| ᠡᠮᠧ ᠮᠢᠨᠢ ᠪᠤᠷᠭᠠᠰᠤᠨ ᠳᠥᠬᠦᠯ ᠠᠴᠠ ᠬᠠᠩᠰᠢ ᠶᠢ ᠬᠤᠷᠮᠣᠶᠢᠯᠠᠭᠠᠳ ᠢᠷᠡᠮᠡᠷ ᠰᠠᠨᠠᠭᠳᠠᠬᠤ ᠪᠠᠷ | ᠡᠭᠡᠰᠢᠭᠯᠡᠩᠳᠤ ᠮᠥᠴᠢᠷ ᠠᠩᠭᠠᠬᠠᠢ ᠶᠢᠨ ᠨᠢᠳᠦ ᠰᠢᠭ᠋ ᠭᠥᠯᠥᠭᠡᠯᠡᠭᠴᠢ | ᠨᠡᠭᠡᠭᠡᠭᠰᠡᠨ ᠬᠠᠩᠰᠢ ᠮᠢᠨᠤ | ᠭᠠᠯᠠᠭᠤᠳ ᠤᠨ ᠡᠭᠡᠰᠢᠭ ᠠᠷᠰᠯᠠᠨ ᠤ ᠵᠣ ᠰᠢᠭ᠋ ᠨᠢᠷᠤᠭᠤᠳ ᠢᠶᠠᠷ ᠠᠶᠠᠯᠭᠤ ᠤᠨᠠᠭᠠᠵᠤ ᠤᠮᠠᠷᠠᠰᠢᠯᠠᠬᠤ ᠳᠤ | ᠭᠠᠵᠠᠷ ᠲᠤ ᠰᠢᠩᠭᠡᠭᠰᠡᠳ ᠢᠶᠠᠨ ᠭᠠᠩᠰᠠᠷᠠᠲᠠᠯᠠ ᠦᠭᠡᠶᠢᠯᠡᠭᠴᠢ | ᠨᠣᠶᠢᠲᠠᠨ ᠭᠤᠨᠢᠭ ᠮᠢᠨᠤ | | | ᠠᠪᠤ ᠮᠢᠨᠢ ᠶᠢᠰᠦᠨ ᠪᠤᠯᠠᠭ ᠤᠨ ᠴᠠᠭᠠᠨᠠᠬᠠᠨ ᠠᠴᠠ ᠨᠠᠳᠠ ᠤᠷᠤᠭᠤ ᠢᠷᠡᠮᠡᠷ ᠪᠤᠳᠤᠬᠳᠠᠬᠤ ᠪᠠᠷ | ᠠᠮᠤᠭᠤᠯᠠᠩ ᠰᠥᠨᠢ ᠶᠢᠨ ᠡᠷᠭᠢ ᠶᠢ ᠨᠢᠯᠪᠤᠰᠤ ᠪᠠᠷ ᠴᠠᠴᠠᠭᠠᠨ ᠨᠤᠷᠠᠭᠠᠭᠴᠢ | ᠨᠡᠭᠡᠭᠡᠭᠰᠡᠨ ᠬᠠᠩᠰᠢ ᠮᠢᠨᠤ | ᠮᠠᠩᠭᠢᠷᠳᠤ ᠶᠢᠨ ᠭᠤᠪᠢ ᠳᠤ ᠶᠠᠪᠤᠭᠤᠯ ᠰᠠᠯᠬᠢ ᠬᠤᠯᠠᠨ ᠤ ᠭᠦᠶᠦᠳᠡᠯ ᠢᠶᠠᠷ ᠬᠤᠶᠢᠯᠠᠷᠠᠪᠠᠴᠤ | ᠮᠠᠩᠬᠠᠨ ᠬᠥᠯ ᠤᠨ ᠪᠤᠯᠠᠰᠢᠨ ᠡᠩᠭᠡᠷ ᠰᠡᠳᠬᠢᠯ ᠢᠶᠠᠨ ᠲᠦᠷᠴᠢᠭᠢᠨᠡᠲᠡᠯᠡ ᠰᠢᠲᠠᠭᠠᠭᠴᠢ | ᠭᠠᠭᠴᠠᠬᠠᠨ ᠰᠦᠵᠢᠭ ᠮᠢᠨᠤ | | | ᠰᠡᠳᠬᠢᠯ ᠤᠨ ᠭᠡᠳᠡ ᠪᠠᠷ ᠵᠤᠯᠠ ᠶᠢᠨ ᠪᠠᠳᠮᠠ ᠪᠠᠨ ᠠᠰᠠᠭᠠᠵᠤ ᠲᠣᠲᠣᠭᠤ ᠪᠠᠷ ᠰᠢᠷᠭᠤᠯᠠᠬᠤ ᠪᠠᠷ | ᠠᠪᠤ ᠶᠢᠨ ᠮᠢᠨᠢ ᠭᠦᠷᠦᠭ ᠬᠤᠶᠢᠮᠤᠷ ᠲᠤ ᠠᠶᠢᠪᠤᠭᠤᠬᠠᠨ ᠮᠢᠰᠢᠶᠡᠭᠴᠢ | ᠨᠡᠭᠡᠭᠡᠭᠰᠡᠨ ᠬᠠᠩᠰᠢ ᠮᠢᠨᠤ | ᠠᠴᠢᠯᠠᠯ ᠢᠶᠠᠨ ᠭᠦᠢᠴᠡᠳᠬᠡᠵᠦ ᠭᠠᠵᠠᠷ ᠲᠡᠪᠡᠷᠢᠭᠡᠳ ᠭᠡᠭᠡᠨ ᠰᠦᠨᠡᠰᠦ ᠶᠢ ᠲᠠᠨᠢ ᠨᠣᠴᠣᠭᠠᠬᠤ ᠳᠤ | ᠠᠰᠬᠠᠷᠠᠬᠤᠢ ᠨᠢᠯᠪᠤᠰᠤᠨ ᠳᠤ ᠳᠡᠯᠡᠬᠡᠢ ᠨᠢᠯᠬᠠᠷᠠᠳᠠᠭ ᠠᠨᠢᠰᠬᠠ ᠴᠢᠭᠢᠭᠲᠡᠢ | ᠤᠶᠢᠳᠬᠠᠷᠲᠤ ᠭᠱᠠᠨ ᠮᠢᠨᠤ | | | ᠡᠯᠪᠡᠷᠢᠯ ᠲᠠᠬᠢᠮᠳᠠᠭᠤ ᠪᠠᠷ ᠵᠢᠷᠤᠮ ᠢ ᠭᠦᠢᠴᠡᠳᠭᠡᠭᠴᠢ ᠬᠥᠮᠥᠨ ᠲᠦᠷᠦᠭᠰᠡᠳ ᠤᠨ ᠶᠣᠰᠣᠨ | ᠲᠤᠮᠤᠭ ᠤᠨ ᠥᠬᠢᠨ ᠮᠡᠲᠦ ᠭᠡᠭᠡᠨ᠂ ᠳᠣᠷᠣᠨᠠᠳᠠᠬᠢᠨ ᠤ ᠪᠣᠯᠪᠠᠰᠤᠨ ᠴᠠᠭᠠᠨ ᠬᠠᠳᠠᠭ | ᠨᠡᠭᠡᠭᠡᠭᠰᠡᠨ ᠬᠠᠩᠰᠢ ᠮᠢᠨᠤ | ᠠᠴᠢᠯᠠᠯ ᠢᠶᠠᠷ ᠪᠠᠲᠤ ᠶᠢ ᠱᠤᠭᠤᠭᠴᠢ ᠬᠠᠷᠠ ᠲᠡᠷᠢᠭᠦᠲᠡᠳ ᠤᠨ ᠰᠢᠳᠤᠷᠭᠤ ᠰᠠᠬᠢᠯ | ᠢᠵᠠᠭᠤᠷ ᠰᠣᠶᠣᠯ᠂ ᠰᠣᠪᠠᠰᠢᠳᠢ ᠶᠢᠨ ᠣᠷᠣᠨ ᠤ ᠪᠡᠯᠭᠡᠲᠦ ᠴᠠᠭᠠᠨ ᠴᠡᠴᠡᠭ | ᠰᠦᠮᠡᠨ ᠴᠡᠩᠬᠡᠷ ᠪᠤᠳᠤᠯ ᠮᠢᠨᠤ | | | ᠬᠠᠪᠤᠷ ᠤᠨ ᠪᠣᠷᠤᠭᠠ ᠪᠠᠷ ᠠᠭᠢ ᠨᠢᠳᠦᠯᠡᠨ ᠭᠠᠵᠠᠷ ᠤᠨ ᠪᠣᠷᠣ ᠵᠤᠯᠠᠢ ᠨᠢᠯᠬᠠᠷᠠᠬᠤ ᠪᠠᠷ | ᠬᠠᠷᠭᠠᠨᠠ ᠶᠢᠨ ᠴᠡᠴᠡᠭᠡᠰ ᠬᠠᠳᠠᠭ ᠳᠡᠯᠭᠡᠭᠰᠡᠨ ᠰᠢᠭ ᠴᠠᠶᠢᠯᠵᠠᠲᠠᠯᠠ ᠳᠡᠯᠭᠡᠷᠡᠭᠴᠢ | ᠨᠡᠭᠡᠭᠡᠭᠰᠡᠨ ᠬᠠᠩᠰᠢ ᠮᠢᠨᠤ | ᠬᠠᠳᠠᠨ ᠤ ᠬᠥᠨᠳᠡᠢ ᠪᠠᠷ ᠭᠤᠷᠤᠬᠠ ᠡᠭᠡᠰᠢᠭᠯᠡᠨ ᠭᠤᠣᠯ ᠭᠤᠨᠢᠶᠠᠯᠲᠠᠢ ᠳᠠᠭᠤᠯᠠᠭᠠᠳ | ᠬᠠᠯᠢᠬᠰᠠᠳ ᠤᠨ ᠠᠮᠤᠷᠯᠢᠩᠭᠤᠢ ᠶᠢ ᠳᠠᠭᠠᠳᠬᠠᠭᠴᠢ | ᠴᠠᠮᠢᠨ ᠴᠠᠭᠠᠨ ᠰᠡᠳᠬᠢᠯ ᠮᠢᠨᠤ | | | |