| ᠪᠢ 1953 ᠣᠨ ᠠᠴᠠ 1955 ᠣᠨ ᠳᠤ ᠠᠶᠢᠯ ᠠᠴᠠ ᠪᠠᠨ ᠬᠤᠷᠢᠨ ᠭᠠᠵᠠᠷ ᠵᠠᠶᠢᠲᠠᠢ ᠶᠡᠭᠡᠶᠤᠯᠤ ᠳᠠᠬᠢ | ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠣᠴᠢᠵᠤ ᠰᠤᠷᠤᠯᠴᠠᠬᠰᠠᠨ ᠪᠢᠯᠡ᠃ ᠪᠠᠶᠢᠷᠢ ᠳᠤ ᠰᠠᠭᠤᠭᠰᠠᠨ ᠲᠤᠯᠠ ᠢᠳᠡᠬᠦ | ᠪᠤᠳᠠᠭᠠ ᠪᠠᠨ ᠭᠡᠷ ᠠᠴᠠ ᠪᠠᠨ ᠠᠪᠠᠴᠢᠨᠠ᠂ ᠬᠠᠭᠠᠰ ᠵᠢᠯ ᠤᠨ ᠨᠣᠭᠤᠭᠠ ᠶᠢᠨ ᠵᠣᠭᠤᠰ ᠬᠤᠶᠠᠷ ᠲᠥᠭᠦᠷᠢᠭ ᠬᠠᠭᠠᠰ | ᠬᠤᠷᠢᠶᠠᠬᠤ ᠪᠠ ᠨᠢᠭᠡ ᠵᠢᠯ ᠤᠨ ᠲᠦᠯᠡᠭᠡ ᠵᠠᠭᠤ ᠬᠤᠷᠢᠨ ᠪᠣᠭᠤᠵᠢ ᠠᠪᠳᠠᠭ᠃ ᠬᠤᠶᠠᠷ ᠲᠥᠭᠦᠷᠢᠭ ᠬᠠᠭᠠᠰ ᠤᠨ | ᠨᠣᠭᠤᠭᠠ ᠶᠢᠨ ᠰᠦᠢᠳᠬᠡᠯ ᠢᠶᠠᠨ ᠳᠥᠩᠭᠡᠭᠡᠳ ᠠᠷᠭᠠᠴᠠᠴᠢᠬᠠᠳᠠᠭ ᠪᠤᠯᠪᠠᠴᠤ ᠪᠤᠳᠠᠭᠠ᠂ ᠲᠦᠯᠡᠭᠡᠨ ᠳᠤ ᠶᠡᠭᠡ | ᠬᠦᠴᠢᠷᠳᠡᠳᠡᠭ᠃ | ᠲᠡᠷᠡ ᠬᠤᠶᠠᠷ ᠵᠢᠯ ᠡᠵᠢ ᠡᠪᠡᠳᠴᠢᠯᠡᠭᠡᠳ ᠭᠡᠷ ᠤᠨ ᠢᠳᠡᠬᠦ ᠪᠤᠳᠠᠭᠠ ᠪᠠᠨ ᠴᠤ ᠳᠥᠩᠭᠡᠨ ᠳᠠᠩᠭᠠᠨ ᠪᠠᠭᠠ | ᠪᠠᠭᠠ ᠪᠠᠷ ᠴᠠᠶᠢᠯᠭᠠᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠮᠠᠨ ᠤ ᠬᠢᠨ ᠲᠡᠷᠭᠡ ᠦᠭᠡᠢ ᠲᠤᠯᠠ ᠲᠦᠯᠡᠭᠡ ᠬᠦᠷᠭᠡᠵᠦ ᠴᠢᠳᠠᠬᠤ | ᠦᠭᠡᠢ ᠭᠠᠴᠢᠭᠳᠠᠯᠠ᠃ ᠨᠢᠭᠡ ᠭᠠᠷᠠᠭ ᠤᠨ ᠡᠳᠦᠷ ᠨᠠᠮᠠᠶᠢ ᠬᠠᠷᠢᠵᠤ ᠢᠷᠡᠬᠦᠯᠡᠷ ᠪᠠᠷᠠᠭᠤᠨ ᠠᠶᠢᠯ ᠳᠤ ᠪᠠᠶᠢᠳᠠᠭ | ᠭᠤᠷᠪᠠᠳᠤᠭᠠᠷ ᠠᠪᠠᠭᠠ ᠡᠭᠡᠴᠢ᠄︽ᠴᠢ ᠡᠨᠡ ᠰᠥᠨᠢ ᠳᠡᠭᠡᠨ ᠬᠠᠷᠠ ᠪᠤᠳᠠᠭᠠ ᠪᠠᠨ ᠠᠪᠤᠭᠠᠳ ᠢᠷᠡ᠂ ᠪᠢ ᠰᠥᠨᠢ ᠳᠡᠭᠡᠨ | ᠴᠠᠶᠢᠯᠭᠠᠵᠤ ᠪᠠᠷᠠᠪᠠᠯ ᠮᠠᠷᠭᠠᠰᠢ ᠥᠷᠯᠥᠭᠡ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠠᠪᠤᠭᠠᠳ ᠶᠠᠪᠤ︾ ᠭᠡᠯᠡ᠃ | ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠵᠦ ᠪᠠᠷᠠᠲᠠᠯᠠ ᠬᠠᠷᠠᠩᠭᠤᠢ ᠪᠣᠯᠤᠭᠰᠠᠨ ᠪᠥᠭᠡᠳ ᠠᠪᠤ ᠲᠠᠷᠢᠶᠠᠨ ᠠᠴᠠ ᠪᠠᠨ ᠬᠠᠷᠢᠵᠤ | ᠢᠷᠡᠳᠡᠯᠡ ᠲᠤᠩ ᠣᠷᠣᠢ ᠪᠣᠯᠵᠠᠢ᠃ ᠠᠪᠦ ᠨᠢᠭᠡ ᠬᠡᠦᠳᠡᠢ ᠬᠠᠷᠠ ᠪᠤᠳᠠᠭᠠ ᠰᠠᠪᠠᠯᠠᠵᠤ ᠡᠯᠵᠢᠭᠡᠨ ᠳᠤ ᠠᠴᠢᠵᠤ ᠥᠭᠪᠡ᠃ | ᠪᠢ ᠡᠯᠵᠢᠭᠡ ᠪᠠᠨ ᠡᠮᠦᠨᠡ ᠪᠠᠨ ᠬᠥᠭᠡᠭᠡᠵᠦ ᠶᠠᠪᠤᠬᠤ ᠳᠤ ᠡᠯᠵᠢᠭᠡ ᠮᠢᠨᠤ ᠰᠠᠨᠠᠭᠠ ᠪᠠᠷ ᠶᠠᠪᠤᠬᠤ ᠦᠭᠡᠢ᠂ | ᠬᠥᠲᠥᠯᠵᠦ ᠶᠠᠪᠤᠬᠤ ᠳᠤ ᠮᠥᠨ ᠬᠡᠦᠳᠡᠢ ᠲᠠᠢ ᠪᠤᠳᠠᠭᠠ ᠪᠠᠨ ᠤᠨᠠᠭᠠᠬᠤ ᠠᠴᠠ ᠪᠠᠨ ᠠᠶᠤᠨᠠ᠂ ᠬᠡᠷᠪᠡ ᠬᠡᠦᠳᠡᠢ ᠲᠠᠢ | ᠪᠤᠳᠠᠭᠠ ᠪᠠᠨ ᠤᠨᠠᠭᠠᠪᠠᠯ ᠪᠢ ᠲᠠᠭᠢᠨ ᠠᠴᠢᠶᠠᠯᠠᠵᠤ ᠲᠡᠶᠢᠯᠭᠦ ᠦᠭᠡᠢ ᠪᠣᠯᠬᠤᠷ ᠴᠤᠯᠪᠤᠭᠤᠷ ᠠᠴᠠ ᠨᠢ ᠪᠠᠷᠢᠵᠤ | ᠬᠠᠵᠠᠭᠤ ᠪᠠᠷ ᠨᠢ ᠶᠠᠪᠤᠬᠤ ᠶᠢᠨ ᠳᠠᠭᠠᠤ᠂ ᠨᠦᠭᠦᠭᠡ ᠭᠠᠷ ᠢᠶᠠᠷ ᠢᠶᠠᠨ ᠬᠡᠦᠳᠡᠢ ᠪᠠᠨ ᠲᠦᠰᠢᠬᠦ ᠬᠡᠷᠡᠭᠲᠡᠢ᠃ | ᠵᠣᠨ ᠤ ᠰᠥᠨᠢ ᠡᠭᠦᠯᠡ ᠦᠭᠡᠢ ᠪᠤᠯᠪᠠᠴᠤ ᠰᠠᠷᠠ ᠦᠭᠡᠢ ᠲᠤᠯᠠ ᠫᠠᠳ ᠬᠠᠷᠠᠩᠭᠤᠢ᠂ ᠲᠠᠯᠠ ᠶᠢᠨ ᠳᠤᠮᠳᠠᠭᠤᠷ | ᠡᠪᠡᠰᠦ ᠥᠯᠥᠩ ᠶᠡᠭᠡ ᠪᠥᠭᠡᠳ ᠤᠤᠯ ᠠᠴᠠ ᠪᠠᠨ ᠲᠡᠷᠡ ᠬᠡᠰᠡᠭ ᠭᠠᠵᠠᠷ ᠡᠷᠢᠶᠡᠨ ᠲᠠᠢ ᠭᠡᠬᠦ ᠬᠡᠯᠡᠯᠴᠡᠭᠡ ᠪᠠᠶᠢᠳᠠᠭ᠂ | ᠪᠤᠳᠤᠪᠠᠯ ᠡᠷᠢᠶᠡᠨ ᠲᠠᠢ ᠭᠡᠳᠡᠭ ᠨᠢ ᠴᠢᠳᠬᠦᠷ ᠲᠠᠢ ᠭᠡᠰᠡᠨ ᠦᠭᠡ ᠪᠠᠶᠢᠬᠤ ᠠ᠋᠂ ᠭᠡᠪᠡᠴᠦ ᠪᠢ ᠴᠢᠳᠬᠦᠷ ᠲᠠᠢ ᠭᠡᠳᠡᠭ ᠢ | ᠨᠢ ᠢᠲᠡᠭᠡᠬᠦ ᠦᠭᠡᠢ᠂ ᠬᠠᠷᠢᠨ ᠠᠶᠤᠳᠠᠭ ᠨᠢ ᠴᠢᠨ᠋ᠸᠠ ᠪᠢᠯᠡ᠃ ᠰᠥᠨᠢ ᠶᠢᠨ ᠬᠠᠷᠠᠩᠭᠤᠢ ᠳᠤ ᠡᠯᠵᠢᠭᠡ ᠯᠡ ᠬᠥᠮᠥᠨ ᠢ | ᠠᠶᠤᠯᠭᠠᠳᠠᠭ ᠶᠤᠮ ᠪᠠᠶᠢᠨᠠ᠃ ᠠᠶᠢᠯ ᠠᠴᠠ ᠪᠠᠭᠠ ᠵᠠᠶᠢᠳᠠᠭᠤ ᠪᠤᠯᠬᠤ ᠳᠤ ᠪᠠᠶᠢᠨ ᠲᠠᠭᠢᠨ ᠴᠢᠬᠢ ᠪᠠᠨ | ᠭᠤᠷᠣᠯᠵᠠᠭᠤᠯᠤᠨ ᠰᠢᠯᠤᠭᠤᠬᠠᠨ ᠶᠠᠪᠤᠬᠤ ᠦᠭᠡᠢ ᠪᠤᠶᠤ ᠵᠠᠷᠢᠮ ᠳᠠᠭᠠᠨ ᠵᠣᠭᠰᠣᠴᠢᠬᠠᠭᠠᠳ ᠴᠢᠬᠢ ᠪᠠᠨ ᠬᠤᠶᠢᠰᠢ | ᠰᠣᠯᠪᠢᠴᠠᠭᠤᠯᠤᠨ ᠭᠤᠷᠣᠯᠵᠠᠭᠤᠯᠬᠤ ᠪᠤᠶᠤ ᠬᠠᠮᠠᠷ ᠢᠶᠠᠨ ᠳᠣᠷᠭᠢᠭᠤᠯᠤᠨᠠ᠃ ᠬᠡᠷᠪᠡ ᠲᠡᠷᠡ ᠦᠶᠡ ᠳᠤ ᠡᠯᠵᠢᠭᠡ | ᠦᠷᠭᠦᠵᠦ ᠳᠤᠲᠠᠭᠠᠬᠤ ᠶᠤᠮ ᠦᠦ᠂ ᠡᠰᠡᠬᠦᠯᠡ ᠨᠠᠳᠬᠤᠭᠠᠳ ᠬᠡᠦᠳᠡᠢ ᠲᠠᠢ ᠪᠤᠳᠠᠭᠠ ᠶᠢ ᠤᠨᠠᠭᠠᠭᠰᠠᠨ ᠪᠣᠯ ᠪᠢ ᠠᠷᠭᠠ | ᠦᠭᠡᠢ ᠪᠤᠯᠬᠤ ᠶᠤᠮ᠃ | ᠪᠠᠷᠠᠭᠤᠨ ᠠᠶᠢᠯ ᠣᠶᠢᠷᠠᠲᠤᠵᠤ ᠪᠠᠶᠢᠬᠤ ᠳᠤ ᠡᠯᠵᠢᠭᠡ ᠭᠡᠨᠡᠳᠲᠡ ᠵᠣᠭᠰᠣᠭᠠᠳ ᠴᠢᠬᠢ ᠪᠠᠨ ᠠᠰ ᠡᠮᠦᠨᠡᠰᠢ | ᠬᠠᠨᠳᠤᠭᠤᠯᠤᠨ ᠪᠠᠶᠢᠨ ᠪᠠᠶᠢᠨ ᠬᠠᠮᠠᠷ ᠳᠣᠷᠭᠢᠭᠤᠯᠤᠨᠠ᠂ ᠪᠢ ᠠᠶᠤᠬᠤ ᠳᠠᠭᠠᠨ ᠴᠤᠯᠪᠤᠭᠤᠷ ᠢ ᠨᠢ ᠣᠶᠢᠷᠠᠬᠠᠨ ᠪᠠᠷᠢᠵᠤ | ᠴᠢᠩᠭᠠ ᠠᠳᠬᠤᠨ ᠡᠮᠦᠨᠡᠰᠢ ᠬᠠᠷᠠᠬᠤ ᠳᠤ ᠶᠠᠭᠤ ᠴᠤ ᠬᠠᠷᠠᠭᠳᠠᠬᠤ ᠦᠭᠡᠢ᠂ ᠭᠡᠲᠡᠯᠡ ᠯᠠᠪᠯᠠᠨ ᠴᠢᠩᠨᠠᠪᠠᠯ ᠶᠠᠮᠠᠷ ᠨᠢᠭᠡ | ᠴᠢᠮᠡᠭᠡ ᠭᠠᠷᠬᠤ ᠰᠢᠭ᠋ ᠪᠤᠯᠬᠤ ᠳᠤ ᠨᠡᠩ ᠶᠡᠭᠡ ᠠᠶᠢᠳᠠᠰ ᠬᠦᠷᠴᠦ ᠪᠦᠭᠦ ᠪᠡᠶᠡ ᠴᠡᠴᠡᠷᠬᠢᠯᠡᠨᠡ᠃ ᠪᠢ ᠲᠤᠩ ᠶᠡᠭᠡ | ᠪᠠᠴᠢᠮᠳᠠᠨ ᠪᠠᠶᠢᠬᠤ ᠳᠤ ᠡᠯᠵᠢᠭᠡ ᠬᠠᠷᠢᠨ ᠲᠠᠶᠢᠪᠤᠭᠤ ᠪᠣᠯᠤᠭᠰᠠᠨ ᠮᠠᠶ᠋ᠢᠭᠲᠠᠢ ᠪᠣᠯᠪᠠ᠂ ᠪᠢ ᠭᠡᠨᠡᠳᠲᠡ ᠨᠢᠭᠡᠨ | ᠤᠬᠠᠭᠠᠨ ᠣᠷᠣᠵᠤ᠂ ᠣᠴᠣᠶᠢᠨ ᠰᠠᠭᠤᠭᠠᠳ ᠬᠠᠷᠠᠩᠭᠤᠢ ᠳᠣᠲᠣᠷᠠ ᠠᠵᠢᠭᠯᠠᠬᠤ ᠳᠤ ᠡᠮᠦᠨᠡ ᠠᠴᠠ ᠬᠡᠳᠦᠨ ᠪᠠᠷᠠᠭᠠᠨ | ᠰᠡᠭᠦᠳᠡᠷ ᠪᠥᠷᠲᠥᠯᠵᠡᠨ ᠬᠠᠷᠠᠭᠳᠠᠬᠤ ᠪᠥᠭᠡᠳ ᠤᠯᠠᠮ ᠢᠶᠠᠷ ᠣᠶᠢᠷᠠᠲᠤᠯᠠ᠂ ᠤᠳᠠᠯ ᠦᠭᠡᠢ ᠬᠥᠮᠥᠰ ᠤᠨ ᠶᠠᠷᠢᠯᠴᠠᠬᠤ | ᠲᠠᠭᠤᠨ ᠭᠠᠷᠴᠤ ᠭᠤᠷᠪᠠᠨ ᠬᠥᠮᠥᠨ ᠥᠭᠡᠳᠡ ᠠᠴᠠ ᠬᠦᠷᠴᠦ ᠢᠷᠡᠪᠡ᠃ ᠲᠡᠳᠡ ᠨᠠᠮᠠᠶᠢ ᠦᠵᠡᠭᠡᠳ ᠤᠴᠢᠷ | ᠶᠠᠪᠤᠳᠠᠯ ᠢ ᠠᠰᠠᠭᠤᠵᠤ ᠮᠠᠰᠢ ᠶᠡᠭᠡ ᠪᠢᠰᠢᠷᠡᠭᠰᠡᠨ ᠪᠠᠶᠢᠳᠠᠯ ᠲᠠᠢ᠂ ᠡᠨᠡ ᠬᠦᠦ ᠦᠨᠡᠬᠡᠷ ᠬᠡᠴᠡᠭᠦᠦ ᠪᠠᠶᠢᠨᠠ ᠭᠡᠵᠡᠭᠡᠨᠡ᠃ | ᠪᠢ ᠪᠤᠳᠠᠭᠠ ᠪᠠᠨ ᠬᠦᠷᠭᠡᠵᠦ ᠭᠦᠷᠦᠭᠰᠡᠨ ᠳᠤ ᠠᠪᠠᠭᠠ ᠡᠭᠡᠴᠢ ᠪᠤᠳᠠᠭᠠ ᠴᠠᠶᠢᠯᠭᠠᠬᠤ ᠪᠡᠯᠡᠳᠬᠡᠯ ᠢᠶᠠᠨ ᠬᠢᠵᠦ | ᠪᠠᠷᠠᠭᠠᠳ ᠨᠠᠮᠠᠶᠢ ᠤᠨᠲᠠ ᠭᠡᠪᠡ᠃ ᠨᠠᠳᠠ ᠳᠤ ᠲᠠᠪᠤᠨ ᠠᠪᠠᠭᠠ ᠡᠭᠡᠴᠢ ᠲᠠᠢ ᠪᠤᠯᠪᠠᠴᠤ ᠬᠠᠮᠤᠭ ᠠᠴᠠ ᠣᠶᠢᠷᠠᠲᠤᠳᠠᠭ | ᠨᠢ ᠭᠤᠷᠪᠠᠳᠤᠭᠠᠷ ᠠᠪᠠᠭᠠ ᠡᠭᠡᠴᠢ ᠪᠢᠯᠡ᠂ ᠢᠯᠠᠩᠭᠤᠶᠠ ᠨᠠᠮᠠᠶᠢ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠣᠴᠢᠭᠰᠠᠨ ᠠᠴᠠ | ᠬᠤᠶᠢᠰᠢ᠂ ᠤᠳᠠᠭᠠ ᠪᠦᠷᠢ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠪᠠ ᠬᠠᠷᠢᠵᠤ ᠢᠷᠡᠬᠦ ᠳᠡᠭᠡᠨ ᠪᠦᠷ ᠠᠪᠠᠭᠠ ᠡᠭᠡᠴᠢ ᠶᠢᠨ ᠳᠤ | ᠪᠠᠭᠤᠳᠠᠭ᠂ ᠪᠢ ᠠᠪᠠᠭᠠ ᠡᠭᠡᠴᠢ ᠪᠠᠨ ᠶᠡᠷᠦ ᠡᠵᠢ ᠲᠠᠢ ᠪᠠᠨ ᠠᠳᠠᠯᠢ ᠦᠵᠡᠵᠦ᠂ ᠠᠪᠠᠭᠠ ᠡᠭᠡᠴᠢ ᠴᠤ ᠨᠠᠮᠠᠶᠢ | ᠬᠦᠦ ᠲᠠᠢ ᠪᠠᠨ ᠠᠳᠠᠯᠢ ᠡᠩᠬᠦᠷᠡᠶᠢᠯᠡᠨ ᠰᠠᠨᠠᠳᠠᠭ ᠶᠤᠮ᠃ ᠭᠦᠭᠡᠬᠤᠲᠠ ᠳᠤ ᠢᠷᠡᠬᠦ ᠠᠴᠠ ᠪᠠᠨ ᠡᠮᠦᠨᠡ᠂ ᠪᠢ | ᠠᠪᠠᠭᠠ ᠡᠭᠡᠴᠢ ᠳᠡᠭᠡᠨ ᠰᠠᠯᠬᠤ ᠶᠣᠰᠣ ᠬᠢᠬᠦ ᠪᠠᠷ ᠣᠴᠢᠬᠤ ᠳᠤ᠂ ᠬᠦᠦ ᠮᠢᠨᠢ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠣᠴᠢᠪᠠᠯ ᠡᠵᠢ | ᠠᠪᠤ ᠳᠠᠭᠠᠨ ᠦᠷᠭᠦᠯᠵᠢ ᠵᠠᠬᠢᠳᠠᠯ ᠢᠷᠡᠭᠦᠯᠵᠦ ᠪᠠᠢ᠂ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠬᠤᠨᠣᠵᠤ ᠬᠡᠪᠲᠡᠬᠦ ᠠᠴᠠ ᠢᠳᠡᠵᠦ | ᠤᠤᠭᠤᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠠᠭᠠᠨ ᠭᠦᠷᠳᠡᠯᠡ ᠬᠡᠯᠡᠵᠦ ᠥᠭ᠂ ᠡᠵᠢ ᠠᠪᠤ ᠴᠢᠨᠢ ᠮᠡᠳᠡᠪᠡᠯ ᠪᠠᠶᠠᠷᠯᠠᠬᠤ ᠶᠤᠮ ᠰᠢᠦ | ᠭᠡᠵᠦ ᠰᠤᠷᠭᠠᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ ᠪᠢ ᠬᠡᠳᠦᠶᠢᠪᠡᠷ ᠠᠪᠠᠭᠠ ᠡᠭᠡᠴᠢ ᠶᠢᠨ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠬᠢᠭᠰᠡᠨ ᠪᠤᠯᠪᠠᠴᠤ | ᠨᠠᠷᠢᠨ ᠤᠴᠢᠷ ᠢ ᠭᠦᠨ ᠮᠡᠳᠡᠭᠰᠡᠨ ᠦᠭᠡᠢ᠃ ᠬᠠᠷᠢᠨ ᠭᠤᠴᠢᠨ ᠵᠢᠯ ᠤᠨ ᠲᠠᠷᠠᠭᠠ ᠮᠢᠨᠤ ᠬᠦᠦ᠂ ᠬᠡᠦᠬᠡᠨ ᠭᠠᠳᠠᠨᠠ | ᠭᠠᠵᠠᠷ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠬᠤ ᠳᠤᠨᠢ ᠡᠳᠦᠷᠵᠢᠨ ᠵᠠᠬᠢᠳᠠᠯ ᠴᠢᠮᠡᠭᠡ ᠶᠢ ᠨᠢ ᠬᠦᠰᠡᠵᠦ | ᠪᠠᠶᠢᠭᠰᠠᠨ ᠪᠠ ᠵᠠᠬᠢᠳᠠᠯ ᠢ ᠨᠢ ᠦᠵᠡᠪᠡᠯ ᠪᠠᠶᠠᠷᠯᠠᠬᠤ ᠳᠠᠭᠠᠨ ᠠᠪᠠᠭᠠ ᠡᠭᠡᠴᠢ ᠶᠢᠨ ᠮᠢᠨᠢ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ᠬᠡᠯᠡᠵᠦ ᠰᠤᠷᠭᠠᠵᠤ ᠪᠠᠶᠢᠭᠰᠠᠨ ᠦᠭᠡᠨ ᠤ ᠭᠦᠨ ᠤᠳᠬᠠ ᠶᠢ ᠣᠶᠢᠯᠠᠭᠠᠭᠰᠠᠨ ᠪᠢᠯᠡ᠃ | ᠲᠡᠷᠡ ᠰᠥᠨᠢ ᠪᠢ ᠬᠤᠶᠠᠷ ᠪᠦᠯᠦ ᠳᠡᠭᠦᠦ ᠲᠠᠢ ᠪᠠᠨ ᠤᠨᠲᠠᠵᠤ᠂ ᠨᠣᠶᠢᠷ ᠬᠤᠯᠵᠢᠭᠰᠠᠨ ᠪᠤᠯᠪᠠᠴᠤ | ᠶᠠᠳᠠᠭᠰᠠᠨ ᠤ ᠡᠷᠬᠡᠨ ᠳᠤ ᠬᠡᠳᠦᠢ ᠳᠤ ᠪᠤᠳᠠᠭᠠ ᠴᠠᠶᠢᠯᠭᠠᠵᠤ ᠪᠠᠷᠠᠭᠰᠠᠨ ᠢ ᠮᠡᠳᠡᠭᠰᠡᠨ ᠦᠭᠡᠢ᠂ ᠨᠢᠭᠡ ᠮᠡᠳᠡᠬᠦ ᠳᠤ | ᠠᠪᠠᠭᠠ ᠡᠭᠡᠴᠢ ᠨᠠᠮᠠᠶᠢ ᠳᠠᠭᠤᠳᠠᠨ ᠰᠡᠷᠡᠭᠡᠵᠦ ᠪᠤᠳᠠᠭᠠ ᠢᠳᠡ ᠭᠡᠪᠡ᠃ ᠪᠣᠰᠣᠭᠠᠳ ᠦᠵᠡᠭᠰᠡᠨ ᠴᠢᠨᠢ ᠠᠪᠠᠭᠠ | ᠡᠭᠡᠴᠢ ᠮᠠᠨᠢ ᠴᠠᠶᠢᠯᠭᠠᠭᠰᠠᠨ ᠪᠤᠳᠠᠭᠠ ᠪᠠᠨ ᠬᠡᠦᠳᠡᠢ ᠳᠤ ᠰᠠᠪᠠᠯᠠᠭᠠᠳ ᠪᠡᠯᠡᠨ ᠪᠤᠯᠭᠠᠬᠰᠠᠨ ᠪᠠᠶᠢᠵᠠᠢ᠃ ᠪᠢ ᠲᠡᠷᠡ | ᠥᠷᠯᠥᠭᠡ ᠳᠡᠭᠡᠨ ᠴᠠᠭᠠᠨ ᠪᠤᠳᠠᠭᠠ ᠪᠠᠨ ᠡᠯᠵᠢᠭᠡᠨ ᠳᠡᠭᠡᠨ ᠠᠴᠢᠭᠠᠳ ᠰᠤᠷᠭᠠᠭᠤᠯᠢ ᠪᠠᠨ ᠴᠢᠭᠯᠡᠪᠡ᠂ ᠦᠳᠡ ᠶᠢᠨ | ᠬᠤᠶᠢᠨᠠ ᠨᠢ ᠪᠣᠷᠣ ᠮᠥᠷ ᠢᠶᠠᠷ ᠢᠶᠠᠨ ᠡᠷᠭᠢᠵᠦ ᠭᠡᠷ ᠵᠦᠭ ᠲᠡᠭᠡᠨ ᠭᠡᠯᠳᠦᠷᠢᠵᠡᠢ᠃ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠭᠡᠭᠡ | ᠣᠷᠣᠬᠤ ᠠᠴᠠ ᠡᠮᠦᠨᠡ ᠪᠣᠰᠣᠭᠠᠳ ᠰᠤᠷᠭᠠᠭᠤᠯᠢ ᠵᠦᠭ ᠲᠡᠭᠡᠨ ᠭᠦᠶᠦᠭᠰᠡᠭᠡᠷ ᠲᠦᠷᠦᠭᠦᠦ ᠬᠢᠴᠢᠶᠡᠯ ᠣᠷᠣᠬᠤ ᠠᠴᠠ | ᠡᠮᠦᠨᠡ ᠳᠥᠩᠭᠡᠵᠦ ᠭᠦᠷᠪᠡ᠃ ᠠᠶᠤᠵᠤ ᠰᠣᠴᠢᠭᠰᠠᠨ ᠠᠴᠠ ᠶᠤᠮ ᠦᠦ᠂ ᠡᠰᠡᠬᠦᠯᠡ ᠬᠤᠶᠠᠷ ᠭᠤᠷᠪᠠᠨ ᠡᠳᠦᠷ ᠤᠨ | ᠰᠢᠷᠦᠭᠦᠨ ᠶᠠᠪᠤᠭᠰᠠᠨ ᠠᠴᠠ ᠶᠤᠮ ᠦᠦ᠂ ᠪᠡᠶᠡ ᠨᠡᠯᠢᠶᠡᠳ ᠶᠠᠳᠠᠷᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠣᠯᠵᠤ ᠴᠢᠷᠠᠢ | ᠬᠤᠵᠢᠢᠬᠰᠠᠨ ᠳᠤ ᠨᠥᠬᠦᠳ ᠮᠢᠨᠢ ᠨᠠᠮᠠᠶᠢ ᠡᠪᠡᠳᠴᠢᠯᠡᠭᠰᠡᠨ ᠪᠠᠶᠢᠨᠠ ᠭᠡᠵᠦ ᠬᠠᠭᠠᠰ ᠡᠳᠦᠷ ᠤᠨ ᠴᠢᠯᠦᠭᠡ ᠭᠤᠶᠤᠵᠤ | ᠠᠮᠠᠷᠠᠴᠢᠬᠠ ᠭᠡᠵᠡᠭᠡᠵᠦ ᠪᠠᠶᠢᠭᠰᠠᠨ ᠪᠢᠯᠡ᠃ | ᠲᠦᠯᠡᠰᠢ ᠶᠢᠨ ᠠᠰᠠᠭᠤᠳᠠᠯ ᠬᠠᠮᠤᠭ ᠠᠴᠠ ᠬᠡᠴᠡᠭᠦᠦ ᠪᠠᠶᠢᠯᠠ᠃ ᠪᠠᠷᠤᠭ ᠳᠥᠷᠪᠡᠳᠦᠭᠡᠷ ᠣᠨ ᠤ | ᠲᠦᠯᠡᠰᠢᠨ ᠳᠡᠭᠡᠨ ᠵᠣᠭᠤᠰ ᠪᠤᠳᠤᠵᠤ ᠥᠭᠭᠦᠭᠰᠡᠨ ᠪᠠᠶᠢᠬᠤ ᠠ᠋᠃ ᠲᠠᠪᠤᠳᠤᠭᠠᠷ ᠣᠨ ᠤ ᠨᠢᠭᠡ ᠵᠢᠯ ᠤᠨ ᠲᠦᠯᠡᠭᠡ ᠪᠠᠨ | ᠪᠢ ᠥᠪᠡᠷ ᠢᠶᠠᠨ ᠰᠢᠢᠳᠪᠦᠷᠢᠯᠡᠪᠡ᠃ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠶᠢᠨ ᠮᠠᠩᠬᠠ ᠪᠠᠷ ᠡᠷᠮᠡ ᠥᠨᠳᠥᠷ ᠤᠷᠭᠤᠭᠰᠠᠨ | ᠪᠠᠶᠢᠪᠠ᠃ ᠵᠤᠨ ᠤ ᠠᠮᠠᠷᠠᠯᠲᠠ ᠳᠤ ᠪᠢ ᠬᠤᠶᠠᠷ ᠡᠳᠦᠷ ᠲᠤ ᠵᠠᠭᠤ ᠵᠢᠷᠠᠭᠠᠳ ᠪᠣᠭᠤᠵᠢ ᠬᠠᠳᠤᠪᠠ᠂ ᠬᠠᠳᠤᠭᠰᠠᠨ | ᠡᠷᠮᠡ ᠪᠠᠨ ᠪᠣᠭᠤᠵᠢᠯᠠᠨ ᠳᠡᠯᠭᠡᠵᠦ ᠲᠠᠯᠪᠢᠭᠠᠳ᠂ ᠰᠤᠷᠭᠠᠭᠤᠯᠢ ᠡᠬᠢᠯᠡᠪᠡᠯ ᠬᠠᠮᠲᠤ ᠰᠤᠷᠤᠬᠴᠢᠳ ᠢᠶᠠᠨ ᠭᠤᠶᠤᠵᠤ | ᠰᠤᠷᠭᠠᠭᠤᠯᠢ ᠳᠤ ᠵᠥᠭᠡᠭᠡᠵᠦ ᠣᠷᠣᠭᠤᠯᠤᠨ᠂ ᠪᠦᠭᠦᠳᠡ ᠶᠢ ᠨᠢ ᠵᠠᠭᠤ ᠬᠤᠷᠢᠨ ᠪᠣᠭᠤᠵᠢ ᠪᠠᠷ ᠪᠤᠳᠤᠵᠤ ᠥᠭᠬᠦ ᠪᠠᠷ | ᠪᠡᠯᠡᠳᠬᠡᠪᠡ᠃ ᠲᠡᠷᠡ ᠵᠢᠯ ᠳᠤᠨᠢ ᠰᠤᠷᠭᠠᠭᠤᠯᠢ ᠡᠬᠢᠯᠡᠩᠭᠦᠲᠡ ᠲᠦᠯᠡᠰᠢ ᠲᠤᠲᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠠᠮᠢᠳᠤᠷᠠᠯ | ᠬᠠᠮᠢᠶᠠᠷᠤᠭᠴᠢ ᠪᠤᠷᠵᠤᠤ ᠪᠠᠭᠰᠢ ᠮᠢᠨᠤ ᠲᠦᠯᠡᠭᠡ ᠬᠠᠳᠤᠭᠰᠠᠨ ᠢ ᠮᠡᠳᠡᠭᠰᠡᠨ ᠪᠠᠶᠢᠵᠠᠢ᠂ ᠤᠴᠢᠷ ᠨᠢ ᠨᠠᠮᠠᠶᠢ ᠡᠷᠮᠡ | ᠬᠠᠳᠤᠵᠤ ᠪᠠᠶᠢᠬᠤ ᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠣᠭᠤᠭᠠᠴᠢ ᠠᠪᠤ ᠬᠠᠷᠠᠭᠰᠠᠨ ᠶᠤᠮ᠃ ᠪᠤ ᠪᠠᠭᠰᠢ ᠨᠠᠮᠠᠶᠢ ᠳᠠᠭᠤᠳᠠᠨ | ᠪᠠᠶᠢᠳᠠᠯ ᠢ ᠠᠰᠠᠭᠤᠯᠠ᠃ ᠪᠢ ᠡᠷᠮᠡ ᠬᠠᠳᠤᠭᠰᠠᠨ ᠢᠶᠠᠨ ᠦᠨᠡᠨ ᠢᠶᠠᠷ ᠢᠶᠠᠨ ᠬᠡᠯᠡᠭᠡᠳ ᠪᠦᠭᠦᠳᠡ ᠶᠢ ᠵᠠᠭᠤ ᠬᠤᠷᠢᠨ | ᠪᠣᠭᠤᠵᠢ ᠪᠠᠷ ᠪᠤᠳᠤᠭᠠᠳ ᠥᠭᠬᠦ ᠳᠤ ᠪᠣᠯᠣᠨᠠ ᠦᠦ︖ ᠭᠡᠬᠦ ᠳᠤ ᠪᠤ ᠪᠠᠭᠰᠢ ᠢᠨᠢᠶᠡᠭᠡᠳ ︽ᠪᠤᠯᠬᠤ ᠦᠭᠡᠢ᠂ ᠴᠢᠨᠦ | ᠵᠠᠭᠤ ᠵᠢᠷᠠᠨ ᠪᠣᠭᠤᠵᠢ ᠶᠢ ᠪᠢ ᠶᠠᠭᠤᠨ ᠳᠤ ᠵᠠᠭᠤ ᠬᠤᠷᠢᠨ ᠪᠣᠭᠤᠵᠢ ᠳᠤ ᠪᠤᠳᠤᠵᠤ ᠪᠤᠯᠬᠤ ᠪᠤᠢ᠂ ᠢᠯᠡᠭᠦᠦ | ᠭᠠᠷᠤᠭᠰᠠᠨ ᠬᠡᠰᠡᠭ ᠢ ᠨᠢ ᠦᠨᠡ ᠬᠠᠩᠰᠢ ᠪᠠᠷ ᠨᠢ ᠪᠤᠳᠤᠵᠤ ᠨᠣᠭᠤᠭᠠ ᠶᠢᠨ ᠵᠣᠭᠤᠰᠤᠨ ᠳᠤ ᠴᠢᠨᠢ ᠰᠠᠭᠤᠯᠭᠠᠵᠤ | ᠦᠭᠭᠦᠶᠡ︾ ᠭᠡᠵᠡᠢ᠃ ᠦᠨᠡᠨ ᠳᠡᠭᠡᠨ ᠪᠣᠯ ᠪᠢ ᠡᠷᠮᠡ ᠬᠠᠳᠤᠭᠠᠳ ᠡᠭᠦᠨ ᠢ ᠲᠦᠯᠡᠰᠢᠨ ᠳᠤ ᠪᠤᠳᠤᠵᠤ ᠠᠪᠬᠤ | ᠡᠰᠡᠬᠦ ᠶᠢ ᠮᠡᠳᠡᠬᠦ ᠦᠭᠡᠢ ᠳᠣᠲᠣᠷᠠ ᠮᠢᠨᠢ ᠲᠦᠭ ᠲᠠᠭ ᠲᠠᠢ ᠪᠠᠶᠢᠭᠰᠠᠨ ᠮᠥᠷᠲᠡᠭᠡᠨ ᠢᠯᠠᠩᠭᠤᠶᠠ ᠪᠤᠣ ᠪᠠᠭᠰᠢ ᠶᠢᠨ | ᠦᠭᠡ ᠡᠬᠢᠯᠡᠩᠭᠦᠲᠡ︽ᠪᠤᠯᠬᠤ ᠦᠭᠡᠢ︾ ᠭᠡᠰᠡᠨ ᠢ ᠰᠣᠨᠣᠰᠤᠭᠠᠳ ᠳᠣᠲᠣᠷᠠ ᠮᠢᠨᠢ ᠠᠭᠵᠠᠰᠬᠢᠵᠦ ᠠᠪᠤᠪᠠ᠂ ᠭᠡᠲᠡᠯᠡ | ᠪᠤ ᠪᠠᠭᠰᠢ ᠮᠢᠨᠢ ᠪᠦᠷ ᠲᠤᠭᠠ ᠶᠣᠰᠣᠭᠠᠷ ᠨᠢ ᠪᠤᠳᠤᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠢᠨᠤ ᠢᠩᠭᠢᠵᠦ ᠬᠢᠭᠰᠡᠨ ᠢ | ᠥᠪᠡᠷ ᠤᠨ ᠬᠦᠴᠢᠷ ᠢᠶᠠᠨ ᠥᠪᠡᠷ ᠢᠶᠠᠨ ᠰᠢᠢᠳᠪᠦᠷᠢᠯᠡᠭᠰᠡᠨ ᠵᠥᠪ ᠠᠵᠢᠯᠯᠠᠭᠠ ᠮᠥᠨ ᠭᠡᠵᠦ ᠰᠠᠶᠢᠰᠢᠶᠠᠭᠰᠠᠨ ᠨᠢ | ᠨᠠᠳᠠ ᠳᠤ ᠶᠡᠭᠡ ᠵᠣᠷᠢᠭᠵᠢᠭᠤᠯᠤᠯ ᠪᠣᠯᠵᠠᠢ᠃ ᠡᠭᠦᠨ ᠠᠴᠠ ᠪᠣᠯᠵᠤ ᠦᠷᠭᠦᠯᠵᠢᠯᠡᠨ ᠰᠤᠷᠤᠯᠴᠠᠬᠤ ᠳᠤ ᠨᠡᠩ | ᠢᠲᠡᠭᠡᠯ ᠲᠠᠢ᠂ ᠨᠡᠩ ᠵᠣᠷᠢᠭ ᠲᠡᠭᠦᠯᠳᠡᠷ ᠪᠣᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠤᠯᠭᠠᠷᠠᠪᠠᠯ | ᠠᠷᠭᠠ ᠰᠦᠪᠡᠭᠴᠢᠯᠡᠨ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠰᠤᠷᠤᠯᠴᠠᠬᠤ᠂ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠳᠠᠪᠠᠵᠤ ᠲᠤᠭᠤᠯᠬᠤ ᠵᠣᠷᠢᠭ ᠢ | ᠬᠥᠪᠴᠢᠯᠡᠭᠰᠡᠨ ᠶᠤᠮ᠃ | | |