| ᠬᠠᠪᠤᠷ ᠤᠨ ᠰᠠᠯᠬᠢᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠠᠴᠠ ᠬᠤᠶᠢᠰᠠᠭᠠᠨᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠦᠳᠡ ᠥᠩᠭᠡᠷᠡᠭᠡᠳ | ᠤᠯᠠᠮ ᠰᠢᠷᠦᠭᠦᠰᠴᠦ ᠡᠬᠢᠯᠡᠪᠡ᠃ ᠲᠠᠷᠪᠠᠭᠠᠨ ᠲᠡᠭᠡᠭ ᠤᠨ ᠡᠩᠭᠡᠷ ᠲᠤ ᠪᠠᠶᠢᠷᠢᠯᠠᠭᠰᠠᠨ ᠬᠤᠸᠠᠷ ᠨᠠᠰᠤᠲᠠᠨ ᠤ | ᠨᠡᠭᠦᠷᠡᠰᠦᠨ ᠭᠡᠷ ᠤᠨ ᠬᠢᠨᠢ ᠬᠠᠵᠠᠭᠤ ᠳᠤ ᠲᠠᠯᠪᠢᠭᠰᠠᠨ ᠠᠷᠤᠭ ᠬᠠᠪᠰᠠᠷᠭᠠ ᠰᠠᠯᠬᠢᠨ ᠳᠤ ᠪᠣᠮᠪᠣᠭ ᠳᠣᠮᠪᠤᠭ ᠭᠡᠭᠰᠡᠭᠡᠷ | ᠪᠠᠶᠢᠭᠠᠳ ᠪᠥᠮᠪᠥᠷᠢᠭᠡᠳ ᠶᠠᠪᠤᠬᠤ ᠨᠢ ᠲᠡᠷᠡ᠃ | ᠭᠡᠷ ᠤᠨ ᠬᠢᠨᠢ ᠪᠠᠷᠠᠭᠤᠨ ᠡᠮᠦᠨᠡ ᠡᠪ ᠳᠦᠢ ᠶᠢ ᠨᠢ ᠲᠣᠬᠢᠷᠠᠭᠤᠯᠵᠤ ᠪᠠᠷᠢᠭᠰᠠᠨ ᠮᠠᠯ ᠤᠨ ᠬᠤᠷᠤᠭᠠ | ᠬᠠᠷᠠᠭᠳᠠᠨᠠ᠃ ᠲᠡᠷᠡ ᠵᠢᠯ ᠤᠨ ᠬᠠᠷᠠ ᠬᠤᠵᠢᠷ ᠰᠠᠷᠠ᠂ ᠪᠠᠭᠠ ᠰᠠᠭᠠ ᠭᠠᠷ ᠦᠵᠦᠭᠦᠷ ᠲᠤ ᠵᠠᠷᠤᠳᠠᠭ ᠡᠳ᠋ ᠢᠶᠠᠨ | ᠠᠷᠤᠭ ᠲᠠᠭᠠᠨ ᠰᠠᠪᠠᠯᠠᠵᠤ ᠢᠨᠵᠢ ᠶᠢᠨ ᠦᠬᠡᠷ ᠳᠡᠭᠡᠷᠡ ᠪᠠᠨ ᠠᠴᠢᠭᠠᠳ ᠡᠨᠡ ᠠᠶᠢᠯ ᠤᠨ ᠡᠭᠦᠳᠡ ᠶᠢ ᠠᠯᠬᠤᠭᠰᠠᠨ | ᠠᠴᠠ ᠬᠤᠸᠠᠷ ᠨᠠᠰᠤᠲᠠᠨ ᠭᠠᠯ ᠵᠠᠯᠠᠭᠤ ᠭᠠᠯᠪᠢᠷᠬᠠᠨ ᠪᠡᠶᠡ ᠪᠠᠨ ᠠᠳᠡ ᠡᠯᠡᠭᠡᠭᠡᠳ ᠥᠨᠥ ᠬᠦᠷᠴᠡᠢ᠃ ᠬᠡᠳᠦᠢ ᠲᠥᠯ | ᠳᠤᠰᠴᠤ ᠬᠡᠳᠦᠢ ᠶᠢ ᠤᠨᠳᠤᠷᠤᠭᠤᠯᠤᠭᠰᠠᠨ᠂ ᠬᠡᠴᠢᠨᠡᠨ ᠤᠳᠠᠭᠠ ᠬᠠᠰᠢᠶᠠ ᠬᠦᠷᠢᠶᠡ ᠪᠠᠨ ᠰᠡᠯᠪᠢᠵᠦ ᠵᠠᠰᠠᠭᠰᠠᠨ᠂ | ᠬᠡᠳᠦᠢ ᠤᠯᠠᠨ ᠠᠷᠭᠠᠯ ᠬᠤᠷᠭᠤᠯ ᠰᠢᠷᠪᠢᠵᠦ ︵ᠱᠦᠭᠦᠷᠳᠡᠵᠦ︶ ᠡᠨᠡ ᠠᠶᠢᠯ ᠤᠨ ᠲᠣᠭᠤᠨᠣ ᠠᠴᠠ ᠤᠳᠤᠭᠠ | ᠪᠤᠷᠭᠢᠭᠤᠯᠤᠬᠰᠠᠨ ᠢ ᠴᠠᠶᠢᠭᠰᠠᠨ ᠭᠡᠵᠢᠭᠡ ᠶᠢᠨ ᠬᠢᠨᠢ ᠰᠢᠷᠬᠡᠭ ᠤᠨ ᠲᠤᠭᠠ᠂ ᠴᠢᠷᠠᠢ ᠳᠦᠭᠦᠷᠡᠩ ᠦᠷᠴᠢᠯᠡᠭᠡᠰᠦ᠂ | ᠴᠠᠭ ᠤᠨ ᠰᠠᠯᠬᠢ ᠶᠢ ᠳᠠᠭᠠᠭᠠᠵᠤ ᠶᠠᠳᠠᠮᠠ ᠪᠣᠯᠤᠭᠰᠠᠨ ᠪᠥᠭᠲᠥᠷ ᠨᠢᠷᠤᠭᠤ ᠨᠢ ᠯᠠ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠬᠠ ᠳ᠋ᠠ᠃ | ᠡᠨᠡ ᠡᠳᠦᠷ ᠮᠥᠨ ᠴᠤ ᠲᠡᠨᠳᠡ ᠪᠠᠨ ᠬᠡᠳᠦᠨ ᠮᠠᠭᠤ ᠲᠥᠯ ᠤᠨ ᠳᠠᠭᠤᠨ ᠳᠤ ᠰᠡᠳᠬᠢᠯ ᠢᠶᠠᠨ ᠪᠠᠶᠠᠰᠬᠠᠵᠤ᠂ ᠡᠪᠡᠰᠦ | ᠪᠣᠷᠳᠤᠭᠠ ᠲᠡᠵᠢᠭᠡᠵᠦ ᠪᠠᠶᠢᠭᠰᠠᠨ ᠨᠠᠰᠤᠲᠠᠨ ᠠᠷᠤᠭ ᠴᠠᠭᠠᠰᠢ ᠪᠥᠮᠪᠥᠷᠢᠬᠦ ᠶᠢ ᠣᠯᠵᠤ ᠬᠠᠷᠠᠭᠠᠳ ᠮᠠᠶᠢᠵᠢᠭ ᠬᠤᠶᠠᠷ | ᠬᠥᠯ ᠢᠶᠠᠨ ᠲᠦᠷᠭᠡᠨ ᠲᠦᠷᠭᠡᠨ ᠰᠣᠯᠪᠢᠴᠠᠭᠤᠯᠤᠨ ᠠᠮᠠᠳᠠᠵᠤ ᠭᠦᠶᠦᠭᠰᠡᠨ ᠴᠸ ᠣᠨ ᠵᠢᠯ ᠢ ᠬᠡᠴᠢᠨᠡᠨ ᠴᠸ | ᠬᠡᠶᠢᠰᠬᠡᠴᠢᠬᠡᠭᠰᠡᠨ ᠰᠠᠯᠬᠢᠨ ᠨᠠᠰᠤᠲᠠᠨ ᠢ ᠥᠷᠥᠪᠲᠥᠭᠡ ᠦᠭᠡᠢ᠃ ᠶᠠᠭᠠᠬᠢᠵᠤ ᠴᠸ ᠠᠮᠵᠢᠭᠠ ᠦᠭᠡᠢ ᠬᠠᠵᠠᠭᠤ ᠪᠠᠷ ᠨᠢ | ᠱᠥᠷᠭᠦᠮᠡ ᠲᠣᠭᠠᠨ ᠤ ᠠᠯᠳᠠᠭᠠᠳ ᠭᠠᠷᠭᠠᠴᠢᠬᠠᠯᠠ᠃ | ᠠᠷᠪᠠᠨ ᠨᠠᠢᠮᠠ ᠲᠠᠢ ᠲᠡᠷᠡ ᠵᠢᠯ ᠤᠨ ᠬᠠᠪᠤᠷ ᠠᠷᠤᠭ ᠢᠶᠠᠨ ᠡᠭᠦᠷᠴᠦ ᠠᠷᠭᠠᠯ ᠳᠤ ᠶᠠᠪᠤᠭᠰᠠᠨ ᠢᠶᠠᠨ ᠪᠤᠲᠣᠵᠦ | ᠠᠮᠵᠢᠪᠠ᠃ ᠪᠡᠯᠴᠢᠭᠡᠷ ᠤᠨ ᠵᠠᠬᠠ ᠬᠦᠷᠬᠦ ᠳᠤ ᠬᠤᠶᠠᠷ ᠬᠤᠴᠠ ᠮᠥᠷᠭᠦᠯᠳᠦᠭᠡᠳ ᠰᠠᠯᠤᠯᠴᠠᠬᠤ ᠦᠭᠡᠢ ᠪᠠᠶᠢᠬᠤ ᠪᠠᠷ | ᠨᠢ ᠠᠷᠤᠭ ᠢᠶᠠᠨ ᠬᠤᠷᠤᠶᠢᠯᠳᠤᠨ ᠪᠠᠶᠢᠵᠤ ᠰᠠᠯᠭᠠᠬᠤ ᠭᠡᠵᠦ ᠪᠠᠶᠢᠲᠠᠯᠠ ᠣᠭᠤᠰᠣᠷ ᠨᠢ ᠮᠤᠯᠲᠤᠷᠠᠵᠤ ᠰᠠᠯᠬᠢᠨ ᠳᠤ | ᠬᠡᠶᠢᠰᠴᠢᠬᠡᠪᠡ᠃ ᠲᠡᠷᠡ ᠡᠳᠦᠷ ᠤᠨ ᠰᠠᠯᠬᠢᠨ ᠰᠦᠷᠡᠬᠡᠢ ᠶᠡᠭᠡ ᠪᠠᠶᠢᠭᠰᠠᠨ᠃ ᠠᠷᠤᠭ ᠤᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠨᠢ | ᠬᠥᠭᠡᠭᠡᠬᠦ ᠳᠤᠲᠤᠮ ᠬᠤᠶᠠᠭᠤᠯᠠ ᠶᠢᠨ ᠵᠠᠢ ᠬᠤᠯᠠᠳᠠᠭᠰᠠᠭᠠᠷ ᠪᠠᠶᠢᠯᠠ᠃ ᠵᠠᠯᠠᠭᠤ ᠶᠢᠨ ᠣᠮᠤᠭ ᠢᠶᠠᠷ ᠠᠮᠠᠨ ᠠᠴᠠ ᠪᠠᠨ | ᠴᠢᠰᠤ ᠠᠮᠲᠠᠭᠳᠠᠲᠠᠯᠠ ᠬᠥᠭᠡᠭᠡᠭᠰᠡᠨ ᠴᠸ ᠭᠦᠢᠴᠡᠭᠡ ᠦᠭᠡᠢ ᠨᠢᠳᠦ ᠬᠠᠷᠠᠩᠭᠤᠶᠢᠯᠠᠨ ᠬᠥᠯ ᠱᠠᠷᠬᠢᠷᠠᠵᠤ ᠤᠨᠲᠠᠷᠠᠨ | ᠡᠪᠦᠳᠦᠭᠯᠡᠵᠦ ᠤᠨᠠᠪᠠ᠃ ᠭᠡᠨᠡᠳᠲᠡ ᠬᠠᠵᠠᠭᠤ ᠳᠤᠨᠢ ᠮᠣᠷᠢ ᠲᠤᠷᠭᠢᠬᠤ ᠳᠤ ᠳᠠᠪ ᠬᠢᠨ ᠪᠣᠰᠪᠠᠯ᠄ | - ᠬᠠᠪᠤᠷ ᠴᠠᠭ ᠤᠨ ᠬᠤᠴᠠ ᠮᠥᠷᠭᠦᠯᠳᠦᠭᠡᠳ ᠬᠠᠮᠢᠭᠠ ᠬᠦᠷᠬᠦᠪ᠂ ᠬᠠᠷᠢᠨ ᠬᠠᠪᠤᠷ ᠤᠨ ᠰᠠᠯᠬᠢᠨ ᠲᠠᠢ | ᠮᠥᠷᠥᠶᠢᠴᠡᠭᠰᠡᠨ ᠢ ᠴᠢᠨᠢ ᠪᠣᠯ ᠲᠣᠭᠤᠯᠠ ᠭᠡᠵᠦ ᠰᠢᠷᠭᠠ ᠮᠣᠷᠢ ᠣᠨᠣᠭᠰᠠᠨ ᠵᠠᠯᠠᠭᠤ ᠠᠷᠤᠭ ᠢ ᠨᠢ ᠪᠠᠷᠢᠴᠢᠬᠠᠭᠰᠠᠨ | ᠵᠣᠭᠰᠣᠨᠠ᠃ | - ᠠᠳᠤᠭᠤ ᠪᠠᠨ ᠠᠯᠳᠠᠭᠠᠳ ᠠᠷᠤᠭ ᠪᠠᠷᠢᠳᠠᠭ ᠠᠳᠤᠭᠤᠴᠢᠨ ᠢ ᠠᠩᠬᠠ ᠦᠵᠡᠯᠡ ᠭᠡᠵᠦ ᠬᠡᠯᠡᠭᠡᠳ ᠢᠴᠢᠭᠰᠡᠨ | ᠪᠤᠯᠪᠠᠴᠤ ᠲᠣᠯᠣᠭᠠᠳ ᠢᠷᠡᠬᠦᠯᠡᠷ ᠨᠣᠬᠠᠢ ᠤᠰᠤᠴᠢ ᠪᠤᠯᠳᠠᠭ ᠭᠡᠨᠡ ᠯᠠᠢ ᠭᠡᠵᠦ ᠥᠪᠡᠷ ᠢ ᠪᠠᠨ ᠥᠮᠥᠭᠯᠡᠪᠡ᠃ | - ᠬᠠᠪᠤᠷ ᠴᠠᠭ ᠤᠨ ᠠᠯᠳᠠᠭᠰᠠᠨ ᠠᠳᠤᠭᠤᠨ ᠳᠤ ᠬᠠᠮᠢᠭᠠ ᠭᠦᠷᠦᠭᠰᠡᠨ ᠴᠸ ᠡᠵᠡᠨ ᠭᠠᠷᠬᠤ ᠦᠭᠡᠢ ᠪᠠᠶᠢᠬᠤ | ᠳ᠋ᠠ᠂ ᠬᠠᠷᠢᠨ ᠪᠡᠯᠴᠢᠭᠡᠷ ᠠᠴᠠ ᠭᠠᠷᠤᠭᠰᠠᠨ ᠠᠷᠤᠭ ᠲᠤ ᠡᠵᠡᠨ ᠪᠠᠶᠢᠳᠠᠭ ᠪᠣᠯᠪᠠᠤ ᠭᠡᠵᠦ ᠬᠠᠶᠢᠵᠤ ᠶᠠᠪᠤᠵᠤ ᠪᠠᠶᠢᠨᠠ᠃ | - ᠦᠨᠳᠦᠰᠦ ᠪᠠᠷ ᠭᠦᠷᠦᠭᠰᠡᠨ ᠢ ᠦᠵᠡᠪᠡᠯ ᠬᠠᠷᠭᠠᠨᠠ ᠡᠵᠡᠨ ᠨᠢ ᠪᠠᠶᠢᠯᠭᠦᠢ᠂ ᠰᠤᠷ ᠢᠶᠠᠷ ᠪᠣᠭᠤᠭᠰᠠᠨ ᠢ | ᠦᠵᠡᠪᠡᠯ ᠦᠬᠡᠷᠴᠢᠨ ᠡᠵᠡᠨ ᠨᠢ ᠪᠠᠶᠢᠯᠭᠦᠢ ᠭᠡᠵᠦ ᠭᠡᠵᠢᠭᠡ ᠲᠠᠢ ᠪᠠᠨ ᠣᠷᠣᠯᠳᠣᠨ ᠠᠮᠢᠰᠬᠤᠭᠠ ᠪᠠᠨ ᠬᠢᠴᠢᠶᠡᠨᠡ᠃ | - ᠵᠠ᠂ ᠡᠭᠡᠷᠡᠮᠡ ᠲᠠᠯᠠ ᠳᠤ ᠬᠠᠷᠭᠠᠨᠠ ᠴᠸ ᠪᠣᠯ ᠲᠠᠨᠤᠭ ᠦᠭᠡᠢ ᠤᠯᠠᠨ ᠪᠠᠶᠢᠬᠤ᠂ ᠨᠢᠭᠡ ᠠᠮᠠ ᠭᠠᠷᠭᠠᠴᠢᠬᠠᠪᠠᠯ | ᠪᠤᠯᠢᠶᠠᠯᠳᠤᠳᠠᠭ ᠨᠢ ᠤᠯᠠᠨ ᠪᠠᠶᠢᠬᠤ᠂ ᠲᠡᠭᠡᠭᠦ ᠶᠢᠨ ᠣᠷᠣᠨ ᠳᠤ ᠠᠷᠤ ᠶᠢᠨ ᠳᠡᠪᠰᠡ ᠳᠤ ᠪᠠᠶᠢᠭᠠ ᠳ᠋ᠠᠮᠪᠠ ᠶᠢᠨ | ᠬᠡᠦᠬᠡᠨ ᠠᠴᠠ ᠣᠴᠢᠵᠤ ᠰᠤᠷᠠᠭᠯᠠᠶᠠ ᠭᠡᠳ ᠮᠣᠷᠢᠨ ᠤ ᠪᠠᠨ ᠴᠤᠯᠪᠤᠭᠤᠷ ᠢ ᠳᠤᠭᠲᠤᠴᠢᠨ ᠶᠠᠪᠤᠬᠤ ᠭᠡᠬᠦ ᠳᠤ᠄ | - ᠬᠡᠨ ᠠᠴᠠ ᠰᠤᠷᠠᠭᠯᠠᠬᠤ ᠪᠠᠨ ᠥᠪᠡᠷ ᠲᠡᠭᠡᠨ ᠮᠡᠳᠡ᠂ ᠮᠢᠨᠤ ᠠᠷᠤᠭ ᠢ ᠪᠤᠴᠠᠭᠠᠵᠤ ᠥᠭ︕ ᠭᠡᠵᠦ | ᠪᠦᠰᠡᠭᠦᠢ ᠬᠥᠮᠥᠨ ᠤ ᠠᠲᠠᠭᠠ ᠰᠡᠳᠬᠢᠯ ᠭᠠᠯ ᠳᠤ ᠤᠨᠠᠬᠤ ᠲᠣᠷᠭᠠ ᠰᠢᠭ᠋ ᠬᠤᠷᠪᠠᠰ ᠭᠡᠵᠦ ᠠᠷᠤᠭ ᠢᠶᠠᠨ | ᠰᠤᠬᠰᠤᠴᠢᠬᠤ ᠳᠤ ᠬᠦᠳᠡᠷ ᠡᠷᠡ ᠶᠢᠨ ᠭᠠᠷ ᠲᠤ ᠥᠭᠲᠡᠵᠦ ᠮᠣᠷᠢᠨ ᠳᠡᠭᠡᠷᠡ ᠨᠢ ᠰᠤᠨᠳᠠᠯᠠᠬᠳᠠᠨ ᠭᠠᠷᠴᠤ ᠪᠢᠯᠡ ᠁ | | ᠬᠤᠸᠠᠷ ᠨᠠᠰᠤᠲᠠᠨ ᠨᠠᠰᠤᠨ ᠤ ᠬᠠᠨᠢ ᠲᠠᠢ ᠪᠠᠨ ᠰᠠᠯᠬᠢᠨ ᠳᠤ ᠬᠡᠶᠢᠰᠦᠭᠰᠡᠨ ᠠᠷᠤᠭ ᠢᠶᠠᠨ ᠬᠥᠭᠡᠭᠡᠵᠦ ᠪᠠᠶᠢᠭᠠᠳ | ᠠᠩᠬᠠ ᠤᠴᠠᠷᠠᠭᠰᠠᠨ ᠶᠠᠪᠤᠳᠠᠯ ᠢᠶᠠᠨ ᠬᠡᠰᠡᠭ ᠡᠷᠭᠢᠴᠡᠭᠦᠯᠦᠭᠰᠡᠨ ᠢᠶᠠᠨ ᠰᠠᠯᠬᠢᠨ ᠤ ᠡᠷᠬᠡᠨ ᠳᠤ ᠪᠥᠮᠪᠥᠷᠢᠨ ᠬᠡᠶᠢᠰᠴᠦ | ᠪᠠᠶᠢᠭᠠ ᠠᠷᠤᠭ ᠢᠶᠠᠨ ᠬᠠᠷᠠᠨ ᠬᠠᠷᠠᠮᠰᠠᠵᠤ᠂ | - ᠢᠱᠢ᠂ ᠡᠪᠦᠭᠡ ᠶᠢᠨ ᠮᠢᠨᠢ ᠭᠦᠷᠦᠭᠰᠡᠨ ᠶᠠᠭᠤᠮᠠ ᠳ᠋ᠠ ᠭᠡᠵᠦ ᠤᠷᠤᠭᠰᠢ ᠬᠤᠶᠠᠷ ᠠᠯᠬᠤᠨ ᠬᠥᠭᠡᠭᠡᠭᠰᠡᠨ | ᠪᠤᠯᠪᠠᠴᠤ ᠰᠠᠯᠬᠢᠨ ᠤ ᠴᠠᠭᠠᠨᠠ ᠭᠠᠷᠴᠤ ᠳᠡᠶᠢᠯᠳᠡᠭ ᠦᠭᠡᠢ ᠳᠡᠭᠡᠨ ᠰᠠᠨᠠᠭᠠ ᠠᠯᠳᠠᠵᠤ᠂ ᠬᠥᠯ ᠲᠠᠢ ᠪᠠᠶᠢᠭᠰᠠᠨ ᠴᠸ | ᠬᠥᠯ ᠦᠭᠡᠢ ᠰᠠᠯᠬᠢᠨ ᠳᠤ ᠵᠠᠯᠠᠭᠤ ᠨᠠᠰᠤ ᠪᠠᠨ ᠬᠡᠶᠢᠰᠬᠡᠴᠢᠬᠡᠭᠰᠡᠨ ᠶᠤᠮ ᠰᠢᠭ᠋ ᠬᠠᠷᠠᠵᠤ ᠵᠣᠭᠰᠣᠯᠠ᠃ | ᠴᠠᠭᠠᠨᠠ ᠨᠢ ᠴᠢᠨᠦ ᠮᠢᠨᠤ ᠪᠡᠯᠴᠢᠭᠡᠷ ᠭᠡᠵᠦ ᠲᠠᠲᠠᠭᠰᠠᠨ ᠲᠡᠮᠦᠷ ᠲᠣᠣᠷ ᠤᠲᠠᠰᠤ ᠶᠢ ᠬᠠᠷᠠᠭᠠᠳ᠂ | - ᠠᠢ ᠳ᠋ᠠ᠂ ᠬᠥᠭᠰᠢᠨ ᠨᠠᠳᠠ ᠶᠢ ᠢᠯᠡᠭᠦᠦ ᠬᠤᠶᠠᠷ ᠠᠯᠬᠤᠭᠤᠯᠤᠨᠠ ᠭᠡᠰᠡᠨ ᠪᠠᠶᠢᠯᠭᠦᠢ ᠭᠡᠭᠰᠡᠭᠡᠷ ᠶᠠᠭᠠᠷᠠᠮ | ᠦᠭᠡᠢ ᠠᠯᠬᠤᠭᠰᠠᠨ ᠴᠸ ᠰᠠᠯᠬᠢᠨ ᠳᠡᠪᠡᠯ ᠤᠨ ᠬᠢᠨᠢ ᠬᠤᠷᠮᠣᠢ ᠠᠴᠠ ᠴᠢᠩᠭᠠᠭᠠᠵᠤ ᠠᠷᠤ ᠠᠴᠠ ᠨᠢ ᠲᠦᠯᠬᠢᠵᠦ | ᠪᠠᠶᠢᠭᠠ ᠰᠢᠭ᠋ ᠥᠨᠳᠡᠯᠵᠡᠭᠦᠯᠦᠨ ᠠᠷᠠᠢ ᠭᠡᠵᠦ ᠠᠷᠤᠭ ᠲᠠᠢ ᠪᠠᠨ ᠠᠳᠠᠯᠢ ᠪᠥᠮᠪᠥᠷᠢᠴᠢᠬᠡᠭᠰᠡᠨ ᠦᠭᠡᠢ᠃ | ᠰᠠᠨᠠᠭᠠ ᠪᠠᠷ ᠪᠤᠯᠳᠠᠭ ᠦᠭᠡᠢ ᠬᠤᠷᠸᠠ ᠭᠡᠵᠦ ᠶᠠᠭᠤ ᠭᠡᠯᠡᠯᠲᠡᠢ ᠪᠤᠢ᠂ ᠠᠷᠤᠭ ᠨᠢ ᠰᠠᠯᠬᠢᠨ ᠳᠤ ᠪᠥᠮᠪᠥᠷᠢᠬᠦ | ᠲᠤᠰᠤᠮ ᠢᠶᠠᠨ ᠬᠤᠷᠳᠤᠨ ᠪᠣᠯᠵᠤ᠂ ᠭᠠᠵᠠᠷ ᠲᠤ ᠲᠤᠯᠬᠤ ᠲᠠᠢ ᠲᠤᠯᠬᠤ ᠦᠭᠡᠢ ᠲᠠᠢ ᠳᠡᠭᠳᠡᠨ ᠬᠡᠶᠢᠰᠴᠦ᠂ ᠶᠠᠭ | ᠰᠠᠶᠢᠬᠠᠨ ᠲᠣᠣᠷ ᠤᠲᠠᠰᠤᠨ ᠤ ᠳᠡᠭᠡᠭᠦᠷ ᠳᠡᠯᠡᠳᠦᠭᠳᠡᠨ ᠭᠠᠷᠴᠢᠬᠠᠪᠠ᠃ | ᠠᠷᠭᠠᠯ ᠢᠶᠠᠨ ᠪᠠᠷᠠᠭᠰᠠᠨ ᠬᠤᠶᠢᠨᠠ ᠠᠷᠤᠭ ᠢᠶᠠᠷ ᠴᠸ ᠶᠠᠭᠠᠬᠢᠬᠤᠪ᠂ ᠡᠭᠦᠷᠭᠡ ᠪᠠᠨ ᠪᠡᠶᠡᠯᠡᠭᠦᠯᠴᠢᠬᠡᠭᠰᠡᠨ ᠶᠤᠮ | ᠴᠢᠨᠢ ᠶᠠᠪᠤᠬᠤ ᠯᠠ ᠪᠠᠶᠢᠯᠭᠦᠢ᠂ ᠠᠯᠢᠨ ᠳᠤᠨᠢ ᠬᠠᠷᠠᠮᠰᠠᠵᠤ ᠰᠠᠭᠤᠬᠤ ᠪᠤᠢ ᠭᠡᠵᠦ ᠪᠤᠴᠠᠵᠤ ᠡᠷᠭᠢᠨ ᠬᠠᠷᠠᠪᠠᠯ᠂ ᠠᠪᠤ ᠶᠢᠨ | ᠬᠢᠨᠢ ᠳᠠᠷᠢᠭᠰᠠᠨ ᠬᠡᠳᠦᠨ ᠮᠥᠷ ᠪᠤᠷᠭᠠᠰᠤᠨ ᠳᠤ ᠣᠴᠢᠭᠠᠳ ᠲᠣᠭᠲᠠᠴᠢᠬᠠᠯᠠ᠃ | ᠬᠠᠪᠤᠷ ᠤᠨ ᠰᠠᠯᠬᠢ ᠲᠠᠢ ᠰᠠᠭᠠᠷᠠᠯ ᠡᠳᠦᠷ ᠪᠠᠶᠢᠭᠰᠠᠨ ᠴᠸ ᠬᠠᠩᠭᠠᠢ ᠳᠡᠯᠡᠬᠡᠢ ᠬᠠ ᠶᠠ ᠦᠭᠡᠢ ᠨᠣᠭᠤᠭᠠᠨ | ᠥᠩᠭᠡ ᠲᠠᠲᠠᠴᠢᠬᠠᠭᠰᠠᠨ ᠪᠠᠶᠢᠯᠠ᠃ | | |