| ᠰᠥᠨᠢ ᠳᠤᠮᠳᠠ ᠠᠴᠠ ᠡᠷᠴᠢᠮᠯᠡᠭᠰᠡᠨ ᠰᠠᠯᠬᠢ ᠲᠡᠷᠡ ᠲᠠᠢ ᠲᠡᠷᠡ ᠦᠭᠡᠢ ᠡᠪᠦᠯ ᠤᠨ ᠠᠮᠢᠰᠬᠤᠭᠠ ᠶᠢ | ᠴᠣᠩᠬᠤᠨ ᠳᠣᠣᠷᠠ᠂ ᠡᠭᠦᠳᠡᠨ ᠤ ᠲᠤᠰᠢᠶᠠ ᠠᠪᠴᠢᠷᠠᠭᠠᠳ ᠲᠠᠯᠪᠢᠴᠢᠬᠠᠭᠰᠠᠨ ᠪᠠᠶᠢᠯᠠ᠃ | ᠥᠷᠯᠥᠭᠡ ᠶᠢᠨ ᠵᠢᠬᠡᠭᠦᠨ ᠢ ᠡᠭᠦᠳᠡ ᠡᠰᠡᠷᠭᠦᠯᠡᠨ ᠨᠢᠭᠤᠷᠳᠠᠵᠤ᠂ ᠨᠢᠳᠦ ᠡᠷᠭᠦᠬᠦ ᠳᠤ ᠣᠭᠵᠣᠮ ᠬᠠᠷᠠᠭᠠ | ᠨᠢᠭᠡᠨᠲᠡ ᠲᠣᠭᠲᠠᠨ᠂ ᠥᠩᠭᠡᠲᠦ ᠬᠡᠷᠡᠰᠬᠡ ᠳᠠᠬᠢ ᠬᠠᠶᠢᠷᠠᠲᠠᠢ ᠴᠡᠴᠡᠭ ᠤᠳ ᠤᠨ ᠬᠢᠷᠠᠭᠤᠳᠠᠵᠤ ᠬᠠᠷᠠᠯᠠᠭᠰᠠᠨ | ᠬᠥᠭᠡᠷᠦᠬᠦᠢ ᠲᠥᠷᠬᠦ ᠳᠤ ᠵᠠᠩᠭᠢᠷᠠᠭᠠᠳ ᠵᠣᠭᠰᠣᠪᠠ᠃ | ᠨᠠᠮᠤᠷ ᠤᠨ ᠨᠤᠬᠤᠴᠠᠭᠠᠨ ᠳᠤ ᠥᠩᠭᠡ ᠪᠤᠳᠤᠭ ᠢᠶᠠᠨ ᠡᠭᠡᠨᠡᠭᠲᠡ ᠴᠢᠩᠭᠠ ᠡᠷᠴᠢᠯᠡᠨ᠂ ᠲᠡᠭᠦᠰ ᠦᠵᠡᠰᠭᠦᠯᠡᠩ ᠢ | ᠪᠦᠷᠢᠳᠬᠡᠨ ᠴᠢᠳᠠᠭᠰᠠᠨ ᠪᠤᠯᠪᠠᠴᠣ ᠡᠪᠦᠯ ᠤᠨ ᠬᠠᠲᠠᠭᠤ ᠳᠤ ᠶᠠᠭᠠᠬᠢᠨ ᠲᠡᠰᠪᠦᠷᠢᠯᠡᠨ ᠲᠡᠶᠢᠯᠭᠦ ᠠᠵᠢ︖ ᠤᠯᠠᠷᠢᠯ ᠳᠤ | ᠤᠶᠠᠰᠬᠤ ᠥᠷᠥ ᠴᠡᠴᠡᠭ ᠤᠳ ᠮᠢᠨᠢ ᠳ᠋ᠧ︕ ᠨᠢᠮᠭᠡᠨ ᠴᠠᠶᠢᠷᠠᠭᠰᠠᠨ ᠬᠢᠷᠠᠭᠤ ᠶᠢ ᠳᠡᠷᠡᠯᠡᠵᠦ᠂ ᠬᠦᠢᠲᠡᠨ ᠬᠠᠲᠠᠭᠤ | ᠰᠢᠯᠭᠠᠯᠲᠠ ᠶᠢ ᠭᠡᠨᠡᠳᠬᠡᠨ ᠲᠤᠰᠴᠤ᠂ ᠨᠠᠮᠤᠷ ᠢ ᠦᠳᠡᠵᠦ ᠡᠪᠦᠯ ᠢ ᠤᠷᠢᠨ᠂ ᠴᠡᠴᠡᠭ ᠤᠳ ᠮᠢᠨᠢ ᠵᠢᠭᠳᠡ ᠳᠡᠭᠡᠨ | ᠲᠠᠬᠵᠢᠨ ᠴᠡᠴᠡᠷᠬᠢᠯᠡᠵᠦ ᠬᠥᠯᠳᠡᠭᠦᠦ ᠤᠷᠭᠢᠨᠡ᠃ | ᠨᠢᠭᠡᠨ ᠤᠯᠠᠷᠢᠯ ᠪᠠᠳᠠᠷᠠᠨ ᠳᠡᠯᠭᠡᠷᠡᠵᠦ ᠨᠢᠭᠡ ᠤᠯᠠᠷᠢᠯ ᠰᠡᠩᠭᠢᠨᠡᠨ ᠠᠩᠬᠢᠯᠵᠤ᠂ ᠭᠤᠸᠠ ᠰᠠᠶᠢᠬᠠᠨ ᠢᠶᠠᠷ ᠢᠶᠠᠨ | ᠡᠷᠭᠦᠯ ᠪᠣᠯᠭᠠᠨ ᠠᠷᠠᠴᠢᠯᠠᠭᠴᠢᠳ ᠤᠨ ᠪᠠᠭ᠋ᠠᠷᠬᠠᠯ᠂ ᠰᠣᠨᠢᠷᠬᠠᠭᠴᠢᠳ ᠤᠨ ᠲᠠᠭᠠᠰᠢᠶᠠᠯ ᠪᠣᠯᠤᠭᠰᠠᠨ᠂ ᠪᠠᠯ ᠰᠢᠬᠢᠷ ᠢᠶᠠᠨ | ᠬᠥᠷᠥᠩᠭᠡ ᠪᠣᠯᠭᠠᠨ ᠭᠦᠳᠡᠯᠮᠦᠷᠢᠴᠢ ᠵᠥᠭᠡᠢ ᠶᠢ ᠬᠥᠳᠡᠯᠮᠦᠷᠢᠯᠡᠭᠦᠯᠵᠦ ᠵᠢᠷᠭᠠᠭᠤᠯᠤᠭᠰᠠᠨ᠂ ᠤᠯᠠᠷᠢᠯ ᠳᠠᠭᠠᠨ ᠥᠩᠭᠡ | ᠪᠤᠳᠤᠭ ᠢᠶᠠᠨ ᠰᠣᠯᠣᠩᠭᠠᠷᠠᠭᠤᠯᠵᠤ ᠡᠳᠦᠷ ᠬᠤᠨᠤᠭ ᠢᠶᠠᠨ ᠴᠢᠮᠡᠵᠦ ᠠᠩᠭᠢᠯᠤᠩᠬᠠᠨ ᠠᠮᠢᠳᠤᠷᠠᠭᠰᠠᠨ ᠁ | ᠣᠨ ᠣᠨ ᠤ ᠰᠠᠶᠢᠬᠠᠨ ᠴᠡᠴᠡᠭ ᠤᠳ | ᠵᠢᠯ ᠵᠢᠯ ᠤᠨ ᠰᠢᠨᠡ ᠳᠠᠭᠤᠯᠠᠯ | ᠣᠷᠴᠢᠯ ᠤᠯᠠᠷᠢᠯ ᠥᠪᠡᠷ ᠤᠨ ᠢᠶᠠᠨ ᠵᠢᠮᠡ ᠲᠠᠢ | ᠦᠭᠡᠶᠢᠯᠡᠵᠦ ᠲᠡᠷᠰᠯᠡᠬᠦ ᠮᠢᠨᠤ ᠰᠠᠨᠠᠭᠠ ᠪᠤᠰᠤ᠃ | ᠰᠢᠨᠡ ᠬᠠᠪᠤᠷ ᠢ ᠮᠥᠷᠥᠭᠡᠳᠦᠨ | ᠵᠤᠨ ᠤ ᠰᠠᠶᠢᠬᠠᠨ ᠢ ᠬᠦᠯᠢᠶᠡᠨᠡ᠃ | ᠡᠷᠭᠢᠴᠡᠬᠦᠯᠡᠷ᠂ ᠡᠪᠦᠭᠡ ᠶᠢᠨ ᠦᠶᠡ ᠶᠢᠨ ᠡᠪᠦᠯ ᠰᠦᠷᠡᠬᠡᠢ ᠬᠦᠢᠲᠡᠨ ᠪᠠᠶᠢᠭᠰᠠᠨ᠃ ᠴᠠᠰᠤ ᠨᠠᠮᠤᠭᠤᠬᠠᠨ | ᠬᠤᠶᠢᠯᠠᠷᠠᠵᠤ᠂ ᠰᠢᠭᠤᠷᠭᠠ ᠵᠥᠭᠡᠯᠡᠨ ᠢᠰᠬᠡᠷᠬᠦ ᠳᠤ ᠴᠠᠭᠠᠨ ᠪᠤᠭᠤᠷᠤᠯ ᠬᠥᠳᠡᠭᠡ ᠶᠢᠨ ᠠᠮᠢᠳᠤᠷᠠᠯ ᠬᠤᠪᠢ ᠶᠢᠨ | ᠭᠠᠳᠠᠨᠠ ᠴᠡᠪᠡᠷ ᠲᠠᠶᠢᠪᠤᠩ᠃ ᠵᠦᠪᠭᠡᠨ ᠤᠮᠠᠷᠠ ᠣᠷᠣᠨ ᠳᠤ ᠢᠯᠡᠷᠡᠳᠡᠭ ᠤᠨᠴᠠᠭᠠᠢ ᠤᠯᠠᠷᠢᠯ - ᠡᠪᠦᠯ ᠤᠨ ᠤᠳᠬᠠ᠂ | ᠬᠦᠢᠲᠡᠨ ᠤ ᠤᠶᠠᠩᠭᠠ ᠥᠪᠡᠷᠮᠢᠴᠡ ᠭᠤᠶᠢᠳᠠ᠃ | ᠪᠠᠭᠠ ᠪᠠᠶᠢᠬᠤ ᠳᠠᠭᠠᠨ ᠴᠠᠰᠤ ᠯᠠᠪᠰᠠᠯᠠᠬᠤ ᠪᠠᠷ ᠶᠡᠭᠡ ᠯᠠ ᠬᠥᠭᠡᠷᠦᠯᠳᠦᠳᠡᠭ᠃ ᠴᠠᠰᠤᠨ ᠬᠥᠮᠥᠨ ᠱᠤᠭᠤᠬᠤ᠂ | ᠴᠠᠰᠤᠨ ᠪᠠᠶᠢᠯᠳᠤᠭᠠᠨ ᠬᠢᠬᠦ᠂ ᠴᠠᠰᠤ ᠰᠠᠴᠤᠵᠤ ᠮᠥᠰᠥᠨ ᠳᠤ ᠲᠠᠰᠢᠬᠤ ᠨᠢ ᠮᠠᠨ ᠤ ᠦᠶᠡ ᠶᠢᠨ ᠬᠢᠨ ᠤ ᠡᠪᠦᠯ ᠤᠨ | ᠵᠤᠭᠠ ᠪᠠᠶᠢᠯᠠ᠃ ᠬᠥᠯ ᠢᠶᠠᠨ ᠬᠥᠯᠳᠡᠭᠡᠵᠦ ᠭᠠᠷ ᠢᠶᠠᠨ ᠬᠠᠭᠠᠷᠢᠭᠤᠯᠳᠠᠭ ᠴᠣ᠋ ᠳᠤᠷᠠᠲᠠᠢ ᠭᠡᠳᠡᠭ ᠢ ᠬᠡᠯᠡᠬᠦ ᠴᠢᠬᠤᠯᠠ | ᠦᠭᠡᠢ᠃ | ᠡᠪᠦᠭᠡ ᠮᠢᠨᠢ᠄︽ᠠᠷᠠᠰᠤ ᠮᠢᠬᠠ ᠪᠠᠬᠢᠵᠢᠵᠦ᠂ ᠶᠠᠰᠤ ᠰᠢᠷᠪᠦᠰᠦ ᠴᠢᠩᠭᠠᠷᠠᠮᠤᠢ︾ ᠭᠡᠵᠦ ᠲᠠᠯᠠ ᠦᠭᠳᠡᠭ᠃ | ᠳᠤᠷᠠᠲᠠᠶᠠ ᠪᠡᠭᠡᠷᠡᠭᠦᠯᠳᠡᠭ ᠭᠤᠣᠯ ᠵᠢᠷᠦᠬᠡ ᠪᠠᠨ ᠬᠤᠪᠣᠩ ᠤᠨ ᠭᠠᠯ ᠳᠤ ᠭᠦᠯᠴᠦᠭᠡᠵᠦ᠂ ᠠᠪᠤ ᠶᠢᠨ ᠬᠠᠯᠠᠭᠠᠭᠰᠠᠨ | ᠬᠤᠪᠢᠩᠳᠦ ᠠᠷᠢᠬᠢ ᠶᠢ ᠳᠠᠮᠵᠢᠭᠤᠯᠵᠤ ᠪᠠᠷᠢᠬᠤ ᠳᠠᠭᠠᠨ ᠵᠠᠪᠳᠤᠨ ᠦᠨᠦᠷᠯᠡᠵᠦ᠂ ᠠᠮᠵᠢᠵᠤ ᠰᠢᠮᠡᠬᠦ ᠳᠡᠭᠡᠨ ᠬᠤᠪᠲᠣᠯ | ᠤᠶᠤᠨ ᠢᠶᠠᠨ ᠬᠥᠯᠴᠥᠭᠦᠷᠡᠲᠡᠯᠡ ᠳᠡᠪᠲᠦᠭᠡᠴᠢᠬᠡᠳᠡᠭ ᠤᠳᠠᠭᠠ ᠲᠠᠢ᠃ ᠬᠡᠨ ᠢ ᠰᠠᠨᠠᠨᠠ ᠭᠡᠵᠦ ᠦᠯᠦ ᠵᠣᠪᠠᠨ᠂ | ᠶᠠᠭᠤ ᠶᠢ ᠳᠠᠭᠤᠯᠠᠬᠤ ᠭᠡᠬᠦ ᠨᠢ ᠪᠦᠷ ᠮᠢᠨᠤᠬᠢ ᠵᠣᠷᠢᠭ ᠪᠠᠶᠢᠭᠰᠠᠨ᠃ ᠬᠡᠦᠬᠡᠳ ᠨᠠᠰᠤ ᠮᠢᠨᠢ ᠭᠡᠨᠡᠨ ᠰᠠᠶᠢᠬᠠᠨ᠃ | ᠡᠪᠦᠯ ᠴᠠᠭ ᠤᠨ ᠪᠦᠷᠬᠦᠭ ᠡᠳᠦᠷ ᠤᠨ ᠨᠠᠷᠠ ᠭᠡᠭᠴᠢ ᠭᠡᠷᠡᠯ ᠢᠯᠴᠢ ᠪᠠᠨ ᠠᠯᠳᠠᠭᠠᠳ᠂ ᠠᠭᠤᠯᠠ ᠶᠢᠨ ᠰᠤᠭᠤ ᠪᠠᠷ | ᠭᠤᠭᠤᠵᠢᠵᠤ ᠤᠨᠠᠬᠤᠯᠠᠷ ᠲᠠᠬᠢᠶᠠᠨ ᠤ ᠬᠠᠷᠠᠭᠠ ᠲᠠᠰᠤᠷᠠᠳᠠᠭ᠃ ᠲᠡᠷᠡ ᠦᠶᠡ ᠶᠢᠨ ᠬᠥᠳᠡᠭᠡ ᠲᠤᠰᠬᠤᠨ ᠳᠤ | ᠴᠡᠭᠢᠯᠭᠠᠨ ᠭᠡᠭᠴᠢ ᠶᠢᠨ ᠭᠡᠭᠡᠨ ᠭᠡᠷᠡᠯ ᠪᠠᠶᠢᠭᠠ ᠦᠭᠡᠢ᠃ | ᠵᠢᠬᠡᠭᠦᠨ ᠰᠥᠨᠢ ᠶᠢᠨ ᠣᠳᠣᠳ ᠨᠢ ᠣᠨᠴᠠ ᠭᠡᠷᠡᠯᠲᠡᠢ᠂ ᠠᠰ ᠠᠰ ᠢᠶᠠᠷ ᠭᠢᠯᠠᠰ ᠭᠢᠯᠠᠰ ᠭᠢᠯᠠᠯᠵᠠᠭᠠᠳ᠂ ᠬᠡᠨ | ᠬᠡᠨ ᠳᠡᠭᠡᠨ ᠥᠴᠥᠬᠡᠨ ᠴᠤ ᠢᠯᠳᠠᠷ ᠬᠠᠶᠠᠳᠠᠭ ᠦᠭᠡᠢ ᠨᠢ ᠢᠯᠡᠭᠡᠨ᠃ ᠬᠠᠰ ᠰᠠᠷᠠᠨ ᠤ ᠮᠥᠯᠰᠥᠨ ᠰᠣᠷᠮᠤᠤᠰᠤ ᠠᠴᠠ | ᠰᠡᠳᠬᠢᠯ ᠤᠨ ᠵᠠᠢ ᠭᠦᠷᠳᠡᠯᠡ ᠴᠠᠩᠲᠤᠭᠰᠠᠨ ᠴᠤ ᠲᠤᠰᠤᠨ ᠳ᠋ᠧᠩ ᠤᠨ ᠳᠣᠣᠷᠠ ᠭᠦᠨᠵᠢᠯᠠ ᠳᠡᠭᠡᠨ ᠠᠲᠤᠷᠢᠨ | ᠰᠢᠷᠭᠤᠵᠤ᠂ ᠭᠠᠭᠴᠠ ᠬᠦ ᠴᠢᠬᠢ ᠪᠠᠨ ᠤᠷᠳᠤ ᠰᠤᠩᠭᠠᠨ᠂ ᠡᠮᠡᠭᠡ ᠶᠢᠨ ᠬᠠᠭᠤᠴᠢᠯᠠᠳᠠᠭ ᠦᠯᠢᠭᠡᠷ ᠲᠤ | ᠪᠦᠪᠠᠶᠢᠯᠠᠬᠳᠠᠬᠰᠠᠭᠠᠷ᠂ ᠤᠷᠮᠠᠲᠠᠢ ᠰᠠᠶᠢᠬᠠᠨ ᠲᠤᠮᠤᠭ ᠤᠨ ᠶᠢᠷᠲᠢᠨᠴᠦ ᠵᠦᠭ ᠵᠡᠭᠦᠳᠦᠨ ᠭᠦᠯᠦᠭ ᠲᠡᠭᠡᠨ | ᠮᠣᠷᠳᠠᠴᠢᠬᠠᠳᠠᠭ ᠠ᠋᠃ | ᠵᠡᠭᠦᠳᠦ ᠰᠠᠶᠢᠬᠠᠨ᠂ ᠵᠡᠭᠦᠳᠦ ᠡᠷᠬᠡ ᠴᠢᠯᠦᠭᠡ ᠲᠠᠢ᠂ ᠡᠪᠦᠯ ᠤᠨ ᠵᠡᠭᠦᠳᠦ ᠤᠷᠳᠤ ᠠᠴᠠ ᠤᠷᠳᠤ ᠪᠠᠶᠢᠳᠠᠭ ᠪᠣᠯᠬᠤᠷ | ᠪᠢ ᠳᠤᠷᠠᠲᠠᠢ᠃ | ᠨᠢᠭᠡ ᠯᠠ ᠲᠠᠰᠢᠭᠤᠷ ᠲᠤ ᠡᠳ᠋ᠸᠠ ᠠᠴᠠ ᠡᠬᠢ ᠠᠪᠤᠭᠰᠠᠨ ᠫᠢᠱᠤᠨ ᠮᠥᠷᠡᠨ ᠤ ᠭᠦᠪᠡᠭᠡ ᠳᠤ ᠬᠦᠷᠴᠦ᠂ | ᠬᠠᠸᠢᠯᠠ ᠨᠤᠲᠤᠭ ᠢᠶᠠᠷ ᠰᠠᠶᠢᠨ ᠠᠯᠳᠠ ᠰᠤᠳᠠᠯᠲᠤ ᠮᠠᠨᠤ ᠶᠢ ᠳᠤᠷᠠ ᠮᠡᠳᠡᠨ ᠲᠡᠭᠦᠵᠦ ᠁ ᠡᠷᠭᠢᠨ ᠬᠠᠷᠠᠬᠤᠯᠠᠷ | ᠨᠤᠸᠸᠶᠠ ᠶᠢᠨ ᠣᠩᠭᠤᠴᠠ ᠶᠢᠨ ᠦᠯᠡᠳᠡᠭᠳᠡᠯ ᠢ ᠣᠯᠵᠤ ᠬᠠᠷᠠᠭᠠᠳ᠂ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠦᠨᠡᠲᠦ ᠬᠠᠭᠤᠴᠢ ᠡᠳ᠋ | ᠣᠯᠣᠯᠠ ᠭᠡᠵᠦ ᠶᠡᠭᠡ ᠲᠠᠭᠤᠨ ᠢᠶᠠᠷ ᠪᠠᠷᠬᠢᠷᠠᠵᠤ ᠁ ᠴᠢᠨᠠᠭᠰᠢᠯᠠᠭᠠᠳ ᠪᠠᠪᠢᠯ ᠴᠠᠮᠬᠠᠭ ᠢ ᠲᠠᠭᠠᠷᠢᠵᠤ᠂ ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠤᠤᠯ ᠨᠢ ᠨᠢᠭᠡ ᠯᠠ ᠭᠡᠯᠡ ᠲᠠᠢ ᠪᠠᠶᠢᠭᠰᠠᠨ ᠢ ᠬᠡᠷᠬᠢᠨ ᠤᠯᠠᠨ ᠭᠡᠯᠡ ᠲᠠᠢ ᠪᠤᠯᠭᠠᠬᠰᠠᠨ ᠪᠤᠷᠬᠠᠨ ᠤ | ᠰᠠᠨᠠᠭᠠ ᠶᠠᠭᠤ ᠪᠠᠶᠢᠬᠤ ᠶᠢ ᠰᠤᠷᠪᠤᠯᠵᠢᠯᠠᠵᠤ ᠁ ᠮᠥᠨ ᠪᠠᠰᠠ ᠬᠤᠷᠧᠪ ᠠᠭᠤᠯᠠᠨ ᠬᠤᠷᠮᠣᠢ ᠳᠤ ᠬᠥᠮᠥᠨ | ᠲᠦᠷᠦᠭᠰᠡᠳ ᠤᠨ ᠠᠩᠬᠠᠨ ᠤ ᠬᠠᠤᠯᠢ ᠶᠢ ᠡᠭᠡᠰᠢᠭᠯᠡᠨ ᠡᠭᠡᠰᠢᠭᠯᠡᠨ ᠤᠩᠰᠢᠵᠤ ᠁︽ᠬᠤᠷᠳᠤᠨ ᠪᠣᠰᠴᠤ | ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠦ ᠬᠤᠭᠤᠯᠠ ᠢᠳᠡ︾ ᠭᠡᠬᠦ ᠡᠵᠢ ᠶᠢᠨ ᠳᠠᠭᠤᠳᠠᠯᠭᠠ ᠳᠤ ᠰᠣᠴᠢᠨ ᠰᠡᠷᠡᠭᠡᠳ᠂ ᠠᠳᠠᠪᠠᠰᠢ | ᠡᠷᠬᠢᠮᠰᠦᠭ ᠭᠤᠶᠤ ᠲᠡᠭᠷᠢ ᠶᠢᠨ ᠣᠷᠳᠣᠨ ᠢ ᠵᠡᠭᠦᠳᠦᠨ ᠳᠡᠭᠡᠨ ᠣᠯᠵᠤ ᠬᠠᠷᠠᠭᠰᠠᠨ ᠢᠶᠠᠷ ᠢᠶᠠᠨ ᠶᠠᠨᠳᠠᠰᠢ ᠦᠭᠡᠢ ᠪᠠᠶᠠᠷ | ᠪᠠᠶᠠᠰᠬᠤᠯᠠᠩ ᠲᠠᠢ ᠥᠷᠯᠥᠭᠡ ᠶᠢ ᠤᠭᠲᠤᠳᠠᠭ ᠠ᠋᠃ | ᠡᠪᠦᠯ ᠢᠷᠡᠴᠢᠬᠡᠭᠡᠳ ᠪᠠᠶᠢᠭᠰᠠᠨ ᠴᠤ᠂ ᠡᠵᠢ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠪᠠᠶᠢᠬᠤ ᠳᠤ ᠲᠣᠪ ᠳᠤᠯᠠᠭᠠᠬᠠᠨ ᠪᠠᠶᠢᠯᠠ᠃ | ᠬᠤᠯᠠ ᠶᠠᠪᠤᠨ ᠡᠷᠳᠡᠮ ᠰᠤᠷᠴᠤ᠂ ᠠᠵᠢᠯ ᠳᠤ ᠭᠠᠷᠴᠤ ᠬᠠᠷᠢ ᠳᠤ ᠮᠣᠷᠳᠠᠭᠠᠳ᠂ ᠬᠠᠷᠢᠨ ᠪᠠᠰᠠ ᠬᠡᠳᠦᠨ ᠵᠣᠬᠢᠶᠠᠯ | ᠡᠷᠢᠶᠡᠴᠢᠬᠦ ᠪᠣᠯᠤᠭᠰᠠᠨ᠃ ᠵᠣᠬᠢᠶᠠᠯ ᠪᠢᠴᠢᠬᠦ ᠦᠢᠯᠡ ᠶᠢ ᠡᠷᠢᠯᠬᠢᠯᠡᠭᠰᠡᠨ ᠨᠢ ᠠᠯᠢ ᠬᠤᠵᠢᠮ ᠤᠨ ᠤᠴᠢᠷ ᠭᠡᠳᠡᠭ | ᠪᠤᠯᠪᠠᠴᠤ ᠭᠦᠭᠡᠭᠡ ᠡᠪᠦᠯ ᠢ ᠤᠳᠬᠠᠴᠢᠯᠠᠨ᠂ ᠭᠦᠷᠯᠡᠭᠦ ᠴᠠᠰᠤ ᠶᠢ ᠤᠶᠠᠩᠭᠠᠯᠠᠨ᠂ ᠰᠠᠨᠠᠭᠠ ᠰᠡᠳᠬᠢᠯ ᠢᠶᠠᠨ | ᠳᠡᠯᠭᠡᠷᠡᠭᠦᠯᠬᠦᠶᠡ ᠡᠷᠡᠮᠡᠬᠡᠢ ᠵᠣᠷᠢᠭ ᠲᠡᠭᠦᠰ ᠲᠥᠬᠦᠷ ᠪᠤᠯᠳᠠᠭ᠃ ᠤᠷᠠᠨ ᠵᠣᠬᠢᠶᠠᠯ ᠳᠤ ᠪᠠᠭ᠋ᠠᠲᠠᠢ᠂ ᠤᠷᠠᠨ ᠪᠢᠴᠢᠯᠭᠡ ᠳᠤ | ᠰᠢᠮᠳᠠᠬᠤ᠂ ᠲᠡᠭᠡᠭᠡᠳ ᠤᠷᠠᠨ ᠵᠢᠷᠤᠭ ᠲᠤ ᠪᠠᠰᠠ ᠰᠡᠮᠡᠭᠡᠷ ᠳᠤᠷᠠᠯᠠᠳᠠᠭ ᠨᠢ ᠬᠡᠲᠦᠷᠬᠡᠢ ᠬᠤᠪᠲᠣᠯ ᠪᠠᠶᠢᠪᠠᠤ︖ᠠᠯᠢ | ᠠᠯᠢ ᠳᠤᠨᠢ ᠴᠤ ᠦᠵᠦᠭᠦᠷ ᠭᠠᠷᠬᠤ ᠦᠭᠡᠢ ᠭᠡᠵᠦ ᠪᠤᠳᠤᠬᠤᠯᠠᠷ ᠰᠡᠳᠬᠢᠯ ᠶᠡᠭᠡ ᠯᠠ ᠳᠤᠨᠳᠠᠭᠤᠷ᠃ ᠴᠠᠰᠤ ᠴᠠᠭᠠᠨ | ᠡᠪᠦᠯ ᠭᠡᠮᠡᠷ ᠁ | ᠮᠣᠬᠤᠰᠢ ᠦᠭᠡᠢ ᠭᠠᠶᠢᠬᠠᠯᠲᠠᠢ ᠮᠥᠯᠰᠥᠨ ᠴᠡᠴᠡᠭ ᠠᠭᠠᠷ ᠳᠦᠭᠦᠷᠡᠩ ᠪᠥᠵᠢᠭᠯᠡᠨ ᠪᠥᠵᠢᠭᠯᠡᠵᠦ ᠯᠠ | ᠪᠠᠶᠢᠭᠰᠠᠨ ᠨᠢ ᠤᠳᠤ ᠴᠤ ᠬᠡᠪ ᠢᠶᠠᠷ ᠢᠶᠠᠨ᠃ ᠴᠠᠰᠤ ᠴᠠᠭᠠᠨ ᠮᠥᠯᠰᠥᠨ ᠴᠢᠨᠠᠷ ᠭᠬᠢᠷ ᠪᠤᠷᠲᠠᠭ ᠦᠭᠡᠢ᠃ ᠬᠥᠳᠡᠭᠡ | ᠲᠠᠯᠠ᠂ ᠬᠥᠬᠡ ᠠᠭᠤᠯᠠᠰ᠂ ᠡᠪᠡᠰᠦ ᠮᠣᠳᠣ ᠬᠠᠰ ᠢᠶᠠᠷ ᠥᠩᠭᠡᠯᠡᠭᠳᠡᠵᠦ᠂ ᠬᠦᠷᠢᠶᠡ ᠬᠠᠰᠢᠶᠠ ᠭᠡᠷ ᠰᠠᠷᠠᠪᠴᠢ ᠮᠥᠩᠭᠦ ᠪᠠᠷ | ᠭᠠᠳᠠᠷᠯᠠᠭᠳᠠᠨᠠ᠃ ᠴᠠᠰᠤᠨ ᠳᠤ ᠬᠤᠴᠢᠭᠳᠠᠭᠰᠠᠨ ᠨᠤᠲᠤᠭ ᠤᠰᠤ ᠮᠢᠨᠢ ᠠᠮᠤᠭᠤᠯᠠᠩ ᠲᠠᠶᠢᠪᠤᠩᠬᠠᠨ᠃ | ᠠᠪᠠ ᠳᠤ ᠭᠠᠷᠬᠤ ᠭᠡᠵᠦ ᠶᠡᠭᠡ ᠳᠡᠭᠦᠦ ᠬᠡᠳᠦᠨ ᠲᠠᠶᠢᠭᠠ ᠪᠠᠨ ᠳᠠᠭᠠᠭᠤᠯᠴᠢᠬᠠᠳᠠᠭ᠂ ᠠᠷᠭᠤᠮᠠᠭ ᠭᠦᠯᠦᠭ ᠲᠡᠭᠡᠨ | ᠠᠯᠠᠪᠬᠢᠨ ᠮᠣᠷᠳᠠᠬᠤ ᠨᠢ ᠤᠷᠮᠠ ᠲᠠᠢ᠂ ᠶᠡᠭᠡ ᠯᠠ ᠭᠡᠶᠢᠮᠦᠷᠢᠯᠢᠭ᠃ ᠦᠳᠡᠰᠢ ᠶᠢᠨ ᠲᠣᠯᠦᠩ ᠢᠶᠠᠷ ᠪᠤᠴᠠᠭᠠᠳ | ᠢᠷᠡᠬᠦ ᠳᠤ ᠭᠠᠨᠵᠤᠭᠠ ᠳᠦᠭᠦᠷᠡᠩ ᠢ ᠨᠢ ᠦᠵᠡᠭᠡᠳ ᠮᠠᠰᠢ ᠪᠠᠶᠠᠷᠯᠠᠳᠠᠭ ᠪᠠᠶᠢᠭᠰᠠᠨ᠂ ᠲᠡᠷᠡ ᠵᠠᠭᠤᠷᠠ ᠭᠡᠷ | ᠳᠦᠭᠦᠷᠡᠩ ᠬᠥᠭᠵᠢᠶᠡᠨ ᠲᠠᠢ ᠪᠤᠯᠳᠠᠭ᠃ | ᠠᠩ ᠤᠨ ᠪᠣᠷᠣ ᠱᠥᠯᠥ ᠰᠢᠮᠡ ᠲᠠᠢ᠂ ᠴᠢᠮᠦᠭᠡ ᠠᠴᠠ ᠴᠢᠨᠢ ᠬᠠᠯᠠᠭᠤ ᠣᠷᠬᠢᠭᠤᠯᠳᠠᠭ ᠤᠴᠢᠷ ᠠᠴᠠ ᠡᠪᠦᠯ ᠤᠨ | ᠴᠠᠰᠤ ᠲᠠᠢ ᠡᠳᠦᠷ ᠳᠠᠯᠵᠢ ᠦᠭᠡᠢ᠃ | ᠡᠪᠦᠯ ᠢᠷᠡᠴᠢᠬᠡᠭᠰᠡᠨ᠂ ᠡᠪᠦᠯ ᠥᠩᠭᠡᠷᠡᠬᠦ ᠨᠢ ᠬᠤᠷᠳᠤᠨ᠃ | ᠴᠠᠰᠤ ᠣᠷᠤᠴᠢᠬᠠᠭᠰᠠᠨ᠂ ᠴᠠᠰᠤ ᠬᠠᠶᠢᠯᠬᠤ ᠨᠢ ᠴᠦ ᠲᠦᠷᠭᠡᠨ᠃ | | |