦᠨ ᠬᠥᠮᠥᠨ ᠬᠡᠳᠦᠨ ᠲᠠᠯᠠ ᠠᠴᠠ ᠰᠢᠭᠦᠮᠵᠢᠯᠡᠨ ᠥᠭᠦᠯᠡᠬᠦ | ᠶᠢᠨ ᠤᠴᠢᠷ ᠮᠠᠰᠢ ᠶᠡᠭᠡ ᠪᠠᠷ ᠰᠡᠳᠡᠯᠲᠡ ᠰᠡᠷᠡᠭᠳᠡᠯ ᠣᠯᠭᠤᠳᠠᠭ ᠪᠠᠶᠢᠯᠠ᠃ ᠡᠨᠡ ᠰᠡᠳᠬᠦᠯ ᠠᠴᠠ ᠬᠢᠲᠠᠳ ᠤᠨ ᠬᠡᠳᠦᠨ | ᠨᠡᠷᠡᠲᠦ ᠵᠣᠬᠢᠶᠠᠯᠴᠢ ᠶᠢᠨ ᠥᠭᠦᠯᠡᠯᠭᠡ ᠲᠤᠭᠤᠵᠢ ᠶᠢ ᠤᠩᠰᠢᠭᠠᠳ ᠲᠣᠭᠤᠵᠤ ᠶᠠᠪᠤᠵᠠᠢ᠃ ᠯᠢᠦ ᠴᠢᠩ ᠪᠠᠩ ᠤᠨ | ︽ᠮᠸᠢ ᠨᠢᠦ ᠬᠤᠨᠢ ᠬᠠᠷᠢᠭᠤᠯᠤᠭᠰᠠᠨ︾ ᠢ ᠤᠩᠰᠢᠭᠠᠳ ︽ᠭᠤᠷᠪᠠᠳᠠᠭᠢ ᠠᠭᠤᠯᠵᠠᠯᠲᠠ︾ ᠭᠡᠳᠡᠭ ᠳᠠᠭᠤᠷᠢᠶᠠᠮᠠᠯ | ᠥᠭᠦᠯᠡᠯᠭᠡ ᠪᠢᠴᠢᠵᠦ ᠪᠠᠶᠢᠭᠰᠠᠨ᠃ ᠹᠠᠨ ᠰᠢᠶᠠᠩ ᠯᠢ ᠶᠢᠨ ︽ᠬᠠᠷᠠ ᠤᠰᠤ ᠬᠥᠬᠡ ᠨᠣᠭᠤᠭᠠ︾ ᠭᠡᠳᠡᠭ ᠵᠣᠬᠢᠶᠠᠯ ᠢ | ᠤᠩᠰᠢᠭᠠᠳ᠂ ︽ᠨᠠᠮᠤᠭᠤᠨ ᠤᠰᠤᠨ ᠳᠣᠲᠣᠷᠠ ᠭᠦᠨ ᠴᠡᠭᠡᠯ ᠠᠭᠤᠯᠤᠭᠳᠠᠬᠤ︾ ᠶᠣᠰᠣ ᠶᠢ ᠤᠬᠠᠭᠠᠷᠠᠵᠤ᠂ ᠰᠢᠯᠤᠭᠤᠨ | ᠬᠦᠦᠷᠨᠢᠯ ᠳᠣᠲᠣᠷᠠ ᠰᠠᠨᠠᠭᠠ ᠨᠢᠭᠤᠬᠤ ᠶᠢ ᠠᠩᠬᠠᠷᠳᠠᠭ ᠪᠣᠯᠣᠯᠠ᠃ ᠪᠠᠰᠠ ᡂᠢ ᠽᠢ ᠵᠢᠶᠠᠨ ᠪᠣᠯᠣᠨ ᠭᠧ ᠱᠦᠢ | ᠫᠢᠩ ᠤᠨ ᠵᠣᠬᠢᠶᠠᠯ ᠠᠴᠠ ᠲᠤᠭᠤᠵᠢᠰ ᠤᠨ ᠵᠣᠬᠢᠶᠠᠯ ᠳᠤ ᠦᠨᠳᠦᠰᠦᠲᠡᠨ ᠤ ᠵᠠᠩ ᠠᠭᠠᠯᠢ᠂ ᠰᠣᠶᠣᠯ ᠤᠨ ᠰᠢᠮᠡ | ᠲᠤᠨᠳᠠᠰᠤ ᠠᠭᠤᠰᠤᠨ ᠰᠢᠮᠡᠳᠴᠦ ᠪᠠᠶᠢᠪᠠᠯ ᠬᠡᠴᠢᠨᠡᠨ ᠢᠳᠡᠯᠢᠭ ᠪᠠᠶᠢᠳᠠᠭ ᠢ ᠮᠡᠳᠡᠪᠡ᠃ ᠪᠠᠰᠠ ᠨᠢᠭᠡ ᠨᠢ ᠡᠨᠡ ᠬᠦ | ᠰᠡᠳᠬᠦᠯ ᠢ ᠵᠠᠬᠢᠶᠠᠯᠠᠭᠰᠠᠨ ᠠᠴᠠ ᠡᠬᠢᠯᠡᠵᠦ ︽ᠥᠪᠡᠷ ᠪᠢ︾ ᠪᠣᠯᠣᠨ ︽ᠳ᠋ᠠᠯ︾ ᠲᠠᠭᠠᠪᠤᠷᠢ ᠶᠢ ᠵᠠᠷᠤᠵᠤ ᠰᠤᠷᠤᠭᠠᠳ᠂ | ᠤᠷᠠᠨ ᠵᠣᠬᠢᠶᠠᠯ ᠤᠩᠰᠢᠭᠰᠠᠨ ᠲᠥᠷᠥᠭᠳᠡᠯ ᠪᠤᠶᠤ ᠰᠢᠭᠦᠮᠵᠢ ᠮᠠᠶ᠋ᠢᠭ ᠲᠠᠢ ᠵᠦᠢᠯ ᠡᠷᠢᠶᠡᠴᠢᠬᠦ ᠪᠣᠯᠵᠠᠢ᠃ | ᠡᠨᠡ ᠬᠤᠭᠤᠷᠣᠨᠳᠤ ᠰ᠊·ᠡᠷᠳᠡᠨᠢ ᠶᠢᠨ ᠪᠠᠷᠤᠭ ᠪᠦᠷᠢᠨ ᠵᠣᠬᠢᠶᠠᠯ ᠨᠢ ᠰᠢᠨᠡ ᠬᠡᠪᠯᠡᠭᠳᠡᠭᠰᠡᠨ ᠣᠯᠳᠠᠵᠤ᠂ ᠮᠠᠰᠢ | ᠪᠠᠭ᠋ᠠᠷᠬᠠᠨ ᠤᠩᠰᠢᠵᠤ ᠪᠠᠶᠢᠭᠰᠠᠨ᠃ ᠣᠨᠴᠠᠭᠠᠶᠢᠯᠠᠨ ︽ᠬᠠᠨ ᠠᠭᠤᠯᠠ ᠶᠢᠨ ᠢᠷᠭᠤᠢ︾ ᠨᠣᠮ ᠢ ᠵᠠᠯᠭᠢᠵᠤ ᠢᠳᠡᠴᠢᠬᠡᠮᠡᠷ | ᠪᠠᠭ᠋ᠠᠷᠬᠠᠵᠤ ᠪᠠᠶᠢᠵᠠᠢ᠃ ᠬᠠᠯᠬᠠ ᠶᠢᠨ ᠵᠣᠬᠢᠶᠠᠯ ᠤᠨ ᠬᠡᠯᠡ ᠶᠢ ᠪᠠᠭ᠋ᠠᠷᠬᠠᠵᠤ᠂ ᠬᠡᠴᠢᠨᠡᠨ ᠴᠡᠭᠡᠵᠢᠯᠡᠵᠦ ᠤᠷᠤᠯᠳᠤᠬᠰᠠᠨ | ᠪᠤᠯᠪᠠᠴᠤ ᠪᠣᠯᠤᠭᠠ ᠦᠭᠡᠢ᠂ ᠥᠪᠡᠷ ᠤᠨ ᠮᠢᠨᠢ ᠵᠣᠬᠢᠶᠠᠯ ᠡᠬᠢᠯᠡᠨ ᠪᠢᠷ ᠲᠠᠯᠪᠢᠭᠰᠠᠭᠠᠷ ᠯᠡ ᠬᠤᠷᠴᠢᠨ ᠨᠤᠲᠤᠭ ᠤᠨ | ᠳᠠᠪᠤᠰᠤᠯᠠᠭᠰᠠᠨ ᠴᠠᠭᠠᠨ ᠨᠣᠭᠤᠭᠠ ᠪᠣᠯᠣᠨ ᠡᠷᠳᠡᠨᠢ ᠰᠢᠰᠢ ᠶᠢᠨ ᠪᠣᠣᠪᠤ ᠶᠢᠨ ᠦᠨᠦᠷ ᠭᠠᠷᠤᠭᠠᠳ ᠪᠤᠯᠳᠠᠭ ᠦᠭᠡᠢ᠃ | ᠠᠮᠲᠠᠯᠠᠪᠠᠯ ᠠᠭᠰᠢᠭᠤᠨ ᠬᠠᠷᠠ ᠴᠠᠢ ᠭᠡᠮᠡᠷ ᠭᠠᠪ ᠭᠠᠰᠢᠭᠤᠨ ᠪᠠᠶᠢᠳᠠᠭ ᠴᠤ ᠪᠤᠢ ᠭᠡᠵᠦ ᠵᠣᠪᠠᠨᠠ᠃ ᠭᠡᠶᠡ ᠶᠠᠭᠠᠬᠢᠬᠤ | ᠪᠤᠢ︖ ︽᠊ᠬᠤᠢ ᠭᠦ᠋ᠢ︾ ᠲᠠᠭᠠᠪᠤᠷᠢ ᠪᠠᠷ ᠪᠠᠷᠤᠭ ᠮᠢᠩᠭᠠᠨ ᠬᠥᠮᠥᠨ ᠲᠦᠮᠡᠨ ᠰᠢᠯᠦᠭ ᠪᠢᠴᠢᠵᠦ ᠪᠣᠯᠵᠤ ᠪᠠᠶᠢᠬᠤ ᠳᠤ᠂ | ᠪᠢ ᠬᠡᠯᠡ ᠶᠠᠳᠠᠭᠤ ᠭᠡᠳ ᠪᠣᠭᠤᠵᠤ ᠦᠬᠦᠭᠡᠳ ᠴᠤ ᠶᠠᠭᠠᠬᠢᠬᠤᠪ ᠳ᠋ᠠ᠃ ︽ᠥᠪᠡᠷ ᠥᠪᠡᠷ ᠤᠨ ᠠᠶᠠ ᠪᠠᠷ ᠢᠶᠠᠨ | ᠡᠭᠡᠰᠢᠭᠯᠡᠨᠡ ᠳ᠋ᠧ ᠭᠦᠢ︕︾ ᠭᠡᠵᠦ ᠳᠠᠭᠤᠯᠠᠳᠠᠭ ᠪᠠᠶᠢᠭᠰᠠᠨ ᠪᠢᠰᠢᠦ ᠳ᠋ᠠ᠃ | ᠵᠠ᠂ ᠠᠵᠢᠯ ᠠᠯᠪᠠ ᠰᠣᠯᠢᠭᠠᠳ ᠬᠡᠷᠡᠭᠯᠡᠭᠡᠨ ᠤ ᠵᠣᠬᠢᠶᠠᠯ ᠪᠢᠴᠢᠭᠰᠡᠨ ᠬᠡᠳᠦᠨ ᠵᠢᠯ ᠢ ᠴᠤ ᠲᠣᠪᠴᠢᠯᠠᠶᠠ ᠳ᠋ᠠ᠃ ᠲᠡᠷᠡ | ᠦᠶᠡ ᠳᠤ ᠶᠠᠮᠠᠷ ᠨᠣᠮ ᠤᠩᠰᠢᠬᠤ ᠴᠠᠭ ᠪᠠᠶᠢᠬᠤ ᠪᠤᠢ᠂ ᠵᠦᠭᠡᠷ ᠯᠡ ᠰᠠᠶᠢᠨ ᠠᠵᠢᠯᠯᠠᠪᠠᠯ ᠵᠡᠷᠭᠡ ᠳᠠᠪᠰᠢᠵᠤ ᠮᠠᠭᠠᠳ | ᠭᠡᠵᠦ ᠪᠤᠳᠤᠭᠠᠳ ᠮᠠᠬᠠᠷᠠᠭᠠᠳ ᠯᠡ ᠪᠠᠶᠢᠭᠰᠠᠨ ᠶᠤᠮ ᠴᠢᠨᠢ᠃ ᠳᠠᠷᠤᠭᠠ ᠬᠤᠶᠠᠷ ᠬᠠᠭᠤᠳᠠᠰᠤ ᠶᠠᠭᠤᠮᠠ ᠠᠪᠬᠤ | ᠰᠠᠨᠠᠭᠠ ᠲᠠᠢ ᠵᠠᠬᠢᠬᠤ ᠳᠤᠨᠢ ᠪᠢ ᠰᠠᠶᠢᠨ ᠬᠥᠮᠥᠨ ᠪᠤᠯᠬᠤ ᠭᠡᠵᠦ ᠰᠠᠶᠢᠮᠰᠤᠷᠠᠭᠠᠳ ᠬᠤᠷᠢᠨ ᠨᠢᠭᠤᠷ ᠪᠢᠴᠢᠵᠦ | ᠠᠪᠠᠴᠢᠵᠤ ᠥᠭᠭᠦᠭᠡᠳ ᠬᠡᠴᠢᠨᠡᠨ ᠤᠳᠠᠭᠠ ᠵᠠᠩᠨᠠᠭᠳᠠᠭᠰᠠᠨ ᠢ ᠪᠤᠤ ᠮᠡᠳᠡ᠃ ᠬᠥᠮᠥᠨ ᠭᠡᠳᠡᠭ ᠶᠠᠭᠤᠮᠠ ᠶᠠᠭ ᠲᠡᠭᠡᠵᠦ | ᠭᠤᠷᠢ ᠦᠭᠡᠢ ᠶᠠᠭᠤᠮᠠᠨ ᠳᠠᠭᠠᠨ ᠯᠡ ᠭᠤᠷᠢ ᠬᠥᠳᠡᠯᠦᠭᠡᠳ ᠪᠠᠶᠢᠳᠠᠭ ᠬᠡᠨᠡᠭᠡ ᠲᠠᠢ ᠶᠤᠮ᠃ ᠲᠦᠭᠦᠭᠡ ᠨᠢ ᠲᠡᠨᠳᠡ ᠪᠠᠨ | ᠦᠭᠡᠢ ᠪᠠᠶᠢᠭᠠᠳ ᠲᠦᠰᠢᠶᠡ ᠭᠦᠩ ᠰᠠᠭᠤᠬᠤ ᠰᠠᠨᠠᠭᠠ ᠣᠷᠣᠭᠠᠳ ᠯᠡ ᠨᠣᠮ ᠤᠩᠰᠢᠬᠤ ᠴᠠᠭ ᠢ ᠪᠦᠷᠢᠯᠭᠡᠵᠡᠢ᠃ | ᠶᠡᠷᠦ ᠶᠢᠨ ᠦᠭᠡᠨ ᠳᠤ ᠬᠡᠳᠦᠶᠢᠪᠡᠷ ︽ᠪᠢᠴᠢᠭ ᠢ ᠲᠦᠮᠡᠨ ᠪᠣᠳᠢ ᠤᠩᠰᠢᠪᠠᠯ᠂ ᠪᠢᠷ ᠤᠨ ᠦᠵᠦᠭᠦᠷ ᠰᠢᠳᠢ | ᠣᠷᠣᠰᠢᠨᠠ︾ ᠭᠡᠵᠦ ᠬᠡᠯᠡᠳᠡᠭ ᠪᠤᠯᠪᠠᠴᠤ᠂ ᠶᠠᠭ ᠦᠨᠡᠬᠡᠷ ᠬᠡᠷᠡᠭ ᠲᠠᠢ ᠬᠡᠷᠡᠭ ᠦᠭᠡᠢ ᠨᠣᠮ ᠢ ᠲᠡᠳᠦᠢ ᠤᠯᠠᠨ | ᠤᠩᠰᠢᠬᠤ ᠳᠤ ᠭᠦᠷᠪᠡᠯ ᠤᠳᠬᠠ ᠵᠦᠭ ᠢᠶᠠᠨ ᠠᠯᠳᠠᠵᠤ᠂ ᠣᠯᠪᠣᠭ ᠲᠠᠭᠠᠨ ᠰᠢᠷᠭᠢᠭᠰᠡᠨ ᠮᠤᠩᠬᠠᠭ ᠪᠣᠯᠵᠤ ᠮᠡᠳᠡᠨᠡ᠃ | ᠲᠠᠪᠤᠳᠤᠭᠠᠷ ᠨᠠᠭᠠᠴᠤ ᠠᠪᠦ ᠨᠢᠭᠡ ᠤᠳᠠᠭᠠ ᠨᠠᠮᠠ ᠲᠠᠢ ᠠᠷᠢᠬᠢᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠵᠣᠭᠤᠭᠳᠠᠵᠤ ᠪᠠᠶᠢᠬᠤ ᠳᠠᠭᠠᠨ | ᠮᠢᠨᠤ ︽ᠡᠩ︖ ᠡᠩ︖︾ ᠭᠡᠳ ᠪᠠᠶᠢᠬᠤ ᠳᠤ ᠥᠷᠥ ᠡᠪᠡᠳᠴᠦ᠄︽ᠡᠨᠡ ᠬᠦᠦ ᠨᠣᠮ ᠵᠣᠬᠢᠶᠠᠯ ᠤᠩᠰᠢᠭᠰᠠᠭᠠᠷ | ᠪᠠᠶᠢᠭᠠᠳ ᠳᠦᠯᠡᠢ ᠪᠣᠯᠴᠢᠬᠠᠭᠰᠠᠨ ᠶᠤᠮ ᠠ᠋ ᠬᠥᠭᠡᠷᠦᠬᠦᠢ︕︾ ᠭᠡᠰᠡᠨ ᠪᠢᠯᠡ᠃ ᠴᠢᠬᠢᠨ ᠰᠠᠯᠠᠭᠠᠨ ᠤ ᠡᠮᠴᠢ ᠪᠠᠰᠠ | ᠡᠶᠢᠮᠦ ᠤᠨᠤᠪᠴᠢᠲᠠᠢ ᠣᠨᠣᠰᠢᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠬᠠ ᠳ᠋ᠠ ᠭᠡᠵᠦ ᠪᠢ ᠪᠤᠳᠤᠬᠰᠠᠨ ᠪᠢᠯᠡ᠃ | ᠪᠢ ᠪᠠᠰᠠ ︽ᠶᠠᠮᠠᠷ ᠨᠣᠮ ᠤᠩᠰᠢᠳᠠᠭ ᠪᠢᠯᠡ︖︾ ᠭᠡᠵᠦ ᠣᠯᠠᠨᠲᠠ ᠪᠣᠳᠣᠯᠬᠢᠯᠠᠵᠤ ᠰᠠᠨᠠᠭᠠᠰᠢᠷᠠᠵᠤ ᠦᠵᠡᠪᠡ᠃ | ᠮᠦ ᠰᠢᠨ ᠤ ᠲᠠᠪᠤᠨ ᠵᠢᠯ ᠶᠠᠷᠢᠭᠰᠠᠨ ᠶᠠᠷᠢᠶᠠ ᠶᠢ ᠠᠯᠳᠠᠷᠲᠤ ᠵᠢᠷᠤᠭᠴᠢᠨ ᠡᠷᠳᠡᠮᠲᠡᠨ ᠴᠧᠨ ᠳ᠋ᠠᠨ ᠴᠢᠩ ᠤᠨ | ᠲᠡᠮᠳᠡᠭᠯᠡᠭᠰᠡᠨ ︽ᠤᠷᠠᠨ ᠵᠣᠬᠢᠶᠠᠯ ᠤᠨ ᠡᠷᠭᠢᠴᠡᠭᠦᠯᠦᠯ︾ ᠨᠣᠮ ᠢ ᠴᠢᠳᠠᠬᠤ ᠶᠢᠨ ᠬᠢᠷᠢ ᠪᠠᠷ ᠣᠯᠵᠤ ᠤᠩᠰᠢᠭᠠᠷᠠᠢ ᠭᠡᠵᠦ | ᠰᠠᠨᠠᠭᠤᠯᠤᠶᠠ᠃ ᠴᠡᠪᠡᠷ ᠶᠠᠳᠠᠭᠤ ᠪᠢ ᠴᠢᠨᠢ ᠶᠠᠳᠠᠭᠤ ᠶᠢ ᠲᠡᠳᠬᠦᠬᠦ ᠪᠠᠷ ᠭᠠᠴᠠᠭᠠ ᠳᠤ ᠭᠤᠷᠪᠠᠨ ᠵᠢᠯ ᠭᠠᠷᠤᠢ | ᠰᠠᠭᠤᠬᠤ ᠳᠠᠭᠠᠨ ᠡᠨᠡ ᠨᠣᠮ ᠢᠶᠠᠷ ᠥᠪᠡᠷ ᠤᠨ ᠢᠶᠠᠨ ᠤᠶᠤᠨ ᠤ ᠶᠠᠳᠠᠭᠤ ᠪᠠᠨ ᠲᠡᠳᠬᠦᠭᠰᠡᠨ ᠪᠢᠯᠡ᠃ ︽ᠳᠡᠯᠡᠬᠡᠢ ᠶᠢᠨ | ᠤᠷᠠᠨ ᠵᠣᠬᠢᠶᠠᠯ ᠤᠨ ᠨᠡᠪᠲᠡᠷᠬᠡᠢ ᠲᠡᠦᠬᠡ ᠶᠢᠨ ᠠᠭᠰᠢᠭᠠᠮᠠᠯ︾ ᠭᠡᠵᠦ ᠪᠣᠯᠣᠨᠠ᠃ ᠬᠥᠮᠥᠨ ᠪᠦᠭᠦᠨ ᠤ ᠦᠵᠡᠯᠲᠡ | ᠲᠠᠨᠢᠯᠲᠠ ᠠᠳᠠᠯᠢ ᠦᠭᠡᠢ ᠭᠡᠳᠡᠭ ᠪᠤᠯᠪᠠᠴᠤ᠂ ᠪᠠᠰᠠ ᠮᠦ ᠰᠢᠨ ᠤ ᠬᠡᠯᠡᠭᠰᠡᠨ ᠪᠦᠭᠦᠨ ᠢ ᠵᠥᠪ ᠭᠡᠵᠦ ᠬᠡᠨ ᠴᠤ | ᠨᠤᠲᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠪᠠᠴᠤ᠂ ᠮᠦ ᠰᠢᠨ ᠴᠢᠮᠠᠳᠤ ᠴᠣ ᠰᠢᠨᠡ ᠦᠵᠡᠯᠲᠡ ᠲᠠᠨᠢᠯᠲᠠ ᠬᠡᠯᠡᠵᠦ ᠦᠭᠳᠡᠭ | ᠪᠣᠯᠬᠤᠷ ᠲᠣᠭᠤᠷᠢᠭᠤ ᠵᠠᠮ ᠳᠤᠲᠠᠭᠤ ᠭᠦᠶᠦᠬᠦ ᠨᠢ ᠯᠠᠪᠲᠠᠢ᠃ | ᠬᠠᠮᠤᠭ ᠤᠨ ᠰᠡᠭᠦᠯ ᠳᠤ ᠬᠡᠯᠡᠬᠦ᠂ ᠬᠠᠮᠤᠭ ᠴᠢᠬᠤᠯᠠ ᠦᠭᠡ ᠨᠢ ᠲᠠ ᠬᠡᠷᠪᠡ ᠨᠠᠳᠠ ᠰᠢᠭ᠋ ᠬᠥᠮᠥᠨ ᠤ ᠬᠡᠯᠡᠭᠰᠡᠨ ᠢ | ᠭᠡᠳᠦ ᠢᠲᠡᠭᠡᠵᠦ ᠪᠠᠷᠢᠮᠲᠠᠯᠠᠪᠠᠯ ᠮᠥᠨ ᠨᠢᠭᠡ ᠬᠡᠨᠡᠭᠡ ᠪᠣᠯᠣᠨᠠ ᠳ᠋ᠠ᠃ ᠮᠠᠨ ᠤ ᠭᠡᠷ ᠤᠨ ᠬᠥᠮᠥᠰ ᠭᠦᠷᠳᠡᠯᠡ ᠪᠦᠷ ᠮᠢᠨᠤ | ᠦᠭᠡ ᠶᠢ ᠢᠲᠡᠭᠡᠳᠡᠭ ᠦᠭᠡᠢ ᠶᠤᠮ᠃ ᠭᠤᠴᠢᠨ ᠵᠢᠯ ᠤᠨ ᠡᠮᠦᠨᠡ ᠪᠥᠭᠡᠯᠵᠢᠵᠦ ᠪᠠᠶᠢᠬᠤ ᠳᠠᠭᠠᠨ ᠠᠷᠢᠬᠢ ᠵᠣᠭᠰᠣᠨᠠ | ᠭᠡᠬᠦ ᠳᠤ ᠡᠵᠢ ᠮᠢᠨᠢ ᠤᠷᠲᠦ ᠰᠡᠭᠦᠷᠡᠰᠦᠯᠡᠭᠡᠳ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠬᠤᠷᠢᠨ ᠵᠢᠯ ᠤᠨ ᠡᠮᠦᠨᠡ ᠢᠩᠭᠢᠵᠦ | ᠬᠡᠯᠡᠬᠦ ᠳᠤ ᠡᠬᠡᠨᠡᠷ ᠮᠢᠨᠢ ᠨᠢᠭᠡ ᠭᠥᠯᠢᠢᠭᠡᠳ ᠬᠠᠷᠢᠭᠤ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠂ ᠠᠷᠪᠠᠨ ᠵᠢᠯ ᠤᠨ ᠡᠮᠦᠨᠡ ᠮᠥᠨ | ᠢᠩᠭᠢᠵᠦ ᠬᠡᠯᠡᠬᠦ ᠳᠤ ᠦᠷᠡ ᠶᠢᠨ ᠭᠠᠭᠴᠠ ᠥᠬᠢᠨ ᠮᠢᠨᠢ ᠵᠤᠤᠮᠠᠯᠵᠠᠭᠠᠳ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠂ ᠥᠴᠥᠭᠡᠳᠦᠷ | ᠡᠮᠡᠭᠲᠡᠢ ᠳᠠᠷᠤᠭᠠ ᠳᠠᠭᠠᠨ ᠪᠠᠰᠠ ᠢᠩᠭᠢᠵᠦ ᠬᠡᠯᠡᠬᠦ ᠳᠤ᠂ ᠴᠢ ᠦᠳᠡ ᠳᠤ ᠰᠢᠷᠠ ᠲᠠᠶᠢᠯᠬᠤ ᠪᠠᠷ ᠭᠠᠷᠬᠤ ᠰᠠᠨᠠᠭᠠ ᠲᠠᠢ | ᠪᠠᠶᠢᠪᠠᠯ ᠦᠳᠡ ᠶᠢᠨ ᠬᠤᠶᠢᠨᠠ ᠪᠢᠲᠡᠭᠡᠢ ᠪᠠᠶᠢᠭᠤᠯᠭᠠ ᠳᠤ ᠢᠷᠡ ᠳ᠋ᠠ ᠭᠡᠪᠡ᠃ | ᠵᠠ᠂ ᠮᠢᠨᠤ ᠦᠭᠡ ᠶᠢ ᠢᠲᠡᠭᠡᠳᠡᠭ ᠶᠤᠮ ᠪᠣᠯ ᠲᠠ ᠴᠣᠬᠤᠮ ᠰᠠᠶᠢᠨ ᠬᠥᠮᠥᠨ᠃ ᠤᠴᠢᠷ ᠨᠢ᠂ ᠮᠡᠳᠡᠳᠡᠭ ᠬᠥᠮᠥᠨ | ᠡᠰᠡᠷᠭᠦ ᠠᠴᠠ ᠴᠢᠨᠢ ᠠᠢ ᠳ᠋ᠠ︕ ᠰᠣᠭᠲᠣᠭᠤ ᠬᠥᠮᠥᠨ ᠤ ᠦᠭᠡ ᠶᠢ ᠪᠠᠰᠠ ᠢᠲᠡᠭᠡᠭᠡᠳ ᠪᠠᠶᠢᠳᠠᠭ ᠨᠢ ᠴᠣᠬᠤᠮ ᠠᠮᠠᠷ | ᠦᠭᠡᠢ ᠠ᠋︕ ᠭᠡᠵᠦ ᠬᠡᠯᠡᠬᠦ ᠪᠣᠯᠣᠨᠠ᠃ | |