| ᠡᠭᠡᠪᠦᠷ ᠲᠠᠭᠠᠬᠰᠠᠨ ᠴᠠᠰᠤ ᠵᠠᠬᠠ ᠭᠦᠪᠡᠭᠡ ᠠᠴᠠ ᠪᠠᠨ ᠰᠡᠮᠡᠷᠡᠨ ᠬᠠᠶᠢᠯᠵᠤ᠂ ᠨᠤᠲᠤᠭ ᠤᠨ ᠪᠣᠷᠣᠬᠠᠨ | ᠰᠢᠪᠠᠭᠤᠳ ᠨᠠᠷᠠ ᠲᠠᠢ ᠤᠷᠤᠯᠳᠤᠵᠤ ᠱᠤᠯᠤᠭᠠᠨᠠᠯᠳᠤᠨ᠂ ᠨᠢᠳᠦ ᠨᠢ ᠰᠡᠷᠭᠦᠭᠰᠡᠨ ᠰᠢᠳᠦᠯᠡᠩ ᠤᠳ ᠰᠡᠭᠦᠯ | ᠰᠣᠭᠰᠣᠶᠢᠯᠭᠠᠨ ᠰᠣᠷᠲᠣᠭᠤᠯᠠᠵᠤ᠂ ᠬᠥᠳᠡᠭᠡ ᠶᠢᠨ ᠪᠡᠯᠴᠢᠭᠡᠷ ᠲᠤ ᠲᠣᠶᠢᠭ ᠤᠨ ᠲᠠᠭᠤᠨ ᠠᠶᠢᠵᠠᠮᠯᠠᠨ ᠤᠶᠠᠩᠭᠠᠷᠠᠭᠠᠳ | ᠁ ᠮᠢᠨᠤ ᠨᠤᠲᠤᠭ ᠤᠨ ᠬᠠᠪᠤᠷ ᠳᠠᠭᠤᠲᠠᠢ ᠱᠤᠤᠳᠠᠢ ᠰᠠᠭᠠᠲᠠᠳᠠᠭ ᠰᠠᠨ᠃ | ᠤᠶᠠᠩᠭᠠ ᠡᠭᠡᠰᠢᠭ ᠬᠠᠩᠭᠢᠨᠠᠨ᠂ ᠤᠯᠠᠨ ᠠᠵᠢᠯ ᠭᠦᠪᠦᠷᠡᠭᠰᠡᠨ ᠭᠦᠳᠡᠯᠮᠦᠷᠢ ᠶᠢᠨ ᠤᠷᠢᠶᠠ ᠲᠠᠢ ᠬᠠᠪᠤᠷ ᠤᠨ | ᠤᠯᠠᠷᠢᠯ ᠰᠠᠶᠢᠬᠠᠨ ᠠᠴᠠ ᠰᠠᠶᠢᠬᠠᠨ ᠠ᠋᠃ ᠬᠤᠷᠠᠭᠠ ᠢᠰᠢᠭᠡ ᠠᠮᠠᠳᠠᠭᠤᠯᠬᠤ᠂ ᠬᠤᠷᠤᠭᠠ ᠬᠤᠳᠠ ᠬᠠᠭᠤᠷᠠᠶᠢᠯᠠᠬᠤ | ︵ᠨᠤᠷᠠᠯᠠᠬᠤ︶᠂ ᠬᠠᠭᠠᠷᠬᠠᠢ ᠴᠤᠭᠤᠷᠬᠠᠢ ᠥᠮᠥᠷᠡᠭᠦᠯᠬᠦ ︵ᠣᠶᠣᠬᠤ︶ ᠁ ᠭᠡᠳ ᠡᠵᠢ ᠶᠢᠨ ᠠᠵᠢᠯ ᠮᠤᠩᠳᠠᠬᠤ ᠦᠭᠡᠢ᠃ | ᠲᠥᠯ ᠲᠠᠯᠪᠢᠬᠤ᠂ ᠬᠤᠨᠢ ᠲᠣᠶᠢᠭᠯᠠᠬᠤ᠂ ᠲᠥᠯ ᠤᠨ ᠵᠤᠩᠭᠠᠭ ᠴᠡᠪᠡᠷᠯᠡᠬᠦ ᠁ ᠭᠡᠳ ᠮᠢᠨᠤ ᠠᠵᠢᠯ ᠴᠦ | ᠬᠢᠷᠢ ᠳᠡᠭᠡᠨ ᠶᠠᠭᠠᠷᠠᠤ᠃ ᠵᠠ᠂ ᠡᠶᠢᠮᠦ ᠬᠤᠶᠠᠷ ᠠᠵᠢᠯᠰᠠᠭ ᠬᠥᠮᠥᠨ ᠡᠨᠡ ᠠᠶᠢᠯ ᠤᠨ ᠭᠡᠷ ᠣᠷᠣᠨ᠂ ᠬᠤᠳᠠ | ᠬᠤᠷᠣᠭᠠᠨ ᠤ ᠳᠤᠮᠳᠠ ᠬᠤᠯᠬᠢᠵᠤ ᠥᠨᠵᠢᠳᠡᠭ ᠪᠣᠯ ᠲᠦᠯᠡᠭᠡ ᠤᠰᠤ ᠲᠡᠩᠨᠡᠬᠦ᠂ ᠡᠮᠨᠢᠭ ᠲᠤᠬᠰᠢᠨ ᠰᠤᠷᠭᠠᠬᠤ᠂ ᠰᠢᠭᠡᠭ | ᠬᠥᠷᠵᠡᠩ ᠭᠢᠰᠬᠢᠬᠦ ᠁ ᠭᠡᠳ ᠠᠪᠤ ᠲᠡᠷᠢᠭᠦᠲᠡᠢ ᠮᠠᠨ ᠤ ᠡᠷᠡᠴᠦᠦᠯ ᠤᠨ ᠠᠵᠢᠯ ᠴᠦ ᠵᠠᠬᠠ ᠠᠴᠠ ᠠᠪᠤᠨ᠂ | ᠵᠠᠮ ᠠᠴᠠ ᠦᠷᠭᠦᠯᠵᠢᠯᠡᠨᠡ᠃ | ᠮᠠᠯ ᠪᠡᠭᠡᠷᠡᠭ ᠪᠣᠯᠣᠨᠠ ᠭᠡᠳ ᠮᠠᠨ ᠤ ᠬᠢ ᠬᠤᠨᠢ ᠮᠠᠯ ᠢᠶᠠᠨ ᠬᠤᠷᠢᠵᠤ ᠬᠠᠰᠢᠶᠠᠯᠠᠬᠤ ᠶᠢ ᠲᠠᠭᠠᠯᠠᠬᠤ ᠦᠭᠡᠢ᠃ | ᠫᠧᠩ ᠰᠠᠷᠠᠪᠴᠢ᠂ ᠬᠤᠷᠤᠭᠠ ᠬᠠᠰᠢᠶᠠ ᠮᠡᠲᠦ ᠶᠢᠨ ᠪᠠᠷᠢᠯᠭᠠ ᠲᠥᠬᠦᠭᠡᠷᠦᠮᠵᠢ ᠶᠢᠨ ᠲᠠᠯᠠ ᠪᠠᠷ ᠭᠠᠪᠢᠬᠤ ᠦᠭᠡᠢ ᠴᠦ | ᠭᠡᠯᠡ ᠬᠤᠨᠢ ᠪᠠᠨ ᠪᠡᠭᠡᠷᠡᠭᠦᠯᠦᠨ᠂ ᠢᠮᠠᠭᠠ ᠪᠠᠨ ᠲᠠᠷᠤᠴᠠᠭᠤᠯᠵᠤ᠂ ᠭᠦᠭ ᠢᠶᠠᠨ ᠲᠠᠷᠢᠨ ᠬᠥᠳᠥᠰᠥ ᠪᠠᠨ ᠴᠢᠷᠴᠦ | ᠪᠠᠶᠢᠭᠠ ᠦᠭᠡᠢ᠃ | ᠶᠢᠰᠦ ᠣᠷᠣᠬᠤ ᠳᠤ ᠮᠠᠯ ᠢᠶᠠᠨ ᠬᠥᠷᠵᠡᠩ ᠢᠶᠠᠷ ᠪᠠᠷᠢᠭᠰᠠᠨ ᠵᠠᠳᠠᠭᠠᠢ ᠬᠤᠷᠣᠭᠠᠨ ᠳᠤ ᠬᠤᠷᠢᠵᠤ᠂ ᠲᠠᠪᠤ ᠶᠢᠰᠦ | ᠲᠣᠭᠠᠯᠠᠩᠭᠤᠲᠠ ︽ᠮᠠᠯ ᠤᠨ ᠭᠡᠭᠡᠯ ᠰᠢᠬᠠᠴᠢᠬᠠᠨᠠ︕︾ ᠭᠡᠳ ᠵᠠᠳᠠᠭᠠᠢ ᠬᠤᠨᠣᠭᠤᠯᠤᠨ᠂ ᠠᠪᠤ ᠡᠵᠢ ᠬᠤᠶᠠᠷ | ᠡᠭᠡᠯᠵᠢᠯᠡᠨ ᠬᠤᠳᠠ ᠡᠷᠭᠢᠵᠦ ᠨᠢᠯᠬᠠ ᠲᠥᠯ ᠢᠶᠠᠨ ᠡᠰᠡᠨ ᠮᠡᠨᠳᠦ ᠲᠤᠰᠤᠨᠠ᠃ ᠲᠠᠩ ᠪᠦᠷᠢᠶᠡᠰᠦ ᠲᠠᠢ ᠭᠡᠷ ᠢᠶᠠᠨ | ᠲᠥᠭᠡ ᠵᠤᠵᠠᠭᠠᠨ ᠨᠤᠷᠠᠯᠠᠭᠠᠳ ᠪᠠᠷᠠᠭᠤᠨ ᠬᠤᠶᠢᠲᠤ ᠬᠠᠶᠠᠭᠠ ᠪᠠᠷ ᠨᠢ ᠬᠥᠷᠵᠡᠩ ᠢᠶᠠᠷ ᠲᠠᠰᠤᠯᠪᠤᠷᠢ ᠪᠠᠷᠢᠵᠤ ᠨᠢᠯᠬᠠ | ᠲᠥᠯ ᠢᠶᠠᠨ ᠬᠤᠷᠢᠵᠤ᠂ ᠭᠦᠷᠦᠪᠡ ᠶᠢ ᠨᠢ ᠲᠥᠯ ᠤᠨ ᠭᠡᠷ ᠭᠡᠵᠦ ᠪᠡᠯᠡᠳᠬᠡᠭᠰᠡᠨ ᠮᠣᠩᠭᠤᠯ ᠭᠡᠷ ᠲᠡᠭᠡᠨ ᠵᠠᠳᠠᠭᠠᠢ | ᠬᠤᠨᠣᠭᠤᠯᠤᠨᠠ᠃ ᠲᠥᠯ ᠬᠡᠴᠢᠨᠡᠨ ᠤᠯᠠᠨ ᠴᠦ ᠮᠠᠯ ᠲᠥᠯᠯᠡᠵᠦ ᠳᠠᠭᠤᠰᠬᠤ ᠠᠴᠠ ᠡᠮᠦᠨᠡ ᠮᠠᠯ ᠬᠠᠰᠢᠶᠠᠯᠠᠵᠤ ᠲᠥᠯ | ᠢᠯᠠᠭᠠᠠᠤ ᠶᠢ ᠮᠡᠳᠡᠬᠦ ᠦᠭᠡᠢ᠃ ᠵᠠᠭᠤ ᠭᠠᠷᠤᠢ ᠬᠤᠶᠠᠷ ᠵᠠᠭᠤ ᠰᠢᠬᠠᠮ ᠬᠤᠷᠠᠭᠠ ᠶᠢ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠪᠠᠷᠢᠵᠤ | ᠵᠥᠭᠡᠭᠡᠳᠡᠭ᠃ ᠬᠥᠷᠥᠪᠡᠵᠢᠭᠰᠡᠨ ᠬᠤᠷᠠᠭᠠ ᠪᠠᠷᠢᠬᠤ ᠳᠤ ᠬᠡᠴᠡᠭᠦᠦ᠃ ᠠᠷᠠᠢ ᠭᠡᠵᠦ ᠪᠠᠷᠢᠭᠠᠳ ᠰᠤᠭᠤᠪᠴᠢᠯᠠᠬᠤ ᠪᠠᠷ | ᠴᠠᠳᠬᠤᠯᠠᠩ ᠭᠡᠳᠡᠰᠦ ᠨᠢ ᠳᠣᠭᠤᠭᠰᠢ ᠪᠠᠨ ᠤᠨᠵᠢᠨ ᠬᠤᠶᠢᠲᠤ ᠬᠥᠯ ᠨᠢ ᠭᠠᠵᠠᠷ ᠲᠠᠢ ᠦᠷᠭᠦᠯᠵᠢᠯᠡᠨᠡ᠃ | ᠰᠤᠭᠤᠪᠴᠢᠯᠠᠭᠰᠠᠨ ᠡᠵᠡᠨ ᠨᠢ ᠠᠷᠭᠠ ᠦᠭᠡᠢ ᠵᠢᠵᠢᠭᠬᠡᠨ ᠪᠣᠯᠣᠭᠠᠳ ᠲᠡᠷᠡ ᠪᠢᠵᠡ᠃ ᠲᠥᠯ ᠢᠶᠠᠨ ᠡᠷᠭᠦᠵᠦ ︵ᠲᠥᠯ | ᠪᠠᠷᠢᠵᠤ ᠬᠤᠷᠢᠶᠠᠯᠠᠬᠤ ᠶᠢ ᠲᠥᠯ ᠡᠷᠭᠦᠨᠡ ᠭᠡᠳᠡᠭ︶ ᠳᠠᠭᠤᠰᠤᠮᠠᠭᠴᠠ ᠰᠣᠯᠢ᠂ ᠴᠠᠬᠢᠯᠳᠠᠭ᠂ ᠲᠡᠷᠡᠰᠦᠨ ᠤ ᠥᠯᠥᠩ ᠢ | ᠨᠠᠷᠢᠨ ᠰᠢᠳᠠᠮ ᠢᠶᠠᠷ ᠴᠢᠩᠭᠠ ᠪᠣᠭᠤᠵᠤ᠂ ᠤᠨᠢᠨ ᠠᠴᠠ ᠠᠳᠡ ᠲᠡᠨᠳᠡ ᠦᠭᠡᠢ ᠵᠢᠷᠢᠢᠲᠡᠯᠡ ᠤᠶᠠᠨ᠂ ᠲᠥᠯ | ᠬᠤᠵᠢᠷᠰᠢᠨᠠ ᠬᠡᠮᠡᠨ ᠬᠠᠨᠠ ᠶᠢᠨ ᠨᠢᠳᠦᠨ ᠳᠤ ᠪᠤᠳᠠᠷᠭᠠᠨᠠ ᠬᠠᠪᠴᠢᠭᠤᠯᠤᠨᠠ᠃ ᠵᠢᠪᠠᠷ ᠲᠤ ᠭᠠᠷᠴᠤ᠂ ᠰᠡᠷᠢᠭᠦᠨ ᠳᠤ | ᠬᠥᠷᠥᠪᠡᠵᠢᠭᠰᠡᠨ ᠲᠥᠯ ᠨᠤᠤᠬᠠᠲᠤᠵᠤ ᠠᠮᠠᠷᠤᠳᠠᠬᠤ ᠶᠢᠨ ᠵᠤᠪᠠᠯᠠᠩ ᠦᠭᠡᠢ ᠪᠦᠭᠡ ᠥᠯᠴᠢᠷ ᠪᠠᠶᠢᠳᠠᠭ ᠨᠢ ᠮᠠᠯ ᠢᠶᠠᠨ | ᠰᠡᠷᠢᠭᠦᠨ ᠣᠷᠴᠢᠨ ᠳᠤ ᠮᠠᠯᠵᠢᠭᠰᠠᠨ ᠤ ᠠᠴᠢ ᠪᠤᠶᠤ᠃ | ᠰᠠᠭᠠᠭᠰᠠᠨ ᠮᠠᠯ ᠰᠦ ᠲᠠᠢ ᠲᠥᠯᠯᠡᠳᠡᠭ ᠭᠡᠳ ᠮᠠᠨ ᠤ ᠬᠢ ᠮᠠᠯ ᠢᠶᠠᠨ ᠰᠠᠭᠠᠵᠤ ᠰᠢᠪᠳᠤᠷᠬᠤ ᠶᠢ ᠮᠠᠰᠢ | ᠡᠷᠬᠢᠮᠯᠡᠨᠡ᠃ ᠵᠤᠨ ᠳᠠᠭᠠᠨ ᠬᠤᠨᠢ ᠪᠠᠨ ᠬᠤᠯᠪᠣᠵᠤ ᠰᠠᠭᠠᠳᠠᠭ ᠪᠣᠯ ᠬᠠᠪᠤᠷ ᠲᠠᠭᠠᠨ ᠬᠤᠷᠠᠭᠠᠯᠠᠭᠰᠠᠨ ᠬᠤᠨᠢᠳ ᠢᠶᠠᠨ | ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠪᠠᠷᠢᠵᠤ ᠤᠴᠢᠬᠯᠠᠳᠠᠭ᠃ ᠮᠠᠨ ᠤ ᠬᠤᠨᠢᠳ ᠰᠦ ᠲᠠᠢ ᠲᠥᠯᠯᠡᠨᠡ᠃ ︽ᠰᠦ ᠪᠠᠨ ᠪᠠᠷᠠᠬᠤ ᠦᠭᠡᠢ | ᠴᠠᠳᠬᠤᠯᠳᠠᠭᠠᠳ ᠤᠭᠤᠷᠠᠭ ᠨᠢ ᠵᠠᠩᠭᠢᠷᠠᠵᠤ ᠪᠠᠭᠠᠰᠤ ᠰᠢᠭᠡᠰᠦ ᠠᠯᠳᠠᠬᠤ ᠪᠤᠢ᠃ ᠲᠡᠯᠡᠩ ᠨᠢ ᠴᠢᠨᠦᠵᠦ ᠰᠦ ᠨᠢ | ᠲᠠᠲᠠᠷᠠᠬᠤ ᠪᠤᠢ ᠁︾ ᠭᠡᠳ ᠬᠤᠨᠢ ᠬᠤᠷᠠᠭᠠᠯᠠᠵᠤ ᠡᠬᠢᠯᠡᠩᠭᠦᠲᠡ ᠬᠤᠨᠢ ᠤᠴᠢᠬᠯᠠᠬᠤ ᠠᠵᠢᠯ ᠢᠳᠡ ᠭᠦᠭ ᠲᠠᠢ | ᠥᠷᠨᠢᠨᠡ᠃ ᠠᠪᠤ ᠡᠵᠢ ᠪᠢᠳᠠ ᠭᠤᠷᠪᠠᠭᠤᠯᠠ ᠬᠤᠨᠢ ᠤᠴᠢᠬᠯᠠᠵᠤ ︵ᠰᠠᠭᠠᠵᠤ︶᠂ ᠬᠦᠦᠴᠦᠦᠯ ᠬᠤᠨᠢᠳ ᠢ ᠰᠢᠭᠢᠷᠡᠳᠡᠨ | ᠪᠠᠷᠢᠵᠤ᠂ ᠬᠦᠵᠦᠭᠦᠦ ᠪᠠᠷ ᠨᠢ ᠰᠤᠭᠤᠪᠴᠢᠯᠠᠨ ᠬᠥᠳᠡᠯᠭᠡᠬᠦ ᠦᠭᠡᠢ ᠵᠣᠭᠰᠣᠭᠠᠵᠤ ᠤᠴᠢᠬᠯᠠᠭᠤᠯᠤᠨᠠ᠃ ᠬᠥᠬᠦ | ᠲᠡᠯᠡᠩ ᠳᠡᠭᠡᠨ ᠭᠠᠷ ᠬᠦᠷᠭᠡᠭᠦᠯᠵᠦ ᠦᠵᠡᠭᠡ ᠦᠭᠡᠢ ᠨᠡᠮᠡᠷᠢ ᠶᠢᠨ ᠵᠤᠰᠠᠭ ᠤᠳ ᠳᠡᠪᠬᠡᠷᠦᠨ ᠰᠠᠭᠤᠯᠠᠭᠠ ᠲᠠᠢ ᠰᠦ | ᠴᠠᠯᠭᠢᠭᠤᠯᠤᠨᠠ᠃ ︽ᠰᠠᠭᠤᠯᠠᠭᠠ ᠪᠠᠨ ᠬᠤᠶᠠᠷ ᠡᠪᠦᠳᠦᠭ ᠢᠶᠠᠷ ᠢᠶᠠᠨ ᠰᠠᠶᠢᠨ ᠬᠠᠪᠴᠢᠪᠠᠯ ᠶᠠᠭᠠᠬᠢᠳᠠᠭ ᠶᠤᠮ︖ | ᠰᠠᠭᠠᠯᠢ ᠰᠦ ᠠᠰᠬᠠᠪᠠᠯ ᠮᠠᠯ ᠤᠨ ᠪᠤᠶᠠᠨ ᠬᠠᠷᠢᠴᠢᠬᠠᠨᠠ︕︾ ᠭᠡᠵᠦ ᠠᠪᠤ ᠡᠵᠢ ᠵᠢᠮᠡᠯᠡᠨᠡ᠃ ᠬᠦᠦᠴᠦᠦᠯ ᠲᠤᠬᠰᠢᠨ | ᠬᠤᠨᠢᠳ ᠢ ᠨᠣᠮᠣᠬᠠᠨ ᠵᠣᠭᠰᠤᠭᠠᠬᠤ ᠭᠡᠵᠦ ᠬᠥᠯ ᠭᠠᠷ ᠢᠶᠠᠨ ᠭᠢᠰᠬᠢᠭᠦᠯᠦᠨ ᠨᠢᠰᠤ ᠬᠥᠯᠥᠰᠦ ᠪᠠᠨ ᠭᠤᠭᠤᠵᠢᠭᠤᠯᠵᠤ᠂ | ᠪᠤᠳᠤᠯᠢᠬᠤ ᠶᠢᠨ ᠶᠡᠭᠡ ᠪᠠᠷ ᠪᠤᠳᠤᠯᠢᠭᠰᠠᠨ ᠴᠦ ᠮᠠᠯ ᠬᠤᠢ ᠲᠠᠢ ᠨᠣᠴᠣᠯᠳᠤᠵᠤ ᠪᠢᠷᠠ ᠲᠡᠩᠬᠡᠭᠡ ᠣᠷᠣᠨ ᠪᠡᠶᠡ ᠬᠠᠷᠠ | ᠨᠢ ᠥᠰᠦᠨᠡ᠃ ᠮᠠᠨ ᠤ ᠲᠣᠮᠣᠴᠤᠤᠯ ︽ᠭᠡᠳᠡᠰᠦ ᠴᠠᠳᠬᠤᠯᠠᠩ ᠪᠣᠯ ᠬᠡᠦᠬᠡᠳ ᠶᠠᠮᠠᠷ ᠶᠠᠳᠠᠷᠠᠨᠠ ᠭᠡᠵᠦ ᠪᠠᠶᠢᠬᠤ ᠪᠢᠰᠢ᠃ | ᠶᠣᠰᠣᠲᠠᠢ ᠨᠡᠷᠡ ᠦᠭᠡᠢ ᠬᠥᠳᠡᠯᠮᠦᠷᠢᠴᠢᠳ︕︾ ᠭᠡᠵᠦ ᠱᠤᠪᠤᠭᠤᠷᠳᠠᠬᠤ ᠳᠤᠷᠠᠲᠠᠢ᠃ ᠰᠦ ᠲᠠᠢ ᠴᠠᠢ ᠤᠤᠭᠤᠵᠤ᠂ | ᠴᠢᠨᠠᠭᠰᠠᠨ ᠤᠭᠤᠷᠠᠭ ᠢᠳᠡᠨ᠂ ᠱᠣᠪᠣᠭᠤᠷ ᠮᠠᠯᠠᠭᠠᠢ ᠪᠠᠷ ᠭᠤᠶᠣᠯᠠᠭᠰᠠᠨ ᠮᠠᠨ ᠤ ᠠᠬᠠ ᠳᠡᠭᠦᠦ ᠭᠡᠳᠦ ᠶᠢᠨ ᠬᠥᠯ | ᠡᠨᠡᠬᠡᠨ ᠦᠭᠡᠨ ᠳᠤ ᠯᠡ ᠬᠥᠩᠭᠡᠷᠡᠭᠡᠳ ᠢᠷᠡᠨᠡ ᠳ᠋ᠠ᠃ | ᠬᠥᠳᠡᠭᠡ ᠬᠤᠨᠢ ᠬᠤᠷᠠᠭᠠᠯᠠᠵᠤ ᠬᠤᠷᠠᠭᠠ ᠡᠭᠦᠷᠬᠦ ᠬᠡᠴᠡᠭᠦᠦ ᠠᠵᠢᠯ ᠪᠠᠰᠠ ᠪᠤᠢ᠃ ᠮᠠᠨ ᠤ ᠪᠠᠷᠢᠭᠠᠳᠠ ᠬᠤᠴᠠ | ᠤᠬᠤᠨᠠ ᠶᠢᠨ ᠲᠤᠰᠬᠠᠢ ᠰᠦᠷᠦᠭ ᠲᠠᠢ᠃ ᠬᠠᠭᠤᠴᠢᠨ ᠤ ᠨᠠᠢᠮᠠᠨ ᠰᠠᠷᠠ ᠭᠠᠷᠤᠩᠭᠤᠲᠠ ᠠᠶᠢᠯ ᠤᠳ ᠬᠤᠴᠠ ᠪᠠᠨ | ᠬᠤᠲᠠᠨ ᠳᠠᠭᠠᠨ ᠠᠪᠴᠢᠷᠠᠵᠤ ᠰᠦᠷᠦᠭ ᠲᠡᠭᠡᠨ ᠲᠠᠯᠪᠢᠨᠠ᠃ ᠮᠠᠨ ᠤ ᠬᠢ ᠤᠯᠠᠨ ᠬᠤᠨᠢ ᠲᠠᠢ᠃ ᠳᠥᠷᠪᠡ᠂ ᠲᠠᠪᠤᠨ | ᠬᠤᠴᠠ ᠶᠢ ᠵᠡᠷᠭᠡ ᠳᠤᠨᠢ ᠲᠠᠯᠪᠢᠵᠤ᠂ ᠪᠥᠭᠡᠮ ᠢᠶᠠᠷ ᠲᠥᠯᠯᠡᠭᠦᠯᠳᠡᠭ᠃ ᠬᠥᠳᠡᠭᠡ ᠬᠤᠨᠢ ᠤᠯᠠᠨ ᠬᠤᠷᠠᠭᠠᠯᠠᠨᠠ᠃ | ᠪᠡᠯᠴᠢᠭᠡᠷ ᠲᠤ ᠭᠠᠷᠬᠤ ᠵᠠᠮ ᠳᠤ ᠬᠤᠷᠠᠭᠠᠯᠠᠭᠰᠠᠨ ᠢ ᠨᠢ ᠨᠥᠮᠥᠷᠢ ᠭᠠᠵᠠᠷ ᠬᠤᠷᠠᠭᠠ ᠲᠠᠢ ᠨᠢ ᠤᠷᠭᠢᠨ᠂ | ᠪᠤᠴᠠᠯᠭᠠᠨ ᠳᠠᠭᠠᠨ ᠲᠠᠭᠠᠷᠢᠵᠤ᠂ ᠬᠤᠷᠠᠭᠠ ᠶᠢ ᠨᠢ ᠳᠠᠭᠠᠭᠤᠯᠤᠨ ᠭᠠᠳᠠᠨᠠ ᠪᠠᠨ ᠲᠠᠭᠤᠵᠤ ᠠᠪᠴᠢᠷᠠᠳᠠᠭ᠃ ᠲᠡᠷᠡ | ᠦᠶᠡ ᠶᠢᠨ ᠮᠠᠯ ᠣᠷᠤᠭᠠ ᠲᠤᠬᠰᠢᠨ᠂ ᠴᠣᠪᠣᠭᠤ ᠭᠡᠳᠡᠭ ᠨᠢ ᠬᠡᠷᠡᠭ᠃ ᠬᠤᠷᠠᠭᠠ ᠨᠢ ᠬᠡᠵᠢᠶᠡᠨᠡᠢ ᠦᠭᠡᠢ | ᠠᠮᠠᠳᠠᠴᠢᠬᠠᠭᠰᠠᠨ ᠲᠡᠷᠡ ᠬᠤᠯᠠ ᠠᠴᠠ ᠡᠬᠡ ᠪᠠᠨ ᠲᠠᠭᠠᠭᠠᠳ ᠠᠵᠢᠭ ᠴᠦ ᠦᠭᠡᠢ ᠭᠠᠳᠠᠨᠠ ᠢᠷᠡᠴᠢᠬᠡᠳᠡᠭ᠃ | ᠮᠠᠯ ᠪᠡᠯᠴᠢᠭᠡᠷ ᠠᠴᠠ ᠡᠷᠭᠢᠴᠢᠬᠡᠭᠰᠡᠨ ᠦᠶᠡ ᠳᠤ ᠬᠤᠨᠢ ᠬᠤᠷᠠᠭᠠᠯᠠᠪᠠᠯ ᠬᠤᠷᠠᠭᠠ ᠡᠭᠦᠷᠬᠦ ᠬᠡᠴᠡᠭᠦᠦ ᠠᠵᠢᠯ | ᠣᠨᠣᠭᠳᠠᠨᠠ᠃ ᠬᠤᠷᠠᠭᠠ ᠶᠡᠭᠡ ᠬᠦᠨᠳᠦ᠃ ᠭᠤᠷᠪᠠ ᠠᠴᠠ ᠬᠡᠲᠦᠷᠡᠪᠡᠯ ᠡᠭᠦᠷᠴᠦ ᠳᠠᠭᠠᠭᠠᠭᠳᠠᠬᠤ ᠪᠠᠨ ᠪᠣᠯᠢᠨᠠ᠃ | ᠳᠤᠯᠠᠭᠠᠨ ᠡᠳᠦᠷ ᠲᠠᠭᠠᠷᠠᠪᠠᠯ ᠶᠠᠭᠠᠬᠢᠬᠤ ᠪᠤᠢ᠃ ᠬᠤᠷᠠᠭᠠ ᠨᠢ ᠳᠥᠩᠭᠡᠵᠦ ᠬᠥᠯ ᠳᠡᠭᠡᠷᠡ ᠪᠠᠨ ᠪᠣᠰᠣᠩᠭᠤᠲᠠ | ᠠᠮᠠᠳᠠᠭᠤᠯᠤᠨᠠ᠃ ᠡᠬᠡ ᠶᠢᠨ ᠢᠶᠠᠨ ᠬᠠᠯᠠᠭᠤᠨ ᠰᠦ ᠪᠠᠷ ᠠᠮᠠᠳᠠᠭᠰᠠᠨ ᠬᠤᠷᠠᠭᠠ ᠪᠠᠷᠤᠭᠲᠠᠢ ᠳᠤ ᠪᠡᠭᠡᠷᠡᠬᠦ ᠦᠭᠡᠢ᠃ | ᠦᠰᠦ ᠨᠢ ᠪᠤᠷᠴᠠᠭᠯᠠᠭᠰᠠᠨ ᠴᠦ ᠡᠬᠡ ᠶᠢᠨ ᠢᠶᠠᠨ ᠬᠤᠷᠠᠭᠠᠰᠢᠬᠤ ᠲᠠᠭᠤᠨ ᠢᠶᠠᠷ ᠬᠦᠴᠦ ᠠᠪᠴᠤ᠂ ᠪᠤᠳᠠ ᠪᠤᠳᠠᠷᠭᠠᠨᠠ | ᠳᠡᠭᠡᠭᠦᠷ ᠲᠤᠬᠤᠨ ᠤᠨᠠᠵᠤ ᠲᠤᠰᠴᠤ ᠪᠠᠶᠢᠭᠰᠠᠨ ᠴᠦ ᠰᠠᠯᠲᠤᠷᠬᠢᠯᠠᠨ ᠪᠣᠰᠣᠭᠠᠳ ᠡᠵᠢ ᠶᠢᠨ ᠢᠶᠠᠨ ᠪᠣᠷᠪᠢᠨ ᠳᠤ | ᠵᠡᠭᠦᠭᠳᠡᠨ ᠠᠵᠢᠭ ᠦᠭᠡᠢ ᠬᠤᠲᠠᠨ ᠳᠠᠭᠠᠨ ᠢᠷᠡᠴᠢᠬᠡᠳᠡᠭ᠃ ᠬᠠᠷᠢᠨ ᠬᠦᠢᠲᠡᠨ ᠡᠳᠦᠷ ᠲᠠᠭᠠᠷᠠᠪᠠᠯ ᠬᠤᠷᠠᠭᠠ ᠡᠭᠦᠷᠬᠦ | ᠬᠡᠴᠡᠭᠦᠦ ᠠᠵᠢᠯ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠪᠠᠭᠤᠨᠠ ᠳ᠋ᠠ᠃ ᠠᠮᠢᠳᠤ ᠠᠮᠢᠳᠠᠨ ᠠᠷᠪᠠᠨ ᠠᠷᠭᠠ ᠲᠠᠢ ᠭᠡᠭᠴᠢ ᠪᠠᠷ ᠨᠠᠳᠠ | ᠪᠠᠰᠠ ᠠᠷᠭᠠ ᠪᠤᠢ᠃ ᠬᠤᠶᠠᠷ ᠭᠤᠷᠪᠠ ᠪᠠᠷ ᠨᠢ ᠨᠢᠭᠡ ᠳᠤᠭᠤᠶᠢᠯᠠᠩ ᠪᠣᠯᠭᠠᠨ ᠬᠤᠶᠠᠷ ᠬᠤᠪᠢᠶᠠᠵᠤ ᠤᠭᠤᠲᠠᠯᠠᠭᠠᠳ | ᠬᠤᠷᠠᠭᠠ ᠪᠡᠭᠡᠷᠡᠴᠢᠬᠡᠬᠦ ᠪᠠᠷ ᠦᠭᠡᠢ ᠣᠶᠢᠷᠠᠬᠠᠨ ᠵᠠᠢ ᠳᠤ ᠨᠢᠭᠡ ᠳᠤᠭᠤᠶᠢᠯᠠᠩ ᠢ ᠨᠦᠭᠦᠭᠡ ᠳᠤᠭᠤᠶᠢᠯᠠᠩ ᠢᠶᠠᠷ ᠨᠢ | ᠳᠠᠪᠠᠭᠤᠯᠤᠨ ᠴᠤᠪᠤᠷᠠᠭᠤᠯᠵᠤ ᠵᠥᠭᠡᠭᠡᠨᠡ᠃ ᠲᠠᠰᠢᠷᠠᠮ ᠳᠤᠨᠢ ᠬᠠᠷᠢᠭᠤᠯᠤᠭᠰᠠᠨ ᠮᠠᠯ ᠢᠶᠠᠨ ᠴᠤᠭᠯᠠᠭᠤᠯᠬᠤ᠂ | ᠬᠤᠷᠠᠭᠠᠨ ᠳᠠᠭᠠᠨ ᠰᠦᠵᠢᠷᠡᠭᠰᠡᠨ ᠬᠤᠨᠢᠳ ᠤᠨ ᠲᠦᠷᠦᠭᠦᠦ ᠶᠢ ᠳᠠᠷᠤᠵᠤ ᠲᠣᠭᠲᠠᠭᠠᠬᠤ ᠠᠵᠢᠯ ᠢ ᠪᠠᠰᠠ | ᠠᠮᠵᠢᠭᠤᠯᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠬᠤᠭᠤᠷᠣᠨᠳᠤ ᠤᠭᠤᠲᠠ ᠲᠠᠢ ᠬᠤᠷᠠᠭᠠ ᠨᠤᠭᠤᠳ ᠴᠦ ᠳᠤᠯᠠᠭᠠᠴᠠᠵᠤ ᠵᠠᠪᠳᠤᠳᠠᠭ᠃ | ᠤᠭᠤᠲᠠ ᠲᠠᠢ ᠬᠤᠷᠠᠭᠠ᠂ ᠬᠠᠷᠢᠭᠤᠯᠤᠭᠰᠠᠨ ᠮᠠᠯ ᠤᠨ ᠳᠤᠮᠳᠠ ᠭᠦᠶᠦᠨ ᠱᠣᠭᠰᠢᠶᠠ ᠪᠠᠷ ᠲᠠᠪᠠᠷᠠᠭᠠᠭᠰᠠᠨ ᠮᠢᠨᠤ | ᠬᠥᠯᠥᠰᠦ ᠡᠭᠡᠪᠦᠷ ᠭᠠᠵᠠᠷ ᠤᠨ ᠬᠠᠶᠢᠯ ᠤᠨ ᠤᠰᠤ ᠰᠢᠭ᠋ ᠤᠷᠤᠰᠳᠠᠭ ᠪᠠᠶᠢᠯᠠ ᠭᠡᠵᠦ ᠲᠡᠭᠡᠭᠦᠯᠬᠦ ︵ᠬᠡᠲᠦᠷᠡᠭᠦᠯᠬᠦ︶ ᠳᠤ | ᠪᠤᠯᠬᠤ ᠪᠢᠵᠡ⁈ | ᠡᠵᠢ ᠬᠥᠯᠥᠰᠦ ᠳᠠᠭᠠᠭᠠᠪᠤᠷᠢᠯᠠᠨ ᠠᠭᠤᠷ ᠪᠠᠭᠠᠭᠢᠭᠰᠠᠨ ᠲᠤᠬᠤ ᠶᠢ ᠮᠢᠨᠢ ᠦᠨᠦᠰᠦᠭᠡᠳ᠄ ︽ᠮᠢᠨᠤ ᠬᠡᠦᠬᠡᠨ | ᠭᠦᠳᠡᠯᠮᠦᠷᠢᠴᠢ ᠪᠥᠭᠡᠳ ᠮᠠᠯᠴᠢ᠂ ᠪᠡᠶᠡ ᠪᠠᠨ ᠲᠡᠵᠢᠭᠡᠬᠦ ᠠᠷᠭᠠᠴᠠᠯ ᠲᠠᠢ ᠬᠥᠮᠥᠨ ᠪᠤᠯᠬᠤ ᠨᠢ᠃ ᠮᠠᠯ ᠳᠤ ᠬᠠᠶᠢᠷᠠᠲᠠᠢ᠂ | ᠭᠦᠳᠡᠯᠮᠦᠷᠢ ᠳᠤ ᠳᠤᠷᠠᠲᠠᠢ ᠬᠥᠮᠥᠨ ᠪᠠᠶᠠᠨ ᠴᠠᠳᠬᠤᠯᠠᠩ ᠠᠮᠢᠳᠤᠷᠠᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ︕︾ ᠭᠡᠵᠦ | ᠤᠷᠮᠠ ᠶᠢᠨ ᠦᠭᠡ ᠪᠠᠷ ᠱᠠᠩᠨᠠᠨ᠂ ᠭᠦᠳᠡᠯᠮᠦᠷᠢ ᠶᠢᠨ ᠤᠷᠢᠶᠠ ᠪᠠᠷ ᠲᠠᠶᠢᠴᠢᠯᠠᠨᠠ᠃ | ᠭᠦᠳᠡᠯᠮᠦᠷᠢ ᠶᠢᠨ ᠤᠷᠢᠶᠠ ᠲᠠᠢ᠂ ᠲᠥᠯ ᠤᠨ ᠱᠠᠭᠢᠶᠠᠨ ᠲᠠᠢ ᠬᠠᠪᠤᠷ ᠠ᠋ ᠭᠡᠵᠦ ᠠᠮᠢᠳᠤᠷᠠᠯ ᠤᠨ | ᠴᠢᠪᠬᠠᠳᠠᠰᠤ ᠲᠠᠢ ᠮᠥᠩᠬᠡ ᠶᠢᠨ ᠳᠤᠷᠠᠰᠤᠮᠵᠢ ᠪᠤᠶᠤ︕ | | |