| ᠪᠢᠲᠡᠭᠦᠨ ᠤ ᠡᠳᠦᠷ ᠫᠤᠤᠵᠢᠩ ᠤᠨ ᠳᠠᠭᠤᠨ ᠬᠥᠳᠡᠭᠡ ᠨᠤᠲᠤᠭ ᠤᠨ ᠨᠠᠮ ᠬᠥᠮ ᠢ ᠡᠪᠳᠡᠵᠦ᠂ ᠵᠢᠯ ᠴᠠᠭᠠᠨ | ᠰᠠᠷᠠ ᠪᠣᠯᠵᠤ ᠪᠠᠶᠢᠭᠠ ᠶᠢ ᠮᠥᠴᠡ ᠪᠣᠯᠭᠠᠨ ᠳᠤ ᠮᠡᠳᠡᠭᠳᠡᠨᠡ᠃ ᠣᠯᠵᠠ ᠲᠠᠢ ᠬᠤᠷᠢᠶᠠᠯᠲᠠ ᠲᠠᠢ ᠨᠢᠭᠡ ᠨᠢ ᠨᠢᠷᠤᠭᠤ | ᠭᠡᠳᠡᠭᠡᠷ ᠰᠢᠨᠡᠯᠡᠬᠦ ᠳᠤ ᠤᠷᠤᠯᠭᠠ ᠮᠠᠭᠤᠲᠠᠢ ᠬᠥᠷᠥᠩᠭᠡ ᠪᠠᠭᠠ ᠲᠠᠢ ᠨᠢᠭᠡ ᠨᠢ ᠵᠠᠷᠤᠯᠭᠠ ᠪᠣᠯᠭᠠᠨ ᠠᠴᠠ | ᠲᠠᠲᠠᠭᠠᠯᠵᠠᠵᠤ᠂ ᠰᠢᠨᠡᠯᠡᠬᠦ ᠶᠢᠨ ᠪᠠᠶᠠᠷ ᠠᠴᠠ ᠰᠢᠷᠭᠢᠭᠰᠡᠨ ᠳᠡᠭᠡᠷᠡ ᠨᠢ ᠰᠢᠷᠭᠢᠨᠡ᠃ | ︽ᠮᠢᠬᠠ ᠦᠭᠡᠢ ᠪᠠᠷ ᠶᠠᠭᠠᠬᠢᠵᠤ ᠰᠢᠨᠡᠯᠡᠬᠦ ᠪᠤᠢ︖ ᠨᠢᠭᠡ ᠬᠤᠨᠢ ᠵᠠᠷᠤᠴᠢᠬᠠᠶᠠ︾ ᠭᠡᠵᠦ ᠪᠢᠯᠢᠭ ᠤᠨ ᠪᠠᠷᠢᠬᠤ | ᠭᠠᠷ ᠤᠲᠠᠰᠤᠨ ᠠᠴᠠ ᠨᠢᠭᠡ ᠨᠢ ᠶᠠᠷᠢᠨᠠ᠃ | ︽ᠬᠠᠷᠢᠨ ᠲᠡᠶᠢᠮᠦ ᠪᠠᠶᠢᠨᠠ ᠰᠢᠦ︕ ᠰᠢᠨᠡ ᠶᠢᠨ ᠨᠢᠭᠡᠨ ᠪᠣᠯᠭᠠᠨ ᠰᠢᠨᠡᠯᠡᠨᠡ ᠦᠦ ᠳ᠋ᠠ ᠭᠡᠳᠡᠭ ᠰᠢᠭ ᠢᠶᠠᠷ ᠵᠢᠯ | ᠳᠡᠭᠡᠨ ᠨᠢᠭᠡ ᠯᠡ ᠤᠳᠠᠭᠠ ᠬᠠᠮᠲᠤ ᠪᠠᠷ ᠰᠢᠨᠡᠯᠡᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠯᠠᠨᠠ ᠭᠡᠰᠡᠨ ᠤ ᠬᠡᠷᠡᠭ ᠦᠭᠡᠢ︾ ᠭᠡᠵᠦ | ᠪᠠᠰᠠ ᠨᠢᠭᠡ ᠨᠢ ᠵᠥᠪᠰᠢᠶᠡᠷᠡᠯᠡ᠃ | ᠪᠢᠯᠢᠭ ᠳᠠᠭᠤ ᠦᠭᠡᠢ ᠢᠨᠢᠶᠡᠵᠦ᠂ ︽ᠵᠥᠪ ᠠ᠋᠂ ᠵᠥᠪ︾ ᠭᠡᠳᠡᠭ ᠦᠰᠦᠭ ᠲᠠᠢ ᠵᠢᠷᠤᠭ ᠶᠠᠪᠤᠭᠤᠯᠪᠠ᠃ | ︽ᠣᠶᠢᠷᠠ ᠳᠤ ᠬᠠᠮᠢᠭᠠ ᠣᠴᠢᠪᠠᠴᠤ ᠪᠦᠷ ᠯᠡ ᠮᠢᠬᠠ᠂ ᠪᠣᠯᠣᠨᠠ ᠰᠢᠳᠡ︕ ᠡᠪᠲᠡᠢ ᠬᠡᠳᠦᠨ ᠬᠠᠭᠤᠷᠤᠯᠭᠠ | ᠨᠣᠭᠤᠭᠠ ᠵᠠᠬᠢᠶᠠᠯᠠᠪᠠᠯ ᠪᠤᠯᠴᠢᠬᠠᠭ᠋ᠠ ᠦᠭᠡᠢ ᠦᠦ︖︾ ᠭᠡᠵᠦ ᠨᠢᠭᠡ ᠨᠢ ᠪᠠᠰᠠ ᠬᠡᠯᠡᠯᠡ᠃ | ᠢᠩᠭᠢᠵᠦ ᠰᠢᠨᠡᠯᠡᠬᠦ ᠰᠢᠷᠡᠭᠡᠨ ᠤ ᠳᠡᠰ ᠳᠠᠪᠬᠤᠷᠭᠠ ᠶᠢᠨ ᠲᠤᠬᠠᠢ ᠦᠢᠮᠡᠯᠳᠦᠬᠦ ︽ᠠᠯᠳᠠ ᠪᠠᠷ ᠰᠣᠯᠢᠬᠤ ᠦᠭᠡᠢ | ᠠᠬᠠ ᠳᠡᠭᠦᠦ︾ ᠨᠡᠷᠡ ᠲᠠᠢ ᠵᠢᠷᠭᠢᠶᠡᠨ ᠤ ᠬᠤᠯᠪᠤᠭᠠ ᠪᠣᠯ ᠪᠢᠯᠢᠭ ᠤᠨ ᠠᠪᠤ ᠶᠢᠨ ᠲᠠᠯᠠ ᠶᠢᠨ ᠰᠠᠳᠤᠨ ᠲᠦᠷᠦᠯ | ᠤᠨ ᠬᠤᠯᠪᠤᠭᠠ ᠪᠣᠯᠣᠨᠠ᠃ ᠪᠤᠷᠬᠠᠨ ᠪᠣᠯᠤᠭᠰᠠᠨ ᠪᠢᠯᠢᠭ ᠤᠨ ᠠᠪᠤ ᠠᠬᠠ ᠳᠡᠭᠦᠦ ᠳᠣᠯᠣᠭᠤᠯᠠ ᠶᠤᠮᠰᠠᠨ᠃ ᠠᠬᠠ | ᠳᠡᠭᠦᠦ ᠳᠣᠯᠣᠭᠤᠯᠠ ᠠᠴᠠ ᠤᠳᠤ ᠬᠤᠶᠠᠷᠬᠠᠨ ᠬᠡᠦᠬᠡᠨ ᠳᠡᠭᠦᠦ ᠨᠢ ᠨᠠᠷᠠᠳᠤ ᠳᠤ ᠦᠯᠡᠳᠡᠵᠦ ᠪᠠᠶᠢᠭᠠ ᠴᠦ ᠠᠬᠠ | ᠳᠡᠭᠦᠦ ᠳᠣᠯᠣᠭᠤᠯᠠ ᠶᠢᠨ ᠬᠡᠦᠬᠡᠳ ᠠᠴᠢ ᠨᠠᠷ ᠭᠡᠵᠦ ᠬᠠᠮᠲᠤ ᠶᠢᠨ ᠵᠢᠷᠤᠭ ᠠᠪᠬᠤ ᠪᠠᠷ ᠨᠢᠭᠡ ᠬᠥᠰᠢᠭᠡᠨ ᠳᠤ | ᠪᠠᠭᠲᠠᠵᠤ ᠶᠠᠳᠠᠮᠠᠷ ᠤᠯᠠᠨ ᠪᠣᠯᠵᠠᠢ᠃ ᠬᠤᠯᠠ ᠣᠶᠢᠷᠠ ᠰᠠᠭᠤᠵᠤ ᠪᠠᠶᠢᠬᠤ ᠶᠢᠨ ᠳᠡᠭᠡᠷᠡ᠂ ᠠᠶᠢᠯᠴᠢᠯᠠᠵᠤ ᠵᠣᠯᠭᠠᠬᠤ | ᠶᠤᠮ ᠪᠣᠯ ᠪᠥᠬᠦᠳᠡᠨ ᠲᠠᠢ ᠨᠢ ᠤᠴᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠢᠨ ᠤᠴᠢᠷ ᠡᠳᠡᠨ ᠤ ᠰᠠᠳᠤᠨ ᠢᠶᠠᠷ ᠢᠶᠠᠨ ᠬᠠᠮᠲᠤ ᠶᠢᠨ | ᠵᠣᠯᠭᠠᠯᠲᠠ ᠬᠢᠵᠦ ᠨᠢᠭᠡᠨᠲᠡ ᠲᠠᠪᠤᠨ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠡᠢ᠃ | ︽ᠳᠡᠭᠡᠷᠡ ᠵᠢᠯ ᠡᠷᠦᠭᠡ ᠪᠠᠷ ᠵᠣᠭᠤᠰ ᠪᠤᠳᠤᠬᠰᠠᠨ ᠪᠢᠵᠡ︖ ᠪᠢᠳᠡ ᠬᠤᠶᠠᠷᠬᠠᠨ ᠢᠶᠠᠨ ᠭᠤᠷᠪᠠᠨ ᠵᠠᠭᠤᠨ | ᠲᠥᠭᠦᠷᠢᠭ ᠥᠭᠭᠦᠨᠡ ᠰᠢᠦ︕ᠥᠭᠡᠷᠡ ᠠᠶᠢᠯ ᠨᠢ ᠪᠣᠯ ᠲᠦᠷᠪᠡᠭᠦᠯᠡ ᠲᠠᠪᠤᠭᠤᠯᠠ ᠪᠠᠨ ᠣᠴᠢᠨᠠ᠃ ᠪᠠᠰᠠ ᠮᠢᠬᠠ | ᠨᠣᠭᠤᠭᠠ ᠠᠴᠠ ᠨᠢ ᠤᠭᠤᠲᠠᠯᠠᠨᠠ᠃ ᠭᠡᠶᠡ ᠰᠢᠨᠡᠯᠡᠬᠦ ᠦᠭᠡᠢ ᠭᠡᠵᠦ ᠶᠠᠭᠠᠬᠢᠵᠤ ᠬᠡᠯᠡᠨᠡ ᠳ᠋ᠠ︾ ᠭᠡᠵᠦ ᠪᠢᠯᠢᠭ ᠤᠨ | ᠡᠵᠢ ᠭᠠᠷᠪᠤ ᠬᠥᠭᠰᠢᠨ ᠬᠤᠯᠪᠣᠭᠠᠨ ᠤ ᠦᠢᠮᠡᠭᠡᠨ ᠢ ᠰᠣᠨᠣᠰᠤᠭᠠᠳ ᠰᠠᠨᠠᠨ ᠰᠠᠨᠠᠨ ᠰᠠᠨᠠᠭᠠ ᠠᠯᠳᠠᠨᠠ᠃ | ᠵᠢᠷᠭᠢᠶᠡ ᠶᠢᠨ ᠬᠤᠯᠪᠣᠭᠠᠨ ᠳᠡᠭᠡᠷᠡ ᠨᠢᠭᠡ ᠵᠡᠷᠭᠡ ᠦᠢᠮᠡᠭᠡᠨ ᠪᠣᠯᠵᠤ᠂ ᠬᠠᠮᠤᠭ ᠰᠡᠭᠦᠯ ᠳᠤ ᠪᠠᠶᠠᠨ ᠳᠠᠩᠰᠤᠭ | ᠠᠮᠢᠳᠤᠷᠠᠯ ᠲᠠᠢ ᠲᠦᠮᠡᠨᠪᠠᠶᠠᠷ ᠭᠡᠳᠡᠭ ᠠᠬᠠ ᠨᠢ ᠰᠢᠷᠡᠭᠡᠨ ᠤ ᠬᠦᠨᠳᠦ ᠶᠢ ᠡᠵᠡᠨ ᠮᠡᠳᠡᠨ ᠲᠣᠭᠲᠠᠭᠠᠵᠤ᠂ ᠤᠯᠠᠨ ᠢᠶᠠᠷ | ᠢᠶᠠᠨ ᠳᠠᠭᠤ ᠦᠭᠡᠢ ᠵᠥᠪᠰᠢᠶᠡᠷᠡᠯᠡ᠃ | ︽ᠰᠢᠨᠡ ᠶᠢᠨ ᠬᠤᠶᠠᠷ ᠤᠨ ᠣᠷᠣᠢ ᠶᠢᠨ ᠲᠠᠪᠤᠨ ᠴᠠᠭ ᠲᠤ ᠴᠤᠭᠯᠠᠷᠠᠶᠠ︕︾ᠭᠡᠵᠦ ᠵᠢᠷᠭᠢᠶᠡ ᠶᠢᠨ | ᠬᠤᠯᠪᠣᠭᠠᠨ ᠠᠴᠠ ᠮᠡᠳᠡᠭᠳᠡᠯᠡ᠃ | ︽ᠡᠨᠡ ᠵᠢᠯ ᠮᠠᠯ ᠤᠨ ᠦᠨᠡ ᠡᠳᠦᠢ ᠪᠠᠭᠤᠷᠠᠵᠤ᠂ ᠵᠠᠷᠤᠯᠭᠠ ᠨᠡᠮᠡᠭᠳᠡᠬᠦ ᠠᠴᠠ ᠪᠢᠰᠢ ᠤᠷᠤᠯᠭᠠ ᠨᠡᠮᠡᠭᠳᠡᠬᠦ | ᠦᠭᠡᠢ ᠪᠠᠶᠢᠬᠤ ᠳᠤ᠂ ᠡᠳᠡ ᠪᠠᠰᠠ ᠰᠠᠶᠢᠨ ᠠᠷᠢᠬᠢ ᠤᠤᠭᠤᠨᠠ ᠭᠡᠵᠦ ᠯᠠᠷᠵᠢᠶᠠ ᠲᠠᠲᠠᠭᠠᠳ᠁︾ᠭᠡᠵᠦ ᠭᠠᠷᠪᠤ | ᠬᠥᠭᠰᠢᠨ ᠬᠤᠪᠢᠨ ᠳᠠᠭᠠᠨ ᠶᠠᠷᠢᠨᠠ᠃ | ᠪᠢᠯᠢᠭ᠄ ︽ᠡᠵᠢ ᠣᠴᠢᠬᠤ ᠦᠭᠡᠢ ᠭᠡᠵᠦ ᠪᠠᠶᠢᠨᠠ ᠭᠡᠨᠡ ᠦᠦ︖︾ ᠭᠡᠵᠦ ᠱᠣᠭᠯᠠᠨ ᠶᠠᠷᠢᠪᠠ᠃ | ᠡᠵᠢ ᠨᠢ᠄ ︽ᠬᠥᠶ᠋ᠢ᠂ ᠤᠳᠤ ᠪᠣᠯᠵᠠᠢ ᠭᠤᠯᠤᠤ᠃ ᠣᠴᠢᠬᠤ ᠦᠭᠡᠢ ᠪᠣᠯᠣᠨᠠ ᠦᠦ ᠳ᠋ᠠ︕︾ ᠭᠡᠵᠦ ᠰᠠᠨᠳᠤᠷᠤᠯᠠ ᠁ | | ︽ᠠᠯᠳᠠ ᠪᠠᠷ ᠰᠣᠯᠢᠬᠤ ᠦᠭᠡᠢ ᠠᠬᠠ ᠳᠡᠭᠦᠦ︾ ᠶᠢᠨ ᠬᠤᠯᠪᠣᠭᠠᠨ ᠤ ᠬᠠᠮᠲᠤ ᠶᠢᠨ ᠵᠣᠯᠭᠠᠯᠲᠠ ᠳᠤ ᠵᠠᠪᠠᠯ | ᠣᠴᠢᠬᠤ ᠬᠥᠮᠥᠨ ᠪᠠᠶᠢᠨᠠ ᠭᠡᠬᠦ ᠳᠤ ᠣᠴᠢᠬᠤ ᠦᠭᠡᠢ ᠭᠡᠵᠦ ᠳᠠᠰᠤ ᠪᠤᠳᠤᠵᠤ ᠪᠠᠶᠢᠬᠤ ᠨᠢ ᠪᠠᠰᠠ ᠪᠠᠶᠢᠨᠠ᠃ | ᠪᠢᠲᠡᠭᠦᠨ ᠤ ᠪᠠᠩᠰᠢ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠴᠡᠴᠡᠭ ᠭᠤᠯᠢᠷ ᠲᠠᠢ ᠭᠠᠷ ᠢᠶᠠᠷ ᠢᠶᠠᠨ ᠤᠲᠠᠰᠤ ᠲᠤᠰᠤᠯᠠ᠃ | ︽ᠳᠡᠭᠡᠷᠡ ᠵᠢᠯ ᠨᠠᠭᠠᠴᠤ ᠪᠠᠷ ᠢᠶᠠᠨ ᠰᠢᠨᠡᠯᠡᠬᠦ ᠳᠤ᠂ ᠪᠢᠳᠡᠨ ᠢ ᠣᠴᠢᠬᠤ ᠳᠤ ᠨᠣᠭᠤᠭᠠ ᠴᠠᠭᠠ ᠨᠢ ᠪᠦᠷ | ᠢᠳᠡᠭᠡᠳ ᠪᠠᠷᠠᠴᠢᠬᠠᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠠᠳᠠᠯᠢᠬᠠᠨ ᠭᠤᠷᠪᠠᠨ ᠵᠠᠭᠤᠨ ᠲᠥᠭᠦᠷᠢᠭ ᠦᠭᠭᠦᠯᠡ᠃ ᠡᠨᠡ ᠵᠢᠯ ᠴᠦ | ᠪᠣᠯᠵᠠᠢ᠃ ᠪᠢᠳᠡ ᠣᠷᠤᠯᠴᠠᠬᠤ ᠦᠭᠡᠢ ᠯᠠᠢ︾ ᠭᠡᠵᠦ ᠴᠡᠴᠡᠭ ᠳᠡᠭᠦᠦ ᠲᠠᠢ ᠪᠠᠨ ᠭᠠᠷ ᠤᠲᠠᠰᠤ ᠪᠠᠷ ᠶᠠᠷᠢᠨᠠ᠃ | ᠴᠠᠭᠠᠨᠠ ᠠᠴᠠ ᠨᠢ ᠣᠷᠤᠯᠴᠠᠬᠤ ᠶᠢ ᠢᠳᠬᠠᠭᠰᠠᠨ ᠪᠤᠯᠤᠯᠳᠠᠢ᠃ ᠴᠡᠴᠡᠭ ᠪᠠᠭᠠ ᠠᠭᠤᠷ ᠲᠠᠢ ᠪᠠᠷ᠄ ︽ᠪᠢᠳᠡ | ᠬᠠᠮᠲᠤ ᠶᠢᠨ ᠵᠣᠯᠭᠠᠯᠲᠠ ᠳᠤ ᠣᠷᠣᠯᠴᠠᠭᠠᠳ ᠳᠠᠭᠢᠭᠠᠳ ᠪᠠᠰᠠ ᠠᠶᠢᠯ ᠲᠣᠭᠤᠷᠢᠨᠠ ᠰᠢᠦ︕ ᠠᠬᠠᠮᠠᠳ ᠨᠠᠰᠤᠲᠠᠢ | ᠳᠤᠨᠢ ᠣᠴᠢᠵᠤ ᠵᠣᠯᠭᠠᠬᠤ ᠦᠭᠡᠢ ᠦᠦ︖ᠪᠠᠰᠠ ᠲᠠᠪᠤ ᠵᠢᠷᠭᠤᠭᠠᠨ ᠠᠶᠢᠯ ᠲᠣᠭᠤᠷᠢᠨᠠ︾ ᠭᠡᠵᠦ ᠴᠢᠩᠭᠠ ᠶᠠᠷᠢᠨᠠ᠃ | ᠴᠠᠭᠠᠲᠤᠬᠢ ᠨᠢ ᠵᠥᠪᠰᠢᠶᠡᠷᠡᠭᠰᠡᠨ ᠪᠤᠯᠤᠯᠳᠠᠢ᠃ ᠴᠡᠴᠡᠭ ᠨᠢᠭᠡ ᠤᠷᠳᠤ ᠠᠮᠢᠰᠬᠤᠭᠠ ᠠᠪᠤᠭᠠᠳ᠄︽ᠲᠡᠶᠢᠮᠦ ᠰᠢᠦ︕ | ᠡᠨᠡ ᠵᠢᠯ ᠵᠢᠯ ᠣᠷᠣᠬᠤ ᠬᠥᠮᠥᠨ ᠪᠠᠰᠠ ᠠᠷᠪᠢᠨ᠃ ᠨᠠᠳᠠᠳᠤ ᠬᠡᠳᠦᠨ ᠵᠠᠭᠤᠨ ᠲᠥᠭᠦᠷᠢᠭ ᠴᠢᠨᠢ ᠠᠮᠠᠷ ᠦᠭᠡᠢ᠃ | ᠠᠷᠪᠢᠯᠠᠵᠤ ᠲᠡᠶᠢᠯᠪᠡᠯ ᠠᠷᠪᠢᠯᠠᠵᠤ ᠪᠠᠶᠢᠶᠠ︾ ᠭᠡᠳ ᠬᠡᠰᠡᠭ ᠶᠠᠷᠢᠯᠴᠠᠭᠰᠠᠨ ᠢᠶᠠᠨ ᠤᠲᠠᠰᠤ ᠪᠠᠨ ᠲᠠᠯᠪᠢᠯᠠ᠃ | ︽ᠡᠨᠡ ᠭᠠᠶᠢᠬᠠᠯ ᠤᠳ ᠪᠠᠰᠠ ᠯᠠ ᠶᠡᠭᠡ ᠪᠠᠷ ᠠᠪᠤᠨᠠ ᠭᠡᠵᠦ ᠪᠠᠶᠢᠨᠠ ᠦᠦ︖︾ ᠭᠡᠵᠦ ᠴᠡᠴᠡᠭ ᠤᠨ ᠨᠥᠬᠦᠷ | ᠠᠮᠤᠷ ᠠᠰᠠᠭᠤᠯᠠ᠃ | ︽ᠦᠯᠦ ᠳ᠋ᠧ︕ ᠵᠣᠭᠤᠰ ᠲᠠᠢ ᠬᠥᠮᠥᠰ ᠤᠳ ᠴᠢᠳᠠᠯ ᠦᠭᠡᠢ ᠪᠢᠳᠡᠨ ᠤ ᠵᠤᠪᠠᠯᠠᠩ ᠢ ᠮᠡᠳᠡᠨᠡ ᠦᠦ ᠳ᠋ᠠ︕︾ | ᠭᠡᠵᠦ ᠴᠡᠴᠡᠭ ᠶᠠᠷᠢᠨᠠ᠃ | ︽ᠵᠠ᠂ ᠭᠡᠷ ᠭᠡᠷ ᠠᠴᠠ ᠬᠡᠳᠦᠨ ᠬᠥᠮᠥᠨ ᠣᠷᠤᠯᠴᠠᠬᠤ ᠪᠠᠨ ᠶᠠᠷᠢ︕ ᠰᠢᠷᠡᠭᠡ ᠪᠠᠨ ᠵᠠᠬᠢᠶᠠᠯᠠᠶᠠ︕︾ ᠭᠡᠵᠦ | ᠭᠠᠷ ᠤᠲᠠᠰᠤᠨ ᠠᠴᠠ ᠨᠢᠭᠡ ᠨᠢ ᠶᠠᠷᠢᠪᠠ᠃ | ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡ ︽3᠂ 4᠁︾ ᠭᠡᠰᠡᠨ ᠲᠤᠭᠠ ᠴᠤᠪᠤᠷᠠᠯᠠ᠃ | ᠭᠡᠨᠡᠳᠲᠡ ᠨᠢᠭᠡ ᠨᠢ᠄ ︽ᠬᠥᠶ᠋ᠢ ᠰᠠᠮᠠᠭᠠ ᠪᠡᠷᠭᠡᠨ ᠲᠠᠨ ᠤ ᠬᠢᠨ ᠰᠠᠶ᠋ᠢ ᠬᠤᠶᠠᠷᠬᠠᠨ ᠬᠥᠮᠥᠨ ᠣᠷᠣᠯᠴᠠᠨᠠ ᠦᠦ︖ | ︾ ᠭᠡᠯᠡ᠃ | ᠰᠠᠮᠠᠭᠠ᠄ ︽ᠲᠡᠭᠡᠪᠡᠯ ᠳᠥᠷᠪᠡ ᠭᠡᠳ ᠲᠠᠯᠪᠢᠴᠢᠬᠠ ᠳ᠋ᠠ︾ᠭᠡᠵᠦ ᠢᠨᠢᠶᠡᠳᠦ ᠲᠠᠢ ᠳᠤᠤᠭᠠᠷᠪᠠ᠃ | ᠤᠳᠠᠯ ᠦᠭᠡᠢ ᠰᠢᠨᠡ ᠶᠢᠨ ᠬᠤᠶᠠᠷ ᠤᠨ ᠣᠷᠣᠢ ᠪᠣᠯᠵᠤ ᠨᠠᠷᠭᠢᠵᠤ ᠰᠢᠨᠡᠯᠡᠭᠰᠡᠨ ᠵᠢᠷᠤᠭ ᠰᠡᠭᠦᠳᠡᠷ ᠵᠢᠷᠭᠢᠶᠡᠨ ᠤ | ᠬᠤᠯᠪᠣᠭᠠᠨ ᠳᠡᠭᠡᠷᠡ ᠴᠤᠪᠤᠷᠠᠭᠰᠠᠨ ᠳᠡᠭᠡᠷᠡ ᠴᠤᠪᠤᠷᠠᠯᠠ᠃ ᠰᠢᠷᠡᠭᠡ ᠳᠦᠭᠦᠷᠡᠩ ᠦᠷᠦᠭᠦ ᠮᠢᠬᠠ ᠨᠣᠭᠤᠭᠠᠨ ᠤ | ᠥᠩᠭᠡ ᠢᠯᠭᠠᠷᠠᠭᠰᠠᠨ ᠭᠡᠵᠦ ᠬᠡᠯᠡᠬᠦ ᠶᠢᠨ ᠭᠠᠵᠠᠷ ᠦᠭᠡᠢ᠂ ᠰᠢᠷᠡᠭᠡ ᠪᠣᠯᠭᠠᠨ ᠳᠤ ᠲᠠᠯᠪᠢᠭᠰᠠᠨ ᠪᠣᠯᠣᠷ ᠲᠤᠩᠭᠠᠯᠠᠭ | ᠰᠢᠯ ᠯᠣᠩᠬᠤ ᠲᠠᠢ ᠠᠷᠢᠬᠢ ᠶᠢ ᠨᠢ ᠦᠵᠡᠪᠡᠴᠦ ᠦᠨᠡ ᠬᠠᠩᠰᠢ ᠨᠢ ︽ᠲᠡᠭᠷᠢ ᠭᠠᠯᠪᠠ︾ ᠶᠢᠨ ᠮᠠᠶ᠋ᠢᠭ ᠲᠠᠢ᠃ ᠭᠡᠶᠡ᠂ | ᠬᠥᠭᠰᠢᠨ ᠨᠠᠰᠤᠲᠠᠢ ᠨᠢ ᠬᠡᠦᠬᠡᠳ ᠠᠴᠢ ᠨᠠᠷ ᠢᠶᠠᠨ ᠬᠠᠷᠠᠭᠠᠳ ᠪᠠᠶᠠᠰᠤᠨᠠ᠃ ᠬᠡᠦᠬᠡᠳ ᠰᠢᠤᠬᠠᠳ ᠨᠢ ᠦᠶᠡ ᠬᠤᠷᠠᠭ | ᠤᠨ ᠬᠢ ᠲᠠᠢ ᠪᠠᠨ ᠠᠭᠤᠯᠵᠠᠭᠠᠳ ᠬᠥᠯ ᠨᠢ ᠭᠠᠵᠠᠷ ᠬᠦᠷᠬᠦ ᠦᠭᠡᠢ ᠨᠠᠭᠠᠳᠤᠨ ᠭᠦᠶᠦᠯᠳᠦᠨᠡ᠃ ᠠᠪᠠᠭᠠᠢ | ᠪᠦᠰᠡᠭᠦᠶᠢᠴᠦᠳ ᠨᠢ ᠦᠢᠯᠡ ᠣᠶᠣᠳᠠᠯ ᠬᠤᠪᠴᠠᠰᠤ ᠵᠠᠰᠠᠯ ᠭᠡᠵᠦ ᠵᠣᠭᠤᠭ ᠡᠭᠦᠰᠬᠡᠵᠦ ᠠᠪᠤᠨᠠ᠃ ᠠᠬᠠ ᠳᠡᠭᠦᠦ | ᠲᠦᠷᠦᠯ ᠭᠡᠵᠦ ᠡᠷᠡᠭᠲᠡᠶᠢᠴᠦᠳ ᠨᠢ ᠬᠤᠨᠳᠠᠭᠠ ᠮᠥᠷᠭᠦᠭᠦᠯᠵᠦ ᠡᠬᠢᠯᠡᠯᠡ᠃ ᠭᠤᠷᠪᠠᠨ ᠨᠣᠬᠠᠢ ᠭᠤᠳᠤᠶᠢᠳᠠᠯᠠ | ᠬᠤᠭᠤᠯᠠᠨ ᠭᠡᠷ ᠤᠨ ᠴᠣᠩᠬᠤᠨ ᠠᠴᠠ ᠳ᠋ᠧᠩ ᠤᠨ ᠭᠡᠷᠡᠯ ᠳᠤᠸᠠᠯᠠᠵᠤ᠂ ︽ᠬᠤᠨᠣᠭᠤᠲᠠ ᠥᠨᠵᠢᠭᠦᠲᠡ ᠨᠠᠶᠢᠷᠯᠠᠨ | ᠰᠠᠭᠤᠶᠠ ᠭᠦ᠋ ᠁︾ ᠭᠡᠬᠦ ᠨᠠᠶᠢᠷ ᠤᠨ ᠰᠢᠷᠡᠭᠡᠨ ᠤ ᠠᠶᠠ ᠳᠠᠭᠤᠤ ᠬᠤᠯᠠ ᠠᠴᠠ ᠰᠣᠨᠣᠷᠳᠠᠨᠠ᠃ | ᠰᠢᠨᠡ ᠶᠢᠨ ᠭᠤᠷᠪᠠᠨ ᠤ ᠥᠷᠯᠥᠭᠡ᠂ ᠥᠴᠥᠭᠡᠳᠦᠷ ᠤᠨ ᠠᠷᠢᠬᠢ ᠶᠢ ᠭᠡᠳᠦ ᠪᠠᠯᠭᠤᠭᠰᠠᠨ ᠤ ᠤᠴᠢᠷ ᠠᠴᠠ | ᠪᠣᠯᠪᠠᠤ︖ ᠡᠰᠡᠪᠡᠯ ᠳᠠᠭᠤᠤ ᠬᠡᠲᠦᠷᠬᠡᠢ ᠬᠠᠩᠭᠢᠨᠠᠭᠤᠯᠤᠭᠰᠠᠨ ᠤ ᠴᠦ ᠪᠣᠯᠪᠠᠤ ︖ ᠶᠠᠭᠤ ᠴᠦ ᠭᠡᠰᠡᠨ ᠰᠠᠮᠠᠭᠠ ᠶᠢᠨ | ᠲᠣᠯᠣᠭᠠᠢ ᠲᠦᠷᠦᠭᠦᠦ ᠨᠢ ᠡᠪᠡᠳᠴᠦ᠂ ᠬᠤᠭᠤᠯᠠᠢ ᠨᠢ ᠬᠤᠷᠣᠰᠴᠤ᠂ ᠴᠢᠷᠠᠢ ᠮᠠᠭᠤᠲᠠᠢ ᠣᠷᠣᠨ ᠳᠠᠭᠠᠨ ᠬᠡᠪᠲᠡᠨᠡ᠃ | ᠵᠢᠷᠭᠢᠶᠡ ᠶᠢᠨ ᠬᠤᠯᠪᠤᠭᠠ ᠪᠠᠨ ᠨᠡᠭᠡᠭᠡᠭᠡᠳ ᠦᠵᠡᠪᠡᠯ ᠤᠯᠠᠭᠠᠨ ᠪᠠᠭᠯᠠᠭᠠ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ | ᠴᠤᠪᠤᠷᠠᠨᠠ᠃ ᠳᠡᠭᠡᠭᠰᠢ ᠪᠠᠨ ᠤᠷᠪᠠᠭᠤᠯᠵᠤ ᠰᠣᠨᠣᠰᠪᠠᠯ᠄ ︽ᠵᠠ᠂ ᠥᠷᠯᠥᠭᠡᠨ ᠤ ᠮᠡᠨᠳᠦ ᠠ᠋︕ ᠡᠨᠡ ᠵᠢᠯ | ᠤᠷᠤᠯᠴᠠᠬᠰᠠᠨ ᠬᠥᠮᠥᠨ ᠤ ᠲᠤᠭᠠ ᠪᠠᠷ ᠵᠣᠭᠤᠰ ᠪᠤᠳᠤᠬᠤ ᠪᠠᠷ ᠪᠣᠯᠣᠯᠠ᠃ ᠪᠦᠭᠦᠳᠡᠭᠡᠷ ᠵᠣᠭᠤᠰ ᠢᠶᠠᠨ ᠨᠠᠳᠠᠳᠤ | ᠥᠭᠪᠡᠯ ᠪᠣᠯᠴᠢᠬᠠᠨᠠ᠁︾ ᠭᠡᠵᠦ ᠨᠢᠭᠡ ᠨᠢ ᠶᠠᠷᠢᠯᠠ᠃ | ᠡᠭᠦᠨ ᠢ ᠰᠣᠨᠣᠰᠤᠭᠰᠠᠨ ᠰᠠᠮᠠᠭᠠ ᠭᠤᠰ ᠬᠢᠨ ᠣᠷᠣᠨ ᠠᠴᠠ ᠪᠠᠨ ᠪᠣᠰᠴᠤ ᠰᠠᠭᠤᠭᠠᠳ᠄ ︽ᠬᠥᠶ᠋ᠢ᠂ | ᠶᠠᠭᠠᠬᠢᠭᠠᠳ ᠡᠨᠡ ᠵᠢᠯ ᠡᠷᠦᠭᠡ ᠪᠠᠷ ᠪᠤᠳᠤᠬᠤ ᠦᠭᠡᠢ ᠶᠤᠮ ᠪᠤᠢ︖ ᠡᠷᠦᠭᠡ ᠪᠠᠷ ᠪᠤᠳᠤᠴᠢᠬᠠᠬᠤ ᠦᠭᠡᠢ ᠦᠦ︖︾ | ᠭᠡᠵᠦ ᠰᠢᠷᠠᠳᠠᠬᠰᠠᠨ ᠬᠤᠭᠤᠯᠠᠢ ᠪᠠᠷ ᠰᠠᠨᠳᠤᠷᠤᠨ ᠶᠠᠷᠢᠯᠠ᠃ | ︽ᠬᠥᠮᠥᠨ ᠤ ᠲᠤᠭᠠ ᠪᠠᠷ ᠠᠪᠬᠤ ᠪᠣᠯᠴᠢᠬᠠᠪᠠ ᠦᠦ︖ ᠨᠢᠭᠡ ᠬᠥᠮᠥᠨ ᠤ ᠬᠡᠳᠦᠢ ᠭᠡᠵᠦ ᠪᠠᠶᠢᠨᠠ︖︾ ᠭᠡᠵᠦ | ᠨᠥᠬᠦᠷ ᠨᠢ ᠬᠠᠵᠠᠭᠤ ᠠᠴᠠ ᠨᠢ ᠠᠰᠠᠭᠤᠯᠠ᠃ | ︽ᠨᠢᠭᠡ ᠬᠥᠮᠥᠨ ᠤ 120 ᠲᠥᠭᠦᠷᠢᠭ ᠭᠡᠨᠡ᠃ ᠪᠢᠳᠡ ᠲᠦᠷᠪᠡᠭᠦᠯᠡ ᠲᠠᠪᠤᠨ ᠵᠠᠭᠤ ᠰᠢᠬᠠᠮ ᠥᠭᠭᠦᠨᠡ ᠰᠢᠦ︕ | ᠠᠯᠢ ᠦᠶᠡ ᠳᠤᠨᠢ ᠢᠩᠭᠢᠵᠦ ᠰᠢᠨᠡᠯᠡᠵᠤ ᠪᠠᠶᠢᠪᠠ︖︾ᠭᠡᠵᠦ ᠰᠠᠮᠠᠭᠠ ᠠᠭᠤᠷᠲᠠᠢ ᠶᠠᠷᠢᠵᠤ᠂ ᠬᠡᠨ ᠨᠢᠭᠡ ᠶᠢ ᠡᠷᠢᠵᠦ | ᠡᠨᠡ ᠬᠦ ᠪᠠᠶᠢᠳᠠᠯ ᠢ ᠬᠤᠪᠢᠷᠠᠭᠤᠯᠬᠤ ᠲᠤᠬᠠᠢ ᠪᠣᠳᠣᠯᠭᠠᠰᠢᠷᠠᠯᠠ ᠁ | ᠢᠩᠭᠢᠵᠦ ᠬᠠᠮᠲᠤ ᠶᠢᠨ ᠵᠣᠯᠭᠠᠯᠲᠠ ᠶᠢᠨ ᠲᠤᠬᠠᠢ ᠦᠢᠮᠡᠭᠡᠨ ᠭᠠᠷ ᠤᠲᠠᠰᠤᠨ ᠤ ᠵᠢᠵᠢᠭ ᠬᠥᠰᠢᠭᠡ ᠪᠠᠷ | ᠳᠠᠮᠵᠢᠨ ᠶᠠᠪᠤᠵᠤ᠂ ᠪᠠᠭᠠ ᠭᠠᠷᠭᠠᠭᠰᠠᠨ ᠨᠢ ᠪᠣᠯᠣᠯᠠ ᠭᠡᠵᠦ ᠶᠡᠭᠡ ᠭᠠᠷᠭᠠᠭᠰᠠᠨ ᠨᠢᠭᠡ ᠨᠢ ᠬᠤᠨᠵᠢᠭᠳᠠᠯᠠ ᠭᠡᠵᠦ ᠮᠢᠬᠠ | ᠲᠠᠢ ᠠᠷᠢᠬᠢ ᠲᠠᠢ᠂ ᠥᠩᠭᠡ ᠲᠠᠢ ᠦᠨᠡ ᠲᠠᠢ ᠡᠨᠡ ᠬᠤᠯᠪᠣᠭᠠᠨ ᠤ ᠤᠯᠠᠨ ᠬᠥᠮᠥᠰ ᠨᠢᠭᠡ ᠨᠠᠰᠤ ᠨᠡᠮᠡᠭᠳᠡᠵᠡᠢ᠃ | | |