| ᠵᠤᠨ ᠤ ᠠᠶᠢᠯ | ᠭᠠᠵᠠᠷ ᠤᠨ ᠰᠤᠳᠠᠰᠤᠨ ᠳᠤ ᠭᠠᠯᠠᠭᠤᠲᠤ ᠶᠢᠨ ᠨᠠᠭᠤᠷ ᠣᠨᠳᠣᠷᠬᠤ ᠮᠡᠲᠦ | ᠭᠠᠯᠪᠠ ᠶᠢᠨ ᠰᠣᠨᠣᠷ ᠲᠤ ᠬᠠᠶᠢᠷᠠ ᠤᠷᠭᠤᠳᠠᠭ ᠨᠢ ᠵᠤᠨ ᠮᠠᠨᠢ ᠪᠠᠶᠢᠯᠠ | ᠰᠠᠯᠬᠢᠨ ᠤ ᠦᠵᠦᠭᠦᠷ ᠲᠤ ᠰᠠᠭᠠᠯᠢ ᠶᠢᠨ ᠦᠨᠢᠶᠡᠳ ᠦᠶᠡᠷᠬᠡᠳᠡᠭ ᠮᠡᠲᠦ | ᠰᠦᠷᠦᠭ ᠤᠨ ᠥᠨᠢᠷ ᠲᠤ ᠰᠡᠳᠬᠢᠯ ᠥᠶᠥᠭᠰᠢᠬᠦ ᠨᠢ ᠠᠶᠢᠯ ᠮᠢᠨᠢ ᠪᠠᠶᠢᠯᠠ | ᠵᠤᠨ ᠤ ᠪᠠᠷᠠ | ᠲᠡᠭᠷᠢ ᠶᠢᠨ ᠥᠪᠥᠷ ᠬᠠᠩᠭᠠᠢ | ᠨᠢᠭᠡ ᠨᠢᠳᠦᠨ ᠳᠤ ᠬᠠᠶᠠᠭᠠᠷᠠᠵᠤ ᠦᠵᠡᠭᠳᠡᠪᠡ | ᠨᠦᠭᠦᠭᠡ ᠨᠢᠭᠡ ᠨᠢᠳᠦᠨ ᠳᠤ | ᠳᠡᠯᠡᠬᠡᠢ ᠶᠢᠨ ᠡᠩᠭᠡᠷ ᠬᠠᠩᠭᠠᠢ ᠬᠠᠯᠢᠭᠤᠷᠠᠵᠤ ᠦᠵᠡᠭᠳᠡᠪᠡ | ᠡᠨᠡ ᠵᠤᠨ ᠡᠩ ᠪᠦᠲᠦᠨ ᠳᠡᠭᠡᠨ ᠳᠠᠩᠳᠠ ᠥᠯᠴᠢᠷ | ᠡᠬᠡ ᠣᠷᠣᠨ ᠮᠢᠨᠢ ᠡᠳᠦᠷ ᠪᠣᠯᠭᠠᠨ ᠳᠠᠩᠴᠤ ᠥᠭᠭᠢᠶᠡᠮᠦᠷ | ᠵᠤᠨ ᠤ ᠵᠢᠷᠤᠭ | ᠬᠥᠭᠡᠷᠦᠬᠦᠨ ᠣᠮᠪᠣᠯᠣ ᠶᠢᠨ ᠮᠠᠨᠢ ᠤᠷᠤᠭᠤᠯ ᠱᠣᠮᠪᠣᠯᠵᠠᠭᠤᠯᠵᠤ ᠵᠢᠷᠤᠭᠰᠠᠨ | ᠬᠥᠭᠡᠷᠦᠬᠦᠨ ᠬᠡᠦᠬᠡᠨ ᠶᠤᠮ ᠦᠦ︖ ᠭᠦᠯᠦᠭ ᠤᠨ ᠬᠤᠶᠠᠷ ᠨᠢᠳᠦᠨ ᠶᠤᠮ ᠦᠦ | ᠬᠦᠳᠡᠩ ᠲᠠᠲᠠᠭᠤᠯᠤᠭᠰᠠᠨ ᠠᠭᠤᠯᠠᠰ ᠥᠨᠳᠥᠷ ᠲᠡᠭᠡᠨ ᠠᠯᠤᠰᠷᠠᠨᠠ | ᠬᠥᠬᠡ ᠨᠣᠮᠢᠨ ᠰᠢᠭᠤᠢ ᠰᠢᠪᠠᠭᠤᠳ ᠤᠨ ᠲᠠᠭᠤᠨ ᠢᠶᠠᠷ ᠠᠨᠢᠷᠯᠠᠭᠳᠠᠨᠠ | ᠵᠤᠨ ᠤ ᠡᠳᠦᠷ | ᠢᠰᠡᠭᠡᠢ ᠭᠡᠷ ᠤᠨ ᠢᠷᠭᠤᠢ ᠬᠠᠶᠢᠷᠠᠬᠠᠨ ᠡᠳᠦᠷ ᠤᠳ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠭᠤᠸᠠ ᠰᠠᠶᠢᠬᠠᠨ ᠢᠶᠠᠷ ᠤᠶᠠᠩᠭᠠᠷᠠᠬᠤᠢ | ᠡᠮᠧ ᠶᠢᠨ ᠮᠠᠨᠢ ᠡᠷᠢᠬᠡᠨ ᠮᠥᠬᠦᠯᠢᠭ ᠢᠶᠠᠷ ᠬᠡᠯᠬᠢᠭᠰᠡᠨ ᠰᠢᠭ | ᠡᠩᠬᠡ ᠲᠤᠩᠬᠠ ᠡᠪᠡᠰᠦ ᠴᠡᠴᠡᠭ ᠤᠳ ᠴᠡᠯᠡᠭᠡᠷ ᠤᠨ ᠴᠡᠯᠡᠭᠡᠷ | ᠪᠤᠷᠬᠠᠨ ᠠᠳᠢᠰᠯᠠᠭᠰᠠᠨ ᠮᠡᠲᠦ ᠪᠢᠲᠡᠭᠦᠦ ᠪᠡᠯᠴᠢᠭᠡᠷ ᠤᠨ ᠭᠦᠨ ᠳᠤ | ᠪᠥᠮᠪᠥᠭᠡᠨ ᠭᠡᠷ ᠮᠢᠨᠢ ᠪᠥᠮᠪᠥᠷᠴᠡᠭ ᠢ ᠵᠠᠭᠪᠤᠷᠯᠠᠨ ᠣᠨᠢᠶᠠᠷᠯᠠᠬᠤᠢ | ᠪᠣᠳᠢ ᠮᠥᠷ ᠬᠤᠶᠠᠷ ᠢ ᠬᠤᠯᠪᠣᠭᠠᠳ ᠲᠠᠯᠪᠢᠭᠰᠠᠨ ᠰᠢᠭ᠋ | ᠪᠦᠭᠦᠷᠭᠡᠨ ᠳᠡᠭᠡᠷᠡᠬᠢ ᠪᠦᠲᠦᠨ ᠮᠠᠷᠭᠠᠰᠢ ᠴᠡᠩᠬᠡᠷ ᠠᠴᠠ ᠴᠡᠩᠬᠡᠷ | ᠵᠤᠨ ᠤ ᠪᠣᠷᠤᠭᠠ | ᠰᠡᠳᠬᠢᠯ ᠤᠨ ᠴᠠᠩᠭᠠᠭᠠ ᠪᠠᠨ ᠲᠠᠶᠢᠯᠤᠨᠠᠮ ᠭᠡᠵᠦ | ᠰᠢᠪᠡᠷ ᠰᠢᠪᠡᠷ ᠲᠤᠰᠤᠯ ᠢ ᠴᠢᠨᠢ ᠲᠡᠭᠦᠵᠦ ᠭᠦᠶᠦᠨᠡᠮ | ᠰᠡᠪᠡᠯᠵᠡᠲᠡᠯᠡ ᠳᠡᠯᠭᠡᠷᠡᠬᠦ ᠵᠤᠨ ᠤ ᠮᠣᠳᠣᠨ ᠳᠤ | ᠰᠢᠪᠠᠭᠤ ᠪᠣᠯᠵᠤ ᠳᠣᠩᠭᠤᠳᠤᠨ ᠰᠠᠭᠤᠶᠠ ᠭᠡᠵᠦ ᠬᠦᠰᠡᠨᠡᠮ | ᠳᠡᠯᠭᠡᠷ ᠭᠤᠪᠢ ᠳᠤᠤᠯᠢᠶᠠᠨ ᠳᠠᠭᠠᠨ ᠮᠡᠯᠮᠡᠯᠵᠡᠵᠦ | ᠳᠣᠯᠵᠢᠷ ᠳᠣᠯᠵᠢᠷ ᠬᠤᠷᠠᠭᠠᠳ ᠲᠠᠨᠢ ᠮᠠᠶᠢᠯᠠᠯᠳᠤᠨᠠᠮ | ᠲᠡᠨᠵᠢ ᠶᠢᠨ ᠡᠩᠭᠡᠷ ᠨᠠᠭᠤᠷ ᠤᠨ ᠤᠰᠤ ᠣᠪᠣᠭᠠᠷᠠᠵᠤ | ᠲᠡᠷᠲᠡᠭᠡ ᠵᠡᠭᠡᠰᠦᠨ ᠳᠤ ᠮᠡᠯᠡᠬᠡᠢ ᠶᠢᠨ ᠱᠤᠤᠭᠢᠶᠠ ᠦᠷᠭᠦᠯᠵᠢᠯᠡᠨᠡᠮ | ᠵᠤᠨ ᠤ ᠥᠷᠯᠥᠭᠡ | ᠴᠣᠩᠬᠤᠨ ᠭᠠᠳᠠᠭᠠ | ᠰᠢᠭᠦᠳᠡᠷᠢ ᠶᠢᠨ ᠠᠮᠢᠰᠬᠤᠭᠠ ᠰᠡᠩᠭᠢᠨᠡᠭᠡᠳ ᠯᠡ | ᠰᠦᠨ ᠤ ᠰᠠᠭᠤᠯᠠᠭᠠ ᠠᠴᠠ ᠨᠠᠷᠠ ᠳᠡᠯᠭᠡᠷᠡᠨ ᠪᠠᠶᠢᠮᠠᠷ | ᠴᠠᠢ ᠶᠢᠨ ᠠᠶᠠᠭᠠᠨ ᠳᠤ | ᠲᠤᠭᠤᠯ ᠤᠨ ᠠᠨᠢᠰᠬᠠ ᠰᠡᠷᠪᠡᠯᠵᠡᠭᠡᠳ ᠯᠡ | ᠲᠣᠪᠤ ᠶᠢᠨ ᠨᠠᠭᠠᠨᠠ ᠬᠤᠨᠢᠨ ᠴᠤᠪᠤᠭᠠ ᠲᠤᠨᠤᠯᠵᠠᠨ ᠪᠠᠶᠢᠮᠠᠷ | ᠲᠠᠯᠠ ᠶᠢᠨ ᠬᠥᠯ ᠲᠦᠪᠰᠢᠨ ᠠᠮᠤᠭᠤᠯᠠᠩ | ᠲᠣᠭᠤᠨᠣ ᠶᠢᠨ ᠭᠡᠷᠡᠯ ᠢᠶᠠᠷ ᠰᠠᠯᠬᠢ ᠰᠡᠪᠡᠷᠡᠭᠡᠳ ᠯᠡ | ᠲᠣᠬᠤᠮ ᠴᠠᠭᠠᠨ ᠡᠭᠦᠯᠡᠰ ᠨᠤᠲᠤᠭ ᠵᠦᠭ ᠳᠡᠷᠪᠡᠨ ᠪᠠᠶᠢᠮᠠᠷ | |