| ᠰᠢᠪᠠᠭᠤᠳ ᠵᠢᠷᠭᠢᠬᠦ ᠪᠠᠷ ᠪᠣᠰᠴᠤ᠂ ᠠᠷᠤ ᠰᠢᠯᠢ ᠶᠢᠨ ᠤᠢ ᠶᠢᠨ ᠵᠥᠷᠢᠭ ᠢᠶᠠᠷ ᠰᠠᠨᠠᠭᠠᠨ ᠤ ᠠᠶᠠ ᠪᠠᠷ | ᠠᠯᠬᠤᠬᠤ ᠳᠤ ᠦᠷ ᠤᠨ ᠰᠡᠪᠡᠯᠵᠡᠭᠰᠡᠨ ᠵᠢᠪᠠᠷ ᠰᠡᠪᠡᠯᠭᠡ ᠶᠢ ᠮᠢᠨᠢ ᠢᠯᠢᠵᠦ ᠠᠷᠢᠭᠤᠨ ᠲᠤᠩᠭᠠᠯᠠᠭ ᠠᠭᠠᠷ᠂ | ᠠᠮᠢᠰᠬᠤᠯ ᠢᠶᠠᠷ ᠳᠣᠲᠣᠭᠰᠢᠯᠠᠭᠠᠳ ᠰᠡᠳᠬᠢᠯ ᠳᠤ ᠲᠠᠭᠠᠲᠠᠢ ᠪᠥᠭᠡᠳ ᠵᠢᠷᠭᠠᠯᠲᠠᠢ᠃ ᠡᠨᠡ ᠦᠶᠡ ᠳᠤ ᠪᠢ ᠥᠪᠡᠷ ᠤᠨ | ᠡᠷᠬᠡ ᠦᠭᠡᠢ ︽ᠬᠤᠷᠸᠠ ᠶᠢᠨ ᠪᠠᠭ᠋ᠠᠷᠬᠠᠯ᠂ ᠬᠠᠶᠢᠷᠠ ᠶᠢᠨ ᠪᠦᠷᠢᠯᠸᠠ ᠤᠢ ᠮᠣᠳᠣ ᠶᠤᠮ ᠳ᠋ᠠ︕︾ ᠭᠡᠵᠦ ᠪᠤᠳᠤᠬᠤ ᠳᠤ | ᠰᠡᠷᠪᠡᠯᠵᠡᠨ ᠭᠠᠩᠬᠤᠬᠤ ᠨᠠᠪᠴᠢᠰ᠂ ᠰᠠᠵᠢᠯᠠᠨ ᠳᠣᠬᠢᠯᠵᠠᠬᠤ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠬᠠᠷᠠᠭᠠᠨ ᠳᠤ ᠢᠷᠠᠭᠤ ᠨᠠᠶᠢᠷᠠᠭ ᠤᠨ | ᠣᠩᠭᠤᠳ ᠰᠢᠭ᠋ ᠤᠳᠬᠠ ᠭᠦᠨᠵᠡᠭᠡᠢ ᠰᠠᠨᠠᠭᠳᠠᠨᠠ᠃ | ᠤᠷᠭᠤᠬᠤ ᠶᠢᠨ ᠬᠦᠰᠡᠯ᠂ ᠣᠷᠣᠰᠢᠬᠤᠢ ᠶᠢᠨ ᠤᠬᠠᠭᠠᠨ ᠤᠢ ᠮᠣᠳᠣ ᠮᠢᠨᠢ ᠠ᠋᠃ ᠳᠡᠯᠡᠬᠡᠢ ᠪᠠᠨ ᠭᠡᠰᠡᠨ ᠴᠢᠨᠦ | ᠠᠷᠢᠭᠤᠨ ᠴᠠᠭᠠᠨ ᠪᠤᠳᠤᠯ ᠳᠤ ᠬᠥᠮᠥᠨ ᠠᠮᠢᠳᠠᠨ᠂ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ᠂ ᠥᠴᠥᠬᠡᠨ ᠰᠢᠪᠠᠵᠢ ᠭᠦᠷᠳᠡᠯᠡ ᠨᠢᠳᠦᠨ ᠤ | ᠴᠢᠨᠢ ᠴᠡᠴᠡᠭᠡᠢ᠂ ᠵᠢᠷᠦᠬᠡᠨ ᠤ ᠴᠢᠨᠢ ᠰᠤᠳᠠᠰᠤ ᠭᠡᠮᠡᠷ ᠬᠠᠶᠢᠷᠠᠯᠠᠯᠲᠠᠢ ᠪᠠᠶᠢᠳᠠᠭ ᠴᠦ ᠶᠤᠮ ᠤᠤ︖ | ᠤᠷᠢᠨ ᠬᠠᠪᠤᠷ ᠢ ᠤᠭᠲᠤᠨ ᠳᠡᠯᠭᠡᠷᠡᠬᠦ ᠨᠠᠪᠴᠢ ᠪᠣᠯᠭᠠᠨ ᠠᠴᠠ ᠴᠢᠨᠢ ᠨᠠᠷᠠᠨ ᠤ ᠭᠡᠷᠡᠯ ᠰᠠᠴᠤᠷᠠᠨᠠ᠃ ᠲᠡᠷᠡ | ᠬᠦ ᠰᠦᠨ ᠴᠠᠭᠠᠨ ᠭᠡᠷᠡᠯ ᠰᠡᠳᠬᠢᠯ ᠳᠤ ᠴᠢᠨᠢ ᠰᠢᠩᠭᠡᠭᠰᠡᠨ ᠠᠴᠠ ᠪᠢᠯᠢᠦ︖ᠡᠰᠡᠬᠦᠯᠡ ᠴᠢᠨᠦ ᠰᠡᠳᠬᠢᠯ ᠨᠠᠷᠠᠨ ᠤ | ᠭᠡᠷᠡᠯ ᠰᠢᠭ ᠲᠤᠩᠭᠠᠯᠠᠭ ᠭᠡᠭᠡᠨ ᠪᠠᠶᠢᠳᠠᠭ ᠠᠴᠠ ᠪᠣᠯᠪᠠ ᠤᠤ︖ᠥᠩᠭᠡ ᠪᠦᠷᠢ ᠶᠢᠨ ᠰᠢᠪᠠᠭᠤᠳ ᠡᠭᠡᠨᠡᠭᠰᠢᠨ | ᠬᠤᠷᠭᠤᠳᠠᠵᠤ ᠰᠠᠯᠠᠭᠠᠨ ᠳᠤ ᠴᠢᠨᠢ ᠡᠭᠦᠷᠯᠡᠭᠡᠳ ᠥᠪᠡᠷ ᠥᠪᠡᠷ ᠤᠨ ᠲᠠᠭᠤ ᠬᠤᠭᠤᠯᠠᠢ ᠪᠠᠷ ᠢᠶᠠᠨ ᠵᠢᠷᠭᠢᠬᠦ ᠳᠤ | ᠠᠯᠢᠶᠠ ᠰᠠᠷᠮᠠᠭᠴᠢᠨ ᠤ ᠰᠣᠨᠢᠭᠤᠴᠢ ᠵᠠᠩ ᠨᠢ ᠬᠥᠳᠡᠯᠵᠦ᠂ ᠰᠠᠯᠠᠭᠠᠨ ᠳᠡᠭᠡᠷᠡ ᠴᠢᠨᠢ ᠳᠡᠭᠦᠵᠢᠯᠡᠴᠢᠬᠡᠭᠡᠳ ᠤᠷᠠᠨ | ᠠᠪᠢᠶᠠᠰ ᠢᠶᠠᠨ ᠭᠠᠶᠢᠬᠠᠭᠤᠯᠤᠨᠠ᠃ ᠬᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠰᠦᠷᠦᠭᠯᠡᠨ ᠭᠥᠷᠥᠭᠡᠰᠦ ᠶᠢᠨ ᠰᠦᠷᠦᠭ ᠬᠤᠶᠢᠯᠠᠷᠠᠨᠠ᠃ | ᠪᠤᠭᠤ ᠶᠢᠨ ᠤᠷᠤᠮᠳᠠᠯ ᠳᠤ ᠴᠢᠨ᠋ᠸᠠ ᠰᠣᠴᠢᠭᠰᠠᠨ ᠰᠢᠭ᠋ ᠪᠣᠯᠵᠤ ᠬᠡᠪᠲᠡᠷᠢ ᠠᠴᠠ ᠪᠠᠨ ᠪᠣᠰᠣᠭᠠᠳ ᠲᠦᠷᠪᠡᠨ ᠵᠦᠭ ᠢ | ᠰᠡᠷᠡᠮᠵᠢᠲᠡᠶᠢᠬᠡᠨ ᠠᠵᠢᠨᠠ᠃ ᠬᠡᠷᠡᠮᠦ ᠲᠡᠷᠡ ᠪᠦᠭᠦᠨ ᠢ ᠠᠵᠢᠶᠠᠷᠠᠬᠤ ᠦᠭᠡᠢ᠃ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠭᠡᠳ | ᠬᠥᠭᠡᠷᠦᠬᠦᠨ ᠭᠡᠳᠡᠭ ᠨᠢ ᠠᠷᠭᠠ ᠦᠭᠡᠢ ᠁ ᠰᠠᠨᠠᠬᠤ ᠳᠤ ᠤᠢ ᠮᠣᠳᠣ ᠮᠢᠨᠢ᠂ ᠵᠢᠭᠦᠷᠲᠡᠨ ᠠᠷᠢᠶᠠᠲᠠᠨ ᠤ | ᠴᠡᠩᠭᠡᠯ ᠤᠨ ᠣᠷᠣᠨ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠤᠷᠭᠤᠬᠤ ᠲᠤᠳᠤᠮ ᠢᠶᠠᠨ ᠨᠣᠭᠤᠭᠠᠷᠠᠬᠤ ᠮᠥᠴᠢᠷ ᠴᠢᠨᠢ | ᠳᠣᠭᠳᠣᠯᠬᠤ ᠶᠢᠨ ᠡᠷᠬᠡᠨ ᠳᠤ ᠬᠡᠭᠡᠷᠡ ᠶᠢᠨ ᠰᠠᠯᠬᠢᠨ ᠳᠤ ᠶᠠᠭᠤ ᠨᠢᠭᠡ ᠶᠢ ᠰᠢᠪᠡᠨᠡᠭᠰᠡᠨ ᠨᠢᠭᠤᠴᠠᠬᠠᠨ ᠦᠭᠡ | ᠲᠡᠷᠭᠡᠳᠡᠭᠦᠷ ᠴᠢᠨᠢ ᠤᠷᠤᠰᠬᠤ ᠴᠡᠩᠬᠡᠷ ᠭᠤᠷᠤᠬᠠ ᠶᠢᠨ ᠰᠢᠷᠤᠩᠬᠠᠢ ᠲᠠᠢ ᠭᠦᠭ ᠨᠡᠶᠢᠯᠡᠭᠡᠳ ᠡᠷᠲᠡᠨ ᠤ ᠨᠢᠭᠡᠨ | ᠰᠣᠳᠣᠨ ᠠᠶᠠᠯᠭᠤ ᠮᠡᠲᠦ ᠤᠶᠠᠩᠭᠠᠷᠠᠨᠠ᠃ | ︽ᠪᠢᠳᠡ ᠪᠣᠯ ᠤᠢ ᠶᠢᠨ ᠢᠷᠭᠡᠳ ᠶᠤᠮ︾ ᠭᠡᠰᠡᠨ ᠡᠪᠦᠭᠡ ᠶᠢᠨ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠶᠢᠬᠤ ᠳᠠᠭᠠᠨ ᠦᠷᠭᠦᠯᠵᠢ | ᠶᠠᠷᠢᠳᠠᠭ ᠦᠭᠡ ᠶᠢ ᠤᠳᠤ ᠠᠬᠢᠨ ᠲᠠᠭᠢᠨ ᠲᠤᠩᠭᠠᠬᠤ ᠳᠤ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠶᠡᠭᠡ ᠤᠢ ᠠᠴᠠ ᠬᠥᠯᠥᠨ | ᠪᠤᠶᠢᠷ ᠤᠨ ᠲᠠᠯᠠ ᠨᠤᠲᠤᠭ ᠲᠤ ᠠᠵᠤ ᠲᠦᠷᠦᠵᠦ ᠠᠮᠢᠳᠤᠷᠠᠵᠤ ᠶᠠᠪᠤᠭᠠ ᠡᠸᠡᠩᠬᠢ ᠶᠠᠰᠤᠳᠠᠨ ᠤ ᠭᠠᠷᠤᠯ ᠲᠡᠦᠬᠡ ᠤᠢ | ᠤᠬᠠᠭᠠᠨ ᠳᠤ ᠡᠷᠭᠢᠯᠳᠦᠵᠦ ︽ᠡᠪᠦᠭᠡ ᠳᠡᠭᠡᠳᠦᠰ ᠮᠢᠨᠢ ᠠᠯᠢ ᠡᠷᠲᠡ ᠤᠢ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠪᠢᠵᠡ︾ | ᠭᠡᠰᠡᠨ ᠪᠤᠳᠤᠯ ᠰᠡᠳᠬᠢᠯ ᠤᠨ ᠬᠥᠷᠥᠰᠥᠨ ᠠᠴᠠ ᠤᠷᠭᠤᠨᠠ᠃ | ᠤᠢ － ᠨᠠᠶᠢᠷᠠᠯ ᠬᠥᠭᠵᠢᠮ ᠤᠨ ᠡᠬᠢ᠂ ᠠᠮᠢᠳᠠᠨ ᠭᠤᠣᠯᠲᠠᠨ ᠤ ᠥᠯᠥᠭᠡᠢ᠂ ᠬᠤᠷᠠ ᠪᠣᠷᠣᠭᠠᠨ ᠤ ᠬᠤᠷᠤᠢ᠂ | ᠬᠥᠭᠵᠢᠯ ᠤᠨ ᠪᠣᠰᠤᠭᠠ ᠬᠡᠶᠢᠮᠣᠷᠢ ᠠ᠋︕ | ︽ᠵᠤᠨ︾ ᠬᠡᠮᠡᠬᠦ ᠵᠢᠷᠤᠭ ᠤᠨ ᠢᠷᠠᠭᠤ ᠪᠣᠯ ᠮᠥᠨ ᠴᠦ ᠤᠢ ᠮᠣᠳᠣ ᠶᠤᠮᠰᠠᠨ᠃ ᠥᠭᠡᠳᠡ ᠪᠠᠨ ᠲᠡᠮᠡᠦᠯᠵᠦ | ᠤᠷᠭᠤᠬᠤ ᠪᠠᠷ ᠢᠶᠠᠨ ᠴᠢᠮᠠ ᠳᠤ ᠴᠡᠩᠬᠡᠷ ᠲᠡᠭᠷᠢ ᠶᠢᠨ ᠪᠤᠳᠤᠭ ᠰᠢᠩᠭᠡᠴᠢᠬᠡᠭᠰᠡᠨ ᠪᠤᠯᠤᠯᠳᠠᠢ ᠨᠠᠪᠴᠢ ᠴᠢᠨᠢ ᠴᠡᠯ | ᠨᠣᠭᠤᠭᠠᠨ᠂ ᠨᠠᠮᠠᠭᠠ ᠴᠢᠨᠢ ᠴᠦ ᠴᠡᠯ ᠨᠣᠭᠤᠭᠠᠨ᠃ ᠴᠠᠪ ᠴᠠᠭᠠᠨ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠴᠢᠮᠡᠭᠰᠡᠨ ᠭᠠᠳᠠᠷ | ᠬᠤᠪᠴᠠᠰᠤ ︵ᠬᠠᠯᠢᠰᠤ︶ ᠴᠢᠨᠢ ᠴᠠᠯ ᠨᠣᠭᠤᠭᠠᠨ᠂ ᠬᠥᠷᠥᠰᠥᠨ ᠳᠤ ᠭᠦᠨ ᠬᠠᠳᠬᠤᠭᠰᠠᠨ ᠦᠨᠳᠦᠰᠦ ᠪᠦᠭᠦᠨ ᠴᠢᠨᠢ | ᠴᠦ ᠴᠡᠯ ᠨᠣᠭᠤᠭᠠᠨ᠃ ᠴᠢᠨᠦ ᠨᠣᠭᠤᠭᠠᠨ ᠠᠮᠢᠰᠬᠤᠯ ᠢᠶᠠᠷ ᠡᠭᠦᠯᠡ ᠬᠤᠷᠠᠵᠤ ᠪᠣᠷᠣᠭᠠᠨ ᠨᠠᠭᠠᠰᠢᠯᠠᠳᠠᠭ᠃ ᠭᠡᠬᠦ ᠳᠡᠭᠡᠨ | ᠤᠢ ᠲᠠᠢ ᠭᠠᠵᠠᠷ ᠪᠣᠷᠣᠭᠠᠨ ᠡᠯᠪᠡᠭ ᠭᠡᠰᠡᠨ ᠵᠦᠩ ᠰᠤᠪᠢᠩ ᠲᠠᠢ ᠮᠡᠷᠭᠡᠨ ᠦᠭᠡ ᠪᠤᠢ ᠪᠣᠯᠤᠭᠰᠠᠨ ᠪᠠᠶᠢᠬᠠ᠃ | ᠨᠠᠮᠠ ᠶᠢ ᠪᠠᠭᠠ ᠪᠠᠶᠢᠬᠤ ᠳᠤ ᠡᠪᠦᠭᠡ ᠡᠭᠦᠳᠡᠨ ᠡᠮᠦᠨᠡᠬᠢ ᠮᠣᠳᠣᠨ ᠤ ᠰᠡᠭᠦᠳᠡᠷ ᠲᠠᠬᠢ ᠬᠥᠬᠡ ᠴᠢᠯᠠᠭᠤᠨ | ᠳᠡᠭᠡᠷᠡ ᠰᠠᠭᠤᠴᠢᠬᠠᠭᠠᠳ ᠦᠳᠡᠰᠢ ᠪᠣᠯᠭᠠᠨ ᠦᠯᠢᠭᠡᠷ ᠶᠠᠷᠢᠵᠤ ᠦᠭᠳᠡᠭ ᠪᠠᠶᠢᠯᠠ᠃ | ᠬᠥᠷᠰᠢ ᠶᠢᠨ ᠬᠡᠳᠦᠨ ᠦᠶᠡ ᠬᠤᠷᠠᠭ ᠲᠠᠢ ᠪᠠᠨ ᠪᠢ ᠡᠪᠦᠭᠡ ᠶᠢᠨ ᠡᠷᠡᠦ ᠥᠭᠡᠳᠡ ᠨᠢᠳᠦ ᠴᠠᠪᠴᠢᠯ ᠦᠭᠡᠢ | ᠬᠠᠷᠠᠵᠤ ᠦᠯᠢᠭᠡᠷ ᠰᠣᠨᠣᠰᠴᠤ ᠰᠠᠭᠤᠬᠤ ᠳᠤ ᠰᠠᠭᠰᠠᠭᠠᠷ ᠮᠣᠳᠣᠨ ᠤ ᠨᠠᠪᠴᠢ ᠴᠦ ᠦᠯᠢᠭᠡᠷ ᠲᠤ ᠤᠷᠮᠠᠰᠢᠭᠰᠠᠨ | ᠪᠤᠯᠤᠯᠳᠠᠢ ᠨᠠᠮ ᠳᠤᠭᠤᠢ ᠪᠤᠯᠬᠤ ᠪᠠᠷ ᠨᠢ ᠲᠤᠩ ᠭᠠᠶᠢᠬᠠᠵᠤ ︽ᠮᠣᠳᠣᠨ ᠤ ᠨᠠᠪᠴᠢ ᠪᠠᠰᠠ ᠦᠯᠢᠭᠡᠷ ᠲᠤ ᠳᠤᠷᠠᠲᠠᠢ | ᠶᠤᠮ ᠪᠠᠶᠢᠨᠠ︾ ᠭᠡᠬᠦ ᠳᠤ ᠡᠪᠦᠭᠡ ᠮᠢᠨᠢ ᠬᠥᠬᠦᠷᠡᠨ ᠢᠨᠢᠶᠡᠴᠢᠬᠡᠭᠡᠳ ︽ᠮᠣᠳᠣᠨ ᠳᠤ ᠬᠥᠮᠥᠨ ᠤ ᠮᠡᠳᠡᠷᠡᠮᠵᠢ ᠲᠠᠢ ᠶᠤᠮ | ᠴᠢᠨᠢ ᠁︾ ᠭᠡᠪᠡ᠃ ᠲᠡᠷᠡ ᠦᠶᠡ ᠳᠤ ᠪᠢ ᠬᠡᠦᠬᠡᠳ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠡᠪᠦᠭᠡ ᠶᠢᠨ ᠦᠭᠡ ᠶᠢ ᠰᠣᠨᠣᠰᠤᠭᠠᠳ | ᠯᠡ ᠥᠩᠭᠡᠷᠡᠪᠡ᠃ ᠤᠳᠤ ᠪᠤᠳᠤᠬᠤ ᠳᠤ ᠮᠠᠰᠢ ᠤᠳᠬᠠ ᠤᠴᠢᠷ ᠲᠠᠢ ᠪᠠᠶᠢᠵᠠᠢ᠃ | ᠲᠠᠪᠤᠨ ᠵᠢᠯ ᠤᠨ ᠡᠮᠦᠨᠡ᠂ ᠪᠠᠷᠠᠭᠤᠨ ᠭᠡᠷ ᠤᠨ ᠲᠠᠷᠮᠠ ᠡᠪᠦᠭᠡ ᠨᠠᠰᠤ ᠪᠠᠷᠠᠭᠰᠠᠨ ᠳᠤ ᠠᠷᠠᠴᠢᠯᠠᠵᠤ | ᠤᠷᠭᠤᠭᠤᠯᠤᠬᠰᠠᠨ ᠵᠢᠮᠢᠰ ᠤᠨ ᠮᠣᠳᠣ ᠨᠢ ᠴᠦ ᠪᠦᠷ ᠲᠠᠭᠠᠵᠦ ᠦᠬᠦᠭᠰᠡᠨ ᠢ ᠨᠢᠳᠦ ᠪᠠᠷ ᠢᠶᠠᠨ ᠬᠠᠷᠠᠭᠠᠳ ᠪᠢ ᠮᠠᠯ | ᠭᠠᠶᠢᠬᠠᠭᠰᠠᠨ᠃ | ︽ᠵᠢᠷᠤᠮ ᠦᠭᠡᠢ ᠬᠡᠦᠬᠡᠳ ᠠᠴᠠ ᠵᠢᠮᠢᠰ ᠤᠨ ᠮᠣᠳᠣ ᠳᠡᠭᠡᠷᠡ ᠁︾ ᠭᠡᠵᠦ ᠠᠶᠢᠯ ᠤᠨ ᠪᠤᠭᠤᠷᠤᠯᠴᠤᠳ | ᠬᠤᠭᠤᠷᠣᠨᠳᠤ ᠪᠠᠨ ᠶᠠᠷᠢᠯᠴᠠᠬᠤ ᠶᠢ ᠰᠤᠨᠤᠰᠬᠤ ᠶᠢᠨ ᠳᠠᠭᠠᠤ ︽ᠮᠠᠭᠤ ᠬᠥᠮᠥᠨ ᠳᠤ ᠮᠣᠳᠣ ᠬᠡᠷᠡᠭ ᠲᠠᠢ︾ ᠭᠡᠰᠡᠨ | ᠦᠭᠡ ᠶᠢ ᠰᠠᠨᠠᠵᠤ᠂ ᠲᠡᠷᠡ ᠡᠳᠦᠷ ᠠᠴᠠ ᠡᠬᠢᠯᠡᠵᠦ ᠤᠢ ᠮᠣᠳᠣᠨ ᠳᠤ ᠨᠡᠩ ᠰᠣᠨᠢᠷᠬᠠᠯ ᠲᠠᠢ ᠪᠣᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠰᠡᠳᠬᠢᠯᠭᠡ ᠨᠡᠮᠡᠭᠳᠡᠵᠡᠢ᠃ | ᠮᠣᠳᠣᠨ ᠳᠤ ᠬᠥᠮᠥᠨ ᠠᠴᠠ ᠳᠠᠪᠠᠭᠰᠠᠨ ᠤᠬᠠᠮᠰᠠᠷ ᠲᠠᠢ ᠶᠢ ᠪᠢ ᠬᠤᠵᠢᠮ ᠨᠢ ᠤᠬᠠᠭᠠᠷᠠᠯᠠ᠃ ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠳᠤ ᠠᠯᠢᠪᠠ ᠪᠠᠨ ᠬᠠᠷᠠᠮ ᠦᠭᠡᠢ ᠡᠷᠭᠦᠬᠦ ᠳᠡᠭᠡᠨ ᠤᠢ ᠮᠣᠳᠣ ᠮᠢᠨᠢ ᠬᠠᠷᠢᠭᠤ ᠶᠠᠭᠤ ᠴᠦ ᠰᠠᠨᠠᠵᠤ | ᠰᠠᠷᠪᠠᠶᠢᠳᠠᠭ ᠦᠭᠡᠢ᠃ ᠣᠭᠲᠣᠯᠵᠤ ᠤᠨᠠᠭᠠᠭᠰᠠᠨ ᠴᠦ ᠲᠠᠭ ᠳᠤᠭᠤᠢ ᠪᠠᠶᠢᠳᠠᠭ ᠨᠢ ᠲᠡᠭᠦᠨ ᠤ ᠬᠥᠮᠥᠨ ᠵᠤᠨ ᠳᠤ | ᠳᠤᠷᠠ ᠲᠠᠢ ᠦᠢᠯᠡᠴᠢᠯᠡᠬᠦ ᠭᠡᠰᠡᠨ ᠲᠥᠷᠥᠯᠬᠢ ᠵᠠᠩ ᠴᠢᠨᠠᠷ᠂ ᠠᠮᠠᠨ ᠲᠠᠩᠭᠠᠷᠢᠭ ᠨᠢ ᠪᠠᠶᠢᠬᠠ᠃ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ | ᠮᠣᠳᠣᠨ ᠠᠴᠠ ᠬᠡᠵᠢᠶᠡᠳᠡ ᠰᠠᠯᠵᠤ ᠴᠢᠳᠠᠳᠠᠭ ᠦᠭᠡᠢ ᠨᠢ ᠦᠨᠡᠨ ᠠ᠋︕ᠭᠡᠷ ᠪᠠᠷᠢᠯᠭᠠ᠂ ᠲᠡᠷᠭᠡ ᠬᠥᠰᠬᠡ᠂ ᠡᠭᠦᠳᠡ | ᠴᠣᠩᠬᠤ᠂ ᠠᠪᠳᠠᠷᠠ ᠬᠤᠷᠭᠤ᠂ ᠣᠷᠴᠢᠯᠠᠩ ᠳᠤ ᠵᠠᠶᠠᠭᠠᠬᠤ ᠪᠠᠷ ᠬᠡᠪᠲᠡᠳᠡᠭ ᠥᠯᠥᠭᠡᠢ᠂ ᠠᠶᠠᠷᠯᠠᠬᠤ ᠳᠠᠭᠠᠨ | ᠨᠣᠶᠢᠷᠰᠤᠳᠠᠭ ᠠᠪᠰᠠ ᠳᠤ ᠭᠦᠷᠳᠡᠯᠡ ᠮᠣᠳᠣ ᠬᠡᠷᠡᠭᠰᠡᠨᠡ᠃ | ᠮᠣᠳᠣᠨ ᠤ ᠲᠦᠷᠦᠯ ᠤᠭᠰᠠᠭᠠ ᠲᠤᠩ ᠤᠯᠠᠨ ᠴᠦ ᠤᠩᠭᠤᠨ ᠪᠠᠶᠢᠭᠠᠯᠢ ᠪᠠᠨ ᠭᠤᠶᠣᠯᠠᠵᠤ᠂ ᠣᠷᠴᠢᠯᠠᠩ ᠤᠨ | ᠬᠥᠮᠥᠨ ᠠᠮᠢᠳᠠᠨ ᠳᠤ ᠠᠴᠢ ᠲᠤᠰᠠ ᠬᠦᠷᠭᠡᠳᠡᠭ ᠨᠢ ᠲᠡᠳᠡᠨ ᠤ ᠬᠠᠮᠲᠤ ᠶᠢᠨ ᠠᠷᠠᠨᠰᠢᠨ ᠶᠤᠮ᠃ | ᠭᠦᠪᠡᠭᠡ ᠬᠢᠵᠠᠭᠠᠷ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠭᠦᠨ ᠴᠡᠩᠬᠡᠷ ᠣᠭᠲᠠᠷᠭᠤᠢ ᠶᠢ ᠰᠢᠷᠳᠡᠭᠦ ᠳᠡᠭᠡᠨ ᠤᠢ ᠮᠣᠳᠣᠨ ᠤ | ᠰᠡᠳᠬᠢᠯ ᠲᠡᠶᠢᠮᠦ ᠯᠡ ᠠᠭᠤᠳᠠᠮ ᠪᠠᠭᠲᠠᠭᠠᠮᠵᠢᠲᠠᠢ ᠪᠣᠯᠤᠭᠰᠠᠨ ᠪᠢᠯᠢᠦ︖ | ︽ᠮᠣᠳᠣᠳ ᠤᠨ ᠨᠢᠳᠦᠨ ᠳᠤ ᠳᠡᠯᠡᠬᠡᠢ ᠡᠷᠭᠢᠯᠳᠦᠬᠦ ᠪᠠᠷ ᠨᠠᠮ ᠲᠤᠩᠭᠠᠯᠠᠭ᠂ ᠡᠶᠡ ᠨᠠᠶᠢᠷᠰᠠᠭ᠂ ᠡᠩᠬᠡ ᠲᠠᠶᠢᠪᠤᠩ | ᠪᠠᠶᠢᠳᠠᠭ ᠨᠢ ᠲᠡᠭᠦᠨ ᠤ ᠥᠭᠭᠢᠶᠡᠮᠦᠷ ᠠᠷᠢᠭᠤᠨ ᠪᠤᠳᠤᠯ ᠲᠠᠢ ᠨᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ᠃ ᠲᠠᠳ᠋ᠨ ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠤ ᠬᠦᠰᠡᠵᠦ ᠮᠥᠷᠥᠭᠡᠳᠳᠡᠭ ᠡᠪ ᠬᠠᠮᠲᠤ ᠶᠢᠨ ᠨᠡᠶᠢᠭᠡᠮ ᠳᠤ ᠬᠡᠵᠢᠶᠡᠨᠡᠢ ᠲᠠᠪᠰᠢᠨ ᠣᠷᠣᠴᠢᠬᠠᠭᠠᠳ | ᠭᠡᠳᠡᠷᠭᠦ ᠪᠠᠨ ᠬᠥᠮᠥᠰ ᠢ ᠲᠡᠷᠡ ᠵᠦᠭ ᠲᠡᠭᠡᠨ ᠤᠷᠢᠶᠠᠯᠠᠨ ᠳᠠᠭᠤᠳᠠᠭᠠ ᠴᠦ ᠶᠤᠮ ᠤᠤ︖︾ ᠭᠡᠵᠦ ᠪᠢ ᠦᠷᠭᠦᠯᠵᠢ | ᠪᠤᠳᠤᠲᠠᠬ᠃ ᠮᠣᠳᠣᠳ ᠤᠨ ᠱᠤᠤᠭᠢᠶᠠᠨ ᠢ ᠴᠢᠩᠨᠠᠵᠤ ᠵᠤᠬᠰᠤᠬᠤ ᠳᠤ ︽ᠬᠥᠮᠥᠰ ᠢ ᠰᠡᠬᠡᠭᠡᠷᠡᠭᠦᠯᠵᠦ ᠬᠤᠷᠸᠠ ᠶᠢ | ᠭᠡᠭᠡᠷᠡᠭᠦᠯᠭᠦ ᠪᠣᠯ ᠪᠢᠳᠡ ᠪᠦᠭᠦᠨ ᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ︾ ᠭᠡᠵᠦ ᠳᠣᠲᠣᠷᠠ ᠵᠠᠭᠤᠷᠠ ᠪᠠᠨ ᠵᠣᠭᠤᠭᠳᠠᠬᠤ ᠰᠢᠭ᠋ | ᠪᠤᠳᠤᠬᠳᠠᠬᠤ ᠬᠤᠷᠣᠮ ᠰᠢᠪᠠᠭᠤᠳ ᠤᠨ ᠴᠢᠯᠦᠭᠡᠲᠡᠢ ᠵᠢᠷᠭᠢᠭᠡ ᠤᠢ ᠶᠢᠨ ᠭᠦᠨ ᠠᠴᠠ ᠴᠤᠤᠷᠢᠶᠠᠲᠤᠨᠠ᠃ ᠰᠢᠪᠠᠭᠤ | ᠤᠢ ᠶᠢᠨ ᠬᠡᠯᠡ ᠪᠠᠷ ᠵᠢᠷᠭᠢᠳᠡᠭ ᠴᠦ ᠪᠣᠯᠪᠠ ᠤᠤ︖ | ᠨᠢᠳᠤᠨᠤᠨ ᠡᠪᠦᠯ ᠪᠢ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠤ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠤᠢ ᠰᠢᠭᠤᠢ ᠳᠤ ᠠᠵᠢᠯᠯᠠᠵᠤ | ᠪᠠᠶᠢᠭᠰᠠᠨ ᠬᠠᠮᠲᠤ ᠰᠤᠷᠤᠯᠭᠠᠲᠠᠨ ᠨᠠᠰᠤᠲᠤ ᠭᠤᠸᠠᠢ ᠲᠠᠢ ᠠᠭᠤᠯᠵᠠᠪᠠ᠃ ᠲᠡᠷᠡ ᠮᠣᠳᠣᠨ ᠤ ᠲᠤᠬᠠᠢ ᠮᠠᠰᠢ | ᠣᠶᠢᠯᠠᠭᠠᠨᠠ᠃ | ︽ᠮᠣᠳᠣᠨ ᠳᠤ ᠰᠦᠨᠡᠰᠦ ᠲᠠᠢ ᠪᠠᠶᠢᠵᠤ ᠮᠡᠳᠡᠨᠡ᠃ ᠪᠢᠳᠡ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠨᠢᠭᠡᠨ ᠨᠠᠷᠠᠰᠤᠨ ᠮᠣᠳᠣ ᠶᠢ | ᠬᠡᠳᠦᠢ ᠬᠢᠷᠦᠭᠡᠳᠡᠭᠰᠡᠨ ᠴᠦ ᠤᠨᠠᠬᠤ ᠦᠭᠡᠢ᠃ ᠣᠪ ᠤᠯᠠᠭᠠᠨ ᠴᠢᠰᠤ ᠰᠠᠳᠠᠭᠠᠨᠠᠭᠠᠳ ᠁ ᠲᠡᠷᠡ ᠦᠶᠡ ᠳᠤ᠂ | ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ ᠨᠢᠭᠡᠨ ᠠᠬᠠᠮᠠᠳ ᠠᠵᠢᠯᠴᠢᠨ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠨᠢᠭᠡᠨ ᠵᠦᠭ ᠰᠢᠳᠡᠭᠰᠡᠨ ᠴᠢᠨᠢ ᠮᠣᠳᠣ | ᠲᠡᠶᠢᠰᠢ ᠪᠠᠨ ᠤᠨᠠᠪᠠ᠃ ᠭᠡᠲᠡᠯᠡ ᠤᠨᠠᠬᠤ ᠦᠶᠡ ᠶᠢᠨ ᠲᠠᠭᠤ ᠨᠢ ᠣᠨᠴᠠ ᠶᠢᠨ ᠤᠶᠠᠷᠠᠯᠲᠠᠢ ᠭᠡᠳᠡᠭ ᠢ ᠶᠠᠭᠠᠬᠢᠨᠠ︾ | ᠬᠡᠮᠡᠨ ᠬᠤᠶᠢᠬᠠ ᠶᠢᠨ ᠦᠰᠦ ᠪᠣᠰᠣᠮᠠ ᠶᠠᠷᠢᠵᠤ ᠭᠠᠷᠪᠠ᠃ ᠪᠢ ᠲᠡᠭᠦᠨ ᠠᠴᠠ ᠨᠠᠷᠢᠨ ᠨᠢᠭᠤᠴᠠ ᠶᠢ ᠨᠢ ᠠᠰᠠᠭᠤᠯᠠ᠃ | ︽ᠡᠨᠡ ᠦᠵᠡᠭᠳᠡᠯ ᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢᠶᠠᠷ ᠴᠦ ᠲᠠᠶᠢᠯᠪᠤᠷᠢᠯᠠᠵᠤ ᠴᠢᠳᠠᠭᠠᠳᠤᠢ ᠁︾ ᠭᠡᠵᠦ ᠨᠠᠰᠤᠲᠤ | ᠭᠤᠸᠠᠢ ᠲᠤᠬᠤ ᠪᠠᠨ ᠮᠠᠭᠠᠵᠢᠭᠰᠠᠨ ᠢᠶᠠᠨ ︽ᠮᠣᠳᠣ ᠶᠢ ᠪᠢ ᠣᠨᠢᠰᠤᠭᠠ ᠰᠢᠭ᠋ ᠨᠢᠭᠡᠨ ᠣᠷᠴᠢᠯᠠᠩ ᠭᠡᠵᠦ | ᠲᠥᠰᠥᠭᠡᠯᠡᠳᠡᠭ︾ ᠭᠡᠪᠡ᠃ | ᠪᠢ ᠲᠡᠭᠦᠨ ᠤ ᠦᠭᠡ ᠶᠢ ᠤᠷᠮᠠ ᠲᠠᠢ ᠰᠣᠨᠣᠰᠴᠤ ᠰᠠᠭᠤᠬᠤ ᠳᠠᠭᠠᠨ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠰᠡᠳᠬᠢᠯ | ᠳᠣᠭᠳᠣᠯᠵᠤ ᠴᠣᠮᠣ ᠲᠠᠢ ᠴᠠᠢ ᠪᠠᠨ ᠵᠢᠭᠠᠵᠤ ︽ᠢᠯᠠᠮᠠ ᠶᠢᠨ ᠮᠣᠳᠣ ᠪᠠᠶᠢᠭᠰᠠᠨ ᠠᠴᠠ ᠴᠢᠰᠤ ᠰᠢᠩᠭᠡᠷᠡᠭᠦᠯᠬᠦ᠂ | ᠳᠣᠲᠣᠷᠠ ᠪᠥᠭᠡᠷᠡ ᠶᠢᠨ ᠲᠠᠮᠢᠷ ᠨᠥᠬᠦᠪᠦᠷᠢᠯᠡᠳᠡᠭ ᠡᠨᠡ ᠴᠠᠢ ᠶᠢ ᠪᠢᠳᠡ ᠣᠯᠵᠤ ᠡᠳ᠋ᠯᠡᠳᠡᠭ ᠪᠢᠰᠢᠦ︾ ᠭᠡᠬᠦ ᠳᠤ | ᠨᠠᠰᠤᠲᠤ ᠭᠤᠸᠠᠢ ᠵᠤᠤᠮᠠᠰᠬᠢᠨ ᠢᠨᠢᠶᠡᠭᠡᠳ᠄ ︽ᠮᠣᠳᠣ ᠦᠭᠡᠢ ᠪᠣᠯ ᠳᠡᠯᠡᠬᠡᠢ ᠲᠠᠴᠢᠷᠳᠠᠨᠠ᠃ ᠠᠮᠢᠳᠤᠷᠠᠯ ᠭᠠᠴᠢᠭᠳᠠᠨᠠ ᠁ | ︾ ᠭᠡᠰᠡᠨ ᠢᠶᠠᠨ ︽ᠨᠤᠲᠤᠭ ᠤᠨ ᠮᠢᠨᠢ ᠠᠷᠤ ᠰᠢᠯᠢ ᠶᠢ ᠪᠦᠷᠬᠦᠭᠰᠡᠨ ᠤᠢ ᠮᠣᠳᠣ ᠴᠣᠬᠤᠮ ᠬᠡᠴᠢᠨᠡᠨ ᠵᠢᠯ ᠪᠣᠯᠵᠤ | ᠪᠠᠶᠢᠭᠠ ᠶᠢ ᠲᠣᠳᠣᠷᠬᠠᠢ ᠮᠡᠳᠡᠬᠦ ᠬᠥᠮᠥᠨ ᠠᠯᠠᠭᠠ᠃ ᠡᠪᠦᠭᠡᠴᠦᠦᠯ ᠤᠨ ᠬᠡᠯᠡᠬᠦ ᠪᠠᠷ ︿ᠥᠪᠡᠷ ᠢᠶᠠᠨ ᠤᠷᠭᠤᠭᠰᠠᠨ ᠪᠠᠯᠠᠷ | ᠤᠢ﹀ ᠭᠡᠳᠡᠭ᠃ ᠵᠡᠭᠦᠨ ᠬᠥᠲᠥᠯ ᠤᠨ ᠡᠩᠭᠡᠷ ᠲᠤ ᠥᠨᠥᠴᠢᠨ ᠭᠠᠭᠴᠠᠭᠠᠷ ᠢᠶᠠᠨ ᠵᠣᠭᠰᠤᠭᠠ ᠬᠠᠶᠢᠯᠠᠰᠤᠨ ᠮᠣᠳᠣ ᠶᠢ | ᠨᠠᠢᠮᠠᠨ ᠵᠠᠭᠤᠨ ᠵᠢᠯ ᠤᠨ ᠡᠮᠦᠨᠡᠬᠢ ᠠᠮᠢᠳᠤ ᠰᠤᠳᠤᠷ ᠭᠡᠪᠡ ᠤᠤ︖ ᠤᠬᠠᠮᠰᠠᠷ ᠨᠢ ᠪᠡᠶᠡ ᠠᠴᠠ ᠪᠠᠨ ᠥᠨᠳᠥᠷ | ᠮᠣᠳᠣᠳ ᠤᠨ ᠨᠠᠰᠤᠨ ᠬᠤᠲᠤᠭ ᠨᠢ ᠴᠦ ᠥᠨᠳᠥᠷ ᠠ᠋ ᠁︾ ᠭᠡᠵᠦ ᠶᠠᠷᠢᠬᠤ ᠲᠤᠳᠤᠮ ᠲᠠᠭᠤ ᠨᠢ ᠴᠢᠩᠭᠠᠷᠠᠵᠤ | ᠪᠠᠶᠢᠪᠠ᠃ ᠲᠡᠶᠢᠮᠦ ᠠ᠋᠂ ᠮᠣᠳᠣᠳ ᠤᠨ ᠨᠠᠪᠴᠢᠰ ᠨᠠᠮᠤᠷ ᠢᠶᠠᠷ ᠦᠨᠳᠦᠰᠦ ᠤᠷᠤᠭᠤ ᠪᠠᠨ ᠨᠢᠰᠦᠨᠡ᠃ ᠴᠢ ᠨᠠᠷᠢᠨ | ᠠᠵᠢᠭᠯᠠᠪᠠᠯ ᠥᠨᠥᠴᠢᠨ ᠭᠠᠭᠴᠠ ᠨᠠᠪᠴᠢ ᠨᠢ ᠴᠦ ᠪᠤᠷᠬᠠᠨ ᠰᠢᠭ᠋ ᠦᠵᠡᠭᠳᠡᠨᠡ᠃ ᠮᠣᠳᠣᠳ ᠡᠪᠦᠯ ᠤᠨ ᠲᠡᠰᠭᠢᠮᠠ | ᠬᠦᠢᠲᠡᠨ ᠳᠤ ᠠᠵᠢᠭ ᠴᠦ ᠦᠭᠡᠢ ᠨᠢᠴᠦᠭᠦᠨ ᠵᠤᠬᠰᠤᠬᠤ ᠨᠢ ᠲᠤᠤᠯᠢᠰ ᠤᠨ ᠪᠠᠭᠠᠲᠤᠷ ᠢ ᠰᠠᠨᠠᠭᠳᠠᠭᠤᠯᠤᠨᠠ ᠁ | ᠵᠡᠭᠦᠨᠰᠢ ᠮᠤᠷᠤᠶᠢᠭᠰᠠᠨ ᠤᠢ ᠶᠢᠨ ᠨᠠᠷᠢᠬᠠᠨ ᠵᠥᠷᠢᠭ ᠢᠶᠠᠷ ᠠᠯᠬᠤᠨ ᠣᠷᠣᠲᠠᠯᠠ ᠨᠢᠭᠡᠨ ᠴᠠᠭᠠᠨ ᠲᠠᠤᠯᠠᠢ | ᠰᠣᠴᠢᠮᠠᠭ ᠪᠣᠰᠴᠤ᠂ ᠴᠠᠭᠠᠰᠢ ᠲᠠᠯᠲᠠᠷᠢᠪᠠ᠃ ᠤᠢ ᠶᠢ ᠤᠶᠢᠳᠬᠠᠷ ᠤᠨ ᠮᠠᠨᠠᠨ ᠪᠦᠷᠬᠦᠵᠦ ᠴᠢᠳᠠᠬᠤ ᠦᠭᠡᠢ᠃ ᠲᠡᠨᠳᠡ | ᠨᠠᠷᠠ ᠬᠤᠷᠭᠤᠳᠠᠵᠤ ᠰᠠᠷᠠ ᠬᠤᠨᠣᠳᠠᠭ ᠠᠴᠠ ᠭᠡᠷᠡᠯ ᠭᠡᠭᠡ ᠳᠤᠲᠠᠬᠤ ᠦᠭᠡᠢ᠃ ᠨᠠᠷᠠᠨ ᠰᠠᠷᠠᠨ ᠤ ᠭᠡᠷᠡᠯ ᠢᠶᠠᠷ | ᠪᠡᠶᠡ ᠪᠠᠨ ᠴᠡᠨᠡᠭᠯᠡᠭᠰᠡᠨ ᠤᠢ ᠮᠣᠳᠣᠳ ᠥᠨᠢ ᠣᠮᠤᠭ ᠰᠦᠷ ᠲᠠᠢ ᠰᠡᠬᠦᠶᠢᠨᠡ᠃ ᠭᠡᠬᠦ ᠳᠡᠭᠡᠨ ᠠᠮᠢᠳᠠᠨ ᠵᠢᠷᠭᠤᠭᠠᠨ | ᠵᠦᠢᠯ ᠤᠢ ᠮᠣᠳᠣᠨ ᠳᠤ ᠰᠡᠳᠬᠢᠯᠭᠡ ᠲᠠᠢ ᠪᠠᠶᠢᠵᠤ᠂ ᠰᠠᠯᠤᠰᠢ ᠦᠭᠡᠢ ᠡᠭᠡᠨᠡᠭᠰᠢᠨ ᠬᠤᠷᠭᠤᠳᠠᠳᠠᠭ ᠨᠢ ᠲᠡᠷᠡ ᠠ᠋︕ | ᠤᠷᠳᠤ ᠴᠠᠭᠠᠨ ᠰᠠᠬᠠᠯ ᠨᠢ ᠡᠩᠭᠡᠷ ᠲᠤᠨᠢ ᠬᠥᠪᠦᠭᠰᠡᠨ ᠡᠪᠦᠭᠡᠨ ᠰᠢᠭ ᠪᠤᠭᠤᠷᠤᠯ ᠱᠠᠩᠰᠢ ᠶᠢᠨ ᠰᠠᠯᠠᠭᠠ | ᠨᠠᠮᠠᠭᠠ ᠭᠠᠵᠠᠷ ᠤᠨ ᠬᠥᠷᠥᠰᠥ ᠶᠢ ᠰᠢᠭᠦᠷᠴᠦ ᠰᠡᠬᠦᠶᠢᠨ ᠰᠦᠨᠳᠡᠷᠯᠡᠭᠡᠳ ᠶᠣᠰᠣᠲᠠᠢ ᠰᠦᠵᠢᠭ ᠤᠨ ᠰᠠᠬᠢᠭᠤᠰᠤ ᠭᠡᠮᠡᠷ᠃ | ᠡᠨᠡ ᠵᠢᠯ ᠤᠨ ᠬᠠᠪᠤᠷ ᠤᠨ ᠡᠬᠢ ᠪᠠᠷ ᠨᠤᠲᠤᠭ ᠮᠢᠨᠢ ᠭᠠᠩᠳᠠᠬᠤ ᠪᠠᠷ ᠠᠶᠢᠯ ᠤᠨ ᠡᠪᠦᠭᠡᠳ ᠭᠠᠭ᠋ᠠᠢ᠂ ᠲᠠᠭᠢᠶᠠ | ᠨᠢᠲᠤᠯᠵᠤ ᠰᠢᠳᠦᠨ ᠳᠠᠬᠢᠭᠰᠠᠨ ᠠᠴᠠ ᠡᠳᠦᠷ ᠥᠨᠵᠢᠯ ᠦᠭᠡᠢ ᠪᠣᠷᠣᠭᠠᠨ ᠴᠢᠳᠬᠤᠯᠠᠭᠰᠠᠨ ᠭᠡᠳᠡᠭ᠃ ᠮᠣᠳᠣ | ᠲᠡᠭᠷᠢ ᠲᠠᠢ ᠦᠭᠡ ᠨᠡᠪᠲᠡᠷᠡᠳᠡᠭ ᠠᠴᠠ ᠶᠤᠮ ᠤᠤ︖ᠡᠰᠡᠬᠦᠯᠡ ᠬᠤᠷᠠ ᠪᠣᠷᠣᠭᠠᠨ ᠢ ᠳᠠᠭᠤᠳᠠᠨ ᠠᠪᠴᠢᠷᠠᠳᠠᠭ | ᠨᠢᠭᠤᠴᠠ ᠤᠪᠠᠳᠢᠰ ᠲᠠᠢ ᠴᠦ ᠶᠤᠮ ᠤᠤ︖ᠬᠥᠮᠥᠨ ᠪᠠᠶᠢᠭᠠᠯᠢ ᠡᠶᠡ ᠨᠠᠶᠢᠷᠰᠠᠭ ᠢᠶᠠᠷ ᠬᠠᠮᠲᠤ ᠣᠷᠣᠰᠢᠬᠤ ᠶᠢᠨ | ᠠᠨᠢᠰᠤ ᠲᠡᠷᠡ ᠪᠣᠯᠪᠠᠤ᠃ | ︽ᠤᠢ ᠮᠣᠳᠣ ᠭᠡᠵᠦ ᠦᠨᠡᠬᠡᠷ ᠨᠢᠭᠤᠴᠠ ᠶᠢᠨ ᠳᠣᠲᠣᠷᠠᠬᠢ ᠨᠢᠭᠤᠴᠠ︾ ᠭᠡᠵᠦ ᠠᠮᠠᠨ ᠳᠠᠭᠠᠨ ᠳᠦᠳᠦᠨᠡᠬᠦ ᠶᠢᠨ | ᠵᠠᠭᠤᠷᠠ ᠠᠷᠤ ᠰᠢᠯᠢ ᠶᠢᠨ ᠤᠢ ᠶᠢᠨ ᠵᠥᠷᠢᠭ ᠢᠶᠠᠷ ᠠᠯᠬᠤᠵᠤ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠠᠮᠤᠷ ᠠᠮᠤᠭᠤᠯᠠᠩ ᠤᠨ | ᠣᠨᠢᠰᠤᠭᠠ ᠰᠢᠭ᠋ ᠣᠷᠴᠢᠯᠠᠩ ᠢᠶᠠᠷ ᠠᠶᠠᠯᠠᠵᠤ ᠪᠠᠶᠢᠭᠠ ᠭᠡᠮᠡᠷ ᠰᠠᠨᠠᠭᠳᠠᠯᠠ᠃ |