ᠨᠡᠭᠡᠭᠡᠯᠲᠡᠲᠡᠢ ᠴᠣᠩᠬᠤ ᠪᠠᠷ ᠰᠡᠪᠰᠢᠭᠰᠡᠨ ᠰᠡᠷᠮᠡᠭᠦᠨ ᠠᠭᠠᠷ᠂ ᠰᠦ ᠲᠠᠢ ᠴᠠᠢ᠂ ᠡᠶᠡᠪᠡᠷᠭᠦᠦ ᠨᠠᠷᠠᠨ ᠤ ᠵᠥᠭᠡᠯᠡᠨ | ᠭᠡᠷᠡᠯ ᠴᠠᠢ ᠶᠢᠨ ᠰᠢᠷᠡᠭᠡᠨᠡ ᠲᠣᠭᠯᠠᠬᠤ᠂ ᠰᠢᠪᠠᠭᠤᠳ ᠥᠷᠯᠥᠭᠡ ᠡᠷᠲᠡ ᠠᠴᠠ ᠯᠡ ᠲᠡᠶᠢᠮᠤ ᠤᠷᠮᠠ ᠲᠠᠢ | ᠳᠠᠭᠤᠯᠠᠬᠤ᠂ ᠬᠤᠷᠤᠭᠠ ᠬᠠᠰᠢᠶᠠᠨᠠ ᠨᠢᠯᠬᠠ ᠲᠥᠯ ᠮᠠᠶᠢᠯᠠᠬᠤ ᠁ ᠪᠦᠭᠦ ᠵᠦᠢᠯ ᠰᠡᠳᠬᠢᠯ ᠭᠦᠭᠯᠡᠭᠡᠭᠦ ᠨᠢ | ᠨᠦᠭᠦᠭᠡ ᠬᠠᠪᠤᠷ ᠴᠠᠭ ᠤᠨ ᠠᠶᠠᠰ ᠬᠥᠮᠥᠨ ᠬᠤᠷᠸᠠ ᠶᠢ ᠪᠦᠪᠡᠶᠢᠯᠡᠵᠦ ᠠᠪᠤᠭᠰᠠᠨ ᠤ ᠬᠢ ᠠ᠋᠃ | ᠬᠠᠵᠠᠭᠤ ᠪᠠᠷ ᠵᠥᠷᠢᠵᠦ ᠭᠠᠷᠬᠤ ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠭᠦᠢ ᠶᠢ︽ᠠ᠋ ᠳ᠋ᠧ᠂ ᠬᠠᠪᠤᠷ ᠤᠨ ᠰᠢᠪᠠᠭᠤ ᠰᠢᠭ᠋ | ᠪᠦᠰᠡᠭᠦᠢ︾ ᠭᠡᠵᠦ ᠳᠦᠷᠰᠦᠯᠡᠭᠰᠡᠨ ᠠᠯᠢ ᠡᠷᠲᠡ ᠶᠢᠨ ᠰᠠᠨᠠᠭᠠᠨ ᠳᠤ ᠦᠭᠡᠢ ᠰᠡᠳᠬᠢᠯ ᠳᠤ ᠪᠠᠭᠤᠭᠰᠠᠨ ᠡᠨᠡ ᠦᠭᠡ ᠶᠢ | ᠤᠳᠤ ᠨᠡᠬᠡᠨ ᠰᠠᠨᠠᠪᠠᠰᠤ ᠲᠡᠷᠡ ᠨᠢ ᠬᠠᠪᠤᠷ ᠴᠠᠭ ᠠᠴᠠ ᠪᠣᠯᠤᠭᠰᠠᠨ ᠠᠵᠢ᠃ ᠤᠷᠢᠨ ᠬᠠᠪᠤᠷ ᠬᠥᠮᠥᠨ ᠤ ᠰᠡᠳᠬᠢᠯ ᠢ | ᠤᠶᠠᠰᠬᠠᠵᠤ ᠡᠮᠵᠡᠭ ᠲᠣᠷᠭᠠᠨ ᠮᠡᠳᠡᠷᠡᠮᠵᠢ ᠳᠦᠷᠦᠭᠦᠯᠳᠡᠭ ᠠᠴᠠ ᠬᠠᠷᠠᠭᠰᠠᠨ ᠪᠣᠯᠭᠠᠨ ᠬᠠᠪᠤᠷ ᠤᠨ ᠲᠡᠭᠷᠢ ᠮᠡᠲᠦ | ᠭᠢᠯᠠᠯᠵᠠᠩᠬᠠᠨ ᠥᠩᠭᠡ ᠲᠠᠢ ᠥᠭᠡᠳᠡᠷᠬᠡᠭ ᠰᠠᠨᠠᠭᠳᠠᠳᠠᠭ᠃ ᠰᠢᠪᠠᠭᠤᠳ ᠭᠦᠷᠳᠡᠯᠡ ᠬᠠᠪᠤᠷ ᠤᠨ ᠰᠠᠶᠢᠬᠠᠨ ᠳᠤ ᠰᠡᠳᠬᠢᠯ | ᠠᠩᠬᠢᠯᠤᠭᠤᠨ ᠪᠤᠯᠳᠠᠭ ᠢ ︽ᠬᠠᠪᠤᠷ ᠤᠨ ᠴᠠᠭ ᠲᠠᠭᠠᠨ ᠰᠢᠪᠠᠭᠤᠳ ᠬᠠᠮᠤᠭ ᠤᠶᠠᠩᠭᠠᠲᠠᠢ ᠳᠠᠭᠤᠯᠠᠳᠠᠭ︾ ᠭᠡᠵᠦ | ᠬᠡᠯᠡᠭᠰᠡᠨ᠃ ᠬᠠᠪᠤᠷ ᠤᠨ ᠭᠤᠷᠪᠠᠨ ᠰᠠᠷᠠ ᠳᠠᠭᠠᠨ ᠪᠦᠰᠡᠭᠦᠢ ᠬᠥᠮᠥᠨ ᠬᠠᠮᠤᠭ ᠦᠵᠡᠰᠭᠦᠯᠠᠩ ᠲᠠᠢ ᠬᠠᠷᠠᠭᠳᠠᠳᠠᠭ ᠨᠢ | ᠴᠦ ᠴᠠᠭᠠᠨᠠ ᠪᠠᠨ ᠤᠴᠢᠷᠲᠠᠢ ᠠ᠋᠃ | ︽ᠬᠠᠪᠤᠷ ᠤᠨ ᠬᠥᠬᠡ ᠵᠡᠷᠭᠡᠯᠭᠡ ᠰᠦᠮᠡᠯᠵᠡᠨᠡ ᠬᠠᠮᠢᠭᠠ ᠬᠤᠯᠠ ᠶᠢᠨ ᠬᠠᠶᠢᠷᠠᠲᠠᠢ ᠬᠥᠮᠥᠨ ᠮᠢᠨᠢ ᠡᠷᠢᠭᠳᠡᠨᠡ︾ | ᠭᠡᠵᠦ ᠬᠠᠶᠢᠷᠠ ᠳᠤᠷᠠᠯᠠᠯ ᠳᠤ ᠳᠡᠩᠳᠡᠭᠦᠦ ᠲᠤᠬᠳᠤᠯᠤᠮᠠᠳᠠᠭᠠᠢ ᠶᠠᠪᠤᠭᠰᠠᠨ ᠦᠵᠡᠰᠬᠦᠯᠡᠩᠲᠦ ᠮᠠᠨᠢ ᠦᠰᠦ ᠪᠠᠨ | ᠬᠠᠭᠠᠯᠵᠤ ᠡᠬᠡᠨᠡᠷ ᠨᠡᠷᠡ ᠵᠡᠭᠦᠵᠦ ᠦᠯᠥ ᠲᠠᠨᠢᠬᠤ ᠠᠶᠢᠯ ᠤᠨ ᠡᠷᠦᠭᠡ ᠶᠢ ᠰᠡᠬᠦᠵᠦ᠂ ᠦᠨᠡᠰᠦ ᠶᠢ ᠨᠢ ᠠᠰᠬᠠᠵᠤ ᠭᠠᠯ | ᠭᠤᠯᠣᠮᠲᠠ ᠶᠢ ᠨᠢ ᠪᠠᠳᠠᠷᠠᠭᠠᠬᠤ ᠠᠮᠢᠳᠤᠷᠠᠯ ᠴᠣᠭᠴᠠᠯᠠᠬᠤ ᠳᠠᠭᠠᠨ ᠳᠦᠷᠦᠭᠰᠡᠨ ᠭᠡᠷ᠂ ᠳᠣᠲᠣᠨᠣ ᠬᠥᠮᠥᠰ ᠠᠪᠤ | ᠡᠵᠢ ᠠᠴᠠ ᠪᠠᠨ ᠠᠶᠠᠷᠯᠠᠨ ᠰᠠᠯᠬᠤ ᠳᠠᠭᠠᠨ ᠰᠡᠳᠬᠢᠯ ᠳᠡᠭᠡᠨ ᠬᠠᠪᠤᠷ ᠤᠨ ᠤᠯᠠᠷᠢᠯ ᠢ ᠡᠪᠦᠷᠯᠡᠭᠡᠳ ᠮᠣᠷᠳᠠᠳᠠᠭ ᠪᠠᠶᠢᠬᠠ᠃ | ᠬᠠᠪᠤᠷ ᠤᠨ ᠰᠢᠪᠠᠭᠤ ᠰᠢᠭ᠋ ᠢᠶᠠᠨ ᠬᠠᠮᠤᠭ ᠤᠨ ᠤᠶᠠᠩᠭᠠᠯᠢᠭ ᠳᠠᠭᠤᠯᠠᠳᠠᠭ ᠪᠠᠶᠢᠬᠠ ᠠ᠋᠃ | ᠪᠤᠰᠤᠳ ᠤᠨ ᠡᠭᠦᠳᠡᠨ ᠳᠤ ᠨᠠᠰᠤ ᠶᠢ ᠡᠯᠡᠭᠡᠬᠦ ᠲᠠᠪᠢᠯᠠᠩ ᠵᠠᠶᠠᠭᠠ ᠶᠢ ᠨᠢᠭᠡ ᠪᠤᠳᠤᠬᠤ ᠳᠤ ᠬᠠᠴᠢᠨ | ᠣᠶᠢᠯᠠᠭᠠᠭᠳᠠᠰᠢ ᠦᠭᠡᠢ ᠪᠠᠰᠠ ᠬᠦᠯᠢᠶᠡᠵᠦ ᠠᠪᠬᠤ ᠶᠢᠨ ᠠᠷᠭᠠ ᠦᠭᠡᠢ ᠮᠡᠲᠦ ᠠ᠋᠃ ︽ᠪᠦᠰᠡᠭᠦᠢ ᠬᠥᠮᠥᠨ ᠤ ᠵᠠᠶᠠᠭᠠ︾ | ᠭᠡᠳᠡᠭ ᠨᠢ ᠲᠡᠷᠡ᠃ | ᠡᠵᠢ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠠᠴᠠ ᠤᠬᠢᠯᠠᠵᠤ ᠮᠣᠷᠳᠠᠭᠰᠠᠨ ᠡᠭᠡᠴᠢᠮᠡᠳ ᠬᠥᠮᠥᠨ ᠳᠠᠷᠠᠭᠠ ᠥᠷᠯᠥᠭᠡ ᠨᠢ | ᠬᠠᠳᠠᠮ ᠤᠨ ᠭᠡᠷ ᠲᠤ ᠨᠢᠭᠤᠷ ᠳᠦᠭᠦᠷᠡᠩ ᠪᠦᠱᠦᠭᠦᠷᠭᠡᠭ ᠢᠨᠢᠶᠡᠮᠰᠦᠭᠯᠡᠯ ᠲᠠᠢ ᠴᠠᠢ ᠠᠶᠠᠭᠠᠯᠠᠵᠤ ᠵᠣᠭᠰᠣᠭᠰᠠᠨ ᠢ | ᠬᠠᠷᠠᠭᠠᠳ ᠨᠢᠯᠪᠤᠰᠤ ᠨᠢ ᠦᠨᠡᠨ ᠤᠤ᠂ ᠢᠨᠢᠶᠡᠮᠰᠦᠭᠯᠡᠯ ᠨᠢ ᠦᠨᠡᠨ ᠤᠤ ᠭᠡᠵᠦ ᠭᠠᠶᠢᠬᠠᠵᠤ ᠭᠠᠷᠤᠭᠰᠠᠨ ᠬᠡᠦᠬᠡᠳ | ᠪᠠᠶᠢᠭᠰᠠᠨ ᠠ᠋᠃ ᠤᠳᠤ ᠪᠤᠳᠤᠪᠠᠯ ᠨᠢᠯᠪᠤᠰᠤ ᠨᠢ ᠴᠦ ᠢᠨᠢᠶᠡᠮᠰᠦᠭᠯᠡᠯ ᠨᠢ ᠴᠦ ᠪᠦᠷ ᠦᠨᠡᠨ ᠠ᠋᠃ | ᠪᠦᠰᠡᠭᠦᠢ ᠬᠥᠮᠥᠨ ᠭᠡᠵᠦ ᠡᠶᠢᠮᠦ ᠯᠡ ᠶᠤᠮ ᠳ᠋ᠠ᠃ | ᠬᠠᠨᠢ ᠶᠢᠨ ᠵᠠᠶᠠᠭᠠ ᠲᠦᠰᠢᠵᠦ᠂ ᠦᠷᠡ ᠶᠢᠨ ᠵᠤᠯᠠᠢ ᠦᠨᠦᠷᠯᠡᠵᠦ ᠪᠦᠰᠡᠭᠦᠢ ᠥᠪᠡᠷ ᠢ ᠪᠠᠨ ᠬᠡᠨ ᠭᠡᠳᠡᠭ ᠢᠶᠠᠨ | ᠤᠪᠠᠶᠢᠯᠠᠬᠤ ᠰᠡᠭᠡᠭᠡ ᠦᠭᠡᠢ ᠥᠪᠡᠷ ᠢ ᠪᠠᠨ ᠪᠦᠷ ᠮᠠᠷᠲᠠᠴᠢᠬᠠᠵᠤ ᠡᠳᠦᠷ ᠬᠤᠨᠤᠭ ᠤᠳ ᠢ ᠲᠤᠭᠤᠯᠤᠨᠠ᠃ ᠦᠰᠦ | ᠲᠣᠯᠣᠭᠠᠢ ᠪᠠᠨ ᠬᠠᠶᠢᠩᠭᠤᠬᠠᠨ ᠣᠷᠢᠶᠠᠵᠤ ᠡᠮᠦᠰᠬᠡᠯ ᠵᠡᠭᠦᠭᠡᠯ ᠵᠣᠬᠢᠴᠠ ᠠᠯᠳᠠᠵᠤ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠬᠦ ᠰᠠᠯᠬᠢ | ᠯᠢᠮᠪᠦᠳᠡᠵᠦ ᠪᠤᠢ ᠶᠢ ᠠᠵᠢᠶᠠᠷᠠᠯ ᠦᠭᠡᠢ᠂ ︽ᠬᠠᠪᠤᠷ ᠤᠨ ᠬᠥᠬᠡ ᠵᠡᠷᠭᠡᠯᠭᠡ ᠰᠦᠮᠡᠯᠵᠡᠨᠡ᠂ ᠬᠠᠮᠢᠭᠠ ᠬᠤᠯᠠ ᠶᠢᠨ | ᠬᠠᠶᠢᠷᠠᠲᠠᠢ ᠬᠥᠮᠥᠨ ᠮᠠᠨᠢ ᠡᠷᠢᠭᠳᠡᠨᠡ︾ ᠭᠡᠬᠦ ᠳᠠᠭᠤᠤ ᠮᠠᠷᠲᠠᠭᠳᠠᠨᠠ᠃ ᠬᠠᠵᠠᠭᠤ ᠳᠤ ᠰᠠᠭᠤᠭᠠ ᠬᠠᠨᠢ ᠨᠢ᠂ ᠡᠪᠦᠷ | ᠲᠤᠨᠢ ᠡᠷᠬᠡᠯᠡᠭᠡ ᠦᠷᠡ ᠠᠴᠠ ᠨᠢ ᠥᠭᠡᠷᠡ ᠶᠠᠭᠤ ᠬᠠᠶᠢᠷᠠᠯᠠᠯᠲᠠᠢ ᠪᠠᠶᠢᠳᠠᠭ ᠲᠤᠬᠠᠢ ᠪᠤᠳᠤᠬᠤ ᠨᠢ ᠪᠦᠷ ᠠᠴᠠ | ᠢᠯᠡᠭᠦᠴᠡ ᠪᠣᠯᠤᠭᠰᠠᠨ ᠴᠦ ᠮᠠᠭᠠᠳ᠃ | ᠬᠠᠨᠢ ᠢᠵᠢᠯᠢ ᠨᠢ ᠭᠡᠵᠦ ᠶᠠᠮᠠᠷᠬᠠᠨ ᠬᠥᠮᠥᠨ ᠳᠠᠭᠠᠷᠠᠳᠠᠭ ᠨᠢ ᠬᠥᠮᠥᠨ ᠤ ᠬᠤᠪᠢ ᠵᠠᠶᠠᠭᠠᠨ ᠤ ᠮᠡᠷᠭᠡ ᠲᠥᠯᠭᠡ ᠶᠢᠨ | ᠠᠯᠳᠠᠨ ᠱᠣ ᠮᠡᠲᠦ ᠪᠠᠶᠢᠵᠤ ᠨᠡᠩ ᠴᠦ ᠪᠦᠰᠡᠭᠦᠢ ᠬᠥᠮᠥᠨ ᠳᠤ ᠢᠯᠡᠭᠦᠦ ᠬᠦᠨᠳᠦᠴᠡ ᠲᠠᠢ ᠲᠤᠰᠳᠠᠭ᠃ | ᠮᠥᠷᠥᠭᠡᠳᠴᠦ ᠶᠠᠪᠤᠭᠰᠠᠨ ᠨᠢᠳᠦ ᠲᠠᠢ ᠪᠠᠨ ᠤᠴᠠᠷᠠᠭᠰᠠᠨ ᠪᠣᠯ ᠪᠦᠷ ᠴᠦ ᠰᠠᠶᠢᠬᠠᠨ᠃ ᠬᠠᠶᠢᠷᠠ ᠦᠭᠡᠢ | ᠬᠥᠮᠥᠨ ᠤ ᠳᠡᠷᠭᠡᠳᠡ ᠨᠠᠰᠤ ᠶᠢ ᠡᠯᠡᠭᠡᠳᠡᠭ ᠬᠠᠲᠠᠭᠤ ᠠᠮᠢᠳᠤᠷᠠᠯ ᠳᠤ ᠦᠷᠡᠭᠳᠡᠳᠡᠭ ᠨᠢ ᠴᠦ ᠮᠤᠩ ᠦᠭᠡᠢ ᠠ᠋᠃ ᠨᠣᠶᠢᠷ | ᠬᠤᠯᠵᠢᠭᠠᠬᠰᠠᠨ ᠦᠳᠡᠰᠢ ᠨᠦᠭᠦᠳ᠂ ᠳᠡᠷᠡ ᠳᠡᠪᠲᠦᠭᠡᠭᠰᠡᠨ ᠭᠠᠰᠢᠭᠤᠨ ᠨᠢᠯᠪᠤᠰᠤᠨ ᠳᠠᠭᠠᠨ ᠪᠠᠶᠠᠷ ᠪᠠᠶᠠᠰᠤᠯ ᠤᠨ | ᠡᠷᠬᠡ ᠪᠠᠨ ᠪᠤᠯᠢᠶᠠᠭᠳᠠᠵᠤ ᠬᠠᠷᠠᠬᠤ ᠳᠤ ᠨᠢᠭᠡ ᠯᠡ ᠥᠩᠭᠡ ᠭᠤᠨᠳᠠᠭᠤ ᠪᠦᠰᠡᠭᠦᠢ ᠶᠢᠨ ᠬᠤᠪᠢ ᠵᠠᠶᠠᠭᠠ ᠨᠢ | ᠤᠷᠤᠭᠤ ᠪᠠᠨ ᠬᠠᠵᠠᠶᠢᠭᠰᠠᠨ ᠢ ᠶᠠᠭᠠᠬᠢᠨᠠᠮ ᠳ᠋ᠠ᠃ ᠦᠵᠡᠰᠭᠦᠯᠠᠩ ᠲᠠᠢ ᠨᠢᠭᠡ ᠨᠢ ᠪᠠᠶᠢᠭᠰᠠᠨ ᠶᠤᠮ᠂ ᠠᠮᠢᠳᠤᠷᠠᠯ ᠳᠤ | ᠬᠠᠷᠢᠨ ᠡᠯᠡᠭᠳᠡᠯᠡ ᠳ᠋ᠠ ᠭᠡᠳ ᠰᠠᠶᠢᠬᠠᠨ ᠬᠥᠮᠥᠨ ᠶᠠᠪᠤᠭᠰᠠᠨ ᠨᠢ ᠳᠠᠭᠤᠤ ᠪᠣᠯᠣᠨ ᠦᠯᠡᠳᠡᠭᠰᠡᠨ᠂ ᠲᠡᠷᠡ ᠳᠠᠭᠤᠤ ᠶᠢ | ᠨᠢ ᠳᠠᠭᠤᠯᠠᠵᠤ ᠰᠠᠭᠤᠭᠰᠠᠨ ᠬᠥᠮᠥᠨ ᠤᠭᠢᠯᠠᠴᠢᠬᠠᠬᠰᠠᠨ ᠪᠠᠶᠢᠳᠠᠭ ᠬᠤᠷᠸᠠ ᠠ᠋᠃ | ᠰᠠᠷᠠ ᠬᠦᠷᠢᠶᠡᠯᠡᠭᠰᠡᠨ ᠮᠡᠲᠦ ᠰᠠᠨᠠᠭᠠ ᠵᠢᠭᠡᠭᠦᠰᠮᠡᠷ ᠰᠥᠨᠢ᠂ ᠭᠤᠷᠪᠠᠨ ᠨᠠᠷᠠ ᠰᠦᠮᠡᠶᠢᠵᠦ ᠮᠠᠨᠳᠤᠭᠰᠠᠨ ᠮᠡᠲᠦ | ᠡᠳᠦᠷ ᠮᠠᠭᠤᠬᠠᠶᠢᠷᠠᠬᠤ ᠶᠢᠨ ᠵᠦᠡᠭ ᠰᠤᠪᠢᠩ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠨᠢᠭᠡ ᠠᠶᠢᠵᠠᠮ ᠭᠦᠭ ᠨᠢ ᠪᠣᠯᠴᠢᠬᠠᠭᠰᠠᠨ᠃ ᠠᠢ | ᠭᠦ᠋᠂ ᠢᠯᠳᠠᠮ ᠬᠠᠷᠠᠴᠠ ᠪᠠᠨ ᠬᠠᠮᠢᠭᠠ ᠪᠠᠨ ᠶᠠᠪᠤᠵᠤ ᠤᠷᠭᠢᠪᠠ︖ ᠢᠷᠠᠭᠤᠬᠠᠨ ᠬᠤᠭᠤᠯᠠᠢ ᠪᠠᠨ ᠬᠠᠮᠢᠭᠠ ᠪᠠᠨ ᠴᠦ | ᠶᠠᠪᠤᠵᠤ ᠭᠡᠭᠡᠪᠡ ᠠ᠋︖ ᠬᠠᠷᠠᠴᠠ ᠨᠢ ᠮᠡᠨᠡᠭᠷᠡᠭᠰᠡᠨ ᠳᠠᠭᠤ ᠱᠤᠤ ᠪᠠᠨ ᠬᠤᠷᠢᠶᠠᠴᠢᠬᠠᠭᠰᠠᠨ᠂ ᠡᠰᠡᠬᠦᠯᠡ ᠪᠦᠷ ᠴᠦ | ᠠᠭᠤᠷ ᠨᠢ ᠭᠠᠯ ᠮᠡᠲᠦ ᠳᠦᠷᠡᠯᠵᠡᠭᠰᠡᠨ ᠤᠷᠤᠭᠤᠯ ᠠᠮᠠ ᠨᠢ ᠭᠢᠳᠤᠭᠠ ᠮᠡᠲᠦ ᠢᠷᠯᠡᠭᠰᠡᠨ ᠪᠦᠰᠡᠭᠦᠢ ᠬᠥᠮᠥᠨ ᠁ | ᠶᠠᠭᠠᠬᠢᠬᠤᠯᠠᠷ ᠢᠶᠠᠨ ᠢᠩᠭᠢᠳᠡᠭ ᠶᠤᠮ︖ ᠲᠠᠶᠢᠪᠤᠩ ᠪᠠᠶᠢᠬᠤ ᠳᠤ ᠪᠤᠯᠬᠤ ᠦᠭᠡᠢ ᠭᠡᠵᠢ ᠤᠤ︖ ᠲᠡᠷᠡ ᠭᠠᠯ ᠮᠡᠲᠦ | ᠨᠣᠴᠣᠭᠰᠠᠨ ᠠᠭᠤᠷ ᠬᠢᠯᠢᠩ᠂ ᠭᠢᠳᠤᠭᠠ ᠮᠡᠲᠦ ᠢᠷᠯᠡᠭᠳᠡᠭᠰᠡᠨ ᠭᠡᠯᠡ ᠠᠮᠠ ᠭᠡᠭᠴᠢ ᠬᠠᠮᠢᠭᠠ ᠠᠴᠠ ᠢᠷᠡᠭᠰᠡᠨ ᠪᠣᠯᠪᠠ︖ | ᠥᠩᠭᠡᠷᠡᠭᠦᠯᠦᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ︽ᠥᠪ ᠬᠥᠷᠥᠩᠭᠡ︾ ᠭᠡᠮᠡᠷ ᠬᠤᠷᠠᠮᠳᠤᠭᠤᠯᠤᠯ ᠨᠢ ᠶᠠᠭ ᠨᠢᠭᠡᠨ ᠴᠠᠭ ᠲᠤ | ᠳᠡᠯᠪᠡᠷᠡᠭᠡ ᠪᠢᠰᠢᠦ᠃ ᠬᠥᠮᠥᠨ ᠬᠠᠷᠢᠨ ᠳᠡᠭᠡᠵᠤ ᠬᠠᠷᠠᠬᠤ ᠦᠭᠡᠢ᠃ ᠠᠭᠤᠷ ᠲᠠᠢ ᠪᠦᠰᠡᠭᠦᠢ ᠶᠢ ᠥᠷᠥᠰᠢᠶᠡᠨ | ᠪᠤᠳᠤᠳᠠᠭ ᠦᠭᠡᠢ ᠠ᠋᠃ | ︽ᠠᠮᠢᠳᠤᠷᠠᠯ ᠥᠪᠡᠷ ᠢ ᠨᠢ ᠡᠪᠳᠡᠵᠡᠢ︾ ᠭᠡᠵᠦ ᠪᠤᠳᠤᠬᠤᠯᠠᠷ ᠰᠠᠯᠬᠢᠨ ᠳᠤ ᠪᠥᠬᠦᠯᠵᠡᠬᠦ ᠡᠪᠡᠰᠦ ᠮᠡᠲᠦ | ᠪᠦᠰᠡᠭᠦᠢ ᠬᠥᠮᠥᠨ ᠬᠤᠪᠢ ᠵᠠᠶᠠᠭᠠᠨ ᠤ ᠪᠠᠨ ᠡᠷᠬᠡ ᠶᠢ ᠪᠤᠰᠤᠳ ᠤᠨ ᠭᠠᠷ ᠲᠤ ᠪᠠᠵᠠᠭᠤᠯᠤᠭᠰᠠᠨ ᠤᠤ ᠭᠡᠵᠦ | ᠠᠳᠡᠭᠦᠷᠡᠮᠡᠷ᠃ ︽ᠬᠠᠲᠠᠭᠤ ᠴᠦ ᠭᠡᠯᠡ ᠬᠠᠳᠠ ᠴᠢᠯᠠᠭᠤ ᠠᠮᠢᠳᠤᠷᠠᠯ ᠢ ᠶᠠᠭᠠᠬᠢᠵᠤ ᠭᠦᠢᠴᠡᠬᠦ ᠪᠤᠢ︾ ᠭᠡᠵᠦ ᠳᠠᠭᠤᠯᠠᠳᠠᠭ | ᠰᠢᠭ᠋ ᠬᠠᠳᠠ ᠴᠢᠯᠠᠭᠤ ᠠᠴᠠ ᠴᠦ ᠬᠠᠲᠠᠭᠤ ᠠᠮᠢᠳᠤᠷᠠᠯ ᠰᠢᠤ ᠳ᠋ᠠ᠃ | ᠠᠩᠬᠠᠨ ᠤ ᠠᠮᠠᠷᠠᠭ ᠲᠠᠢ ᠪᠠᠨ ᠬᠠᠯᠵᠠ ᠤᠴᠠᠷᠠᠭᠠᠳ ᠭᠡᠨᠡᠳᠲᠡ ᠯᠡ ᠲᠣᠷᠭᠠ ᠮᠡᠲᠦ ᠵᠥᠭᠡᠯᠡᠨ ᠠᠪᠤᠷᠢ ᠲᠠᠢ | ᠲᠤᠶᠠᠭᠠ ᠮᠡᠲᠦ ᠭᠡᠭᠡᠨ ᠴᠢᠷᠠᠢ ᠲᠠᠢ ᠪᠣᠯᠴᠢᠬᠠᠭᠰᠠᠨ ᠪᠦᠰᠡᠭᠦᠢ ᠬᠥᠮᠥᠨ ᠢ ᠪᠢ ᠭᠠᠶᠢᠬᠠᠨ ᠬᠠᠷᠠᠭᠰᠠᠨ ᠤᠳᠠᠭᠠ ᠪᠤᠢ᠃ | ᠤᠰᠤ ᠰᠢᠭ᠋ ᠳᠥᠯᠭᠡᠬᠡᠨ ᠵᠠᠩ ᠲᠠᠢ ᠯᠡ ᠪᠠᠶᠢᠭᠰᠠᠨ ᠰᠠᠨ᠂ ᠤᠶᠢᠳᠬᠠᠷᠲᠤ ᠡᠨᠡ ᠣᠷᠴᠢᠯᠠᠩ ᠳᠠᠭᠠᠨ ᠲᠥᠭᠡᠷᠢᠭᠦᠯᠵᠦ | ᠠᠯᠳᠠᠭᠰᠠᠨ ᠰᠠᠨ᠃ | ᠭᠡᠲᠡᠯᠡ ᠪᠠᠰᠠ ᠬᠠᠪᠤᠷ ᠴᠠᠭ ᠭᠡᠵᠦ ᠪᠤᠢ᠃ | ᠨᠢᠭᠡ ᠯᠡ ᠥᠷᠯᠥᠭᠡ ᠪᠠᠷ ᠬᠠᠪᠤᠷ ᠢᠷᠡᠴᠢᠬᠡᠭᠰᠡᠨ ᠮᠡᠲᠦ᠃ ᠨᠡᠷᠡ ᠶᠢ ᠨᠢ ᠮᠡᠳᠡᠬᠦ ᠦᠭᠡᠢ ᠠᠯᠳᠠᠨ ᠰᠢᠪᠠᠭᠤ | ᠠᠮᠢᠳᠤᠷᠠᠯ ᠬᠠᠶᠢᠷᠠ ᠶᠢ ᠳᠠᠭᠤᠯᠠᠬᠤ ᠨᠢ ᠴᠣᠩᠬᠤᠨ ᠭᠠᠳᠠᠨᠠ ᠠᠴᠠ ᠳᠤᠭᠤᠯᠳᠠᠭᠠᠳ᠃ ᠬᠠᠷᠠᠴᠠ ᠪᠠᠨ ᠠᠯᠤᠰ | ᠲᠡᠶᠢᠰᠢ ᠨᠡᠭᠦᠯᠭᠡᠪᠡᠯ ᠬᠠᠯᠢᠶᠠ ᠮᠡᠯᠲᠡᠯᠵᠡᠨ ᠬᠥᠬᠡ ᠤᠰᠤᠨ ᠠᠭᠤᠯᠠ ᠲᠠᠯᠠ ᠶᠢ ᠬᠥᠭᠵᠢᠮᠳᠡᠵᠦ ᠬᠠᠨᠠᠭᠠᠷ ᠠᠭᠤᠳᠠᠮ | ᠭᠤᠪᠢ ᠬᠠᠩᠭᠠᠢ ᠪᠠᠷ ᠨᠣᠭᠤᠭᠠᠨ ᠰᠡᠩᠰᠡᠨ ᠤᠨᠢᠶᠠᠷ ᠲᠠᠲᠠᠵᠤ ᠁ ᠠᠢ ᠭᠦ᠋ ᠬᠠᠪᠤᠷ ᠢᠷᠡᠴᠢᠬᠡᠭᠰᠡᠨ ᠪᠠᠶᠢᠵᠠᠢ | ᠰᠢᠤ ᠭᠡᠬᠦᠯᠡᠷ ᠬᠥᠯᠳᠡᠭᠰᠡᠨ ᠮᠡᠲᠦ ᠰᠡᠳᠬᠢᠯ ᠨᠢ ᠭᠡᠨᠡᠳᠲᠡ ᠰᠡᠮᠡᠷᠡᠨ ᠬᠠᠶᠢᠯᠵᠤ ᠢᠴᠡᠭᠡᠯᠡᠭᠰᠡᠨ ᠮᠡᠲᠦ | ᠨᠢᠭᠤᠭᠳᠠᠭᠰᠠᠨ ᠥᠷᠥᠴᠡᠨ ᠤ ᠡᠮᠵᠡᠭ ᠳᠣᠭᠳᠣᠯᠤᠯ ᠵᠢᠷᠦᠬᠡ ᠯᠤᠭᠰᠢᠭᠤᠯᠵᠤ ᠤᠷᠤᠭᠤ ᠳᠤᠷᠤᠢ ᠪᠠᠨ ᠲᠠᠨᠢᠭᠰᠠᠨ | ᠭᠡᠮᠡᠷ ᠥᠨᠳᠡᠶᠢᠵᠦ ᠪᠣᠰᠳᠠᠭ ᠦᠶᠡ ᠴᠦ ᠪᠤᠢ᠃ | ᠠᠯᠠᠭ ᠦᠷᠡ ᠨᠢ ᠲᠣᠮᠣ ᠪᠣᠯᠵᠠᠢ᠃ ᠠᠳᠬᠤᠨ ᠳᠤ ᠪᠠᠭᠲᠠᠯᠴᠠᠨ ᠪᠠᠶᠢᠭᠰᠠᠨ ᠨᠢᠯᠬᠠ ᠠᠮᠢᠳᠠᠨ ᠠᠭᠤᠯᠠ ᠶᠢᠨ | ᠴᠢᠨᠡᠭᠡ ᠡᠷᠡ ᠪᠣᠯᠵᠠᠢ᠂ ᠤᠷᠭᠤᠭᠠ ᠴᠡᠴᠡᠭ ᠰᠢᠭ ᠬᠡᠦᠬᠡᠨ ᠪᠣᠯᠵᠠᠢ᠃ ᠠᠮᠢᠳᠤᠷᠠᠯ ᠳᠤ ᠲᠠᠯᠠᠭᠠᠷ ᠡᠯᠡᠭᠳᠡᠭᠡ ᠦᠭᠡᠢ ᠠ᠋᠂ | ᠦᠷᠳᠡᠭ ᠲᠠᠢ ᠯᠡ ᠠᠮᠢᠳᠤᠷᠠᠵᠤ ᠢᠷᠡᠵᠤ ᠳ᠋ᠠ ᠭᠡᠬᠦ ᠠᠴᠠ ᠮᠠᠩᠨᠠᠢ ᠶᠢᠨ ᠬᠢᠨᠢ ᠦᠷᠴᠢᠯᠡᠭᠡᠰᠦ ᠨᠢ ᠲᠡᠨᠢᠢᠨᠡ᠃ ᠮᠠᠭᠠᠳ | ᠦᠭᠡᠢ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠳᠠᠩᠳᠠ ᠢᠨᠢᠶᠡᠮᠰᠦᠭᠯᠡᠵᠦ ᠶᠠᠪᠤᠳᠠᠭ ᠪᠦᠰᠡᠭᠦᠢ ᠬᠥᠮᠥᠨ ᠠᠮᠢᠳᠤᠷᠠᠯ ᠳᠤ ᠨᠢᠭᠡ | ᠨᠡᠮᠡᠭᠳᠡᠨᠡ᠃ ᠬᠥᠮᠥᠨ ᠦᠨᠡᠬᠡᠷ ᠳᠡᠭᠡᠵᠤ ᠭᠡᠨᠡᠳᠲᠡ ᠯᠡ ᠤᠨᠲᠠᠭᠰᠠᠨ ᠠᠴᠠ ᠰᠡᠷᠢᠭᠰᠡᠨ ᠤᠨᠠᠭᠰᠠᠨ ᠠᠴᠠ ᠪᠠᠨ | ᠪᠣᠰᠣᠭᠰᠠᠨ ᠮᠡᠲᠦ ᠥᠪᠡᠷ ᠢ ᠪᠠᠨ ᠡᠷᠢᠵᠦ ᠣᠯᠳᠠᠭ ᠲᠠᠨᠢᠵᠤ ᠬᠠᠷᠠᠳᠠᠭ ᠦᠶᠡ ᠪᠤᠢ᠃ | ᠲᠣᠭᠤᠰᠣᠨ ᠳᠤ ᠳᠠᠷᠤᠭᠳᠠᠭᠰᠠᠨ ᠣ ᠡᠩᠭᠡᠰᠬᠡ ᠪᠠᠨ ᠭᠠᠷᠭᠠᠵᠤ ᠠᠪᠴᠢᠷᠠᠨ ᠲᠣᠭᠤᠮᠵᠢᠷ ᠦᠭᠡᠢ ᠤᠷᠭᠢᠬᠰᠠᠨ | ᠲᠣᠷᠭᠠᠨ ᠳᠡᠪᠡᠯ ᠢᠶᠠᠨ ᠨᠠᠷᠠᠯᠠᠵᠤ ᠳᠡᠯᠭᠡᠨᠡ᠃ ᠬᠥᠭᠰᠢᠷᠡᠭᠡ ᠦᠭᠡᠢ ᠯᠡ ᠪᠠᠶᠢᠨᠠ ᠰᠢᠤ᠂ ᠬᠥᠮᠥᠨ ᠠᠴᠠ ᠳᠣᠣᠷᠠ ᠦᠭᠡᠢ | ᠯᠡ ᠪᠠᠶᠢᠳᠠᠭ ᠶᠤᠮ ᠪᠠᠶᠢᠨᠠ ᠭᠡᠵᠦ ᠲᠣᠯᠢᠨ ᠳᠠᠬᠢ ᠥᠪᠡᠷ ᠤᠷᠤᠭᠤ ᠪᠠᠨ ᠬᠠᠷᠠᠵᠤ ᠰᠡᠳᠬᠢᠯ ᠳᠦᠭᠦᠷᠡᠩ ᠰᠠᠨᠠᠭᠠ | ᠬᠠᠨᠠᠭᠠᠷ ᠪᠣᠯᠣᠨᠠ᠃ ᠠᠮᠠᠨ ᠳᠤᠨᠢ ᠠᠶᠠᠯᠣᠬᠳᠠᠳᠠᠭ ᠨᠢ ᠰᠢᠨᠡ ᠰᠤᠷᠤᠬᠰᠠᠨ ᠳᠠᠭᠤᠤ᠂ ᠠᠯᠬᠤᠭᠠ ᠭᠢᠰᠭᠢᠭᠡᠨ ᠳᠤᠨᠢ | ᠢᠨᠵᠠᠭᠠᠨ ᠲᠠᠬᠰᠢᠭᠠ ᠲᠠᠢ ᠰᠠᠯᠬᠢ ᠠᠶᠠᠷᠬᠠᠨ ᠪᠥᠵᠢᠭᠯᠡᠨᠡ᠃ ᠱᠣᠩ ᠳᠤ ᠰᠠᠭᠤᠭᠰᠠᠨ ᠱᠠᠭᠠᠵᠠᠭᠠᠢ ᠭᠠᠶᠢᠬᠠᠨ | ᠬᠠᠷᠠᠵᠤ ᠱᠠᠭᠰᠢᠷᠠᠬᠤ ᠪᠠᠨ ᠮᠠᠷᠲᠠᠵᠤ ᠱᠢᠷᠦᠨ ᠤᠯᠠᠭᠠᠨ ᠬᠠᠴᠠᠷ ᠲᠤᠨᠢ ᠪᠠᠶᠠᠰᠬᠤᠯᠠᠩ ᠳᠡᠯᠭᠡᠷᠡᠭᠰᠡᠨ ᠢ ᠨᠢ ᠨᠥᠬᠦᠷ | ᠨᠢ ᠮᠡᠩᠳᠡᠨ ᠬᠠᠷᠠᠵᠤ ᠮᠡᠯᠡᠷᠡᠵᠦ ᠠᠪᠤᠨᠠ᠃ ᠠᠯᠢ ᠠᠶᠢᠯ ᠤᠨ ᠭᠡᠷ ᠲᠤ ᠬᠠᠷᠠᠭᠰᠠᠨ ᠬᠡᠦᠬᠡᠨ ᠰᠢᠭ ᠭᠡᠵᠦ | ᠠᠯᠮᠠᠶᠢᠷᠠᠨ ︽ᠦᠭᠡᠢ᠂ ᠥᠨᠥᠬᠢ ᠴᠢᠨᠢ ᠬᠡᠦᠬᠡᠨ ᠪᠠᠶᠢᠬᠤ ᠳᠠᠭᠠᠨ ᠡᠶᠢᠮᠦ ᠯᠡ ᠭᠡᠨᠡᠨ ᠠᠭᠠᠯᠢᠬᠠᠨ ᠠᠮᠢᠳᠠᠨ ᠪᠠᠶᠢᠭᠰᠠᠨ | ᠪᠢᠰᠢᠦ︾ ᠭᠡᠵᠦ ᠠᠩᠬᠠ ᠬᠠᠷᠠᠭᠰᠠᠨ ᠴᠠᠭ ᠢᠶᠠᠨ ᠰᠠᠨᠠᠵᠤ ᠠᠪᠤᠨᠠ᠃ | ᠦᠵᠡᠰᠭᠦᠯᠡᠩ ᠢ ᠡᠵᠢ ᠠᠴᠠ ᠪᠠᠨ ᠥᠪᠯᠡᠵᠦ ᠳᠦᠷᠦᠭᠰᠡᠨ᠂ ᠪᠠᠶᠠᠰᠬᠤᠯᠠᠩ ᠢ ᠬᠠᠪᠤᠷ ᠤᠨ ᠤᠷᠢᠨ ᠠᠴᠠ | ᠲᠡᠭᠦᠵᠦ ᠠᠪᠤᠭᠰᠠᠨ᠂ ᠬᠠᠮᠤᠭ ᠤᠨ ᠤᠶᠠᠩᠭᠠᠲᠠᠢ ᠵᠢᠷᠭᠢᠳᠡᠭ ᠰᠢᠪᠠᠭᠤᠨ ᠠᠴᠠ ᠪᠡᠯᠡᠭᠯᠡᠵᠦ ᠥᠭᠭᠦᠭᠰᠡᠨ ᠠ᠋᠃ | ᠭᠡᠷᠡᠯ ᠲᠠᠢ ᠲᠡᠶᠢᠮᠤ ᠰᠢᠪᠠᠭᠤ ᠵᠢᠷᠦᠬᠡᠨ ᠳᠤᠨᠢ ᠬᠡᠵᠢᠶᠡᠳᠡ ᠱᠤᠯᠤᠭᠠᠨᠠᠨ ᠵᠢᠷᠭᠢᠭᠡᠳ ᠪᠠᠶᠢᠭᠰᠠᠨ ᠢ ᠳᠠᠩᠴᠢ ᠯᠡ ᠰᠡᠷᠡᠭᠡ | ᠦᠭᠡᠢ ᠶᠠᠪᠤᠭᠰᠠᠨ ᠯᠡ ᠪᠠᠶᠢᠵᠠᠢ ᠳ᠋ᠠ᠃ ᠲᠡᠷᠡ ᠰᠢᠪᠠᠭᠤ ᠶᠢ ᠪᠦᠰᠡᠭᠦᠢ ᠰᠡᠷᠢᠭᠡᠵᠤ ᠴᠢᠳᠠᠵᠠᠢ᠃ ᠡᠪᠡᠶᠢᠯᠡᠨ ᠠᠪᠴᠤ | ᠥᠨᠳᠥᠷ ᠣᠭᠲᠠᠷᠭᠤᠢ ᠳᠤᠨᠢ ᠲᠠᠯᠪᠢᠵᠤ ᠨᠢᠰᠬᠡᠵᠡᠢ ᠠ᠋᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠨᠢᠯᠪᠤᠰᠤ ᠪᠠᠷ ᠨᠢᠭᠤᠷ ᠢᠶᠠᠨ | ᠤᠬᠢᠶᠠᠳᠠᠭ ᠲᠡᠶᠢᠮᠤ ᠪᠦᠰᠡᠭᠦᠢ ᠠᠯᠠᠭᠠ ᠪᠤᠯᠳᠠᠭ᠃ ᠭᠤᠨᠢᠭ ᠢ ᠨᠢ ᠭᠤᠪᠢ ᠶᠢᠨ ᠴᠠᠭᠠᠨ ᠮᠠᠨᠠᠨ ᠠᠷᠴᠢᠭᠠᠳ | ᠥᠭᠭᠦᠭᠰᠡᠨ᠃ ᠭᠤᠨᠳᠠᠭᠰᠠᠨ ᠢ ᠨᠢ ᠭᠤᠷᠤᠬᠠ ᠶᠢᠨ ᠨᠣᠭᠤᠭᠠᠨ ᠤᠨᠢᠶᠠᠷ ᠨᠢᠭᠤᠭᠰᠠᠨ ᠠ᠋᠃ | ᠪᠦᠭᠦᠨ ᠢ ᠠᠭᠤᠴᠢᠯᠠᠵᠤ ᠪᠦᠭᠦᠨ ᠢ ᠪᠠᠭᠲᠠᠭᠠᠵᠤ ᠪᠦᠭᠦᠨ ᠢ ᠰᠢᠨᠡ ᠪᠠᠷ ᠡᠬᠢᠯᠡᠬᠦ ᠪᠣᠯᠣᠮᠵᠢ ᠶᠢ ᠬᠠᠷᠠᠮ ᠦᠭᠡᠢ | ᠨᠡᠭᠡᠭᠡᠳᠡᠭ ᠨᠢ ᠬᠠᠪᠤᠷ᠂ ᠪᠦᠰᠡᠭᠦᠢ ᠬᠤᠶᠠᠷ ᠠᠵᠢ᠃ | ᠦᠷᠡ ᠮᠢᠨᠢ ᠭᠡᠬᠦ ᠠᠴᠠ ᠠᠭᠤᠯᠠ ᠤᠰᠤᠨ ᠳᠠᠭᠠᠨ ᠰᠦᠰᠦᠭᠯᠡᠬᠦ᠂ ᠦᠳᠡᠯᠥᠭᠡ ᠪᠤᠭᠤᠷᠤᠯ ᠢᠶᠠᠨ ᠬᠦᠨᠳᠦᠯᠡᠵᠦ | ᠬᠠᠲᠠᠭᠤ ᠵᠠᠩᠨᠠᠭᠰᠠᠨ ᠢᠶᠠᠨ ᠭᠡᠮᠰᠢᠵᠦ ᠭᠤᠮᠣᠳᠠᠭᠠᠵᠤ ᠠᠪᠤᠭᠰᠠᠨ ᠢᠶᠠᠨ ᠤᠬᠠᠮᠰᠠᠷᠯᠠᠵᠤ ︽ᠦᠷᠡ ᠲᠠᠢ ᠬᠥᠮᠥᠨ | ᠮᠥᠷ ᠲᠠᠢ︾ ᠬᠡᠮᠡᠨ ᠦᠢᠯᠡ ᠮᠥᠷ ᠢᠶᠠᠨ ᠡᠷᠭᠢᠵᠦ ᠨᠢᠭᠡ ᠬᠠᠷᠠᠨᠠ᠃ | ᠦᠳᠤ ᠰᠣᠳᠣ ᠨᠢ ᠪᠦᠷᠢᠳᠴᠦ ᠠᠭᠠᠷ ᠣᠭᠲᠠᠷᠭᠤᠢ ᠳᠤ ᠳᠡᠪᠳᠡᠷᠢᠨ ᠥᠪᠡᠷ ᠤᠨ ᠣᠷᠴᠢᠯᠠᠩ ᠢ ᠵᠣᠷᠢᠬᠤ | ᠦᠷᠡ ᠪᠠᠨ ᠬᠡᠳᠦᠢ ᠴᠦ ᠲᠦᠪᠳᠡᠮᠡ ᠦᠭᠡᠢ ᠴᠦ ᠭᠡᠯᠡ ᠠᠷᠤ ᠬᠤᠶᠢᠨᠠ ᠠᠴᠠ ᠨᠢ ᠰᠠᠴᠤᠯᠢ ᠡᠷᠭᠦᠨ ᠬᠤᠴᠣᠷᠤᠨᠠ᠃ | ᠡᠬᠡ ᠬᠥᠮᠥᠨ ᠰᠡᠳᠬᠢᠯ ᠬᠠᠩᠬᠠᠶᠢᠷᠠᠵᠤ ᠣᠷᠣᠨ ᠭᠠᠷᠤᠨ ᠰᠠᠭᠤᠳᠠᠯ ᠦᠭᠡᠢ᠃ ᠤᠤᠭᠤᠭᠰᠠᠨ ᠴᠠᠢ ᠶᠢᠨ ᠬᠢᠨᠢ | ᠳᠠᠪᠤᠰᠤ ᠨᠢ ᠰᠤᠯᠠᠳᠠᠭᠰᠠᠨ ᠮᠡᠲᠦ ᠤᠴᠠᠷᠠᠭᠰᠠᠨ ᠬᠥᠮᠥᠨ ᠦᠷᠡ ᠶᠢᠨ ᠬᠢᠨᠢ ᠰᠤᠷᠠᠭ ᠢ ᠳᠤᠭᠤᠯᠭᠠᠬᠤ ᠰᠢᠭ᠋ ᠬᠦᠰᠡᠬᠦ | ᠭᠤᠷᠢᠳᠠᠯ ᠢᠷᠭᠤᠢ ᠨᠢᠳᠦᠯᠡᠬᠦ ᠮᠡᠲᠦ ᠰᠡᠳᠬᠢᠯ ᠳᠤᠨᠢ ᠭᠡᠷᠡᠯᠲᠦᠨᠡ᠃ ᠭᠡᠪᠡᠴᠦ ᠶᠠᠭᠠᠬᠢᠬᠤ ᠪᠤᠢ᠃ ᠭᠡᠮᠡᠷ ᠭᠤᠮᠣᠷ | ᠡᠳᠦᠷ ᠬᠤᠨᠤᠭ ᠤᠳ ᠲᠠᠢ ᠪᠠᠨ ᠠᠯᠪᠠ ᠪᠠᠷ ᠲᠠᠰᠤᠨᠠ᠃ | ᠦᠷᠦᠭᠡ ᠭᠡᠷ ᠤᠨ ᠭᠠᠳᠠᠭᠠ ᠵᠣᠭᠰᠣᠵᠤ ᠡᠷᠪᠡᠢ ᠦᠷᠡ ᠪᠠᠨ ᠬᠦᠯᠢᠶᠡᠳᠡᠭ ᠦᠳᠡᠳᠡᠭ ᠡᠵᠢ ᠲᠠᠢ ᠪᠠᠨ | ᠠᠳᠠᠯᠢ ᠡᠵᠢ ᠪᠣᠯᠣᠯᠠ ᠳ᠋ᠧ᠃ ᠡᠬᠡ ᠶᠢᠨ ᠰᠠᠨᠠᠭᠠ ᠦᠷᠡ ᠳᠤ᠂ ᠦᠷᠡ ᠶᠢᠨ ᠰᠠᠨᠠᠭᠠ ᠠᠭᠤᠯᠠᠨ ᠳᠤ ᠪᠠᠶᠢᠳᠠᠭ ᠢ ᠴᠦ | ᠤᠬᠠᠭᠠᠷᠠᠨᠠ᠃ ᠨᠢᠳᠦ ᠲᠠᠲᠠᠵᠤ ᠴᠢᠬᠢ ᠬᠠᠩᠭᠢᠨᠠᠪᠠᠴᠤ ᠪᠡᠯᠭᠡ ᠢᠷᠸᠠ ᠶᠢ ᠰᠤᠪᠢᠵᠤ ᠬᠤᠯᠠ ᠣᠶᠢᠷᠠ ᠶᠢ ᠰᠠᠨᠠᠵᠤ | ᠰᠡᠳᠬᠢᠯ ᠤᠶᠠᠷᠠᠵᠤ ︽ᠦᠷᠡ ᠮᠢᠨᠢ︾ ᠭᠡᠵᠦ ᠬᠠᠷᠢ ᠬᠤᠯᠠ ᠬᠥᠮᠥᠨ ᠤ ᠨᠤᠲᠤᠭ ᠲᠡᠶᠢᠰᠢ ᠰᠡᠳᠬᠢᠯ ᠰᠠᠷᠪᠡᠯᠵᠡᠵᠤ | ︽ᠡᠵᠢ ᠶᠢᠨ ᠢᠶᠠᠨ ᠡᠪᠦᠷ ᠲᠤ ᠪᠠᠶᠢᠭᠠ ᠰᠢᠭ᠋ ᠬᠤᠷᠸᠠ ᠲᠡᠶᠢᠮᠤ ᠳᠤᠯᠠᠭᠠᠬᠠᠨ ᠪᠢᠰᠢ ᠰᠢᠤ︾ ᠭᠡᠵᠦ ᠰᠠᠯᠬᠢᠨ ᠳᠤ | ᠰᠢᠪᠡᠨᠡᠵᠦ ᠰᠢᠪᠠᠭᠤᠨ ᠳᠤ ᠵᠠᠬᠢᠮᠠᠷ ᠰᠠᠨᠠᠭᠳᠠᠳᠠᠭ᠃ ︽ᠬᠡᠨ ᠴᠦ ᠪᠠᠶᠢᠭ᠂ ᠥᠪᠡᠷ ᠤᠨ ᠵᠠᠮ ᠢᠶᠠᠨ ᠥᠪᠡᠷ ᠢᠶᠠᠨ | ᠠᠯᠬᠤᠵᠤ ᠲᠤᠭᠤᠯᠳᠠᠭ ᠶᠤᠮ ᠳ᠋ᠠ︾ ᠭᠡᠵᠦ ᠥᠪᠡᠷ ᠢ ᠪᠠᠨ ᠡᠯᠡᠭᠯᠡᠵᠦ ᠠᠷᠪᠠᠨ ᠨᠠᠢᠮᠠᠳᠠᠢ ᠠᠯᠳᠠᠷᠠᠢ ᠮᠡᠲᠦ ᠠᠯᠢᠶᠠᠬᠠᠨ | ᠢᠨᠢᠶᠡᠳᠦ ᠠᠯᠳᠠᠨᠠ᠃ | ᠬᠡᠨ ᠨᠢᠭᠡᠨ ᠳᠤ ᠭᠤᠮᠣᠳᠠᠬᠤ ᠪᠠᠨ ᠪᠣᠯᠢᠵᠤ ᠬᠡᠨ ᠨᠢᠭᠡᠨ ᠳᠤ ᠴᠦ ᠨᠠᠶᠢᠳᠠᠬᠤ ᠪᠠᠨ ᠪᠣᠯᠢᠨᠠ᠃ ᠬᠡᠷᠰᠡᠦ | ᠰᠠᠭᠤᠭᠰᠠᠨ ᠪᠦᠰᠡᠭᠦᠢ ᠶᠢᠨ ᠠᠮᠠᠨ ᠠᠴᠠ ᠲᠣᠮᠤᠭᠠ ᠲᠠᠢ ᠦᠭᠡ ᠳᠤᠵᠢ ᠳᠤᠭᠤᠯᠳᠠᠨᠠ᠃ | ᠶᠠᠭᠤᠮᠠ ᠪᠦᠭᠦᠨ ᠢ ᠠᠭᠤᠴᠢᠯᠠᠨ ᠪᠠᠭᠲᠠᠭᠠᠵᠤ ᠪᠦᠭᠦᠳᠡ ᠶᠢᠨ ᠡᠬᠡ ᠮᠡᠲᠦ ᠬᠦᠯᠢᠴᠡᠩᠭᠦᠢ ᠨᠢᠭᠦᠯᠡᠰᠦᠩᠭᠦᠢ᠃ | ᠪᠤᠰᠤᠳ ᠠᠴᠠ ᠶᠠᠭᠤᠮᠠ ᠬᠦᠰᠡᠬᠦ ᠪᠠᠨ ᠪᠣᠯᠢᠭᠰᠠᠨ ᠨᠢ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠬᠦᠴᠦᠷᠬᠡᠭ ᠪᠣᠯᠤᠭᠰᠠᠨ ᠤ ᠬᠢ᠃ | ᠪᠤᠰᠤᠳ ᠠᠴᠠ ᠬᠦᠰᠡᠬᠦ ᠪᠤᠰᠤ ᠪᠤᠰᠤᠳ ᠲᠤ ᠬᠡᠷᠡᠭ ᠲᠤ ᠬᠦᠷᠬᠦ ᠶᠢ ᠠᠮᠢ ᠨᠠᠰᠤᠨ ᠤ ᠦᠷᠳᠡᠭ ᠭᠡᠳᠡᠭ ᠢ | ᠤᠬᠠᠭᠠᠷᠠᠨᠠ᠃ | ᠥᠷᠯᠥᠭᠡ ᠨᠠᠷᠠᠨ ᠤ ᠭᠡᠷᠡᠯ ᠢᠶᠠᠷ ᠰᠦᠯᠡᠭᠰᠡᠨ ᠪᠣᠯᠬᠤᠷ ᠴᠠᠢ ᠨᠢ ᠰᠢᠷᠭᠠᠯ᠃ ᠰᠢᠷᠭᠠᠯ ᠴᠠᠢ ᠶᠢ ᠣᠭᠤᠴᠢᠯᠠᠵᠤ | ᠰᠠᠭᠤᠭᠰᠠᠨ ᠬᠥᠮᠥᠨ ᠤ ᠴᠢᠷᠠᠢ ᠲᠡᠨᠢᠭᠡᠷ᠃ ᠠᠷᠢᠭᠤᠨ ᠣᠷᠣᠨ ᠮᠡᠲᠦ ᠦᠷᠦᠭᠡ ᠭᠡᠷ ᠠᠴᠠ ᠠᠮᠤᠷ ᠠᠮᠤᠭᠤᠯᠠᠩ ᠤᠨ | ᠠᠭᠠᠷ ᠠᠮᠢᠰᠬᠤᠭᠠ ᠰᠡᠩᠭᠢᠨᠡᠨᠡ᠃ | ᠨᠢᠭᠡ ᠯᠡ ᠮᠡᠳᠡᠬᠦ ᠳᠤ ᠪᠦᠰᠡᠭᠦᠢ ᠮᠢᠨᠢ ᠶᠢᠷᠲᠢᠨᠴᠦ ᠶᠢᠨ ᠨᠢᠭᠡᠨ ᠦᠵᠡᠰᠭᠦᠯᠡᠩ ᠪᠣᠯᠴᠢᠬᠠᠭᠰᠠᠨ ᠶᠠᠪᠤᠵᠤ | ᠪᠠᠶᠢᠳᠠᠭ᠃ ᠨᠢᠭᠡ ᠯᠡ ᠮᠡᠳᠡᠬᠦ ᠳᠤ ᠬᠠᠪᠤᠷ ᠤᠨ ᠰᠢᠪᠠᠭᠤ ᠰᠢᠭ᠋ ᠬᠠᠮᠤᠭ ᠤᠶᠠᠩᠭᠠᠯᠢᠭ ᠳᠠᠭᠤᠯᠠᠵᠤ ᠪᠠᠶᠢᠳᠠᠭ ᠠ᠋᠃ | | |