| ᠬᠠᠪᠤᠷ ᠤᠨ ᠰᠤᠷᠠᠭ | ᠬᠠᠮᠢᠭᠠ ᠠᠴᠠ ᠶᠤᠮ᠂ ᠬᠠᠶᠠ ᠬᠠᠶᠠ ᠤᠷᠢᠨ ᠠᠮᠢᠰᠬᠤᠯ ᠨᠦᠬᠡᠯᠡᠨᠡ᠃ | ᠬᠠᠭᠳᠠ ᠶᠢᠨ ᠳᠣᠣᠷᠠ ᠡᠪᠦᠯ ᠲᠤᠵᠢ ᠳᠤᠭᠵᠢᠷᠠᠭᠰᠠᠨ ᠨᠢᠯᠬᠠ ᠨᠣᠭᠤᠭᠠ ᠭᠡᠨᠡᠳᠲᠡ ᠨᠢᠳᠦ ᠪᠠᠨ | ᠨᠤᠬᠤᠯᠠᠭᠰᠠᠭᠠᠷ ᠰᠠᠷᠡᠨᠠ᠃ | ᠬᠠᠵᠠᠭᠤ ᠠᠶᠢᠯ ᠤᠨ ᠬᠤᠯᠠᠩ ᠠᠴᠠ ᠠᠷᠭᠠᠯ ᠤᠨ ᠴᠡᠩᠬᠡᠷ ᠤᠳᠤᠭᠠ ᠠᠰ ᠳᠡᠭᠡᠭᠰᠢ ᠰᠤᠭᠤᠨᠠᠭᠯᠠᠵᠤ᠂ | ᠬᠠᠪᠤᠷ ᠤᠨ ᠴᠢᠮᠡᠭᠡ ᠶᠢ ᠵᠠᠭᠤᠭᠰᠠᠨ ᠨᠢᠭᠡᠨ ᠪᠣᠯᠵᠣᠮᠣᠷ ᠬᠥᠯᠥᠷᠡᠭᠰᠡᠨ ᠮᠣᠳᠣᠨ ᠮᠥᠴᠢᠷ ᠠᠴᠠ ᠵᠠᠭᠤᠷᠠᠵᠤ ᠰᠠᠵᠢᠯᠠᠨ | ᠨᠠᠭᠠᠳᠤᠨᠠ᠃ | ᠬᠠᠪᠤᠷᠮᠠ ᠨᠠᠰᠤᠲᠠᠨ ᠤ ᠬᠥᠰᠢᠭᠰᠡᠨ ᠮᠠᠶᠢᠵᠢᠭ ᠬᠥᠯ ᠥᠴᠥᠭᠡᠳᠦᠷ ᠰᠥᠨᠢ ᠠᠴᠠ ᠠᠭᠠᠵᠢᠮ ᠢᠶᠠᠷ ᠵᠢᠭᠢᠬᠦ ᠪᠣᠯᠵᠤ | ᠂ ᠡᠨᠡ ᠥᠷᠯᠥᠭᠡ ᠶᠢᠨ ᠴᠠᠢ ᠦᠨᠡᠷᠡᠨ ᠵᠣᠬᠢᠷᠠᠯᠠ ᠭᠡᠵᠦ ᠡᠪᠦᠭᠡᠨ ᠤ ᠬᠢᠨᠢ ᠲᠠᠭᠤ ᠥᠨᠳᠥᠷᠵᠢᠨᠡ᠃ | ᠬᠠᠨᠠᠨ ᠳᠤ ᠡᠯᠭᠦᠭᠰᠡᠨ ᠮᠣᠷᠢᠨ ᠬᠤᠭᠤᠷ ᠢ ᠬᠡᠨ ᠨᠢᠭᠡ ᠨᠢᠰᠠᠯᠤᠭᠠᠳ ᠠᠪᠤᠭᠰᠠᠨ ᠰᠢᠭ᠋ ᠳ᠋ᠠᠩ ᠬᠢᠨ | ᠳᠤᠤᠭᠠᠷᠤᠭᠰᠠᠨ ᠢᠶᠠᠨ ᠬᠠᠰᠢᠶᠠᠨ ᠠᠴᠠ ᠤᠶᠠᠩᠭᠠᠷᠠᠬᠤ ᠲᠥᠯ ᠤᠨ ᠳᠠᠭᠤᠤ ᠲᠠᠢ ᠨᠡᠶᠢᠯᠡᠯᠳᠦᠨ ᠬᠠᠪᠤᠷ ᠤᠨ ᠨᠠᠶᠢᠷᠠᠯ | ᠬᠥᠭᠵᠢᠮ ᠢ ᠡᠭᠦᠰᠬᠡᠨᠡ᠃ | ᠬᠤᠯᠠ ᠠᠴᠠ ᠴᠠᠶᠢᠯᠵᠠᠬᠤ ᠠᠷᠤ ᠶᠢᠨ ᠮᠠᠩᠬᠠᠨ ᠤ ᠳᠡᠭᠡᠭᠦᠷ ᠬᠤᠯᠠᠨ ᠵᠡᠷᠭᠡᠯᠭᠡᠨ ᠲᠠᠭᠤᠯᠴᠠᠵᠤ᠂ ᠬᠤᠲᠠᠴᠢ | ᠨᠣᠬᠠᠢ ᠶᠠᠭᠤ ᠨᠢᠭᠡ ᠶᠢ ᠣᠯᠵᠤ ᠬᠠᠷᠠᠭᠰᠠᠨ ᠰᠢᠭ᠋ ︽ᠭᠦᠪ᠂ ᠭᠦᠪ︾ ᠭᠡᠵᠦ ᠬᠤᠶᠠᠷ ᠬᠤᠴᠠᠭᠠᠳ ᠴᠢᠬᠢ ᠪᠠᠨ | ᠳᠡᠯᠳᠡᠶᠢᠨ ᠡᠶᠢᠰᠢ ᠲᠡᠶᠢᠰᠢ ᠪᠠᠷᠠᠯᠠᠨᠠ᠃ | ᠬᠠᠨ ᠳᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠪᠣᠳᠠᠰ ᠬᠠᠪᠤᠷ ᠤᠨ ᠰᠤᠷᠠᠭ ᠢ ᠠᠨᠢᠷᠯᠠᠨ᠂ ᠬᠠᠪᠤᠷ ᠤᠨ ᠳᠠᠭᠤᠤ ᠶᠢ ᠰᠣᠨᠣᠷᠳᠠᠨᠠᠮ | ᠪᠦᠯᠦᠭᠡ︕ | ᠵᠤᠨ ᠤ ᠠᠶᠠᠯᠭᠤ | ᠨᠣᠭᠤᠭᠠᠨ ᠲᠠᠯᠠ ᠶᠢ ᠡᠮᠵᠢᠶᠡᠷᠢᠯᠡᠵᠦ ᠨᠠᠷᠢᠨ ᠭᠤᠣᠯ ᠮᠢᠷᠠᠯᠵᠠᠨ ᠤᠷᠤᠰᠤᠨᠠ᠃ | ᠴᠠᠰᠤ ᠴᠠᠭᠠᠨ ᠢᠰᠡᠭᠡᠢ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠬᠤᠶᠠᠷ ᠬᠡᠦᠬᠡᠳ ᠬᠤᠷᠠᠭᠠ ᠢᠰᠢᠭᠡ ᠪᠠᠷ ᠲᠣᠭᠯᠠᠨ ᠨᠠᠭᠠᠳᠤᠨᠠ | ᠃ ᠵᠢᠩᠭᠢᠨᠡᠮᠡ ᠲᠣᠷᠭᠠᠨ ᠢᠨᠢᠶᠡᠳᠦᠨ ᠳᠤᠨᠢ ᠲᠠᠯᠠ ᠶᠢᠨ ᠴᠡᠴᠡᠭᠡᠰ ᠵᠠᠳᠠᠷᠠᠵᠤ᠂ ᠰᠢᠭᠦᠳᠡᠷᠢ ᠶᠢᠨ ᠮᠥᠬᠦᠯᠢᠭ | ᠡᠪᠡᠰᠦᠨ ᠤ ᠦᠵᠦᠭᠦᠷ ᠮᠡᠯᠲᠡᠭᠡᠨᠡᠵᠦ ᠠᠭᠰᠠᠨ ᠢᠶᠠᠨ ᠬᠥᠯ ᠠᠯᠲᠠᠨ ᠣᠶᠢᠴᠢᠨᠠ᠃ | ᠬᠤᠷᠠᠭᠠᠨ ᠴᠠᠭᠠᠨ ᠡᠭᠦᠯᠡᠰ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠠᠯᠭᠤᠷᠬᠠᠨ ᠥᠨᠳᠡᠶᠢᠵᠦ᠂ ᠡᠪᠰᠢᠶᠡᠨ ᠰᠤᠨᠢᠶᠠᠭᠰᠠᠭᠠᠷ | ᠨᠡᠭᠦᠳᠡᠯᠯᠡᠨᠡ᠃ | ᠬᠤᠯᠡ ᠶᠢᠨ ᠬᠤᠯᠡ ᠠᠴᠠ ᠨᠢᠭᠡᠨ ᠮᠣᠷᠢᠲᠠᠨ ᠠᠶᠢᠰᠤᠢ᠃ | ᠬᠤᠰᠤᠨ ᠤᠷᠭᠠ ᠨᠢ ᠠᠭᠠᠷ ᠵᠦᠰᠦᠵᠦ ᠢᠰᠬᠡᠷᠦᠨ ᠳᠤᠤᠭᠠᠷᠬᠤ ᠪᠠᠷ ᠠᠳᠤᠭᠤᠴᠢᠨ ᠰᠢᠪᠠᠭᠤ ᠠᠷᠤ | ᠥᠪᠥᠷ ᠢᠶᠠᠷ ᠨᠢ ᠲᠠᠭᠠᠯᠴᠠᠵᠤ ᠳᠠᠭᠤᠯᠠᠯᠳᠤᠨ ᠨᠢᠰᠦᠨᠡ᠃ | ᠬᠠᠷᠭᠢᠯᠠᠨ ᠤᠷᠤᠰᠬᠤ ᠭᠤᠣᠯ ᠥᠭᠡᠳᠡ ᠠᠳᠤᠭᠤᠨ ᠰᠦᠷᠦᠭ ᠬᠤᠶᠢᠯᠠᠷᠠᠨᠠ᠃ | ᠬᠠᠨᠲᠠᠯᠠ ᠤᠤᠭᠤᠭᠰᠠᠨ ᠠᠳᠤᠭᠤᠳ ᠲᠣᠯᠣᠭᠠᠢ ᠰᠡᠭᠦᠯ ᠢᠶᠠᠷ ᠢᠶᠠᠨ ᠨᠠᠭᠠᠳᠴᠤ᠂ ᠭᠤᠣᠯ ᠤᠨ ᠤᠰᠤ ᠶᠢ | ᠲᠦᠰᠦᠷᠦᠭᠦᠯᠦᠨ ᠴᠢᠨᠠᠳᠤ ᠡᠷᠭᠢ ᠵᠦᠭ ᠦᠶᠡᠷᠯᠡᠨᠡ᠃ | ᠢᠰᠡᠭᠡᠢ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠨᠠᠭᠠᠳᠴᠤ ᠪᠠᠶᠢᠭᠰᠠᠨ ᠬᠤᠶᠠᠷ ᠬᠡᠦᠬᠡᠳ ᠭᠡᠨᠡᠳᠲᠡ ︽ᠠᠪᠤ ᠠ᠋︾ ᠭᠡᠵᠦ | ᠵᠢᠩᠭᠢᠨᠡᠲᠡᠯᠡ ᠬᠠᠰᠬᠢᠷᠤᠭᠰᠠᠭᠠᠷ ᠮᠣᠷᠢᠲᠠᠨ ᠥᠭᠡᠳᠡ ᠴᠢᠨᠡᠭᠡ ᠮᠡᠳᠡᠨ ᠭᠦᠶᠦᠯᠳᠦᠨᠡ᠃ | ᠦᠷᠡ ᠶᠢᠨ ᠵᠤᠯᠠᠢ ᠦᠨᠦᠷᠯᠡᠵᠦ᠂ ᠠᠮᠢᠳᠤᠷᠠᠯ ᠤᠨ ᠵᠢᠷᠭᠠᠯ ᠳᠤ ᠪᠠᠶᠠᠰᠤᠭᠰᠠᠨ ᠡᠴᠢᠭᠡ ᠬᠥᠮᠥᠨ ᠤ ᠨᠢᠳᠦᠨ ᠳᠤ | ᠡᠨᠡ ᠬᠤᠷᠸᠠ ᠨᠢᠯᠬᠠᠷᠠᠨᠠ᠃ | ᠲᠣᠰᠣ ᠬᠥᠪᠦᠭᠰᠡᠨ ᠰᠢᠷᠭᠠᠯ ᠴᠠᠢ ᠪᠠᠨ ᠨᠥᠬᠦᠷ ᠲᠡᠭᠡᠨ ᠠᠶᠠᠭᠠᠯᠠᠬᠤ ᠵᠠᠭᠤᠷᠠ ᠲᠤᠨᠤᠷᠠᠮᠠ ᠰᠠᠶᠢᠬᠠᠨ ᠬᠠᠷᠠᠴᠠ | ᠢᠯᠡᠭᠡᠵᠦ ᠪᠦᠰᠡᠭᠦᠢ ᠵᠤᠤᠮᠠᠰᠬᠢᠨ ᠢᠨᠢᠶᠡᠨᠡ᠃ | ᠵᠤᠨ ᠤ ᠪᠦᠭᠴᠢᠮᠡ ᠬᠠᠯᠠᠭᠤᠨ ᠢᠰᠡᠭᠡᠢ ᠭᠡᠷ ᠢ ᠰᠢᠷᠠᠪᠠᠴᠤ᠂ ᠵᠣᠯ ᠵᠢᠷᠭᠠᠯᠲᠤ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ | ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ᠃ | ᠨᠠᠮᠤᠷ ᠤᠨ ᠮᠥᠷᠥᠭᠡᠳᠦᠯ | ᠳ᠋᠊ · ᠫᠦᠷᠪᠦᠳᠣᠷᠵᠢ ᠶᠢᠨ ︽ᠤᠷᠳᠤ ᠨᠠᠮᠤᠷ︾ ᠢ ᠤᠩᠰᠢᠵᠤ ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠡᠨᠡ ᠵᠢᠯ ᠤᠨ ᠨᠠᠮᠤᠷ | ᠤᠶᠠᠭᠠᠨ ᠳᠡᠭᠡᠷᠡ ᠮᠢᠨᠢ ᠪᠠᠭᠤᠴᠢᠬᠠᠯᠠ᠃ | ᠬᠡᠨ ᠨᠢᠭᠡ ᠶᠢ ᠰᠠᠨᠠᠭᠰᠠᠨ ᠡᠰᠡᠬᠦᠯᠡ ᠬᠡᠨ ᠨᠢᠭᠡ ᠳᠤ ᠭᠤᠮᠣᠳᠠᠭᠰᠠᠨ ᠶᠤᠮᠰᠢᠭ ᠬᠤᠯᠠ ᠶᠢᠨ ᠠᠭᠤᠯᠠᠰ ᠤᠨ | ᠣᠷᠣᠢ ᠨᠢᠭᠡᠬᠡᠨ ᠰᠥᠨᠢ ᠶᠢᠨ ᠬᠤᠭᠤᠷᠣᠨᠳᠤ ᠪᠤᠭᠤᠷᠤᠯᠲᠤᠵᠤ᠂ ᠡᠪᠡᠰᠦᠨ ᠤ ᠲᠦᠷᠦᠭᠦᠦ ᠤᠩᠭᠠᠰᠤᠨ ᠴᠠᠶᠢᠷᠠᠵᠤ | ᠴᠠᠭᠠᠨ ᠤᠨᠢᠶᠠᠷ ᠬᠥᠰᠢᠭᠡᠯᠡᠨᠡ᠃ | ᠴᠢᠨᠦ ᠡᠷᠬᠡᠯᠡᠩᠬᠡᠨ ᠪᠣᠷᠣ ᠨᠢᠳᠦ ᠰᠢᠭ ᠭᠠᠯᠪᠠ ᠶᠢᠨ ᠨᠠᠭᠤᠷ ᠡᠩᠭᠡᠷ ᠭᠦᠪᠡᠭᠡ ᠠᠴᠠ ᠪᠠᠨ ᠵᠠᠶᠢᠮᠤᠬᠳᠠᠵᠤ | ᠴᠠᠭ ᠤᠨ ᠰᠢᠪᠠᠭᠤ ᠦᠢᠮᠡᠨᠡ᠃ | ᠡᠩᠭᠡᠷ ᠢᠶᠠᠨ ᠳᠡᠪᠲᠦᠲᠡᠯᠡ ᠤᠬᠢᠯᠠᠵᠤ ᠬᠤᠨᠣᠭᠰᠠᠨ ᠪᠦᠰᠡᠭᠦᠢ ᠬᠥᠮᠥᠨ ᠤ ᠭᠤᠨᠢᠭ ᠢ ᠠᠷᠭᠠᠳᠠᠬᠤ ᠭᠡᠰᠡᠨ ᠰᠢᠭ | ᠡᠨᠡ ᠵᠢᠯ ᠤᠨ ᠨᠠᠮᠤᠷ ᠮᠥᠨᠴᠦ ᠨᠢᠭᠡ ᠡᠷᠲᠡ ᠢᠷᠡᠵᠤ ᠳ᠋ᠠ︕ | ᠬᠠᠪᠤᠷ ᠤᠷᠭᠤᠭᠠᠳ ᠵᠤᠨ ᠳᠡᠯᠭᠡᠷᠡᠵᠦ ᠨᠠᠮᠤᠷ ᠰᠢᠷᠠᠯᠠᠬᠤ ᠨᠢ ᠤᠯᠠᠷᠢᠯ ᠤᠨ ᠵᠦᠢ ᠭᠡᠬᠦ ᠳᠤ ᠬᠠᠶᠢᠷᠠ | ᠲᠡᠩᠲᠡᠷᠡᠭᠡᠳ ᠨᠠᠶᠢᠷ ᠪᠤᠴᠠᠯᠵᠤ ᠰᠡᠳᠬᠢᠯ ᠡᠩᠰᠡᠯᠬᠦ ᠨᠢ ᠬᠤᠷᠸᠠ ᠶᠢᠨ ᠵᠦᠢ ᠪᠢᠯᠡ ᠤᠤ ᠳ᠋ᠧ︖ | ᠨᠠᠰᠤᠨ ᠳᠠᠭᠠᠨ ᠴᠢᠮᠠ ᠲᠠᠢ ᠬᠠᠮᠲᠤ ᠭᠡᠰᠡᠨ ᠬᠠᠶᠢᠷᠠ ᠶᠢᠨ ᠲᠠᠩᠭᠠᠷᠢᠭ ᠢᠶᠠᠨ ᠦᠲᠡᠭᠡᠷᠴᠦ᠂ ᠨᠡᠭᠦᠳᠡᠯ ᠤᠨ | ᠰᠢᠪᠠᠭᠤ ᠰᠢᠭ᠋ ᠨᠢᠰᠦᠭᠡᠳ ᠶᠠᠪᠤᠭᠰᠠᠨ ᠴᠢᠨᠦ ᠰᠡᠭᠦᠳᠡᠷ ᠵᠢᠷᠦᠬᠡᠨ ᠳᠡᠭᠡᠭᠦᠷ ᠲᠠᠭᠠᠷᠢᠨᠠ᠃ | ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠰᠢᠷᠭᠤᠭᠰᠠᠨ ᠨᠤᠲᠤᠭ ᠤᠨ ᠰᠢᠷᠠ ᠵᠠᠮ ᠤᠨ ᠲᠡᠷᠡ ᠦᠵᠦᠭᠦᠷ ᠨᠢ ᠴᠢ ᠭᠡᠬᠦ ᠳᠤ | ᠡᠨᠡ ᠦᠵᠦᠭᠦᠷ ᠨᠢ ᠪᠢ ᠪᠢᠯᠡ᠃ | ᠰᠢᠵᠢᠷ ᠨᠠᠷᠠᠨ ᠤ ᠳᠣᠣᠷᠠ ᠭᠡᠷᠡᠯᠳᠤᠵᠤ ᠶᠠᠪᠤᠭᠰᠠᠨ ᠰᠠᠶᠢᠬᠠᠨ ᠵᠤᠨ ᠢᠶᠠᠨ ᠳᠤᠷᠠᠰᠴᠤ᠂ ᠰᠢᠷᠭᠠᠯ ᠭᠤᠨᠢᠭ | ᠳᠡᠷᠡᠯᠡᠨ ᠤᠢ ᠶᠢᠨ ᠨᠠᠪᠴᠢᠰ ᠨᠢᠭᠡ ᠬᠤᠶᠠᠷ ᠢᠶᠠᠷ ᠤᠨᠠᠨᠠ᠃ | ᠤᠨᠠᠭᠰᠠᠨ ᠨᠠᠪᠴᠢᠰ ᠢ ᠭᠢᠰᠬᠢᠬᠦ ᠠᠴᠠ ᠪᠠᠨ ᠬᠠᠶᠢᠷᠠᠯᠠᠵᠤ ᠤᠳᠠᠲᠠᠯᠠ ᠪᠢ ᠣᠷᠣᠨ ᠳᠠᠭᠠᠨ ᠵᠣᠭᠰᠣᠯᠠ᠃ | ᠤᠨᠠᠵᠤ ᠪᠤᠰᠬᠤ ᠣᠷᠴᠢᠯᠠᠩ ᠤᠨ ᠵᠠᠢ ᠳᠤ ᠬᠥᠮᠥᠨ ᠤ ᠨᠢᠭᠡ ᠨᠠᠰᠤ ᠭᠡᠵᠦ ᠬᠥᠭᠡᠷᠦᠬᠦᠢ ᠡᠨᠡ ᠨᠠᠪᠴᠢᠰ ᠲᠠᠢ | ᠶᠠᠭᠠᠬᠢᠭᠰᠠᠨ ᠠᠳᠠᠯᠢ ᠪᠢᠯᠡ ᠭᠡᠬᠦ ᠠᠴᠠ ᠥᠷᠥ ᠡᠮᠵᠡᠭᠯᠡᠨ ᠵᠢᠷᠦᠬᠡ ᠰᠢᠮᠰᠢᠷᠡᠨᠡ᠃ | ᠰᠥᠨᠢᠵᠢᠨ ᠨᠤᠷᠭᠢᠵᠤ ᠬᠤᠨᠣᠭᠰᠠᠨ ᠰᠢᠪᠠᠭᠤᠳ ᠲᠠᠷᠠᠭᠠ ᠥᠷᠯᠥᠭᠡ ᠨᠢ ᠪᠤᠰᠬᠤ ᠳᠤ ᠪᠦᠷ ᠨᠢᠰᠦᠭᠡᠳ | ᠶᠠᠪᠤᠴᠢᠬᠠᠵᠠᠢ᠃ | ᠵᠡᠭᠡᠰᠦᠨ ᠳᠤ ᠬᠤᠴᠣᠷᠤᠭᠰᠠᠨ ᠬᠡᠳᠦᠨ ᠦᠳᠦ ᠨᠢ ᠰᠠᠯᠬᠢᠨ ᠤ ᠡᠷᠬᠡ ᠪᠠᠷ ᠦᠷᠪᠡᠯᠵᠡᠨ ᠬᠡᠶᠢᠰᠴᠦ᠂ | ᠥᠨᠥᠴᠢᠷᠡᠵᠦ ᠭᠠᠩᠰᠠᠷᠠᠭᠰᠠᠨ ᠰᠡᠳᠬᠢᠯ ᠢ ᠤᠯᠠᠮ ᠤᠶᠢᠮᠤᠷᠠᠭᠤᠯᠤᠨᠠ᠃ | ᠴᠢ ᠭᠡᠵᠦ ᠶᠠᠮᠠᠷ ᠬᠥᠭᠡᠷᠦᠬᠦᠢ ᠬᠥᠮᠥᠨ ᠶᠤᠮ ᠳ᠋ᠠ︖ | ᠨᠠᠮᠤᠷ ᠭᠡᠵᠦ ᠶᠠᠭᠠᠬᠢᠭᠰᠠᠨ ᠡᠮᠵᠡᠭ ᠤᠯᠠᠷᠢᠯ ᠶᠤᠮ ᠳ᠋ᠠ︖ | ᠡᠪᠦᠯ ᠤᠨ ᠲᠤᠮᠤᠭ | ᠪᠡᠭᠡᠷᠡᠭᠰᠡᠨ ᠮᠣᠳᠣᠨ ᠤ ᠰᠠᠯᠠᠭᠠᠨ ᠳᠡᠭᠡᠷᠡ ᠪᠣᠯᠵᠣᠮᠣᠷ ᠰᠠᠭᠤᠴᠢᠬᠠᠭᠠᠳ ᠪᠢᠲᠡᠨ ᠤ ᠮᠡᠳᠡᠬᠦ ᠦᠭᠡᠢ ᠭᠡᠯᠡ ᠪᠠᠷ | ᠱᠤᠯᠤᠭᠠᠨᠠᠨᠠ᠃ | ᠪᠦᠷᠬᠦᠭ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠰᠠᠭᠠᠷᠠᠯ ᠡᠭᠦᠯᠡᠰ ᠭᠦᠪᠦᠵᠤ᠂ ᠡᠪᠦᠯ ᠤᠨ ᠣᠭᠲᠣᠷ ᠰᠢᠷᠠ ᠨᠠᠷᠠ ᠢᠯᠴᠢ | ᠮᠠᠭᠤᠲᠠᠶᠢᠬᠠᠨ ᠭᠡᠷᠡᠯᠲᠦᠨᠡ᠃ | ᠬᠢᠰᠠ ᠳᠣᠲᠣᠷᠠ ᠤᠯᠠᠯᠵᠠᠬᠤ ᠭᠠᠯ ᠲᠠᠰᠬᠢᠨ ᠦᠰᠦᠷᠴᠦ ᠳᠡᠪᠦᠷᠡ ᠲᠠᠢ ᠴᠠᠢ ᠳᠠᠷᠭᠢᠯᠤᠨ ᠪᠤᠴᠠᠯᠤᠨᠠ᠃ | ᠬᠢᠨᠠᠭᠤᠷ ᠬᠠᠷᠠᠴᠠ ᠲᠠᠢ ᠬᠢᠵᠢᠶᠠᠯᠢ ᠡᠷᠡ ᠴᠠᠢ ᠣᠭᠤᠴᠢᠬᠤ ᠳᠤᠮᠳᠠ ᠪᠠᠨ ᠬᠠᠶᠠ ᠬᠠᠶᠠ ᠭᠠᠳᠠᠭᠰᠢ ᠪᠠᠨ | ᠪᠠᠷᠠᠯᠠᠨᠠ᠃ | ᠡᠭᠦᠳᠡᠨ ᠡᠮᠦᠨᠡᠭᠦᠷ ᠢᠳᠡᠰᠢ ᠡᠷᠢᠭᠰᠡᠨ ᠲᠠᠭᠢᠶᠠ ᠭᠤᠭᠤᠭᠯᠠᠵᠤ ᠠᠭᠰᠠᠨ ᠢᠶᠠᠨ ᠴᠣᠩᠬᠤᠨ ᠳᠡᠭᠡᠷᠡ ᠬᠥᠯ ᠢᠶᠠᠨ | ᠡᠷᠭᠦᠵᠦ ᠵᠣᠭᠰᠣᠨᠠ᠃ | ᠡᠪᠡᠰᠦᠨ ᠬᠤᠷᠤᠭᠠ ᠶᠢᠨ ᠡᠭᠦᠳᠡᠨ ᠳᠡᠭᠡᠭᠦᠷ ᠬᠤᠶᠠᠷ ᠦᠬᠡᠷ ᠥᠯᠢᠯᠵᠡᠵᠦ᠂ ᠬᠡᠨ ᠨᠢᠭᠡᠨ ᠢᠶᠠᠨ ᠮᠥᠷᠭᠦᠬᠦ | ᠭᠡᠰᠡᠨ ᠢᠶᠠᠨ ᠤᠷᠤᠭᠤᠯ ᠱᠦᠷᠭᠦᠭᠡᠨ ᠥᠩᠭᠡᠷᠡᠨᠡ᠃ | ᠬᠦᠢᠲᠡᠨ ᠤ ᠡᠷᠴᠢ ᠴᠢᠩᠭᠠᠷᠠᠵᠤ ᠬᠥᠨᠳᠡᠢ ᠶᠢᠨ ᠰᠠᠯᠬᠢ ᠴᠢᠬᠢᠨ ᠦᠵᠦᠭᠦᠷ ᠢ ᠴᠢᠮᠬᠢᠨᠡ᠃ | ᠬᠦᠷᠢᠶᠡᠨ ᠳᠣᠲᠣᠷᠠ ᠬᠠᠲᠠᠭᠰᠠᠨ ᠨᠠᠪᠴᠢᠰ ᠱᠠᠵᠢᠭᠢᠨᠠᠨ ᠬᠤᠶᠢᠯᠠᠷᠠᠵᠤ᠂ ᠬᠠᠶᠠ ᠨᠢᠭᠡ ᠨᠢ ᠬᠥᠯᠳᠡᠭᠦᠦ | ᠭᠠᠵᠠᠷ ᠤᠨ ᠠᠩ ᠢᠶᠠᠷ ᠰᠢᠷᠭᠤᠨ ᠣᠷᠣᠨᠠ᠃ | ᠡᠭᠡᠷᠡᠮᠡ ᠲᠠᠯᠠ ᠪᠠᠷ ᠡᠷᠲᠡᠨ ᠤ ᠪᠠᠭᠠᠲᠤᠷ ᠰᠢᠭ᠋ ᠬᠡᠳᠦᠨ ᠮᠣᠷᠢᠲᠠᠳ ᠳᠣᠪᠲᠤᠯᠤᠨ ᠥᠩᠭᠡᠷᠡᠨᠡ᠃ | ︽ᠡᠷᠳᠡᠨᠢ ᠵᠠᠰᠠᠭ ᠤᠨ ᠤᠨᠠᠭᠠ︾ ᠶᠢ ᠰᠢᠷᠤᠩᠬᠠᠶᠢᠯᠠᠨ ᠡᠮᠡᠭᠡᠯ ᠳᠡᠭᠡᠷᠡ ᠪᠠᠨ ᠰᠤᠪᠤᠷᠭᠠᠯᠠᠨ ᠰᠠᠭᠤᠬᠤ ᠳᠤ ᠡᠬᠡ | ᠳᠡᠯᠡᠬᠡᠢ ᠶᠢᠨ ᠨᠢᠷᠤᠭᠤ ᠬᠤᠲᠣᠯᠵᠠᠮᠠᠷ ᠪᠣᠯᠣᠨᠠ᠃ | ᠴᠠᠢ ᠪᠠᠨ ᠬᠠᠨᠲᠠᠯᠠ ᠤᠤᠭᠤᠭᠰᠠᠨ ᠬᠢᠵᠢᠶᠠᠯᠢ ᠡᠷᠡ ᠮᠣᠷᠢᠨ ᠳᠠᠭᠠᠨ ᠠᠯᠠᠪᠬᠢᠨ ᠮᠣᠷᠳᠠᠵᠤ᠂ ᠮᠣᠷᠢᠲᠠᠳ ᠤᠨ | ᠬᠤᠶᠢᠨᠠ ᠠᠴᠠ ᠳᠣᠪᠲᠤᠯᠤᠨ ᠣᠳᠪᠠ᠃ | ᠴᠡᠩᠬᠡᠷ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠲᠣᠯᠪᠤ ᠪᠤᠯᠲᠠᠯᠠ ᠵᠢᠵᠢᠭᠷᠡᠬᠦ ᠨᠢ ᠡᠭᠡᠭᠡ ᠯᠡ ᠲᠤᠮᠤᠭ ᠤᠨ ᠨᠢᠭᠡ ᠬᠥᠮᠥᠨ | ᠢᠷᠡᠵᠤ ᠶᠠᠪᠤᠭᠰᠠᠨ ᠮᠡᠲᠦ ᠰᠠᠨᠠᠭᠳᠠᠭᠤᠯᠤᠨᠠ᠃ | |