| ᠬᠤᠷᠸᠠ ᠶᠢ ᠲᠠᠨᠢᠭᠤᠯᠤᠭᠴᠢ᠂ ᠬᠠᠷᠠᠩᠭᠤᠢ ᠶᠢ ᠭᠡᠭᠡᠷᠡᠭᠦᠯᠦᠭᠴᠢ | ᠵᠦᠭ ᠴᠢᠭ ᠢ ᠵᠢᠭᠠᠭᠴᠢ᠂ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠨ ᠪᠡᠯᠡᠭᠯᠡᠭᠴᠢ | ᠪᠠᠭᠰᠢ - ᠨᠢᠭᠡᠨ ᠳᠡᠪᠲᠡᠷ ᠨᠣᠮ | ᠤᠩᠰᠢᠵᠤ ᠳᠠᠭᠤᠰᠳᠠᠭ ᠦᠭᠡᠢ ᠦᠯᠢᠭᠡᠷ ᠤᠨ ᠦᠷᠭᠦᠯᠵᠢᠯᠡᠯ | ᠪᠠᠭᠰᠢ - ᠨᠢᠭᠡᠨ ᠳᠡᠪᠲᠡᠷ ᠨᠣᠮ | ᠠᠭᠤᠳᠠᠯᠵᠤ ᠪᠠᠷᠠᠳᠠᠭ ᠦᠭᠡᠢ ᠣᠶᠣᠨ ᠤ ᠶᠡᠭᠡ ᠶᠢᠷᠲᠢᠨᠴᠦ | ᠪᠠᠷᠳᠠᠮ ᠪᠠᠶᠠᠨ ᠦᠭᠡᠨ ᠤ ᠥᠨᠳᠥᠷ ᠠᠭᠤᠯᠠ | ᠪᠠᠷᠠᠭᠳᠠᠵᠤ ᠳᠤᠨᠳᠠᠷᠠᠬᠤ ᠦᠭᠡᠢ ᠲᠠᠯᠠᠢ ᠶᠢᠨ ᠭᠦᠨ ᠴᠡᠭᠡᠯ | ᠡᠴᠢᠭᠡ ᠶᠢᠨ ᠬᠠᠷᠠᠴᠠ ᠪᠠᠷ ᠡᠨᠡᠷᠢᠭᠴᠢ᠂ ᠡᠬᠡ ᠶᠢᠨ ᠬᠠᠶᠢᠷᠠ ᠪᠠᠷ ᠢᠪᠢᠯᠦᠭᠴᠢ | ᠢᠷᠡᠭᠡᠳᠦᠢ ᠥᠭᠡᠳᠡ ᠬᠥᠲᠥᠯᠥᠭᠴᠢ᠂ ᠢᠲᠡᠭᠡᠯ ᠵᠣᠷᠢᠭ ᠢ ᠬᠠᠶᠢᠷᠠᠯᠠᠭᠴᠢ | ᠨᠠᠷᠠᠨ ᠵᠦᠭ ᠳᠠᠭᠠᠭᠤᠯᠵᠤ ᠢᠨᠢᠶᠡᠵᠦ ᠳᠡᠯᠭᠡᠷᠡᠭᠰᠡᠨ | ᠨᠠᠪᠴᠢᠨ ᠳᠠᠭᠠᠨ ᠬᠠᠶᠢᠷᠠᠲᠠᠢ ᠡᠰᠢ ᠮᠣᠳᠣ ᠪᠣᠯ ᠪᠠᠭᠰᠢ | ᠰᠠᠷᠠᠨ ᠵᠦᠭ ᠳᠠᠭᠠᠭᠤᠯᠵᠤ ᠭᠢᠯᠠᠯᠵᠠᠵᠤ ᠲᠦᠭᠡᠭᠰᠡᠨ | ᠰᠠᠨᠰᠠᠷ ᠭᠠᠷᠠᠭ ᠤᠨ ᠬᠡᠷᠡᠯᠳᠦ ᠨᠢᠭᠡᠨ ᠣᠲᠣ ᠪᠣᠯ ᠪᠠᠭᠰᠢ | ᠡᠬᠡᠴᠦᠦᠯ ᠠᠷᠭᠠᠯ ᠬᠤᠷᠮᠦ᠋ᠢᠯᠠᠵᠤ ᠨᠠᠭᠠᠰᠢᠯᠠᠳᠠᠭ | ᠡᠷᠬᠢᠮ ᠪᠠᠭᠰᠢ ᠡᠷᠳᠡᠮ ᠡᠪᠦᠷᠯᠡᠵᠦ ᠨᠠᠭᠠᠰᠢᠯᠠᠳᠠᠭ | ᠠᠪᠤ ᠠᠳᠤᠭᠤ ᠬᠤᠷᠢᠶᠠᠵᠤ ᠨᠠᠭᠠᠰᠢᠯᠠᠳᠠᠭ | ᠠᠴᠢᠲᠤ ᠪᠠᠭᠰᠢ ᠠᠯᠲᠠᠨ ᠳᠡᠯᠡᠬᠡᠢ ᠶᠢ ᠡᠭᠦᠷᠴᠦ ᠨᠠᠭᠠᠰᠢᠯᠠᠳᠠᠭ | ᠦᠭᠡ ᠬᠡᠯᠡᠨ ᠤ ᠢᠷᠠᠭᠤ ᠲᠠᠩᠰᠤᠬ ᠰᠣᠨᠣᠰᠬᠤᠯᠠᠩ | ᠥᠪ ᠦᠯᠡᠳᠡᠬᠦ ᠭᠡᠵᠦ ᠵᠣᠷᠢᠭᠰᠠᠨ ᠮᠠᠷᠭᠠᠰᠢ ᠶᠢᠨ ᠳᠠᠭᠤᠷᠢᠰᠬᠤᠯᠠᠩ | ᠦᠯᠡᠮᠵᠢ ᠶᠢᠨ ᠴᠢᠨᠠᠷ ᠢᠶᠠᠨ ᠨᠢᠭᠤᠭᠠ ᠦᠭᠡᠢ ᠪᠤᠷᠬᠠᠨ ᠤ ᠭᠡᠭᠡ | ᠥᠪᠡᠷ ᠢᠶᠠᠨ ᠥᠪᠡᠷ ᠢᠶᠠᠷ ᠢᠶᠠᠨ ᠪᠠᠶᠢᠵᠤ ᠴᠢᠳᠠᠬᠤ ᠣᠮᠣᠭᠯᠠᠩ ᠠᠷᠠᠨᠰᠢᠨ | ᠥᠩᠭᠡ ᠪᠠᠨ ᠬᠠᠷᠠᠭᠰᠠᠨ ᠲᠣᠯᠢᠨ ᠠᠴᠠ ᠵᠦᠪᠭᠡᠨ | ᠥᠪᠡᠷ ᠢ ᠪᠠᠨ ᠯᠡ ᠣᠯᠵᠤ ᠬᠠᠷᠠᠭᠰᠠᠨ ᠶᠤᠮ ᠪᠢ | ᠤᠬᠠᠭᠠᠨ ᠢᠶᠠᠨ ᠬᠠᠶᠢᠭᠰᠠᠨ ᠲᠣᠯᠢᠨ ᠠᠴᠠ ᠬᠠᠷᠢᠨ | ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠶᠢ ᠪᠦᠬᠦᠯᠢ ᠳᠤᠨᠢ ᠬᠠᠷᠠᠭᠰᠠᠨ ᠶᠤᠮ ᠪᠢ | ᠡᠬᠡ ᠣᠷᠣᠨ ᠳᠠᠭᠠᠨ ᠲᠠᠩᠭᠠᠷᠢᠭ ᠡᠷᠭᠦᠭᠰᠡᠨ ᠴᠡᠷᠢᠭ ᠬᠥᠮᠥᠨ ᠰᠢᠭ | ᠥᠲᠡᠯᠲᠡᠯᠡ ᠪᠠᠨ ᠲᠡᠳᠡ ᠬᠥᠭᠡᠷᠦᠬᠦᠢ ᠵᠢᠳᠬᠦᠵᠦ ᠯᠡ ᠶᠠᠪᠤᠨᠠ | ᠥᠪᠡᠷ ᠤᠨ ᠪᠠ ᠬᠥᠮᠥᠨ ᠤ ᠭᠡᠵᠦ ᠢᠯᠭᠠᠯ ᠦᠭᠡᠢ | ᠥᠷᠥᠪᠴᠢᠬᠡᠨ ᠬᠠᠶᠢᠷᠠ ᠪᠠᠷ ᠢᠶᠠᠨ ᠡᠨᠡᠷᠢᠵᠦ ᠳᠤᠯᠠᠭᠠᠯᠠᠵᠤ ᠯᠡ ᠶᠠᠪᠤᠨᠠ | ᠪᠠᠭᠰᠢ - ᠨᠢᠭᠡᠨ ᠳᠡᠪᠲᠡᠷ ᠨᠣᠮ | ᠡᠯᠡᠷ ᠪᠠᠯᠠᠷ ᠤᠨ ᠳᠤᠮᠳᠠ ᠠᠴᠠ ᠭᠢᠯᠠᠯᠵᠠᠭᠰᠠᠨ ᠠᠯᠲᠠᠨ ᠬᠠᠪᠢᠰᠤ ᠲᠠᠢ ᠰᠤᠳᠤᠷ | ᠪᠠᠭᠰᠢ - ᠨᠢᠭᠡᠨ ᠳᠡᠪᠲᠡᠷ ᠨᠣᠮ | ᠪᠠᠶᠢᠨ ᠪᠠᠶᠢᠨ ᠰᠡᠬᠦᠭᠳᠡᠳᠡᠭ ᠦᠭᠡᠨ ᠤ ᠲᠠᠶᠢᠯᠪᠤᠷᠢ ᠦᠨᠡᠨ ᠤ ᠰᠢᠳᠢ ᠲᠠᠢ ᠲᠣᠯᠢ | |