ᠰᠠᠶᠢᠨ ᠨᠣᠮ ᠭᠡᠲᠡᠭ ᠪᠣᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠶᠤᠨ ᠤᠬᠠᠭᠠᠨ ᠤ ᠤᠭᠢ ᠲᠠᠯᠠᠰᠲᠤ ᠶᠤᠮ᠃ ᠣᠨ | ᠵᠢᠯ ᠤᠨ ᠤᠷᠳᠤ ᠠᠶᠠᠨ ᠳᠤ ᠰᠢᠯᠢᠭᠳᠡᠵᠦ ᠰᠣᠩᠭᠤᠭᠳᠠᠭᠰᠠᠭᠠᠷ ᠥᠩᠭᠡ ᠭᠢᠯᠠᠯᠵᠠᠭᠰᠠᠨ ᠰᠤᠪᠤᠳ ᠮᠡᠲᠦ ᠰᠠᠶᠢᠨ ᠨᠣᠮ | ᠨᠢ ᠬᠥᠮᠥᠰ ᠤᠨ ᠰᠡᠳᠬᠢᠯ ᠳᠤ ᠲᠣᠭᠤᠭᠳᠠᠨ ᠦᠯᠡᠳᠡᠵᠦ᠂ ᠰᠣᠩᠭᠤᠳᠠᠭ ᠨᠣᠮ ᠤᠨ ᠵᠢᠭᠰᠠᠭᠠᠯᠲᠠ ᠳᠤ ᠪᠠᠭᠲᠠᠭᠳᠠᠨ | ᠣᠷᠣᠵᠤ᠂ ᠨᠣᠮ ᠤᠨ ᠪᠠᠭ᠋ᠠᠲᠠᠳ ᠤᠨ ᠪᠢᠴᠢᠭ ᠤᠨ ᠰᠢᠷᠡᠭᠡᠨᠡ ᠳᠡᠯᠭᠡᠭᠳᠡᠵᠦ ᠪᠠᠶᠢᠳᠠᠭ᠃ ᠰᠠᠶᠢᠨ ᠨᠣᠮ ᠰᠣᠳᠣᠨ | ᠰᠤᠳᠤᠷ ᠨᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠶᠤᠨ ᠤᠬᠠᠭᠠᠨ ᠤ ᠰᠢᠮᠡ ᠠᠮᠲᠠ᠂ ᠤᠭᠤᠷᠠᠭ ᠲᠠᠷᠢᠬᠢᠨ ᠤ ᠬᠢᠨᠢ ᠰᠢᠳᠢᠲᠦ | ᠡᠷᠴᠢ᠂ ᠤᠬᠠᠭᠠᠨ ᠮᠡᠳᠡᠷᠡᠯ ᠤᠨ ᠬᠢᠨᠢ ᠵᠦᠭ ᠴᠢᠭᠯᠡᠭᠦᠷ ᠪᠣᠯᠵᠤ᠂ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ᠂ ᠥᠰᠴᠦ ᠥᠨᠳᠡᠶᠢᠬᠦ᠂ | ᠥᠭᠡᠳᠡᠯᠡᠨ ᠪᠠᠳᠠᠷᠠᠬᠤ᠂ ᠥᠪᠯᠡᠨ ᠦᠯᠡᠳᠡᠭᠡᠬᠦ ᠵᠡᠷᠭᠡ ᠠᠮᠢᠳᠤᠷᠠᠯ ᠤᠨ ᠤᠷᠳᠤ ᠠᠶᠠᠨ ᠵᠠᠮ ᠤᠨ ᠬᠢᠨᠢ ᠬᠦᠰᠡᠯ ᠵᠦᠭ | ᠲᠤ ᠳᠠᠪᠬᠢᠨ ᠬᠦᠷᠬᠦ ᠬᠦᠴᠦᠲᠦ ᠭᠦᠯᠦᠭ᠂ ᠮᠥᠷᠥᠭᠡᠳᠦᠯ ᠵᠦᠭ ᠨᠢ ᠮᠡᠳᠬᠡᠨ ᠣᠶᠢᠷᠠᠲᠤᠭᠤᠯᠬᠤ ᠮᠥᠩᠭᠦᠨ ᠵᠠᠪᠢ | ᠪᠣᠯᠵᠤ ᠪᠠᠶᠢᠳᠠᠭ ᠰᠠᠨ᠃ ᠦᠶᠡ ᠶᠢᠨ ᠦᠶᠡ ᠳᠤ᠂ ᠴᠠᠭ ᠤᠨ ᠤᠷᠳᠤ ᠳᠤ ᠨᠣᠮ ᠲᠠᠢ ᠬᠥᠮᠥᠨ ᠢ ᠳᠡᠭᠡᠳᠦᠯᠡᠨ︽ᠪᠠᠭᠰᠢ︾ | ᠳᠠᠭᠤᠳᠠᠨ ᠡᠷᠭᠦᠵᠦ᠂ ᠪᠢᠴᠢᠭ ᠲᠠᠢ ᠬᠥᠮᠥᠨ ᠢ ᠪᠢᠰᠢᠷᠡᠨ᠂ ᠡᠷᠬᠢᠮᠨᠡᠨ ᠬᠦᠨᠳᠦᠯᠡᠵᠦ᠂ ᠰᠤᠷᠭᠠᠯ ᠢ ᠨᠢ ᠵᠠᠯᠪᠠᠷᠢᠵᠤ | ᠭᠦᠷᠲᠡᠨ᠂ ᠨᠣᠮᠯᠠᠬᠤ ᠶᠢ ᠨᠢ ᠬᠢᠴᠢᠶᠡᠨ ᠰᠣᠨᠣᠰᠴᠤ᠂ ᠪᠡᠶᠡ ᠪᠠᠨ ᠵᠠᠰᠠᠨ᠂ ᠰᠡᠳᠬᠢᠯ ᠢᠶᠠᠨ ᠲᠡᠭᠰᠢᠯᠡᠨ᠂ ᠵᠠᠶᠠᠭᠠ ᠪᠠᠨ | ᠡᠷᠭᠦᠵᠦ ᠶᠠᠪᠤᠳᠠᠭ ᠰᠠᠨ᠃ | ᠰᠠᠶᠢᠨ ᠨᠣᠮ ᠭᠡᠲᠡᠭ ᠪᠣᠯ ᠲᠤᠭᠤᠯᠤᠭᠠᠳ ᠥᠩᠭᠡᠷᠡᠬᠦ ᠲᠡᠦᠬᠡ ᠶᠢᠨ ᠲᠣᠭᠠᠴᠢᠭᠠᠳ ᠳᠠᠭᠤᠰᠤᠰᠢ ᠦᠭᠡᠢ | ᠰᠢᠪᠡᠨᠡᠭᠡ ᠰᠠᠨ᠃ ᠭᠠᠲᠤᠯᠤᠭᠠᠳ ᠭᠠᠷᠬᠤ ᠭᠠᠯᠪᠠ ᠶᠢᠨ ᠭᠠᠩᠳᠠᠰᠢ ᠦᠭᠡᠢ ᠥᠩᠭᠡ ᠨᠢ ᠰᠠᠨ᠃ ᠪᠢᠯᠢᠭᠲᠦ ᠮᠡᠷᠭᠡᠨ | ᠶᠡᠬᠡᠰ ᠤᠨ ᠪᠢᠯᠢᠭᠦᠨ ᠤᠶᠤᠨ ᠤ ᠬᠢᠨᠢ ᠲᠦᠰᠦᠷᠭᠡ ᠰᠠᠨ᠂ ᠪᠡᠭᠡᠨ ᠬᠠᠷᠠ ᠦᠰᠦᠭ ᠤᠳ ᠨᠢ ᠪᠠᠳᠮᠠᠯᠠᠵᠤ | ᠣᠴᠢᠯᠠᠭᠰᠠᠨ ᠲᠦᠯᠦ ᠰᠠᠨ᠃ ᠤᠷᠤᠰᠤᠭᠠᠳ ᠥᠩᠭᠡᠷᠡᠬᠦ ᠴᠠᠭ ᠤᠨ ᠣᠷᠭᠢᠯᠤᠭᠰᠠᠨ ᠪᠤᠯᠠᠭ ᠶᠤᠮᠰᠠᠨ᠃ ᠤᠷᠠᠯᠠᠭᠠᠳ | ᠬᠡᠯᠡᠬᠦ ᠴᠠᠴᠠᠨ ᠦᠭᠡᠰ ᠤᠨ ᠣᠨ ᠢ ᠭᠡᠲᠦᠯᠦᠭᠰᠡᠨ ᠭᠢᠯᠪᠠᠭᠠ ᠨᠢ ᠶᠤᠮᠰᠠᠨ᠃ ᠲᠤᠯᠭᠠᠷᠠᠵᠤ ᠮᠡᠳᠡᠬᠦ ᠬᠠᠲᠠᠭᠤ ᠠᠴᠠ | ᠵᠠᠶᠢᠯᠠᠭᠤᠯᠵᠤ ᠥᠭᠬᠦ ᠤᠬᠠᠭᠠ ᠶᠤᠮᠰᠠᠨ᠂ ᠲᠤᠯᠵᠤ ᠢᠷᠡᠭᠰᠡᠨ ᠬᠥᠲᠡᠭᠦᠦ ᠠᠴᠠ ᠠᠰᠠᠷᠠᠵᠤ ᠠᠪᠬᠤ ᠡᠷᠳᠡᠮ ᠶᠤᠮᠰᠠᠨ᠃ | ᠢᠷᠡᠬᠦ ᠴᠠᠭ ᠢ ᠤᠭᠲᠤᠵᠤ ᠥᠨᠳᠡᠶᠢᠬᠦ ᠶᠡᠭᠡ ᠡᠷᠴᠢ ᠶᠢᠨ ᠢᠪᠢᠯᠦᠯ ᠶᠤᠮᠰᠠᠨ᠃ ᠡᠰᠡᠨᠢᠬᠦ ᠤᠯᠠᠷᠢᠯ ᠢ ᠭᠡᠶᠢᠭᠦᠯᠵᠦ | ᠭᠡᠷᠡᠯᠳᠤᠭᠦ ᠢᠲᠡ ᠢᠲᠡᠭᠡᠯ ᠤᠨ ᠤᠨᠳᠤᠷᠤᠭᠠ ᠶᠤᠮᠰᠠᠨ᠃ ᠨᠣᠮ ᠭᠡᠲᠡᠭ ᠪᠣᠯ ᠬᠠᠷᠠᠩᠭᠤᠢ ᠠᠴᠠ ᠭᠡᠭᠡᠨ ᠵᠦᠭ | ᠬᠥᠲᠥᠯᠥᠭᠰᠡᠨ ᠵᠠᠮᠴᠢ ᠶᠤᠮ᠃ ᠬᠦᠢᠲᠡᠨ ᠠᠴᠠ ᠬᠠᠯᠠᠭᠤᠨ ᠵᠦᠭ ᠳᠠᠭᠤᠳᠠᠭᠰᠠᠨ ᠤᠷᠠᠢ ᠶᠤᠮ᠃ ᠨᠣᠮ ᠭᠡᠲᠡᠭ ᠪᠣᠯ | ᠦᠶᠡ ᠲᠠᠮᠵᠢᠨ ᠤᠯᠠᠮᠵᠢᠯᠠᠬᠤ ᠦᠨᠡᠲᠦ ᠡᠷᠳᠡᠨᠢ ᠶᠤᠮ᠃ ᠨᠣᠮ ᠭᠡᠲᠡᠭ ᠪᠣᠯ ᠦᠰᠦᠭ ᠠᠯᠭᠠᠰᠠᠯ ᠦᠭᠡᠢ ᠴᠡᠭᠡᠵᠢᠯᠡᠬᠦ | ᠬᠤᠪᠣᠷ ᠡᠳ᠋ ᠶᠤᠮ᠃ | ᠨᠣᠮ ᠪᠢᠴᠢᠭ ᠭᠡᠲᠡᠭ ᠪᠣᠯ ᠳᠡᠪᠲᠡᠷᠯᠡᠵᠦ ᠪᠦᠲᠦᠭᠡᠭᠰᠡᠨ ᠡᠷᠳᠡᠨᠢᠲᠦ ᠦᠰᠦᠭ ᠲᠠᠢ ᠬᠤᠷᠠᠮᠠᠯ ᠶᠤᠮ᠃ ᠵᠢᠷᠤᠭ | ᠳᠦᠷᠰᠦ ᠪᠠ ᠦᠰᠦᠭ ᠪᠢᠴᠢᠭ ᠲᠠᠢ ᠠᠯᠲᠡᠨ ᠬᠠᠭᠤᠳᠠᠰᠤ ᠶᠢᠨ ᠨᠡᠶᠢᠯᠡᠮᠡᠯ ᠶᠤᠮ᠃ ᠬᠠᠭᠤᠳᠠᠰᠤ ᠴᠠᠭᠠᠰᠤᠨᠠ ᠪᠠᠷᠯᠠᠵᠤ | ᠬᠡᠪᠯᠡᠭᠳᠡᠭᠰᠡᠨ ᠬᠤᠷᠸᠠ ᠳᠡᠯᠡᠬᠡᠢ ᠶᠢᠨ ᠮᠡᠳᠡᠭᠡ ᠵᠠᠩᠭᠢ ᠶᠢ ᠳᠠᠮᠵᠢᠭᠤᠯᠬᠤ ᠪᠣᠯᠣᠮᠵᠢ ᠪᠦᠬᠦᠢ ᠬᠤᠲᠠᠯᠠ ᠳᠤ ᠠᠰᠢᠭᠲᠠᠢ | ᠵᠠᠭᠤᠴᠢᠯᠠᠭᠤᠷ ᠢ ᠨᠣᠮ ᠪᠢᠴᠢᠭ ᠭᠡᠲᠡᠭ ᠶᠤᠮ᠃ ᠬᠠᠪᠤᠷ ᠲᠠᠷᠢᠵᠤ᠂ ᠵᠤᠨ ᠳᠡᠯᠭᠡᠷᠡᠵᠦ᠂ ᠨᠠᠮᠤᠷ ᠦᠷᠡᠯᠡᠨ᠂ ᠡᠪᠦᠯ | ᠬᠤᠷᠢᠶᠠᠬᠤ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶᠢ ᠨᠣᠮ ᠭᠡᠲᠡᠭ ᠶᠤᠮ᠃ ᠬᠠᠯᠠᠭᠤᠨ ᠬᠦᠢᠲᠡᠨ ᠰᠡᠷᠢᠭᠦᠨ ᠳᠤᠯᠠᠭᠠᠨ ᠢ ᠲᠡᠮᠳᠡᠭᠯᠡᠵᠦ | ᠴᠢᠳᠠᠳᠠᠭ ᠰᠢᠳᠢᠲᠦ ᠲᠡᠮᠳᠡᠭᠯᠡᠯ ᠢ ᠨᠣᠮ ᠭᠡᠲᠡᠭ ᠶᠤᠮ᠃ ᠴᠠᠭᠠᠰᠤᠨ ᠠᠴᠠ ᠪᠠᠨ ᠴᠠᠬᠢᠮ ᠳᠤ ᠬᠠᠳᠠᠭᠠᠯᠠᠭᠳᠠᠬᠤ | ᠪᠣᠯᠤᠭᠰᠠᠨ ᠢ ᠰᠢᠨᠡ ᠨᠣᠮ ᠭᠡᠲᠡᠭ ᠶᠤᠮ᠃ ᠬᠡᠶᠢᠰᠪᠦᠷᠢ ᠵᠠᠶᠢᠴᠠᠨ ᠳᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠶᠡᠭᠡ ᠶᠢ ᠪᠠᠭᠲᠠᠭᠠᠵᠤ | ᠪᠠᠶᠢᠳᠠᠭ ᠢ ᠰᠢᠨᠡ ᠨᠣᠮ ᠭᠡᠲᠡᠭ᠃ ᠭᠱᠠᠨ ᠵᠠᠭᠤᠷᠠ ᠠᠳᠬᠤᠨ ᠳᠤ ᠴᠢᠨᠢ ᠳᠡᠯᠭᠡᠭᠳᠡᠨ᠂ ᠬᠤᠷᠤᠭᠤ ᠶᠢᠨ ᠲᠣᠭᠰᠢᠯᠲᠠ ᠶᠢ | ᠴᠢᠨᠢ ᠲᠠᠭᠠᠨ᠂ ᠬᠤᠷᠸᠠ ᠶᠢᠨ ᠴᠢᠨᠠᠳᠤ ᠳᠤ ᠬᠦᠷᠭᠡᠵᠦ᠂ ᠲᠡᠪᠡᠷᠢ ᠪᠠᠭᠲᠠᠬᠤ ᠦᠭᠡᠢ ᠨᠣᠮ ᠤᠨ ᠠᠭᠤᠯᠭᠠ ᠶᠢ ᠲᠤᠰᠤᠯ | ᠵᠠᠢ ᠳᠤ ᠪᠠᠭᠯᠠᠵᠤ ᠲᠠᠯᠪᠢᠳᠠᠭ ᠢ ᠨᠢ ᠰᠢᠨᠡ ᠴᠠᠭ ᠤᠨ ᠨᠣᠮ ᠭᠡᠲᠡᠭ ᠶᠤᠮ᠃ ᠢᠮᠠᠬᠤ ᠶᠢᠨ ᠵᠠᠢ ᠳᠤ ᠶᠢᠷᠲᠢᠨᠴᠦ ᠶᠢᠨ | ᠨᠢᠭᠤᠴᠠ ᠶᠢ ᠪᠠᠭᠲᠠᠭᠠᠵᠤ ᠳᠡᠶᠢᠯᠳᠡᠭ ᠰᠢᠨᠡ ᠴᠠᠭ ᠪᠣᠯ ᠭᠢᠯᠪᠠᠭᠠᠲᠤ ᠡᠷᠢᠨ ᠶᠤᠮ᠃ ᠬᠤᠷᠤᠭᠤ ᠢᠮᠡᠷᠬᠦ | ᠬᠤᠷᠣᠮ ᠳᠤ ᠮᠡᠳᠡᠭᠡ ᠶᠢ ᠳᠠᠮᠵᠢᠭᠤᠯᠳᠠᠭ ᠭᠠᠶᠢᠬᠠᠮᠰᠢᠭᠲᠤ ᠴᠠᠭ ᠤᠨ ᠨᠣᠮ ᠤᠨ ᠴᠠᠭᠯᠠᠰᠢ ᠦᠭᠡᠢ ᠬᠤᠷᠳᠤ ᠶᠢ | ᠪᠠᠭ᠋ᠠᠳᠤᠨ ᠪᠢᠰᠢᠷᠡᠭᠡᠳ ᠪᠠᠷᠠᠰᠢ ᠦᠭᠡᠢ ᠠ᠋᠃ | ᠨᠣᠮ ᠪᠢᠴᠢᠭ ᠨᠢ ᠦᠯᠦ ᠮᠠᠷᠲᠠᠬᠤ ᠶᠢᠨ ᠲᠤᠯᠠᠳᠠ ᠪᠦᠲᠦᠭᠡᠭᠳᠡᠭᠰᠡᠨ ᠶᠤᠮ᠃ ᠨᠣᠮ ᠪᠢᠴᠢᠭ ᠨᠢ ᠡᠭᠦᠷᠢᠳᠡ | ᠤᠯᠠᠮᠵᠢᠯᠠᠭᠳᠠᠬᠤ ᠶᠢᠨ ᠲᠥᠯᠥᠭᠡ ᠲᠤᠭᠤᠷᠪᠢᠭᠳᠠᠭᠰᠠᠨ ᠶᠤᠮ᠃ ᠨᠣᠮ ᠪᠢᠴᠢᠭ ᠨᠢ ᠴᠠᠭᠠᠰᠤᠨᠠ ᠲᠡᠮᠳᠡᠭᠯᠡᠭᠳᠡᠭᠰᠡᠨ | ᠦᠨᠡᠲᠦ ᠥᠪ ᠢᠶᠠᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠠᠯᠲᠡᠨ ᠴᠡᠭᠡᠵᠢᠨᠡ ᠰᠢᠩᠭᠡᠬᠡᠨ ᠦᠯᠡᠳᠡᠭᠡᠬᠦ ᠲᠡᠷᠨ ᠴᠠᠭ ᠲᠤ | ᠦᠨᠡ ᠴᠡᠨᠡ ᠨᠢ ᠮᠡᠳᠡᠷᠡᠭᠳᠡᠳᠡᠭ᠃ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠴᠠᠴᠠᠨ ᠪᠢᠯᠢᠭ ᠤᠨ ᠭᠠᠶᠢᠬᠠᠮᠰᠢᠭ ᠨᠢ ᠴᠠᠭᠠᠰᠤᠨᠠ | ᠰᠢᠮᠡᠳᠤᠨ᠂ ᠪᠡᠭᠡ ᠶᠢᠨ ᠠᠩᠬᠢᠯᠤᠮᠠᠯ ᠪᠣᠯᠵᠤ ᠦᠨᠦᠰᠲᠡᠭᠦ ᠦᠶᠡ ᠳᠤ᠂ ᠨᠣᠮ ᠪᠢᠴᠢᠭ ᠤᠨ ᠦᠨᠡᠲᠦ ᠴᠢᠨᠠᠷ ᠨᠢ | ᠪᠦᠷᠢᠳᠳᠡᠭ ᠰᠠᠨ᠃ | ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡᠬᠢ 30 ᠳ᠋ᠤᠭᠠᠷ ᠵᠠᠭᠤᠨ ᠤ ᠪᠠᠷᠤᠭᠴᠠᠭᠠ ᠪᠠᠷ ᠡᠷᠲᠡᠨ ᠤ ᠶᠧᠵᠢᠫᠲ ᠬᠡᠮᠡᠬᠦ | ᠭᠠᠶᠢᠬᠠᠮᠰᠢᠭᠲᠤ ᠨᠤᠲᠤᠭ ᠤᠨ ᠨᠣᠮ ᠪᠢᠴᠢᠭ ᠤᠨ ᠪᠣᠷᠣ ᠲᠥᠯᠥᠪ ᠨᠢ ᠪᠦᠲᠦᠵᠦ ᠪᠡᠶᠡᠯᠡᠭᠰᠡᠨ ᠬᠡᠮᠡᠨ | ᠰᠤᠳᠤᠯᠤᠭᠠᠴᠢᠳ ᠮᠠᠭᠠᠳᠯᠠᠵᠤ ᠲᠥᠰᠥᠭᠡᠯᠡᠳᠡᠭ ᠶᠤᠮᠰᠠᠨ᠃ ᠤᠷᠳᠤ ᠠᠴᠠ ᠤᠷᠳᠤ ᠲᠡᠦᠬᠡᠨ ᠠᠶᠠᠨ᠂ ᠬᠠᠲᠠᠭᠤ ᠠᠴᠠ | ᠬᠠᠲᠠᠭᠤ ᠠᠮᠢᠳᠤᠷᠠᠯ ᠤᠨ ᠨᠤᠭᠤᠴᠢᠭᠠᠨ ᠢ ᠲᠤᠭᠤᠯᠤᠨ᠂ ᠨᠣᠮ ᠪᠢᠴᠢᠭ ᠨᠢ ᠥᠪᠡᠷ ᠤᠨ ᠭᠡᠬᠦ ᠬᠡᠪ ᠭᠡᠯᠪᠡᠷᠢ ᠲᠠᠢ | ᠪᠣᠯᠵᠤ᠂ ᠳᠦᠷᠰᠦ ᠪᠠᠶᠢᠳᠠᠯ ᠨᠢ ᠲᠥᠯᠥᠪᠵᠢᠨ᠂ ᠲᠥᠰᠥᠪ ᠲᠥᠯᠥᠪᠯᠡᠭᠡ ᠨᠢ ᠪᠦᠷᠢᠳᠦᠨ᠂ ᠤᠳᠬᠠ ᠠᠭᠤᠯᠬᠤᠨ ᠤ | ᠬᠡᠮᠵᠢᠶᠡ ᠨᠢ ᠲᠣᠳᠣᠷᠬᠠᠢ ᠪᠣᠯᠵᠤ᠂ ᠲᠠᠷᠬᠠᠵᠤ ᠳᠡᠯᠭᠡᠷᠡᠬᠦ ᠪᠣᠯᠣᠮᠵᠢ ᠨᠢ ᠤᠯᠠᠨ ᠪᠣᠯᠵᠤ᠂ ᠥᠪᠯᠡᠨ ᠤᠯᠠᠮᠵᠢᠯᠠᠭᠳᠠᠬᠤ | ᠰᠢᠨᠵᠢ ᠨᠢ ᠲᠣᠭᠲᠠᠵᠤ᠂ ᠰᠢᠨᠡᠳᠦᠨ ᠬᠤᠪᠢᠷᠠᠬᠤ ᠰᠢᠯᠲᠠᠭᠠᠨ ᠨᠢ ᠴᠤ ᠨᠡᠮᠡᠭᠳᠡᠨ᠂ ᠥᠭᠡᠳᠡᠯᠡᠨ ᠬᠥᠭᠵᠢᠬᠦ ᠡᠷᠴᠢ ᠬᠦᠴᠦ | ᠨᠢ ᠪᠠᠲᠤᠵᠢᠨ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠬᠥᠭᠵᠢᠯ ᠤᠨ ᠵᠠᠮ ᠮᠥᠷ ᠢ ᠤᠳᠤᠷᠢᠳᠬᠤ ᠰᠣᠶᠣᠯ ᠤᠨ ᠴᠠᠮᠬᠠᠭ ᠪᠤᠯᠬᠤ | ᠨᠢ ᠢᠯᠨ ᠲᠣᠳᠣᠷᠬᠠᠢ ᠪᠣᠯᠵᠠᠢ᠃ | ᠨᠣᠮ ᠪᠢᠴᠢᠭ ᠭᠡᠲᠡᠭ ᠤᠨ ᠠᠩᠬᠠᠨ ᠤ ᠡᠬᠡ ᠨᠢ ᠮᠣᠳᠣ ᠴᠢᠯᠠᠭᠤᠨ ᠳᠡᠭᠡᠷᠡ ᠰᠡᠶᠢᠯᠦᠭᠳᠡᠵᠦ ᠪᠠᠶᠢᠯᠠ᠂ ᠶᠠᠰᠤ | ᠲᠡᠮᠦᠷ ᠳᠡᠭᠡᠷᠡ ᠴᠤ ᠰᠡᠶᠢᠯᠦᠭᠳᠡᠵᠦ ᠪᠠᠶᠢᠯᠠ᠂ ᠪᠥᠰ ᠪᠠᠷᠠᠭᠠᠨ ᠳᠡᠭᠡᠷᠡ ᠵᠢᠷᠤᠭᠳᠠᠨ ᠪᠢᠴᠢᠭᠳᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ | ᠴᠠᠭ ᠤᠨ ᠴᠠᠭᠢᠯᠤᠯ ᠤᠨ ᠳᠤᠮᠳᠠ᠂ ᠴᠠᠭᠠᠰᠤ ᠬᠡᠮᠡᠬᠦ ᠰᠢᠨᠡ ᠵᠠᠭᠤᠴᠢ ᠨᠢ ᠨᠣᠮ ᠪᠢᠴᠢᠭ ᠤᠨ ᠬᠥᠭᠵᠢᠯ ᠢ ᠤᠷᠭᠢᠯ | ᠱᠠᠲᠤᠨᠠ ᠬᠦᠷᠭᠡᠵᠦ ᠴᠢᠳᠠᠵᠠᠢ᠃ ᠴᠠᠭᠠᠰᠤᠨ ᠪᠠᠷ ᠤᠨ ᠨᠣᠮ ᠪᠢᠴᠢᠭ ᠤᠨ ᠡᠭᠦᠷᠴᠦ ᠳᠦᠭᠦᠷᠬᠦ ᠳᠤ ᠬᠥᠩᠭᠡᠬᠡᠨ᠂ | ᠦᠰᠦᠭᠯᠡᠵᠤ ᠨᠢᠳᠦᠯᠡᠬᠦ ᠳᠤ ᠲᠣᠳᠣᠬᠠᠨ᠂ ᠦᠨᠡ ᠬᠠᠩᠰᠢ ᠨᠢ ᠬᠢᠮᠳᠠᠬᠠᠨ᠂ ᠡᠷᠭᠢᠭᠦᠯᠵᠦ ᠤᠩᠰᠢᠬᠤ ᠳᠤ ᠠᠮᠠᠷᠬᠠᠨ | ᠵᠡᠷᠭᠡ ᠰᠣᠳᠣᠨ ᠰᠢᠨᠵᠢ ᠪᠠᠷ ᠢᠶᠠᠨ ᠴᠠᠭ ᠤᠨ ᠴᠢᠭᠲᠠᠭᠠᠨ ᠤ ᠴᠠᠯᠮᠠ ᠣᠭᠤᠰᠣᠷ ᠢ ᠨᠢ ᠠᠳᠬᠤᠵᠤ ᠠᠮᠵᠢᠭᠰᠠᠨ ᠶᠤᠮ᠃ | | ᠨᠣᠮ ᠤᠨ ᠬᠡᠪ ᠭᠡᠯᠪᠡᠷᠢ ᠨᠢ ᠲᠦᠮᠡᠨᠲᠡ ᠬᠤᠪᠢᠷᠠᠵᠤ ᠮᠢᠩᠭᠠᠨᠲᠠ ᠥᠭᠡᠷᠡᠲᠦᠯᠡ ᠴᠤ ᠭᠡᠰᠡᠨ᠂ ᠲᠤᠰᠬᠠᠵᠤ | ᠪᠦᠬᠦᠢ ᠨᠠᠷᠢᠯᠢᠭ ᠠᠭᠤᠯᠭᠠ᠂ ᠲᠤᠭᠤᠷᠪᠢᠵᠤ ᠬᠡᠪᠯᠡᠭᠰᠡᠨ ᠭᠡᠳᠤ ᠶᠢᠨ ᠵᠣᠷᠢᠯᠭᠠ᠂ ᠭᠦᠷᠦᠭᠡᠳ ᠣᠴᠢᠬᠤ ᠶᠢᠨ ᠬᠦᠰᠡᠯ | ᠮᠥᠷᠥᠭᠡᠳᠦᠯ ᠨᠢ ᠭᠠᠯ ᠬᠠᠯᠠᠭᠤᠨ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠵᠤ᠂ ᠬᠠᠨᠳᠤᠭᠤᠯᠵᠤ ᠵᠣᠷᠢᠭᠤᠯᠤᠭᠰᠠᠨ ᠡᠵᠡᠨ ᠪᠡᠶᠡ ᠨᠢ | ᠲᠣᠭᠲᠠᠩᠭᠤᠢ ᠰᠢᠨᠵᠢ ᠪᠠᠨ ᠪᠠᠲᠤᠳᠠ ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠶᠢᠵᠤ᠂ ᠮᠠᠨᠤᠰ ᠤᠨ ᠳᠤᠯᠠᠭᠠᠨ ᠠᠯᠠᠭᠠᠨᠠ ᠳᠡᠯᠭᠡᠭᠳᠡᠵᠦ | ᠪᠠᠶᠢᠭᠠ ᠪᠢᠯᠡ᠃ | ᠰᠠᠶᠢᠨ ᠰᠠᠶᠢᠬᠠᠨ᠂ ᠭᠤᠸᠠ ᠲᠠᠩᠰᠤᠭ᠂ ᠲᠥᠪ ᠴᠢᠬᠢᠮᠡᠢ᠂ ᠠᠷᠢᠭᠤᠨ ᠲᠠᠷᠬᠠᠨ ᠪᠣᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ | ᠮᠥᠷᠥᠭᠡᠳᠦᠯ ᠤᠨ ᠲᠣᠷᠭᠠᠨ ᠮᠡᠳᠡᠷᠡᠮᠵᠢ ᠨᠢ ᠶᠤᠮ᠃ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠶᠢᠨ ᠲᠤᠬᠠᠢ ᠵᠥᠪ ᠮᠡᠳᠡᠯᠭᠡ ᠶᠢ ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠳᠤ ᠣᠯᠭᠤᠵᠤ ᠴᠢᠳᠠᠳᠠᠭ ᠨᠣᠮ ᠢ ᠰᠠᠶᠢᠨ ᠨᠣᠮ ᠭᠡᠲᠡᠭ᠃ ᠤᠴᠢᠷ ᠨᠢ ᠵᠥᠪ ᠤᠨᠤᠯ᠂ ᠵᠢᠩᠬᠢᠨᠢ | ᠮᠡᠳᠡᠯᠭᠡ ᠨᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠦᠢᠯᠡᠳᠦᠯᠭᠡ ᠶᠢᠨ ᠵᠥᠪ ᠴᠢᠭᠯᠡᠯ ᠢ ᠵᠢᠯᠤᠭᠤᠳᠴᠤ ᠴᠢᠳᠠᠳᠠᠭ᠃ ᠵᠥᠪ | ᠮᠡᠳᠡᠯᠭᠡ᠂ ᠵᠥᠪ ᠠᠷᠭᠠ ᠶᠢ ᠬᠠᠩᠭᠠᠵᠤ ᠥᠭᠴᠦ ᠴᠢᠳᠠᠬᠤ ᠭᠡᠲᠡᠭ ᠪᠣᠯ ᠰᠠᠶᠢᠨ ᠨᠣᠮ ᠢ ᠦᠨᠡᠯᠡᠬᠦ ᠰᠠᠭᠤᠷᠢ | ᠪᠠᠷᠢᠮᠵᠢᠶᠠ ᠨᠢ ᠲᠡᠷᠨ ᠪᠢᠯᠡ᠃ ᠳᠠᠶᠠᠭᠠᠷ ᠤᠯᠠᠨ ᠳᠤ ᠮᠡᠳᠡᠷᠡᠭᠳᠡᠭᠰᠡᠨ ᠰᠣᠩᠭᠤᠳᠠᠭ ᠨᠣᠮ ᠪᠣᠯ ᠣᠨᠴᠠ ᠰᠠᠶᠢᠨ | ᠨᠣᠮ ᠤᠨ ᠬᠡᠪᠴᠢᠶᠡᠨ ᠳᠤ ᠪᠠᠭᠲᠠᠳᠠᠭ᠃ ᠰᠣᠩᠭᠤᠳᠠᠭ ᠨᠣᠮ ᠪᠢᠴᠢᠭ ᠭᠡᠲᠡᠭ ᠪᠣᠯ ᠥᠨᠢ ᠤᠳᠠᠭᠠᠨ ᠲᠡᠦᠬᠡ ᠶᠢᠨ | ᠤᠷᠤᠰᠬᠠᠯ ᠤᠨ ᠰᠢᠭᠰᠢᠯᠲᠡ ᠰᠣᠩᠭᠤᠯᠲᠠ ᠶᠢ ᠲᠡᠮᠵᠢᠨ᠂ ᠥᠩᠭᠡ ᠭᠢᠯᠪᠠᠭᠠ ᠪᠠᠨ ᠮᠥᠩᠬᠡ ᠬᠠᠳᠠᠭᠠᠯᠠᠵᠤ ᠴᠢᠳᠠᠭᠰᠠᠨ | ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠤᠨ ᠴᠢᠨᠠᠷ ᠲᠠᠢ᠂ ᠡᠷᠬᠡ ᠰᠦᠷᠲᠦ ᠴᠢᠨᠠᠷ᠂ ᠡᠷᠬᠢᠮᠨᠡᠨ ᠨᠠᠨᠳᠢᠩᠨᠠᠬᠤ ᠦᠨᠡ ᠴᠠᠨᠡ ᠪᠦᠬᠦᠢ | ᠪᠦᠭᠦᠶᠢᠯᠨ ᠤᠷᠠᠨ ᠪᠦᠲᠦᠭᠡᠯ ᠢ ᠬᠡᠯᠡᠳᠡᠭ᠃ ᠠᠳᠠᠯᠢ ᠪᠤᠰᠤ ᠴᠠᠭ ᠡᠷᠢᠨ ᠤ ᠲᠦᠷᠦ ᠭᠦᠷᠦᠨ᠂ ᠠᠳᠠᠯᠢ ᠪᠤᠰᠤ | ᠠᠷᠠᠰᠤᠲᠠᠨ ᠶᠠᠰᠤᠲᠠᠨ ᠤ ᠬᠥᠮᠥᠨ ᠠᠷᠠᠳ ᠤᠨ ᠰᠣᠩᠭᠤᠳᠠᠭ ᠨᠣᠮ ᠤᠨ ᠪᠠᠷᠢᠮᠵᠢᠶᠠ ᠨᠢ ᠮᠠᠰᠢ ᠵᠥᠷᠢᠶᠡ ᠲᠠᠢ᠃ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠬᠥᠭᠵᠢᠯ ᠲᠡᠪᠰᠢᠯ ᠤᠨ ᠪᠦᠭᠦᠶᠢᠯᠨ ᠱᠠᠲᠤ ᠦᠶᠡ ᠳᠤ᠂ ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠦᠰᠡᠨ | ᠮᠥᠷᠥᠭᠡᠳᠦᠭᠰᠡᠨ᠂ ᠭᠤᠸᠠ ᠰᠠᠶᠢᠬᠠᠨ ᠢ ᠪᠠᠭ᠋ᠠᠳᠤᠨ ᠪᠠᠭ᠋ᠠᠷᠬᠠᠭᠰᠠᠨ᠂ ᠡᠷᠡᠯᠬᠡᠭ ᠵᠣᠷᠢᠭ ᠢ ᠰᠢᠳᠤᠨ ᠪᠢᠰᠢᠷᠡᠭᠰᠡᠨ᠂ ᠡᠩᠬᠡ | ᠲᠠᠶᠢᠪᠤᠩ ᠢ ᠳᠡᠭᠡᠳᠦᠯᠡᠨ ᠰᠢᠲᠦᠭᠰᠡᠨ ᠵᠡᠷᠭᠡ ᠰᠠᠶᠢᠨ ᠰᠠᠶᠢᠬᠠᠨ᠂ ᠭᠤᠸᠠ ᠭᠠᠶᠢᠬᠠᠮᠰᠢᠭ᠂ ᠡᠩᠬᠡ ᠠᠮᠤᠭᠤᠯᠠᠩ᠂ ᠡᠰᠡᠨᠢᠯ | ᠮᠠᠨᠳᠤᠯ ᠢ ᠵᠣᠷᠢᠭᠰᠠᠨ ᠬᠦᠰᠡᠯ ᠮᠥᠷᠥᠭᠡᠳᠦᠯᠲᠦ ᠴᠢᠭᠯᠡᠯ ᠨᠢ ᠨᠡᠶᠢᠳᠡᠮ ᠳᠡᠭᠡᠨ ᠢᠵᠢᠯ ᠰᠢᠨᠵᠢ ᠲᠠᠢ ᠪᠠᠶᠢᠳᠠᠭ ᠰᠠᠨ᠃ | ᠰᠣᠩᠭᠤᠳᠠᠭ ᠨᠣᠮ ᠪᠢᠴᠢᠭ ᠨᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠢ ᠰᠠᠶᠢᠨ ᠰᠠᠶᠢᠬᠠᠨ ᠵᠦᠭ ᠲᠤ ᠳᠠᠭᠠᠭᠤᠯᠤᠨ᠂ ᠭᠡᠷᠡᠯ | ᠭᠡᠭᠡ ᠵᠦᠭ ᠬᠥᠲᠥᠯᠬᠦ ᠰᠢᠳᠢ ᠤᠪᠠᠳᠢᠰ ᠲᠠᠢ ᠶᠤᠮ᠃ ᠪᠦᠷᠢᠨ ᠪᠦᠲᠦᠨ ᠮᠡᠳᠡᠯᠭᠡ ᠶᠢᠨ ᠬᠡᠯᠬᠢᠶᠡᠰᠦ᠂ | ᠰᠢᠰᠲ᠋ᠧᠮᠵᠢᠭᠰᠡᠨ ᠤᠨᠤᠯ ᠢ ᠬᠠᠩᠭᠠᠵᠤ ᠴᠢᠳᠠᠳᠠᠭ ᠨᠣᠮ ᠨᠢ ᠰᠠᠶᠢᠨ ᠨᠣᠮ ᠳᠤ ᠲᠣᠭᠠᠴᠠᠭᠳᠠᠳᠠᠭ᠃ ᠨᠣᠮ ᠢ | ᠬᠠᠶᠢᠷᠠᠯᠠᠨ ᠤᠩᠰᠢᠬᠤ ᠨᠢ ᠬᠠᠷᠠᠴᠠ ᠬᠠᠷᠠᠭᠠ ᠪᠠᠨ ᠥᠷᠭᠡᠳᠬᠡᠨ᠂ ᠮᠡᠳᠡᠯᠭᠡ ᠮᠡᠳᠡᠴᠡ ᠪᠠᠨ ᠲᠡᠯᠡᠭᠦ ᠶᠢᠨ ᠲᠥᠯᠥᠭᠡ | ᠶᠤᠮᠰᠠᠨ᠃ ᠰᠠᠶᠢᠨ ᠨᠣᠮ ᠪᠣᠯ ᠶᠠᠮᠠᠷ ᠨᠢᠭᠡᠨ ᠬᠦᠷᠢᠶᠡ ᠴᠠᠷᠠᠭᠠ ᠶᠢᠨ ᠬᠤᠪᠢ ᠳᠤ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠳᠤ ᠪᠦᠷᠢᠨ | ᠪᠦᠲᠦᠨ ᠮᠡᠳᠡᠯᠭᠡ ᠶᠢ ᠬᠠᠩᠭᠠᠨ ᠥᠭᠴᠦ᠂ ᠰᠢᠮᠡ ᠭᠦᠷᠲᠡᠭᠦ ᠭᠡᠰᠡᠨ ᠬᠦᠰᠡᠯ ᠢ ᠨᠢ ᠬᠠᠩᠭᠠᠵᠤ ᠴᠢᠳᠠᠳᠠᠭ᠃ | ᠬᠥᠮᠥᠰ ᠲᠤ ᠠᠷᠭᠠ ᠲᠤᠷᠰᠢᠯᠭᠠ ᠬᠠᠩᠭᠠᠨ᠂ ᠶᠠᠪᠤᠳᠠᠯ ᠠᠶᠠᠯᠠᠯ ᠢ ᠨᠢ ᠰᠢᠯᠤᠭᠤᠨ ᠰᠢᠭᠤᠳ ᠪᠤᠯᠭᠠᠵᠤ ᠴᠢᠳᠠᠳᠠᠭ | ᠰᠠᠨ᠃ ᠠᠷᠭᠠ ᠲᠤᠷᠰᠢᠯᠭᠠ ᠭᠡᠲᠡᠭ ᠪᠣᠯ ᠠᠲᠠᠷᠠᠮᠠᠭᠠᠳᠤ ᠠᠮᠢᠳᠤᠷᠠᠯ ᠤᠨ ᠥᠭᠰᠥᠭᠡᠨ ᠳᠤᠮᠳᠠ ᠮᠡᠷᠡᠶᠢᠵᠦ | ᠶᠠᠪᠤᠬᠤ ᠳᠠᠭᠠᠨ ᠬᠤᠷᠠᠮᠳᠤᠭᠤᠯᠵᠤ ᠣᠯᠣᠭᠰᠠᠨ ᠦᠨᠡᠲᠦ ᠡᠷᠳᠡᠨᠢ ᠶᠢ ᠨᠡᠷᠡᠯᠡᠳᠡᠭ ᠶᠤᠮᠰᠠᠨ᠃ | ᠨᠣᠮ ᠪᠢᠴᠢᠭ ᠭᠡᠲᠡᠭ ᠤᠷᠠᠨ ᠪᠦᠲᠦᠭᠡᠯᠴᠢ ᠶᠢᠨ ᠣᠷᠭᠢᠯᠤᠨ ᠪᠠᠳᠠᠷᠠᠭᠰᠠᠨ ᠠᠪᠢᠶᠠᠰ ᠣᠩᠭᠤᠳ᠂ ᠤᠶᠢᠭᠠ | ᠦᠭᠡᠢ ᠶᠡᠭᠡ ᠬᠦᠴᠦ ᠭᠦᠲᠡᠯᠮᠤᠷᠢ ᠪᠠᠷ ᠲᠤᠭᠤᠷᠪᠢᠵᠤ ᠪᠦᠲᠦᠭᠡᠭᠳᠡᠭᠰᠡᠨ ᠤᠶᠤᠨ ᠤᠬᠠᠭᠠᠨ ᠤ ᠰᠢᠳᠢᠲᠦ ᠲᠠᠷᠠᠰᠤ | ᠪᠢᠯᠡ᠃ ᠶᠠᠳᠠᠷᠠᠭᠰᠠᠨ ᠴᠠᠭ ᠲᠤ ᠲᠡᠩᠬᠡᠭᠡ ᠬᠠᠶᠢᠷᠠᠯᠠᠵᠤ᠂ ᠤᠮᠳᠠᠭᠠᠰᠤᠭᠰᠠᠨ ᠦᠶᠡ ᠳᠤ ᠷᠠᠰᠢᠶᠠᠨ ᠪᠣᠯᠵᠤ᠂ | ᠮᠤᠬᠤᠷᠳᠠᠭᠰᠠᠨ ᠦᠶᠡ ᠳᠤ ᠴᠠᠮᠬᠠᠭ ᠪᠣᠯᠵᠤ᠂ ᠴᠤᠴᠠᠷᠲᠠᠬᠰᠠᠨ ᠴᠠᠭ ᠲᠤ ᠲᠠᠶᠢᠳᠬᠤᠷᠠᠯ ᠪᠤᠯᠲᠠᠭ ᠴᠤᠬᠠᠭ ᠡᠷᠳᠡᠨᠢ | ᠶᠤᠮ᠃ ᠨᠣᠮ ᠢ ᠭᠠᠷ ᠲᠠᠭᠠᠨ ᠪᠠᠷᠢᠵᠤ᠂ ᠨᠢᠳᠦ ᠪᠠᠷ ᠦᠰᠦᠭ ᠢ ᠨᠢ ᠦᠭᠦᠭᠡᠷᠳᠤᠨ᠂ ᠤᠳᠬᠠ ᠶᠢ ᠨᠢ | ᠴᠡᠭᠡᠵᠢᠨ ᠳᠡᠭᠡᠨ ᠲᠤᠩᠭᠠᠵᠤ᠂ ᠵᠦᠢ ᠶᠢ ᠨᠢ ᠪᠢᠰᠢᠯᠭᠠᠨ ᠪᠠᠶᠢᠵᠤ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠠᠯᠬᠤᠭᠠ ᠶᠠᠪᠤᠴᠠ ᠪᠣᠯᠭᠠᠨ | ᠨᠣᠮ ᠪᠢᠴᠢᠭ ᠤᠨ ᠰᠢᠳᠢ ᠤᠪᠠᠳᠢᠰ ᠢ ᠨᠢ ᠮᠡᠳᠡᠷᠡᠵᠦ ᠶᠠᠪᠤᠵᠠᠭᠠᠶᠠ︕ | | |